مقلب اسمه كوانزو

[جوجوا]

حبيباتي انا حاليا في كوانزو كنت قبلها في بانكوك
صراااااحه مكان ومنطقه كلش ماتسوا العنوا والتعب اول شي كلش مو رخيييصه تايلند واااايد ارخص ثاني شي مافيها شي يسوا المشترا يعني في شي لفت انتباهي كلش
شريت حق بنتي 4 اندرويرات اب 13 دينار وكلش عاديين وقطن والبجايم على 5 دنانير يعني اللي يقولج ديرة رخيصه غلطان يمكن اول بس الحين لا
اللي مريحني اني راح ارجع بانكوك واقعد فيها اسبوع اعوض المأساه والمقلب اللي صارولي

 

[شقاوتي غير]

وييه حياتي الله يعينج على هالمقلب

معوضه خير ان شاء الله

 

[جوجوا]

تسلمين ياقلبي

 

[mafio98]

انا العام كنت فيها وبالعكس وااايد رخيصه لما تقارنينها بماليزيا او دول اسيا يمكن انتي رايحة مجمعاتها اكيد بتكون غاليه حاولي تاخذين كتيب من مطعم سباء وافتري على السوقه اللي فيها بالعكس واااايد رخيصه

 

[*الهنوف*]

ليش ماعجبتج
الجو يعني ولا مافيه سياحه

 

[نياره]

بالعكس كل اللي راحوا لها يقولون ارخص من ماليزيا وتايلند

 

[جوجوا]

الجو احسن من تايلند والسياحه يعني بس السوق ماعجبني وايد
اذا بروح محلاتهم لازم اشتري جمله عشان يطلع رخيص واذا حبه نفس لكويت علي الاكل اكون ابديرتي واشتريه بلا شوارعهم اللي كلها روايح
اما اذا مجمعات الاسعار نفس لكويت واغله بعد
المطاعم عندهم مورخيصه طلبت فطيرة جبن اب٢،٥٠٠دينار الحمدالله الخير وايد بس تفاجأة يقولون رخيصه والسعر جذيه

 

[جوجوا]

هذا اللي ذابحني شلون يقولون ارخص من تايلند انا قبل لااوصلها كنت ابتايلند بالعكس الاكل الملابس تقريبا كل شي ارخص تايلند

 

[جوجوا]

لا اسواقهم الشعبيه بس عشان يطلع رخيص لازم اشتري وايد شسوي فيهم مابي الا قطعه ولا ثنتين

 

[<miss botamba>]

انا كنت رايحه لها قبل 6 سنين

اهيا مو مالت سياحه مالت بزنس او اذا مثلا تبين تأثيث بيت لان الالكترونيات و السيراميك والادوات الصحيه رخيصه مقارنه بالصناعات الثانيه

ومعروف تايلاند ارخيصه وارخص دوله سياحيه بشرق اسيا

بس الصين لا الا اذا بزنس نفس ماقلت لج تلاقين كل شي ورخيص ومو رخيص المتعارفين عليه لا اذا بتقارين بالسوق

 

[mafio98]

جوجا مو شرط تشترين جمله انا كنت رايحتها مو بزنس وبالعكس منت اشتري قطعه ولا قطعتين وحسيت فرق وايد بالسعر اذا مو عاجبتج حاولي تروحين شنزن ساعه بينها وبين كوانزو او روحي هونك كونغ ساعتين بالقطار وايد بتعجيج بس لازم اتاكدين من فيزة الصين اذا بتروحين هونك كونغ انها دخول كذا مره عشان ماتوعقين

 

[بنت الأحاسيس]

بليييييييييييييييييييييييييييييييييييز خفي علينا​

 

[نياره]

اب اب

 

[زينا]

مرحبا حبيبتي أنا كل سنه أروح لها - اذا انتي أول مره ماراح تعرفين بالعكس أرخص مكان رحت له انا آخذ معاي بس 1000دينار مصروف أكل تاكسي هدايا خرابيط لي ولأهلي وبضاعه وفلوس شحن بعد / انتي المفروض تسألين بعد ترى عادي عندهم تكاسرين بالسعر أنا بالنسبه لي روووعه يمكن أول مره توهقت بس ماكانت غاليه وأي شخص عربي نشوفه نسأله

 

[زينا]

ونسيت أقول التاكسي جدا جدا جدا رخييييييص وشيزن حلو وأسعارها مناسبه بس كوانزو أرخص - وماتحتاج فيزا / وهونج كونج عادي تدخلين لها بدون فيزا بس راح تلاحظين الفرق جدا غاليه وفيها هاربر سيتي سوق الماركات العالميه الأصليه تنزل البضاعه بالوقت اللي تنزل فيه بفرنسا / العام اخذت جنطه من بوتيك lv لحد ألحين مانزلت حلوه هونج كونج وبعد شينزن بس كوانزو دماااااار أعشقها وحاجزه ع العيد بروح بإذن الله