مقمــــوتـــــه ( إختي تتكلم عني ) !

[caramil]

مساء الخير بنات..
ماترددت ابداً اني اكتب مشكلتي هني وانتوا كلكم حسبة خواتي..
ولأني ادري ماكو بيت او علاقه ماتخلى من المشكلاات..

بنات انا صارلي 3 ايام لا ليلي ليل ولا نهاري نهار...
حصل لي موقف يوم الخميس بالافنيوز..على اساس اني بروح مع اختي..
واختي لازقه فيني جنه عمله وحده بطن وظهر مانوخر عن بعض..

واحنا 3 بنااات والكل يحسدناا لأن قلبنا على بعض..
بس الكبيره تزوجت وشوي لهت بحياتها..وتمت هالصغيرونه معاااي وين ما اروح
مع العلم ان عمرها 18 سنه..وانا عمري 20 سنه..

المهم.. من يوم مادخلت الكليه ..او من بديت اسوق واروح واطلع..
ومن يوم ماقامت تنزل لي اعانه ومكافآت الكليه..
اروح السوق واي شي اشتريه اقول لها اخذي..والله مو سالفة فلوووس..والله شاهد
بس ما ابي اخلي ولا شي ولا نتفه بخااطرها..ولو ان ابوي يعطيها مصروف
بس حتى ولو ساعات انا اشتري شغلات غاليه ماتكفي تشتريهم ومصروفها
اقصااه اذا كثر 60 دينار..

كل شي كل شي.. حتى المكيااج ..وربي شاهد على كلامي يااماا قطيت اعانتي كلها عليها
ولا اعاير ولا شي ..

اي شي يصيرلي خير اسحبها معاي..اي طلعه اي شي فيه وناسه ابيها تحس بنفس شعوري..

المهم قبل فتره تعرفت على وحده من رفيجاتي وصارت حيل معاي.. وكنت اسولف لها عن كل شي
عني ..

وكنت استغرب انها تعرف تفاصيل تفاصيل حياتي الشخصيه..وكنت اقول يمكن احساس
لان انا عندي ايمان بهالشي..

وكنت اقول حق اختي تصدقين فلانه تدري عن هالشي ..! شلون ياربي ساعات احسها مسكونه
تقولي انتي سولفتي لأحد..اقول لها لأ !!!
بس حق نفسي..
وبالاصح كنت اسولف لأختي ..وماكنت احط ببالي..لأن انا وياها واااحد..

المهم على هالوضع 8 شهور..واختي كانت تحبها..حيييل وكل مانبي نطلع كلناا ترز ويهها
وتلبس اول وحده..

فجأه ! اختي ماتشتهي طاريها ولا تبي تكلمها ولاااا تبي تسمع صوتها ولا تبي سيرتها !
شسالفه ..!

قلت عادي طنااقر..انا اختي مزاجيه ومايبين بعينها الشي..ومايترس عينها الا الدود..

رحت الافنيوز وأخترني اختي 4 ساعات على البنت واهلها والبنت مادشت سينما
وبنفس الوقت انحطيت بموقف باايخ جدام البنت واهلها..

اختي بس شافتها جان تقولي ليش ماقلتيلي ان فلانه يايه..!
مع انها كانت متفقه معاي بالبيت انها بتروح مع رفيجتها وانا اروح مع رفيجتي
بس ماتدري منو هالبنت..ولما شافتها انحاشت دشت دبنهامز ماسلمت

انحرجت !..رحت بسلم على البنت اهيا واهلها بس يخزون ماسلموا !
شسالفه ..

اروح حق البنت تقولي سألي اختج شسالفه..اروح لأختي تقولي سألي رفيجتج شسالفه ..
والمشكله هاذي تلومني تقولي انتي ماتعرفين اختج
وانا بنفس الوقت مابي بنت غريبه تدخل بيني وبين اختي..واختي تقولي ماعليج هاذي تزلق وايرات..

