- إنضم
- 19 أغسطس 2009
- المشاركات
- 6,757
- مستوى التفاعل
- 3
- النقاط
- 0
- الإقامة
- q8
- الموقع الالكتروني
- www.q8yat.net
السلام عليكم جميعا
شلونكم وشخباركم
يارب يهون على كل حامل
ويرزق كل محرومه
بنات .. من باب حب لاخيك ماتحب لنفسك
احب افيدكم بتجربتي مع الردادات
لاني شفت بهالقسم في كثير بنات محتارين بهالموضوع
وانا مابي منكم غير الدعاء للي تستفيد من موضوعي يا ليت تدعيلي
اول شي الترديد على الطريقه الايرانيه
12 يوم بعد الولاده
طريقة الرداده : يومين ورا بعض ... يوم بليل وثاني يوم الصبح هذا نظامها مع الكل
الزيت المستخدم : زيت زيتون
الادوات المستخدمه لليوم الاول : اول مايتني الرداده طلبت مني شرشف 2 قديم عشان لا يتدمر بالزيت + قطعتين قماش صغار كبر كف الايد + 2 بيض + باديه
الادوات المستخدمه لليوم الثاني : دجاجه محشيه ومفيوحه + 2 شرشف نظيف
قوة الضغط: مساج عميق وضغط قوي
المبلغ المدفوع : 50 دينار لمدة يومين
اسم الممسجه : ام علي كانت تشتغل بصيدليه
اول مايتني (يت بليل )
دهنت جسمي بزيت الزيتون كانت مسخنته واي وناسه كان حار ويعطي شعور ريلاكس
مسجتني بكل ما اوتيت من قوه << حلوه ما اوتيت
يعني همزتني بضميييييييير .. همزت العظم حييييييييل .. بدت من راسي لي ريلي
اول شي فرشت شرشف تحتي والثاني مغطيتني فيه وكان المساج ع الارض بدون اسفنجه تحتج
المهم وهيا تهمزني قالتلي رحمج منعوي !!
انا عيوني جذي @@
شلون يعني منعوي؟
قالتلي خليني اعدله لج وقامت تضغط وتضغط باصابعها ..شوي وله تقولي عدلته !!
انا فيني ضحكه لاني سامعه اكثر من وحده تقول انه قايلتلها نفس الحجي
عقب ماخلصت تدهن وتهميز
بعدين كسرت البيضتين وعزلت الصفار عن البياض ومادري أي واحد استخدمت حق اللبخه
خلطت البيض مع طحين نخي علما اعتقد << تقول حق الفري
وسوتلي فرق بشعري وحطته على الفرق وحطت فوقه قطعت القماش اللي طلبتها
وحطت على قطعت القماش ال2 اللي طلبتها نص العجينه وحطتها على جبهتي
وقالتلي الحين لبسي نفنوف قطن طويل وسروال طويل ولفي راسج بملفع عشان يطلع الهوا من جسمج..
وقالتلي لاتنامين لا على جنبج اليمين ولا على جنبج اليسار .. نامي على ظهرج او بطنج لان رحمج منعوي!!
انا قتلها اوكي
اولماطلعت وله اقرى المعوذات وانام على جنبي اليمين
لو صج رحمي منعوي بله شلون حملت؟ يعني حامل وبطني عوي ؟ شكو لوول
هذا باليوم الاول..
قبل ما تطلع المهم قالت حق امي ابيج تزهبينلي حق باجر ديايه محشيه إبصل وعيش وادويت النفاس فوحيها بماي لي نص الديايه يعني مايغطيها<< وامي قالتلها انشالله..
