مقصره مع ريلج ؟ او مع عيالج ؟

[in style]

اهلين بنات


سؤالي شلون توفقون بين اليهال و وقتج و اهتماج حق زوجج


مثال

واايد اشوف بنات يعطون الاهتمام حق الريل و طلعات وروحات و اليهال مايدرون عنهم على قولتهم تربيه خدم :flower:

شلون تنظمون وقتكم بحيث تعطون كل شخص حقه

وبما اني اكره الخدم فانا العكس احس مقصره مع ريلي و ابي اوفق بس شلون



مثلا سفره تغير جو مع ريلج بروحكم انا ضدها معنه صحيه حق الزوجين وتجدد بس احس مساكين اليهال شذنبهم


مادري توافقوني او لا*

 

[قاهره عذالي]

رد : مقصره مع ريلج ؟ او مع عيالج ؟

المراه اهم شي تظل كاشخه وومتسنعه ببيتها ووالخدامه بس مساعد مع النفسيه الحلوه للزوج والكلام الحلو

ومافيها شي

اطلعي مع زوجج
وعيالج اللي يقدر يطلع اخذوه معاكم

 

[فاقده ابوهاااا]

رد : مقصره مع ريلج ؟ او مع عيالج ؟

صج بعض المرات ما تقدر الزوجه توفق بين زوجها وعيالها بس شنسوي انحاول كثر ما نقدر نرضي الطرفين مافيها شي اذا اخر الاسبوع اقط عيالي في بيت اهلي واطلع واستانس واضبط ريلي اخر الاسبوع ومافيها شي اذا سفره من سفراتي خصصتها لي وريلي الوحده فينا لازم توفق

 

[ام شووووق]

رد : مقصره مع ريلج ؟ او مع عيالج ؟

اب لعيونج

 

[in style]

تعب السنين مشكوره اهوا الكشخه و التسنع سهل لكن اللي اقصده الاهتمام فيه*


فاقده ابوها صاجه هذا المفروض :eh_s(15):


ام شوق مشكوووره

 

[BiiShOoO]

كل شي بتنظيم الاولويات يصير يعني في وقت يكون للريل و ووقت يكون للعيال

و البنات قصروا

 

[sharshora80]

رد : مقصره مع ريلج ؟ او مع عيالج ؟

شوفي قلب
التنظيف والترتيب على الخدامه
اليهال والزوج عليج --- قايله شئ يديد
بس والله خلج كاشخه ومتسنعه حقج بالاول وحق زوجج ثاني شئ
واليهال خليهم يلجونج هههه والله حلوه لجتهم ودايم خلي ريلج يشاركج بالتربيه يعني انا اذا لجوني اقوله عفيه يابو فلان اخذهم الفرع
او قوم صرخ عليهم خل يخقون جذي يعني
اما اذا مرضا لا والله اجابل الياهل واقول حق ريلي اسمحلي هاليومين ولدنا مريض وابيك تساعدني وتتفهم الوضع
صدقيني اذا الريال متفهم ويساعدج كل امورج راح تمشي اوكي

 

[برووورة]

رد : مقصره مع ريلج ؟ او مع عيالج ؟

جوفي يا اختي

لا افراط ولا تفريط

لنفسج عليج حق

ان اعتمدتي على نفسج بكل شي راح تتعبين وتتعب نفسيتج

تقولين انة ماحب الخدم.. يعني انتي بتنظفين
بتطبخين

بتغسلين
بتدرسين
بتستحملين صراخ اليهال وعنادهم
متى بيمديج تكشخين والا تهتمين بنفسج او تزورين حد او تستقبلين احد او تروحين جيم والا سبا

بتكتشفين في النهاية انج وحيدة وبروحج وكل شي انتي تسوينه

ما بتستفيدين شي غير التعب والتعب والتعب

امسكي العصا من النص

جيبي خدامة ليش لا .. صج فيه خدم يحرون بس انظري للجانب الايجابي

فيه خدم زينين .. على المعاملة الصحيحة معاها تكسبينها صوبج

لا تربية خدم مرة وحدة ولا كل شي عليج

الحالتين مو صح

باقول لج انة عن نظامي بالبيت

جوفي اهم شي عندي اني أربي عيالي على الهدوء والاخلاق واهتم بتدريسهم وتنسيق لبسهم واشرف على ترتيبهم

بس الخدامة تسبحهم ترتبهم على ما علمتها اكيد

الطبخ اكيد انة اطبخ

اهم شي هي تجهز لي الاغراض وتقصص الخضرة وانة اطبخ بس

مااترك البيت وكل شي مية بالمية على الخدامة لا

بس الخدامة لا بد منها علشان ترتاح نفسيتي وبالتالي بقدر اكشخ والبس واطلع بروحي مع بو العيال

واستمتع بحياتي

بس لازم اخلي في بالي اني اونس عيالي واطلعم واعشيهم برا واخليهم يستانسون وبعدين اخليهم في البيت مع الخدامة وانة اهيت ويا بو العيال بروحنا اريح

اسمحي لي على الاطالة