وصلت حق حاله مايعلم فيها ربي جدام خلق الله كلهم..
جاان اروح سيارتي وتخيلووا اصرخ اصراخ بالتليفون واقطه بالسياره انهرت بشكل مو طبيعي
افترت فيني السياره من الدموع مو قادره اشووف..

وصلت البيت بقدرة قادر..الله الحافظ حفظني..مع ان الشوارع كانت خبصه وانا ماكنت اشوف شي
وفوق هذا لابسه عدسات ورموش وقاعده ابجي..

لما كلمتهم بعدين..
عرفت ان رفيجتي امخربه اختي !..
وصايده عليها شغله وكل مره تقول لها اعلم اختج !
واختي خايفه منها وماتبي تقابلها خير شر..

وفوق هذاا اطلعت اختي تحش فيني حش مايحشه العدوووو بعدوه
تاكل بلحمي اكااال
انصدمت لما رفيجتي قالتلي ..تفاصيل تفاصيل تفاصيل يشيب لها شعر الراس
اختي امعقده واختي بس ضـ* واختي واختي واختي
ماسحه فيني الارض..!!!
مو امخليه كلمه خايسه مو قايلتها عني
وانا مره تكلمت عن البنت عند اختي مو بقصد الحش ..بس كنت قاعده اتكلم عن وضعها
الاجتماعي و حالتها الاجتماعيه و وضع بيتهم ..بحسن نيه والله العالم

رايحه قايله اختي تقول ان امج منفصله عن ابوج وان انتي معقده من هالسالفه
وقاطه حجي ابليس يستغرب منه !

شي شي شي ماتتخيلونه..وكل اللي يصير بحياتي توصله لهاا..
تخيلوا 3 ايام صدااع ..ماني قادره اتصوووور كلش اللي صار مو متوقعتها من اختي !!
وانا اللي ما قصرت عليها بشي..والله اكثر وحده تحاتيها وتخاف عليها انا
واهي متأخره بدراستها وعايده السنه مرتين ..
ماتحترمني كلش كلش.. ومره شفتها امسويه شي غلط ..
ري اكشني كان واايد كبير .قلت لها مابي اشوف ويهج..
بعدها مالقت حل جان تروح تبلع 13 حبه بندول..

ويوم التحقيق بالمستشفى قالت لهم اختي تعايرني لأني ساقطه بدراستي..
ونظرات المحقق والدكتور والسسترات ليلحين ماني قادره انساها..
وتحملت نظرتهم الشينه علشان تطلع بالزينه
وكنت اروح ابات عندها بالمستشفى..وانتوا تدرون المستشفى الحكومي العمومي شلون وضعه
كنت انام على الارض بين سريرين والارض بارده بلشتا واتلحف بشيلتي..
وكان يومها 1-1 والكل مستانس وطالع انا خذيت لي بيتزاا و دونت
يعني بتعشى معاها ماكلت شي وخزتني وعطتني ظهرها...

انا صج عصبيه شويه..وما ارضى بالغلط..وحقانيه..
بس بحياتي ماشفت نفس حقارة اختي..


اليوم الفير ابي احط كحل للكليه مو قادر يثبت الكحل احس الدمعه مقموته بعيني
والله لا سيناريووو ولا تمثيل..الله شاهد انا شكثر منكسره من الداخل..
لأني صج صج ماقصرت عليها بولا شي لا من الناحيه الماديه ولا من النواحي الثانيه..

