مقابله خالد عبدالجليل للبذالي وابنته

[miss.eng]

ما لاحظته في المقابلة ان المحامي العبدالجليل كان يستهزئ بشكل مباشر او غير مباشر بضيفه ، ولا اريد الدخول بتفاصيل الحوار المخزي من قبل المحامي
فهو يلعب على المتناقضات
واستضافته للبذالي مافيها اي نوع من الحكمه والغريب شلون رضى بهذه الاهانه على نفسه ؟

قال الضيف انه منع ابنه من دخول المدرسه قبل ان يقتل بتفجيرات في العراق!! فهل طلب العلم محرم او منكر

ومنع بناته في سن صغير عن دخول المدرسه ؟؟
فنراه يناقض نفسه عندما وافق على استضافه ابنته مع رجل اجنبي اخذ يمزح ويتشاقى بالكلام معها وليت السالفه وقفت على جذي الاردى من هذا والابشع للاسف ماتوقعت أن البذالي يظهر ابنته واللي تبلغ من العمر 16 تجري المقابله
وماكانت ترتدي الا نقاب عادي يظهر عيونها ويديها وعباة كتف << هل هذا فكر مجاهد
اولا يعرف ان صوت المرأه عوره ؟؟ بل الاعجب من ذلك كان ينظر اليها اثناء اللقاء ويبتسم ولم تأخذه الغيره على ماجرى
لاحول ولاقوة الا بالله هل غايه الجهاد اصبحت الشهره ولكم مقطع من مقابله بنته وانتو حكمو :fun:


http://www.youtube.com/watch?v=dgAoqqVUP9w&feature=related

http://www.youtube.com/watch?v=g_XOXuQTPiA&feature=related


المشكله مقدمة خالد عبدالجليل كلها استهزاء باستهزاء والغريبه ان البذالي كمل اللقاء بجزئين .. لاحول ولاقوة الا بالله نسال الله العفو والعافيه .. الله يصلحك ويهديك ان شاءالله​

 

[زهره الريف]

المذيع سخيف والضيف مو صاحي واللقاء بلا هدففففففففففففففففففففففففففففففففففففففففف

 

[miss.eng]

نسال الله العفو والعافيه .. الله يصلحهم ويهديهم ان شاءالله

 

[~*~الملكة~*~]

شنو الهدف من هالمقابله

 

[ام محمد الشمري]

لقاء بارد وما له اي هدف

 

[دمع القلوب]

البنت ما تعرف غير شدعوه

واساله المذيع مستفزه وفيها حقاره من تحت لتحت

والضيف فيه سذاجه واضحه والا بكل شي يضحك على ابونه مشهور

يا حرام صج لقاء بلا هدف

 

[miss.eng]

ارائكم سليمه :hjy5jewf:للاسف قبل كنت اشك ان البرنامج مختص بعرض كل موضوع نكدي والحين تاكدت من هالشي معنه خالد عبدالجليل محامي بدل لايعكس للاخرين صورة طيبه عن الكويت بين لهم ان الكويت ارض مليئه بالشر لاحول ولاقوة الا بالله

 

[♥ SWeeRa ♥]

رد : مقابله خالد عبدالجليل للبذالي وابنته

شكله بشع
اذا هو يعتبر نفسه من رجال الدين
في فرق بينه وبين العريفي والجبيلان وياسر والسديس والعوضي
وجيهم سمحه
"سيماهم في وجوههم من اثر السجود"
لوع جبدي

الله يهيدهم ويصلحهم ان شاء الله

 

[ابداعات كويتيه]

اصلا اللقاء بدون معنى وهدف

 

[عقــد منثور]

رد : مقابله خالد عبدالجليل للبذالي وابنته

الغايه تبرر الوسيله


وهل تعتقدين ان اللقاء تم من غير مقابل !!!

حبيبتى .. الله عرفناه بالعقل .. شنو اللى يجبر شخص مجاهد وتفكيرية متزمت لدرجة مانع بناته من الدراسه ..

يرضا باللقاء هذا !! ..


انا شفت اللقاء من قبل واستغربت مثلج شلون طلعت بنته .. !!

 

[بنت الكويت90]

!!!!!!!!



