بطه فيها نطه
New member
كلنا نحب الخبز بالثوم و كلنا نموت على المقبلات وخصوصا سوالف
التغميس ... اليوم راح اعلمكم طبقين دايما اسويهم بالبيت ووايد احلى من المطاعم
اول شي :
تغميسه مكسيكيه
مقاديرها :
افوكادو مقطع مربعات
ربع بصله بيضه مقطعه مربعات ناعمه
عود بصل اخضر مقطع
فلفل حار اخضر مقطع صغار
طماط مقطع مكعبات صغار
شوية بقدونس ناعم - كزبره خضره ناعمه ( كل الخضره فرش وطريه )
زيت زيتون
عصير ليمون
ملح وفلفل اسود
ربع قفشه صغيره سكر علشان نكسر حموضة الطماط
الطريقه : تخلط مقادير الصلصه وتصبينها على كل ماسبق
وتزين بخبز التاكو اوالناتشوز
خبز بالثوم بالجبنه
المقادير :
صمون باجيت فرنسي ( تحصلونه بمركز سلطان او بلابجيت او
المطاحن )
جبن شيدر ناعم - جبن بارميزان - جبن موزاريلا
زيت زيتون
فص ثوم ناعم
رشة ملح
زعتر بري اخضر ( مال الشاي اللي نشربه الناشف ) نعميه بايدك
الطريقه :
نخلط الزيت زيتون + الثوم + الزعتر البري + الملح وندهن فيهم الباجيت بعد مانقصه
شرايح وندخله الفرن يتحمر من تحت بس ... بعدها ناخذ خليط الاجبان
ونرشه علي كل قطعه من فوق ... ونطفي الفرن
من الحراره راح ياخذ لون ... وبس
ان شاء الله اعجبوكم ... وجربوهم وادعولي الله يهون على غربتي