بنات ادعولي وايد تعبانه

وآسفه طولت عليكم

 

[الأبتسامة الدام]

الله يعينج بصراحة وعليج بالأستغفار ترى صج يريح واختج لاتسكتين عنها حاولي تحقرينها وتحسسينها بغلطتها وصدقيني بجيج ركض
حسبي الله ونعم الوكيل

 

[NaYoob]

الله يعينج حبيبتي وكل الناس تصير فيها مشاكل وقولي الحمدالله كل شي

بان جدام عينج وانتي مو داريه عن شي ولازم تتعلمين لا تثقين بأحد وايد

وسرج خلي حقج والله يهدي اختج ويصلحها وادعي لها بصلاتج وتعوذي من ابليس

وكثري من الاستغفار واقرى قرآن ورح ترتاحين واختج واجهيها بكل شي وطلعي

كل اللي في قلبج وانبيها على اللي سوته غلط وقوليلها حالياً بينا سلام لا اكثر ولا

اقل وهل ايام خلج بعيده عنها لين تطخ السالفه وانتي تسامحينها ورفيجتج المفروض

انها رفيجتج تبي تطلع نفسها بالزينه وفضحت اختج هديها وخليها في حال سبيلها

 

[ملــحْ !]

ي حيآتي ..

والله الدنيآ صآيره تخرع ,,
مدري شقووولج . .

الله يفتح علييج

 

[caramil]

اللي يحر انها قايله لامي وابوي واختي اني خليت البنت تدخل بينا وتزلق وايرات
وانا ماني قادره ابطل حلجي واقول اختي شمغبره ..!!
وقاعده احاول استحمل نظراتهم وكلامهم ..مو قادره
وعايشه دووور المسكينه ..طقني وبجى سبقني واشتكي ..كله قاعده بدارها وماتبي تكلمني
مع ان الغلط راكبها من راسها لي كرياسها
وانا ماصدقت البنت مع انها كانت تنبهني من قبل بس ماعطيتها فرصه تزززلق
بس اثبتتلي بالبرهااان بكل شي بكل شي ان اختي حقيره بمعنى الكلمه
والغلط راكبها راكبها ماكو مجال نغظ النظر عنه و وااضح وضوح الشمــــــس

مشكورين بنات والله طافحه طافحه قلبي متروس
وصلت فيني امس افكر اروح حق منو اطلع اللي بقلبي
ااانا بحياتي ما اشتكيت
ونوعية رفيجااتي مايفهمووني وايد وماهمهم الا الوناسه والضغاط و الطنازه وسوالف ضحك وغشمره بس
بالجديه محد يمي ..

الحل الاخير اللي توصلت له.. انا ابوي وااااااايد قريب مني ..يعني احس انه ابو و اخو ورفيج بنفس الوقت
رحت قلت له الموضوع بس فبركت فيه شوي..وقال بيعلمها بس الحين فترة امتحانات
ابي اصير حقيره نفسها ما اوصل مواصيل حقارتها

 

[دلوعه ناعمه]

حبيبتي حاولي تواجهينها وتصارحينها قوليلها انا قصرت معاج بشي؟ اذيتج بشي؟؟ شي عندي وناقصج؟؟ شفايدتج اخت دامج تحشين فيني عند الغريييب وذكريها بموضوع المستشفى وسمعيها من هالحجي عشان اتحسف وتندم وادعي انه الله يحنن قلبها عليج وردوا مثل اول تدريجيا

 

[ޢޢޢإيمانޢޢޢะۣۨ>]

حبيبتي إنتي رايتج بيضة وما قصرتي
كل اللي سويتيه ما راح يضيع عند رب العالمين
دايما تذكري إنج مو غلطانه وموقفج قوي جدامهم
راح يتحسفون ويندمون
عسى الله يبعد عنج الضيق والهم والحزن
فترة وتعدي إن شاء الله
وبليز طمنينا عليج بأقرب وقت ​

 

[ملــحْ !]