ثاني يوم لمن يتلي (يت الصبح)
راحت المطبخ تبي تشيك على امي هل سوتلي الديايه ههه حليلها وغطت جدر الديايه وخلتها على نار هاديه
وحطت جدر اهيا يايبته معاها فيه اعشاب عباره عن بابونج ومرميه و......الخ وبختهم بماي حاااااار
ورجعت غرفتي ويابت معاها الجدر وحطته بالحمام عزكم الله
وقالتلي يلا عالحمام << عزكم الله
وانا وراها
دشينا الحمام تكرمون وقالتلي قطي سروالج وفتحي ريولج طبعا كنت لابسه نفنوف طويل قطن
بخرتني بالاعشاب كانت حاطتها بجدر وغاليتهم بماي حار قالتلي هذا قاعد يسحب الهوا منج .. شوي وله احس بدوخه .. اهيا شافتني مسكت الدش وله تقولي دختي صح؟
قتلها أي .. وله تقولي يعني دمج ضعيف ! معني طايحتله جبده وخضرى
قالتلي قعدي يبا لاتطيحين علي شلون بشيلج اذا طحتي قعدت شوي..
وقطيت هدومي بعد ماطلبت مني .. كنت موراضيه مستحيه لول وله تقولي ترى شايفه مليون وحده قبلج قطي خلصي ماراح اشوفج..
بعدين خذت طشت وكبت فيه اللي كان بالجدر (ماي واعشاب)
يعني عزلت ماي الاعشاب بالطشت وخلت الاعشاب بالجدر ... وصبت شويت ماي دافي بالجدر
وسكرت المرحاض عزكم الله وصار مثل الكرسي حطت عليه خيشه ثانيه شوي اكبر.. وكبت عليها اللي كان بالجدر ( شويت ماي دافي والاعشاب على عدالها اللي كانت بالجدر)
ولفت الخيشه صارت طويله جنها صمونه
وقالتلي قعدي عليها وخلي خياطج يحوشها عشان يليين خياطج
وانا قعدت بس حاطه ريلي عالارض ورافعه نفسي شوي لان الخياط شوي مشدود ويعور
المهم حطت هرده على جسمي اهيا مسويتها وخالطتها مع مادري شنو جنه ليمون واشياء ثانيه
وعندها قطعت خيشه صغيره << خيشه مالت العيش
ليفتني وفركتي فيها حييييييل فركت كل جسمي
وخلتني اوقف وقطت الخيشه اللي كنت قاعده عليها وله تكب علي ماي الاعشاب اللي عزلته بالطشت
كبته علي من راسي لي ريلي وكانت ريحت الماي منعشه صراحه استانست حدي لان ماي حار وريحته اعشاب فا تخدرت وحسيت بريلاكس.
المهم رشت على جسمي ماي ووخرت الهرده من جسمي وقالتلي يلا انا بنطرج بالغرفه وانتي تسبحي سباحتج العاديه بشامبو وصابون قتلها اوكي
تسبحت ع السريع ورحت الغرفه
قالتلي لبسي شي دافي وطويل ولبسي سروال طويل ودلاغات قتلها اوكي
لبست
وله القاها فارشه شرشف عالارض ويايبه الجدر اللي فيه ديايه مسلوقه
قعدت على الارض وغطتني بشرشف ثاني ثقيل . غطتني فيه عدل بحيت ان مافيه ولا فتحه
ورفعته شوي ودخلت صينيه فيها جدر الديايه وعليه قصدير مغطيته
وحاطتلي سجينه وشوكه
دخلته وسكرت الشرشف علي وقالتلي يلا فتحي القصدير وشمي بخار الديايه
ليمى خلصت بخار الديايه قالتلي يلا اخذي السجينه وقصي الديايه بالنص وحركي لحشوه مالتها عشان يطلع بخار الادويه
ليمن خلص البخار
جان تسحب الصينيه شوي شوي بحيث مايدخل هوا علي وانا من تحت الشرشف.. وقالتلي يلا انسدحي على ظهرج وانا متغطيه من راسي لي ريلي
انسدحت وله اهيا قاعده ع اليمين والخدامه ع اليسار
