مقهوره و تعبانه نفسيا .. و كاتمه عن ريلي

[تراني مجنونته]

قوه بنات شلونكم



بنات انا حدي متضايقه وو تعبانه نفسيا

و مالي احد غيركم اشكيله


بنات انا متزوجه صارلي 6 شهوور

و ريلي احسه متضايق بس كتوم من النوع ما
يشكي ولا يتكلم و احسه بارده اعصابه



المشكله يا بنات ان تحاليلي سليمه
و تحاليل ريلي سليمه


و سويت تحليل تبريض و طلعت نسبة
التبويض عندي 1,88

والمعدل الطبيعي بين 1,9 الى 4.2



يعني تبويضي طبيعي ولا احتاج كلوميد ؟



بنات اللي قاهرني ان رفيجاتي متزوجين عقبي

و حوامل


و انا حدي مقهوره و بجي


لان احس ان مافيني شي و ما حملت


و لما احد يسالني حملتي ؟

اقول لا

يقولون الله يرزقج ---->> غصب يحسسوني
اني ناقصه عن البنات


انا مقهوره و مادري شسوي ؟؟؟


تنصحوني اطق ابره تفجيريه ؟؟؟


ذبحتني النفسيه و كلام الناس



تعباااانه ساعدوني


قولولي شسوي


يا كثر ما دعيت

 

[سيدة الذوق]

تو الناس حبيبتي .. المعدل الطبيعي سنه ونص بعدين تسوين تحاليل وجذي

لاتفكرين وخلج طبيعية

 

[بدوية بملامح كشميرية 86]

من صجج ناس لها سنين

انتي كله ٦ شهور

وهذا بيد. ربج ولاتقولين هالحجي شكثر دعيت حرام

وكلي امرج لربج وهو يرزقج

وخلج من كلام الناس

 

[تراني مجنونته]

مشكوره عالرد

 

[تراني مجنونته]

بدويه شاكرتلج عالرد

 

[زعنوفه]

ما عليج الا العافيه ان شاء الله روحي الطبيب وتابعي معاها حتى لو ما فيج شي يصير تاخذين كلوميد او اي منشط يزيد من فرص الحمل .. قوليله ابي اروح اجيك علي نفسي وتابعي والله يرزقج بالذريه الصالحه ​

 

[تراني مجنونته]

زعنوفه اجمعين حبيبتي

 

[~رحيل~]

وكلي امرج لا ربج .. وبعدين توج متزوجه
استانسي في حياتج .. وانسي السالفه وانشالله تحملين ..
ليش متكدره .. تدرين انا شكنت اقول .. اقول اللي تزوج معاي بشهر وحمل
ماستانس في بداية الزواج ..
.. انتي لا تتكدرين استغلي هالفتره استانسي نقزي روحي الملاهي لعبي على كيفج سافري لا تخلين في نفسج شي ..
لان بعدين اعيالج بحكرونج ههههههه ..
ادعي ربج دايييمن .. والله يرزقج ..
وبعدين ليش تتضايقين من هالكلمه بالعكس تفائلي ان الله بيرزقج من دعوة اي انسان

 

[ابدا يالغالي مانساك]

ربي يرزقج
يعني انتي تشوفي كلمتج يوم تقولي وش كثر دعيت
هذا حال لسانج يقول يارب وش كثر دعيت لك ومارزقتني
استغفر ربج وذكريه وخلي ايمانج بالله قوي انتي ماصارلج 6 شهور
وشنو تقولي للي صارلهم فوق 10 سنوات واللي غيرهم

 

[| تفاصيل |]

حاولي تنسين سالفة الحمل
لان اهم شي النفسيه
في حركات اتسوينها وقت الجماع اتزيد نسبة الحمل + ايام التبويض
احسن لج من الابر والحبوب دام مافيج شي وتوج عروس

وخلي ايمانج بالله كبييييييير

 

[ملح @ شمر @]