الله يعينج

 

[NaYoob]

زين سويتي انج قلتي حق ابوج وشوفي طيبتج حتى واهي اذتج ما قلتي حق ابوج

كل شي حبيبتي خلج على طيبتج ولا تصيرين حقرية بالعكس انتي الكبيره وخلج احس

منها وادي لها الله يهديها مهما تسوي هذه تضل اختج من لحمج ودمج والشيطان شاطر

بس لا يقص عليج الشيطار وتكونين حقيره وتييلج افكار مو شي واحسن شي تسوينه

توضي وصلي ركعتين وادعي ربج وانتي ساجده وان شاء الله كل شي ينحل

 

[زين ودلال]

الله يهديها ويصلحها ان شاءالله

 

[منيرة خالد]

مهما صار بتظل هاذي اختج >>> اصلحي الامور بينكم ولا تخربينها كلميها وسولفي معاها وافتحي معاها صفحه جديده وحاولي تكون حياتج ما فيها اسرار تخافين منها وامسكي لسانج عند الكلام عن الناس عند اختج او غيرها

واختج صغيره وشي طبيعي تغلط وانتي وقفي معاها مو ضدها علميها فهميها واشرحي لها والحياة صعبه وانتوا الثنتين توكم بأول حياتكم يا ما بتشوفون العجب من الناس

الله يصلح ما بينكم ويهدي سركم

 

[nora al]

عاادي حبيبتي عمر المراهقه عمر حقييييييييييييييير


عادي تلقينهاا تحبج تراا ومابينكم شي بس اهما المراهقين طبعهم غثيث



واناا من كلامج حسيت رفيجتج اهيه الحقيره شلون تفكر تمسك عليها شي !!! احس اهيه الحقيره استغفر الله ماحط بذمتي بس بعدي عنها احسن لج

واختج لا تشيلين بقلبج عليها الظفر مايطلع من اللحم !! انتي زعلي عليهاا بس ولا تكلمينهاا وانا اقول مسكي اختج الكبيره او امج وقوليلها السالفه كاااااااااااااااامله وحلفي لهم انه كلامج صج وانتي غلطانه انج قلتي السالفه حق ابوج جذب !! قوليله السالفه كامله مهما كانت تضر اختج لاتسترين عليهااا خل تخااف من احد لانها ياهل خلي احد كبير يتصرف معاها لا تغلط غلط اكبر ماايتصلح !!!


برايي لاتطلعين جذابه بنظر احد مسكي اختج او امج وخري كل السالفه لهم ولا تكلمين اختج الصغيره لين تهدى الامور

 

[فوفى]

لا حول ولا قوة الا بالله اخاف عين وصابتكم الانج قلتى ان العلاقة بينكم وايد قووية

الله يعينج ويهديكم لبعض.

ادعوولى بالذرية الصالحة.

 

[♥ąϻᴑŁ♥]

والله عورتي قلبي ،.~\

الله يعينج ويهدي اختج ،،.|

مااعليه اختج مراآهقة وبكلمتين ينقص عليهاآ،.

الله يهدي النفوس ،.

 

[asdf]

ياااااحياتي ..
شوفي يالغلا انت صغيره واختج اصغر منج كلكم بنات وتوكم اصغاررر
نصيحتي لج طنشيهااااااااااااااااااااااااااااااااااااااااااااااا .. لاتصيرين طيبه معاهااا يعني عطايا هبات هدايا ماكوووو خلاص الحق حق ... خليها تحسف وحسسيهااا انج مو مهتمه لهاااا
لما تحسين انهااا بتعتذرلج ... الله يوفقج لاتردينهااا (( تراهاا اختج وتحببج.. بس يمكن معصبه علي حالتهااا ودرستهااا مقهوره من كل شي)) ولو حصل احضنيهااااا

واهم شي انتي ترا الله معاج وصدقيني الله بينصرج ويخليهم يشوفون الحقيقه بعيونهم .. لاتهتمين بالموضوع كثثثثثثثثير
كبريهااا تكبر .. صغريهااا تصغر.. اخذيهاا مني

 

[malte]