وحاطين ريلهم على راسي يمين ويسار وماسكين ايد بعض وقاعدين يضغطون حيييييييل ومشو من راسي لي ريلي
طبعا انا منسدحه على ظهري ومتلحفه كلـّي بالشرشف واهم قاعدين ع الارض يعني مو دايسيني
سوولي هالحركه مرتين
اخر شي
قالت حق الخدامه طلعي
وقالتلي اثني ركبتج وفرقي ريولج << طبعا لابسه شي طويل وثقيل
سويت اللي طلبته مني وانا مغطيه ويهي مادري شالسالفه اهيا رفعت الشرشف من تحت
جان تدول الشسمه وتدزه بريلها سوتها مرتين وله اصرخ لاني انصدمت ماتوقعت لوول
وبس سلامتكم اخر شي ربطت بطني بشماغ وقطعت كرتون.. بس فصخته ولبست كورسيه لان الشماغ مايلف الظهر مادري شلون احس اربطه عورت ظهري
وقاللتلي خلي الديايه حق غداج لوول
واخر شي عقب ماخلصت مني .. قعدت مع امي وطاحوله سوالف .. ولمن شافت اختي عرفتها وقالتلي انها يايه حق اختي من قبل 6 سنين انا انصدمت مشالله طلعت يايه حق خواتي ال2 وطلعت تذكر بيتنا القديم لوول
وانا خذيت رقمها من زبونتي ام حيدر الله يحفظلها ولدها من كل شر <<< تحب هالزبونه وتثق فيها
رايي وتعليقي: استمتعت بالمساج واستمتعت بالسوالف معاها وفعلا انسانه تحط حيلها كله بالتمسج يعني تهمز بقوه وبضمير وتحط ثقلها ووزنها بالترديد يعني مو أي كلام بصراحه ريحتني.. واستمتعت بحمام الاعشاب..
لو تسألينها أي معلومه ماتبخل عليج حتى لو تسألينها عن خلطاتها تقولج بالتفصيل ماتخش عنج حتى قتلها ام علي ماتخافين احد ياخذ خلطاتج ويقلدج قالتلي عادي هذا مو سر خل يقلدوني وكل واحد يتميز بشغله
واهم شي انها تنصحج وتعلمج عالاكل
*****************************************
الحين نيي حق مركز جانا للمساج الاحترافي << طل !!
طريقة الرداده : 3 ايام ورا بعض
الزيت المستخدم : بيبي اويل
الادوات المستخده : فقط الزيت وكاسات هواء + قطن وولاعه
قوة الضغط : خفيف جدا
المبلغ المدفوع : 30 دينار لمدت 3 ايام ..ساعه باليوم <<< 10 للساعه الوحده
اسم الممسجه : ليشيا
نظامها : اول يوم فقط مساج
ثاني يوم وثالث يوم نار وكاسات هواء
(يبتها اليوم ) يوم 35 بالنفاس
كنت متفقه ويا المركز انها تييني مره وحده .. نص ساعه مساج ونص ساعه كاسات يعني حسابي 10 حق يوم واحد
اول مايتني الصينيه قالتلي لا مايصير لازم 3 يوم
اول يوم بس مساج وثاني يوم و3 يوم كاسات
قتلها اوكي ودقيت ع المركز وقتلهم خلاص ابيه 3 ايام واتفقنا على هالاساس
اول شي انسدحت على ظهري وبدت برقبتي صعدت لي ويهي وهيا تحط بيبي اويل وتسمجني وكنت حيل مستانسه على اناملها الرقيقه وهيا تمسج ويهي طبعا حق الويه لازم مساج رقيق وخفيف....
شوي نزلت على جتفي ومازال الضغط خفيف جدا
شوي نزلت على بطني .. ومااااازال المساج خفيف جدا .. وقاعده تصفق على بطني وتطقني بوكسات خفييييييفه ضحكنتي..
المهم حطتلي طبقة قطن فوقه حبتين كلنكس فوقهم فوطه مبلوله بماده .. وطلعت دوا وصبت غطا على الفوطه اللي على بطني
وطلعت ولاعه وشبت بالفوطه اللي على بطني وله اقول يالهوووووووي !