سبحان الله
مشكلة اغلب البنات الصبر ماااااااااعندهم صبر
حبيبتي 6 شهور تشوفينها تأخير ؟
وتدعين وتقولين وش كثر دعيت ؟
مستكثرة حتى الدعاء لاااا تعبتي حييييييييييييييل
حبيبتي الكلام هذا حراااااام مايفيدك دعائك وانتي هذا كلامك
لانك تدعين بلسانك وقلبك لااااا مو مقتنع بالدعاء
ويمكن الله
يشوف لك الخيرة في تأخير الحمل مع اني اشوفه مو تاخير ابدا توك عروس
عيشي حياتك
اذا الله اراد بتحملين لاتعبين نفسك بالتفكير
​

 

[سعودية بالكويت]

الله يهداج بس شنو شكثر دعيت مستكثرة على نفسج​

عبادة رب العالمين والتقرب منه أدعي لين تموتين بعد عمر طوييييل​

حتى لو تحملين وتجيبين ذرية بتحتاجين رب العالمين بشيء ثاااني وتدعينه ثاني​

وثالث ورابع ومليوووون بعد مالنا غنى عن رب العالمين سبحانه بنبقى نحتاجه طول حياتنا​

تعوذي من أبليس وأدعي ربج وعندج يقين داخلي تااااام إن ربي بيستجيب لج ويرزقج​

اللهم آميييييين​

 

[تراني مجنونته]

امين يا رب العالمين


مشكورين

 

[الريشة]

لا تحاتين و لا شيء
اشتري تحليل التبويض من صيدلية Boots و سوي التحليل في وقت التبويض بالبيت و إذا تبويضك زين راح يبين لك وقت التبويض متى عشان تسوين جماع ... أما إذا تبويضك ضعيف لا سمح الله ، ما راح يبين لك التبويض!!!
إذا طلع التبويض ضعيف راجعي الطبيب و هو يعطيك العلاج المناسب للحمل

 

[ثنايا الورد]

لاتقلقين وتحاتين قبل الآوان ولاتقارني نفسج باللي حملو قبلج هذي عطايا من الله ومانقدر نقول ليش اهم واحنا لا

كلها ارزاق ومكتوبة واكيد لنا رزق وراح ناخذه لان ربنا كريم ووعدنا بهذا الشي ( ولسوف يعطيك ربك فترضى )

يعني مو عطاء عادي حتى عطاء لدرجة الرضا سبحان الله

المهم انتي الحين خلج من المقارنات وشوفي غيرج اللي يقعدون اسنين وصابرين ومحتسبين

ربج كريم حبيبتي وانشالله سهالات

 

[تراني مجنونته]

ما قصرتوو

بميزان حسناتكم

 

[ra7eel2]

الله يرزقج حبيبتي عاجل انشالله غير آجل يا رب

أنا الحين 8 أشهر ،داشه ب 9 أشهر للحين ما حملت نفسج ،و توه من شوي يتني ( الله كريم)

لو تشوفين موضوع عروس ترى نفس موضوعج ، كنت كاتبته لما صار 6 اشهر و ما حملت ، خلي حملج على رب العالمين ، ترى هوا تو الناس بس احنا مستعيلين ، أنا ترى أول ما تزوجت حسبالي ابي احمل من أول شهر ، فسببلي هالشي صدمة و ضيقه ، و حتى اهلي و الناس حاطين في بالهم هالشي ، عشان جذيه يقولون حجي ماله داعي.

و ترى انا بعد في وحده تزوجت بعدي بشهر، و حملت قبلي ، لان الله سبحانه موزع الارزاق يعطي من يشاء بغير حساب

اقري سورة البقرة ، و استغفري رب العالمين ، و ادعي بكل صلاة بهاذي الآيات (ربي لا تذرني فردا و أنت خير الوارثين ) ( ربي هب لي من الصالحين) ( ربنا هب لنا من أزواجنا و ذريتنا قرة عين و أجعلنا للمتقين إماما)

 

[شنوووفه]

واااي بناات ليش ماتنطروون الصبر مفتاح الفرج ورزقج ماراح ياخذه احد لاتحاتين
حبيبتي اذا انتو مافيكم شي ذكري ربج واسنغفري واايد وانسي الحماال سافري استانسي وصدقيني بتحملين

 

[قموووره]

ربي يرزقج بالذريه الصالحه ويرزقني معاج ويقر عينج يارب​

 

[هيبة ملك]

تو الناس ياقلبي