مقهوره حدي :(

[شوق العين]

السلااام عليكم

بدخل بالموووضوع ع لطوول

سلمكم الله زوجي عنده ايفون واول ما شراه كنت

عادي امسكه فونه بحكم اني اعرفله وعندي ايفون

من قبل المهم قبل فتره حط رقم سرري ولما سألت ليش

قالي بعض الشباب يرسل اشيا مو زينه ع الواتس اب

وانا وربي ماشوفهم وما ابيج تشوفينهم!!

المهم امس شفت الباسوورد واهو ما انتبه

دشيت ع سجله باليوتيوب إلا انصدم فيديوو

عن ستار اكديمي البرازيل ومادري شنوو....!!

يعني بنات بالاندر ويرررر

اكيد احد دازه بس شكووو يشووف

احس نفسي مصدوووومه

خاصه انه شخصيه جديه وحده محترررم!!

حدي مقهوووووووووووره منه

مادري اناقشه ولا اطووووف

او اروح بيت اهلي اريح جم يوووم

بصراحه مالي نفس اطالعه!!!!!

 

[Cute mama]

لالاتروحين بيت اهلج على هالسالفه
اهي صج شغله تحر وتقهر بس مايسوى تروحين بيت اهلج
انا بعد جذي ريلي عنده اي فون وانا ماصدت عليه شي بس الوسواس ذابحني
شباب بين يعض اكيد بيدزون هالسوالف حق بعض
وخوفج تقولينله يقولج شكو مبطله تلفوني من وراي
ويقلب السالفه عليج
بس دايما قوليله انه كما تدين تدان اذا شفت عورات الناس باجر لاسمح الله الناس تشوف عورات اهلك
ومادري بعد شقولج انا اكتبلج ومحتره ههههه
الله يهديه ان شالله ويبعد عنه الفتن
​

 

[حلوه ولمآحه]

بعد قلبي ،،
هذآ حآل العالم كله مو انتي لحآلج،
كل الريايل يطالعون،،
احنا نبي نملكم لاتسون جذي ولاتطالعون ولا شي،،
استودعيه الله،،
وادعي له بالهدآيه،،
لاتطفرين الريال وتسوين مشاكل،،
احنا واحنا حريم لما ينشوف حريم نطالع فيهم شلون ريال وهذي غريزته،،
دام ريالج عاطيج حقوقج وماقصر بشي معااج ،،
لاتسوين مشاكل وبعدي عنها ،،
ترا كثره الااوامر ولاتسوي وليه وليه ،، وسويت تجيب الكآبه لريال ،،
ودامه مستحي منج لاتقولين له انج دريتي
احسن من انه يقول بشوفها وماعليج مني ،،
ذاك الوقت شبتقولين ،،
ولابتهدمين حياتج عشان مقطع

 

[Cute mama]

اي انا مع حلوه صح كلامها
​

 

[شوق العين]

مشكلتي يبين علي اذا متضايقه منه

اصلااا مو قادره انام يمه!!

احس حدي مقهوووره!!!

 

[اشتياق]

ليش يشوف!
عادي فطره فيهم !
والزمن يخرع !
يعني هذا الحين صار اهون شي الله يسلمج

 

[زوجة عزيز]

الخراب كله من الربع واكيد كلامه صج لا اتطلعين من بيتج السالفه ماتسوى ترا

 

[شوق العين]

حلوه

معطيته حقوووقه

والكل يحسده علي بكل شي

بسسس بعد اللي شفته مو قادره انام

ولا اطالع ويهه!!

 

[شوق العين]

اطلع اريح بس

ع اساس تعبانه وبنام ف بيت اهلي

ياااااربي ماعرف امثل عليه!!!!

راح يبين علي باجررر


شسوووي ابي شوركم

 

[حلوه ولمآحه]

يآبنت الحلال هونيها تهون
قومي توضي وخذي لج ركعتين ادعي فيهم
واستغفري
وروحي يم زوجج ونامي عنده،،
مهما شاف الزوج وطالع حريم في قناعه نفسه
ماراح يساويج فيهم
لانهم بنات شوارع ،،
بس المشكله بالفضول عندهم ،،

 

[دلوعة حمني]

ليش تروحين؟؟ انت زوجته و من حقج انج تناقشينه بالموضوع!

كل اللي تسوينه تقولينله يا فلان انا ماحبك تطالع هاسوالف ... و كزوجة لك هذا الشيء من حقي

والله يهديه لج.. ترى مهما كانت شخصيته ربعه يأثرون عليه حياتي

 

[حلوه ولمآحه]

لاتطلعين من بيتج ،،
روحي لهم تعشي ،،
ورجعي نام في بيتج،،
بس تنامين لا ،،
لان بهذي الطريقه تفتحين خيارات اكثر لزوجج،،
والله يحفظه لج ويهديه ويسخر مابينكم يارب،،
مايشوف مثلج احد

 

[شوق العين]

ااااااخ

بحاول انااااام

والله يعين باجرر وربي مادري شلون بحاجيه

اعررف نفسي يبين علي كل شششششي!!

تصبحون ع طاعه

 

[شوق العين]

اناقشه!!

بيقول ليش تقويين لفووني!!!

حلووه

بحاول ماابين شي!!


بدش كل شووي اقرا ردودكم

فمان الله

 

[بالقرآن اسمو]

الله يعينج
هالايفون صار نغمه على هالناس

 

[Tulips]

اللحين انتي من صجج تهدين البيت عشان فيديو بيوتيوب !!

حبيبتي حمدي ربج انه فيديو باليوتيوب مو شي ثاني

 

[Cute mama]

انااا مع حلووووه بس هم انا محتره معاج على سالفتج مادري ليش :s
​

 

[انصاريه قمره]

ترا كل الرياييل يشوفون فطره
السالفه تغث بس ما تستاهل كل هذا انتي حيل مكبرتهاا

 

[ana reem]

حررريتيني والله .. الله يعينج مالومج

انتي اذا يبين عليج قوليله حلمت فيك حلم ضايقني
انك اتشوف جذي اشياء مفاصيخ وهالسوالف احس صكت فيني الدنيا
بطل فونك بشوف عشان ارتاح الحين الحين .. و طنقري عليه لما يوريج بس لاتطلعين من البيت

راح تعطينه مجال اكبر انه يجابل هالخرابيط مالت عليهم

يبا تدرين اشلون اذا مارضى يوريج فونه اخذيه و طقيه بالطوفه خل يتفلش و ييبيله غيره لوووول
​

 

[شوق العين]

شكراااا بنات ع تفاعلكم

قعد الصبح لدوام بروحه وسويت نفسي
نايمه .. مادري ليش!!

اللي اعرفه اني مو قادره احط عيني بعينه
من زود ما انا منغثه!!

وقام بدل وطلع العاده اقعده واوصله لباب الشقه

اللي قاهرني اني عارفه شخصيته وان مايحب
هالسوالف بس واضح انه شاف هالفيديوو كامل

وادري اذا رد البيت بيعرف ان فيني شي!

وربي مادري شسوووووي

ودي اقوله واتخانق واريح نفسي بس اخاف
تنقلب السالفه علي اني ليش اتعبث بفونه
من وراه!!!!