قالتلي لايخوف مافي عور ولا يحرق << قلت أي هييـّن
قالتلي اذا حسيتي بحرقه قولي
وطبعا قتلها يحرق وله تطفيها
دقيقه وردت ولعت وطفتها كررتها 3 مرات..<<< مادري شالحكمه! :gr4uu:
بعدين نزلت تهمز ريولي
وقاعده تهمز براحت يدها او باطراف اصابعها بشكل خفيف انا ماتوقعت جذي تهمز ابرود
قلت مساج صيني ومساج صيني حسبالي بتركز ع العرج وبتقعد تضغط على مكان مكان ... طلع خرطي
المهم خلصت ساعه كامله وقالتلي مدام خلاص والله ولا حسيت بفرق وماحسيت بشي ولا حسيت اني استفدت وقلت لو مخليه خدامتي تهمزني ابرك والله
والله حسيت العشره وايد عليها بعكس الرداده الايرانيه اللي خذت 50 والله شوي عليها طاع الفرق
المهم دقيت على المركز اللي جبت هالزفته منه
قتلهم يبا هذا المساج خرطي .. قاعده تهمز شوي شوي ماضغطت كلللش ولا حسيت ان هذا مساج ترديد كأني قاعده اسوي ريلاكس؟
قتلها خلاص كنسلي اليومين اللي حجزتهم مابي مساجكم يلوع الجبد مايبرد القلب
وله تقولي لا مدام لازم شوي شوي قتلها انا مايبي شوي شوي انا ماكو فايده جذي..المهمقتلها خلاص خليها الحين تسويلي كاسات هوا وتخلصني مابيها تيي باجر
وكلمتها وقالتلها سويلها كاسات الحين وسويلها عدل .. سكرت التلفون
وله تعصب الصينيه اللي عندي
وقاعده تقول شنو هذا لمن غسلت ايدي قلتي ابي كاسات الحين؟ مايصير اليوم
قتلها شنو شنو؟
مو عاجبج انشالله؟
ماتبين تشتغلين خلاص طلعي برا لا تسوين شي من ورا نفسج
وانا مايجيب انتي ابلاش انا يدفع فلوس اوكي
جان ارد ادق عالمركز وقتلهم اللي صار
جان يزفونها وقالولها كملي شغلج مع المدام
المهم سكرت التلفون ومعصبه .. قتلها شوفي اذا انتي زعلان مايبي يشتغل خلاص روحي انا يجيب وحده ثانيه جان تقولي لا انا يبي يسوي
والله بس انسدحت شوي والحقيره قاعده تتحلطم وتقرقر وصوتها عالي حيل مزعج
وتتأفف ياعلها الويعه جني اطر منها
يعني الواحد لي بغى يسوي مساج حلاته يكون الجو هادي عشان يحس بريلاكس لكن هذي قسما بالله ازعجتني وشوشت علي ونرفزتني ورفعت ضغطي .. وهيا تمسج تقووول اوووف ليش انتا مايقول من اول اووووف
ماطافت ربع ساعه وهيا تتحلطم بصوت حيل عالي
جان الف عليها واقولها شيلي الكاسات اللي على ظهري
قاتلي لسه مايخلص!
قتلها شيليه الحين بسرررررررعه تراج نرفزتيني
وشالته وله اقولها تدلين الباب اللي دشيتي منه؟ << طببعا مافهمت علي
قالتي شنو؟ انا مايفهم
جان اصوت على خدامتي
قتلها اخذي هالخايسه وخليها تطلع برى لا اذبحها
عطيتها 10 عن الساعه اللي همزتني فيها << مالت على مساجها
وعطيتها 5 عشان الربع ساعه اللي انثبرت فيها يعني 15
وقتلها يلا برا لمن اييبج ابلاش تعالي تأففي
اول ماذلفت وله ادق على المركز واهزأهم على معاملتهم الزفت وقتلهم شلون قاعده تتأفف فوق راسي بصوت عالي الله ياخذها صج نرفزتني حتن ماكملت الكاسات حتى خدامتي تقولي شفيها هذي قرقر واجد يعني الكل لاحظها لا والخايسه تزف خدامتي بعد لوول بغو يتهاوشون اهيا والخدامه :eh_s(4):
رايي وتعليقي : مساج جدا خفيف وجدا عادي وماعجبني ولا استفدت شي كلش احس كأنها قاعده تدهني ولا كأنها قاعده تمسج !
