مقبله على حياة يديده وابي اسمع خبرتكم مع ام ريلكم

[** ام ملك **]

مرحبا
بدخل بالموضوع على طول
انا مقبله على حياة يديده واحس نفسيتي متوتره وتعبانه وخايفه

سؤالي / كيف اتعامل مع ام ريلي خصوصا ؟؟

انا ابي اكسبها وتكون بحسبة امي ان شاء الله ؛ لان اكيد لو هي حبتي ريلي بعد بيحبني

فأتمنى منكم يااخواتي بم انكم متزوجات تفيدوني ليت يكون بيننا هنا حوار هادئ ومفيد بليز ..

 

[توتا حمرا]

احترميها قعدي معاهه لا اتييبين طاريها بأي شي موزين عند ريلج

 

[Judy . abbot]

حبيبتي ليش مكبره المسأله
ام ريلج بحسبه امج عامليها مثل ما تعاملين امج
لا تجادلينها ولا اتيبين طاريها الا بالزينه جدام ريلج
واهم شي باي علاقه مع اي احد الاحتراام فما بالج واهي ام ريلج فواجب عليج تحترمينها

 

[ابي اصير ممثلة]

اممممممممم لا تجادلينا ولا تحكمين فيها خليها على راحتها

 

[اسواريه]

اقعدي معاهاا وسولفي معاهااا وبوسي راسهاا تراهاا مثل أمج حطيهاا بعيووونج عشان تمدحج عند زوجج واذا انتي بتسكنين عندهم اذا نزلتي بوسي راسهاا وقبل لا تصعدين بتروحين تنامين هم بوسي راسهاا وقوليلهاا تبين شي تصبحين على خير ونزلي معاج طبق حلو انتي مسويته او سلطه عالغداء او شاي وقهوة بس مو كل يووووم طبعاا او سويلهاا ريوق اقعدي معاهاا الصبح واذا ماشفتيهاا باليوم دقي عليهاا
الله يوفقج ويسعدج ويهنيج

 

[نانسي كويتيه]

تبينها تحترمج وتخاف منج اول ماتدشين البيت خززززززيها خززه خليها ترجف بمكانها

 

[بنوته كيكه]

حبيبتي ليش مكبره المسأله
ام ريلج بحسبه امج عامليها مثل ما تعاملين امج
لا تجادلينها ولا اتيبين طاريها الا بالزينه جدام ريلج
واهم شي باي علاقه مع اي احد الاحتراام فما بالج واهي ام ريلج فواجب عليج تحترمينها

ياسلام علي كلام الذرب والنصيبحه الحلوه
مثلها

 

[الله ياكثرعذالي]

تبينها تحترمج وتخاف منج اول ماتدشين البيت خززززززيها خززه خليها ترجف بمكانها

يالله شنوو انتي مريضـــــــــــــــــــــــــــــــــــه الحمدالله والشكر يالله عسا الله يررزقج بخاله تعلمج اصول الحياه شلون :eh_s(8):

 

[الهنوف24]

مرا كبر امج عامليها برحمه وموده بس حذاري تتمادين وتطيحين الميانه وتتشكين عندها عن اي شي يعني العلاقه الرسميه افضل من رايي واهم شي لاتبالغين في الحب ترى بتحس انج تمثلين

 

[** باربي **]

اذا ادمية وخوش مرة صيري انتي احسن واحسن بتشوفين بتفيض عليج بحنانها مثل بنتها مو بنتها بنتها لانه استحاله

بس اذا ما تنبغى وفي قلبها حقد وحرة روح بعيد وتعال سالم لا تعمقين

 

[tooooma]

اول شي الله يوفقج بحياتج الزوجية ومبرووك مقدما

الشي الثاني : احترامج لها وتقدريج حق ولدها لانه الام احيانا اتقارن بحياة عيالها يوم كانو عندها ولمه تزوجو حاولي
لاتقصرين باهتمامج على بيتج وزوووجج بالاخص احترامج لها كاحترامج لزوجج وطبعا هذا الشي يزيد قدرج عندها

والله يكتب اللي فيه الخير احيانا في خالات مايدخلون بحياة عيالهم واحيانا تلقين خاله لها تأثير كبير على ولدها من ناحية الرااي

 

[ام كوثر2007]

حبيبتي الموضووع مو محتاج افكااار او اساليب عشان الواحد يتصنعها ..

هالشي صدقيني بيصير بالفطره .. وكل واحد واصله .. وانتي ان شاءالله اصلج طيب ودام اصلج طيب بتعاملينها مثل ما تعاملين امج .. وبتحملينها حتي لو قالت او تصرفت اي شي لانها بمقام امج ..


عسى الله يتمم عليج ان شاءالله .

 

[kokim]

يــــــــــــــــــــــا رب تكون ام زوجك متل ام زوجي حبيبتي الموضوع بكل بساطه عامليهم كانهم اهلك عامليها بكل موده واحترام وبعيد عن الرسميات صدقيني رح تعتبرك بنتها و اعز يعني لو بادرتي بالسؤال عنها و تساعديها رح تشوفها اد الدنيا و ابعدي عن الحساسيه من اي كلمه مهما بضل ام و بتخاف على ابنها واي كلمة رح تحكيها و تضايئك اعتبري حالك مكانها وانه رح يجي يوم و تعملي

 

[** ام ملك **]

مشكوووووورين الله يعطيكم العافيه ماقصرتوا .

 

[** ام ملك **]

تبينها تحترمج وتخاف منج اول ماتدشين البيت خززززززيها خززه خليها ترجف بمكانها

ليس على المجنون حر ج

 

[بس ياحزن]

عامليها مثل ماتعاملين امج

 

[بس ياحزن]

وعسى الله يتمم لج على خيرر
ويحفظ حياتج من المشاكل يارب

 

[ثنايا الورد]

نانسي كويتيه افا شنو هالحجي مو جذي اخلاق بنات الحمايل
انا متاكدة انج تمزحين مافينا وحده جذي الكل فيه الخير والبركه
الغلا ام كوثر فديتج قلتي اللي بقوله
وكلامج صح ميه بالميه
تربية امي لي ماراح تروح هباء واكيد بيبان بس اتعامل مع وحده هم حسبة امي
ام كوثر قالت اللي بخاطري
صاحبة الموضوع حياة سعيده بدون قلق وبدون خوف كلها وفاق واتفاق وحب وانسجام ان شاء الله

 

[** ام ملك **]

تسلمون بنات .

 

[اميره1980]

تخيليها امج شلون راح تعاملينها ؟؟
ما يبيله الموضوع شي و لا تخطيط على نيتج و طريقتج ربي يوفقج بالزواج بكبره مو بس بام الزوج

موففففففففففقة