لاتحرين عمرج ماتسوى الدنيادمعه من عينج :eh_s(7):
ترى كل هذا بليس يكبر السالفه براسج
تعوذي منه ونصيحه لاتقعدين بروحج طلعي مع رفيجاتج الي تقولين كله ضحك ووناسه أنسي جرح أختج ورفيجتج وحاولي تتعلمين أنج ماتسمحين لحد يدوس لج على طرف : )
أختج على العين والراس بس شكلها من النوع الي يحب نفسه وايد
أختج ردي علاقتكم بس لا تبدين أحد على نفسج ولاتدوسين على نفسج عشان أحد لا رفيجه ولا أخت الا لو كانت أمج او ابوج
وأرجع أقول لاتقعدين برووووحج
ربي يفرج همج ويسعدج
ترى المصيبه والهم يبتدي كبير وتصغر

 

[مالي خلق الدوام]

عادي تصير انسي ومو مشكله ولو انتوا خوات ما يفرقكم احد

 

[صاعقة بيوتي]

حبيبتي اولا رفيجتج شكلها موبزينه لأنها مسكت على اختج شغله وقاعدة اتهددها وتبتزها ولما مارضخت اختج لها سيده يت وعلمتج فأبتعدي عنها لأنه بيي يوم تسوي فيج نفس ماسوته بأختج
ثانيا انتي ماقصرتي عن اختج من الناحية المادية مع انج موملزومه فيها فجزاج الله خير بس ماقلتيلنا شلون تعامليها .يعني هل كل اللي قالته عنج جذب . ارجو منج تقيمين معاملتج يعني هل تكلميها بجلافة او تسبينها او تتسلطين عليها او تستصغرينها لأنها مانجحت بالدراسه او تغلط اكثر منج.
ثالثا لما انتي تطلبين منها الأحترام هل انتي تقدميه لها وهل انتي تستحقينه (respect has to be earned) ترى الفرق بينكم سنتين بس والاحترام مو بالعمر ياما ناس بالخمسين ومايستحقون ذرة احترام وياما ناس ماتعدو العشرين والكل يحترمهم
واخيرا ترى انتي مو ولية امرها فأي غلط تسويه الوالد او الوالده هم اللي يتصرفون فعلميهم باللي يصير وماتدخلين بتربيتها وعيشي حياتج وريحي راسج والله يهديكم ويحنن قلبكم على بعض

 

[صاعقة بيوتي]

حبيبتي اولا رفيجتج شكلها موبزينه لأنها مسكت على اختج شغله وقاعدة اتهددها وتبتزها ولما مارضخت اختج لها سيده يت وعلمتج فأبتعدي عنها لأنه بيي يوم تسوي فيج نفس ماسوته بأختج
ثانيا انتي ماقصرتي عن اختج من الناحية المادية مع انج موملزومه فيها فجزاج الله خير بس ماقلتيلنا شلون تعامليها .يعني هل كل اللي قالته عنج جذب . ارجو منج تقيمين معاملتج يعني هل تكلميها بجلافة او تسبينها او تتسلطين عليها او تستصغرينها لأنها مانجحت بالدراسه او تغلط اكثر منج.
ثالثا لما انتي تطلبين منها الأحترام هل انتي تقدميه لها وهل انتي تستحقينه (respect has to be earned) ترى الفرق بينكم سنتين بس والاحترام مو بالعمر ياما ناس بالخمسين ومايستحقون ذرة احترام وياما ناس ماتعدو العشرين والكل يحترمهم
واخيرا ترى انتي مو ولية امرها فأي غلط تسويه الوالد او الوالده هم اللي يتصرفون فعلميهم باللي يصير وماتدخلين بتربيتها وعيشي حياتج وريحي راسج والله يهديكم ويحنن قلبكم على بعض

 

[هنووفوو]

وااااااي اختج ناكره للجميل
ماعليج حبيبتي دامج على حق ربج بيكشفها على حقيقتها بيوم
صعب تحسين انج مظلومه ونظره الكل لج ان انتي الغلطانه وانتي وانتي
بس مالج الا تصبرين لين ربج يفرجها
الله يفرجها عليج وينصرج