وطريقتها تدهنج وتمسح براحت كفها وبعدين بوكسات عالخفيف .. حتن توقعتها تركز على راحت ريلي ولا ركزت كلش
فوق هذا معامله زفت يكرم السامع
نصيحه اللي بتطلب من هالمركز لا تطلب ليشيا وانتو كيفكم
على فكرى اهيا جديده ماكملت سنه عندهم
شلونكم وشخباركم
يارب يهون على كل حامل
ويرزق كل محرومه
بنات .. من باب حب لاخيك ماتحب لنفسك
احب افيدكم بتجربتي مع الردادات
لاني شفت بهالقسم في كثير بنات محتارين بهالموضوع
وانا مابي منكم غير الدعاء للي تستفيد من موضوعي يا ليت تدعيلي
اول شي الترديد على الطريقه الايرانيه
12 يوم بعد الولاده
طريقة الرداده : يومين ورا بعض ... يوم بليل وثاني يوم الصبح هذا نظامها مع الكل
الزيت المستخدم : زيت زيتون
الادوات المستخدمه لليوم الاول : اول مايتني الرداده طلبت مني شرشف 2 قديم عشان لا يتدمر بالزيت + قطعتين قماش صغار كبر كف الايد + 2 بيض + باديه
الادوات المستخدمه لليوم الثاني : دجاجه محشيه ومفيوحه + 2 شرشف نظيف
قوة الضغط: مساج عميق وضغط قوي
المبلغ المدفوع : 50 دينار لمدة يومين
اسم الممسجه : ام علي كانت تشتغل بصيدليه
اول مايتني (يت بليل )
دهنت جسمي بزيت الزيتون كانت مسخنته واي وناسه كان حار ويعطي شعور ريلاكس
مسجتني بكل ما اوتيت من قوه << حلوه ما اوتيت
يعني همزتني بضميييييييير .. همزت العظم حييييييييل .. بدت من راسي لي ريلي
اول شي فرشت شرشف تحتي والثاني مغطيتني فيه وكان المساج ع الارض بدون اسفنجه تحتج
المهم وهيا تهمزني قالتلي رحمج منعوي !!
انا عيوني جذي @@
شلون يعني منعوي؟
قالتلي خليني اعدله لج وقامت تضغط وتضغط باصابعها ..شوي وله تقولي عدلته !!
انا فيني ضحكه لاني سامعه اكثر من وحده تقول انه قايلتلها نفس الحجي
عقب ماخلصت تدهن وتهميز
بعدين كسرت البيضتين وعزلت الصفار عن البياض ومادري أي واحد استخدمت حق اللبخه
خلطت البيض مع طحين نخي علما اعتقد << تقول حق الفري
وسوتلي فرق بشعري وحطته على الفرق وحطت فوقه قطعت القماش اللي طلبتها
وحطت على قطعت القماش ال2 اللي طلبتها نص العجينه وحطتها على جبهتي
وقالتلي الحين لبسي نفنوف قطن طويل وسروال طويل ولفي راسج بملفع عشان يطلع الهوا من جسمج..
وقالتلي لاتنامين لا على جنبج اليمين ولا على جنبج اليسار .. نامي على ظهرج او بطنج لان رحمج منعوي!!
انا قتلها اوكي
اولماطلعت وله اقرى المعوذات وانام على جنبي اليمين
لو صج رحمي منعوي بله شلون حملت؟ يعني حامل وبطني عوي ؟ شكو لوول
هذا باليوم الاول..
قبل ما تطلع المهم قالت حق امي ابيج تزهبينلي حق باجر ديايه محشيه إبصل وعيش وادويت النفاس فوحيها بماي لي نص الديايه يعني مايغطيها<< وامي قالتلها انشالله..
ثاني يوم لمن يتلي (يت الصبح)
راحت المطبخ تبي تشيك على امي هل سوتلي الديايه ههه حليلها وغطت جدر الديايه وخلتها على نار هاديه
وحطت جدر اهيا يايبته معاها فيه اعشاب عباره عن بابونج ومرميه و......الخ وبختهم بماي حاااااار
ورجعت غرفتي ويابت معاها الجدر وحطته بالحمام عزكم الله
وقالتلي يلا عالحمام << عزكم الله
وانا وراها
دشينا الحمام تكرمون وقالتلي قطي سروالج وفتحي ريولج طبعا كنت لابسه نفنوف طويل قطن
بخرتني بالاعشاب كانت حاطتها بجدر وغاليتهم بماي حار قالتلي هذا قاعد يسحب الهوا منج .. شوي وله احس بدوخه .. اهيا شافتني مسكت الدش وله تقولي دختي صح؟
قتلها أي .. وله تقولي يعني دمج ضعيف ! معني طايحتله جبده وخضرى
قالتلي قعدي يبا لاتطيحين علي شلون بشيلج اذا طحتي قعدت شوي..
وقطيت هدومي بعد ماطلبت مني .. كنت موراضيه مستحيه لول وله تقولي ترى شايفه مليون وحده قبلج قطي خلصي ماراح اشوفج..
بعدين خذت طشت وكبت فيه اللي كان بالجدر (ماي واعشاب)
يعني عزلت ماي الاعشاب بالطشت وخلت الاعشاب بالجدر ... وصبت شويت ماي دافي بالجدر
وسكرت المرحاض عزكم الله وصار مثل الكرسي حطت عليه خيشه ثانيه شوي اكبر.. وكبت عليها اللي كان بالجدر ( شويت ماي دافي والاعشاب على عدالها اللي كانت بالجدر)
ولفت الخيشه صارت طويله جنها صمونه
وقالتلي قعدي عليها وخلي خياطج يحوشها عشان يليين خياطج
وانا قعدت بس حاطه ريلي عالارض ورافعه نفسي شوي لان الخياط شوي مشدود ويعور
المهم حطت هرده على جسمي اهيا مسويتها وخالطتها مع مادري شنو جنه ليمون واشياء ثانيه
وعندها قطعت خيشه صغيره << خيشه مالت العيش
ليفتني وفركتي فيها حييييييل فركت كل جسمي
وخلتني اوقف وقطت الخيشه اللي كنت قاعده عليها وله تكب علي ماي الاعشاب اللي عزلته بالطشت
كبته علي من راسي لي ريلي وكانت ريحت الماي منعشه صراحه استانست حدي لان ماي حار وريحته اعشاب فا تخدرت وحسيت بريلاكس.
المهم رشت على جسمي ماي ووخرت الهرده من جسمي وقالتلي يلا انا بنطرج بالغرفه وانتي تسبحي سباحتج العاديه بشامبو وصابون قتلها اوكي
تسبحت ع السريع ورحت الغرفه
قالتلي لبسي شي دافي وطويل ولبسي سروال طويل ودلاغات قتلها اوكي
لبست
وله القاها فارشه شرشف عالارض ويايبه الجدر اللي فيه ديايه مسلوقه
قعدت على الارض وغطتني بشرشف ثاني ثقيل . غطتني فيه عدل بحيت ان مافيه ولا فتحه
ورفعته شوي ودخلت صينيه فيها جدر الديايه وعليه قصدير مغطيته
وحاطتلي سجينه وشوكه
دخلته وسكرت الشرشف علي وقالتلي يلا فتحي القصدير وشمي بخار الديايه
ليمى خلصت بخار الديايه قالتلي يلا اخذي السجينه وقصي الديايه بالنص وحركي لحشوه مالتها عشان يطلع بخار الادويه
ليمن خلص البخار
جان تسحب الصينيه شوي شوي بحيث مايدخل هوا علي وانا من تحت الشرشف.. وقالتلي يلا انسدحي على ظهرج وانا متغطيه من راسي لي ريلي
انسدحت وله اهيا قاعده ع اليمين والخدامه ع اليسار
وحاطين ريلهم على راسي يمين ويسار وماسكين ايد بعض وقاعدين يضغطون حيييييييل ومشو من راسي لي ريلي
طبعا انا منسدحه على ظهري ومتلحفه كلـّي بالشرشف واهم قاعدين ع الارض يعني مو دايسيني
سوولي هالحركه مرتين
اخر شي
قالت حق الخدامه طلعي
وقالتلي اثني ركبتج وفرقي ريولج << طبعا لابسه شي طويل وثقيل
سويت اللي طلبته مني وانا مغطيه ويهي مادري شالسالفه اهيا رفعت الشرشف من تحت
جان تدول الشسمه وتدزه بريلها سوتها مرتين وله اصرخ لاني انصدمت ماتوقعت لوول
وبس سلامتكم اخر شي ربطت بطني بشماغ وقطعت كرتون.. بس فصخته ولبست كورسيه لان الشماغ مايلف الظهر مادري شلون احس اربطه عورت ظهري
وقاللتلي خلي الديايه حق غداج لوول
واخر شي عقب ماخلصت مني .. قعدت مع امي وطاحوله سوالف .. ولمن شافت اختي عرفتها وقالتلي انها يايه حق اختي من قبل 6 سنين انا انصدمت مشالله طلعت يايه حق خواتي ال2 وطلعت تذكر بيتنا القديم لوول
وانا خذيت رقمها من زبونتي ام حيدر الله يحفظلها ولدها من كل شر <<< تحب هالزبونه وتثق فيها
رايي وتعليقي: استمتعت بالمساج واستمتعت بالسوالف معاها وفعلا انسانه تحط حيلها كله بالتمسج يعني تهمز بقوه وبضمير وتحط ثقلها ووزنها بالترديد يعني مو أي كلام بصراحه ريحتني.. واستمتعت بحمام الاعشاب..
لو تسألينها أي معلومه ماتبخل عليج حتى لو تسألينها عن خلطاتها تقولج بالتفصيل ماتخش عنج حتى قتلها ام علي ماتخافين احد ياخذ خلطاتج ويقلدج قالتلي عادي هذا مو سر خل يقلدوني وكل واحد يتميز بشغله
واهم شي انها تنصحج وتعلمج عالاكل
*****************************************
الحين نيي حق مركز جانا للمساج الاحترافي << طل !!
طريقة الرداده : 3 ايام ورا بعض
الزيت المستخدم : بيبي اويل
الادوات المستخده : فقط الزيت وكاسات هواء + قطن وولاعه
قوة الضغط : خفيف جدا
المبلغ المدفوع : 30 دينار لمدت 3 ايام ..ساعه باليوم <<< 10 للساعه الوحده
اسم الممسجه : ليشيا
نظامها : اول يوم فقط مساج
ثاني يوم وثالث يوم نار وكاسات هواء
(يبتها اليوم ) يوم 35 بالنفاس
كنت متفقه ويا المركز انها تييني مره وحده .. نص ساعه مساج ونص ساعه كاسات يعني حسابي 10 حق يوم واحد
اول مايتني الصينيه قالتلي لا مايصير لازم 3 يوم
اول يوم بس مساج وثاني يوم و3 يوم كاسات
قتلها اوكي ودقيت ع المركز وقتلهم خلاص ابيه 3 ايام واتفقنا على هالاساس
اول شي انسدحت على ظهري وبدت برقبتي صعدت لي ويهي وهيا تحط بيبي اويل وتسمجني وكنت حيل مستانسه على اناملها الرقيقه وهيا تمسج ويهي طبعا حق الويه لازم مساج رقيق وخفيف....
شوي نزلت على جتفي ومازال الضغط خفيف جدا
شوي نزلت على بطني .. ومااااازال المساج خفيف جدا .. وقاعده تصفق على بطني وتطقني بوكسات خفييييييفه ضحكنتي..
المهم حطتلي طبقة قطن فوقه حبتين كلنكس فوقهم فوطه مبلوله بماده .. وطلعت دوا وصبت غطا على الفوطه اللي على بطني
وطلعت ولاعه وشبت بالفوطه اللي على بطني وله اقول يالهوووووووي !
قالتلي لايخوف مافي عور ولا يحرق << قلت أي هييـّن
قالتلي اذا حسيتي بحرقه قولي
وطبعا قتلها يحرق وله تطفيها
دقيقه وردت ولعت وطفتها كررتها 3 مرات..<<< مادري شالحكمه! :gr4uu:
بعدين نزلت تهمز ريولي
وقاعده تهمز براحت يدها او باطراف اصابعها بشكل خفيف انا ماتوقعت جذي تهمز ابرود
قلت مساج صيني ومساج صيني حسبالي بتركز ع العرج وبتقعد تضغط على مكان مكان ... طلع خرطي
المهم خلصت ساعه كامله وقالتلي مدام خلاص والله ولا حسيت بفرق وماحسيت بشي ولا حسيت اني استفدت وقلت لو مخليه خدامتي تهمزني ابرك والله
والله حسيت العشره وايد عليها بعكس الرداده الايرانيه اللي خذت 50 والله شوي عليها طاع الفرق
المهم دقيت على المركز اللي جبت هالزفته منه
قتلهم يبا هذا المساج خرطي .. قاعده تهمز شوي شوي ماضغطت كلللش ولا حسيت ان هذا مساج ترديد كأني قاعده اسوي ريلاكس؟
قتلها خلاص كنسلي اليومين اللي حجزتهم مابي مساجكم يلوع الجبد مايبرد القلب
وله تقولي لا مدام لازم شوي شوي قتلها انا مايبي شوي شوي انا ماكو فايده جذي..المهمقتلها خلاص خليها الحين تسويلي كاسات هوا وتخلصني مابيها تيي باجر
وكلمتها وقالتلها سويلها كاسات الحين وسويلها عدل .. سكرت التلفون
وله تعصب الصينيه اللي عندي
وقاعده تقول شنو هذا لمن غسلت ايدي قلتي ابي كاسات الحين؟ مايصير اليوم
قتلها شنو شنو؟
مو عاجبج انشالله؟
ماتبين تشتغلين خلاص طلعي برا لا تسوين شي من ورا نفسج
وانا مايجيب انتي ابلاش انا يدفع فلوس اوكي
جان ارد ادق عالمركز وقتلهم اللي صار
جان يزفونها وقالولها كملي شغلج مع المدام
المهم سكرت التلفون ومعصبه .. قتلها شوفي اذا انتي زعلان مايبي يشتغل خلاص روحي انا يجيب وحده ثانيه جان تقولي لا انا يبي يسوي
والله بس انسدحت شوي والحقيره قاعده تتحلطم وتقرقر وصوتها عالي حيل مزعج
وتتأفف ياعلها الويعه جني اطر منها
يعني الواحد لي بغى يسوي مساج حلاته يكون الجو هادي عشان يحس بريلاكس لكن هذي قسما بالله ازعجتني وشوشت علي ونرفزتني ورفعت ضغطي .. وهيا تمسج تقووول اوووف ليش انتا مايقول من اول اووووف
ماطافت ربع ساعه وهيا تتحلطم بصوت حيل عالي
جان الف عليها واقولها شيلي الكاسات اللي على ظهري
قاتلي لسه مايخلص!
قتلها شيليه الحين بسرررررررعه تراج نرفزتيني
وشالته وله اقولها تدلين الباب اللي دشيتي منه؟ << طببعا مافهمت علي
قالتي شنو؟ انا مايفهم
جان اصوت على خدامتي
قتلها اخذي هالخايسه وخليها تطلع برى لا اذبحها
عطيتها 10 عن الساعه اللي همزتني فيها << مالت على مساجها
وعطيتها 5 عشان الربع ساعه اللي انثبرت فيها يعني 15
وقتلها يلا برا لمن اييبج ابلاش تعالي تأففي
اول ماذلفت وله ادق على المركز واهزأهم على معاملتهم الزفت وقتلهم شلون قاعده تتأفف فوق راسي بصوت عالي الله ياخذها صج نرفزتني حتن ماكملت الكاسات حتى خدامتي تقولي شفيها هذي قرقر واجد يعني الكل لاحظها لا والخايسه تزف خدامتي بعد لوول بغو يتهاوشون اهيا والخدامه :eh_s(4):
رايي وتعليقي : مساج جدا خفيف وجدا عادي وماعجبني ولا استفدت شي كلش احس كأنها قاعده تدهني ولا كأنها قاعده تمسج !
وطريقتها تدهنج وتمسح براحت كفها وبعدين بوكسات عالخفيف .. حتن توقعتها تركز على راحت ريلي ولا ركزت كلش
فوق هذا معامله زفت يكرم السامع
نصيحه اللي بتطلب من هالمركز لا تطلب ليشيا وانتو كيفكم
على فكرى اهيا جديده ماكملت سنه عندهم