لاحول ولا قوة الا بالله شلون يرضى تطلع بنته بعباة جتف مو بنظرهم حرام؟ وبنته صوتها حلو وعيونها ملونه وحلوة شلون يرضى ان بنته تطلع وتشوفها كل الكويت والخليج. غير العرب الباجي مو على اساس قبل انه مطوع وبنته ماتطلع حتى للمدرسه شلون خلاها تطلع بالتلفزيون ويشوفونها العالم امبيه شهالتناقض :gr4uu:

 

[AtOoMy Q8]

استغفرالله ماله داعي اللقاء السخيف
مشكورة

 

[مس دلال]

يمكن تغير تفكيره لان اول بهذل عياله وحرمهم من التعلم ومات ولده نتيجته تفكير ابوه وتربيته الغلط له وايام الفقر اللي عاشها اهو وبنته
حرام كسرت خاطري لما طلعت الاكسسوارات اللي تسويها وتبي تبيعها صرت اتابع برنامج بنات وبس علشان اشوف بيعرضون اكسسوارتها او لا
اكيد كل هذا اثر على تفكيره
انا ماشفت المقطع بس اذكر الحلقه لما جات
مشكور ع الطرح بس حسيتها حيل متأخر الحلقه كم لها من زمان

 

[miss.eng]

مس دلال والله مايندرى انتي سمعتي شنو قال بالحلقه؟ مصر الى الان مايدخلون المدرسه فشلون ندم يعني؟ ما اعتقد غير تفكيره والدليل يوم قال لو واحد بفريجنا يحط اغاني وكلمته وماصكره يجيله المقسوم! وكلنا ندري ان لا اكراه بالدين معناته الى الان هو متعسر بتفكيره وماتغير نسال الله العفو والعافيه .. الله يصلحهم ويهديهم ان شاءالله

 

[tt2tt]

رد : مقابله خالد عبدالجليل للبذالي وابنته

شخص غير مريح ومتناقض :eh_s(13):

 

[* بنت المطر *]

لاحول الله شهالعاهه ! استغفرالله عياله ضحيته الدين يحث على العلم والتعلم قاعد يمشي الدين بكيفه

استغفرالله بس ويسلمو ع الموضوع

 

[miss.eng]

في عضوة حبت تشارك ارسلت لي رساله خاصه وطلبت اني ما اقول نكها لاسباب شخصيه والمشاركه مرفقه

هااااااااااي ،،،،،


سبحان الله بظبط اي كتبتيه بالموضوع عن البذالي كنت افكر فيه


بس انا ما سكت راسلته و كتبتله شلون تخلي بنتك تلبس عبايه وكتف ونقاب سير

<<<< انا جريئه ومتهوووووره لووووووول

المهم رد علي بس شكله ما فهم علي او طنش بعض الاسئله الله اعلم

وهذا رده


بالنسبة للباس خديجة هي في البيت وليس خارج البيت ثم الحوار كان مع امرأة مثلها ثم دخل الاستاذ خالد بعد ساعه من الحوار فاقتطعوا كثير من اللقاء ..
تحياتي




:hjy5jewf:

لا حول ولاقوة الا بالله لو كان هذا رده صحيح فالرجل بحاجه الى الدعاء وحالته تدعوا الى ان نشفق عليه مما هو فيه .. ياربي لك الحمد والشكر الغريب ان متزمت ولايدرك ولايعي خطوره ماحدث ربي يستر علينا وعلى بنات المسلمين

 

[*المنسيـــه*]

انا شفت الجزء الأول منه
خالد عبد الجليل قبل كنت اتابعه مع اني سمعت وايد اشياء عنه وما يندره صج ولا لا
بس اللي الاحظه انه صاير يستضيف اي احد المهم يمشي برنامجه ! الحبيب صاير
هدفه تجاري اكثر من انه يطرح قضايا هادفه
يعني بالله هذا شكو مستضيفه استغفر الله وها البذالي اي جهاد اي بطيخ
الجهاد مو هذا مفهومه وعلى عا الخمبقه اللي مسويها مانعينه من انه يسافر
حق نص دول الخليج ونص دول اوربا !
ما ادري الريال احس فيه وشه
ومن انكفخ ها الخالد صج صارت فيه وشه بعد
يسلمو حبيبتي عالموضوع

 

[miss.eng]

اي والله صاجه يا خيتي خالد مو عارف شيسوي بعمره قام يقط خيط وخيط المشكله يتطنز عليه ومبين موعاجبه كلام البذالي مع هذا استمر بعرض اللقاء على جزئين ما يندرى عنه شنو غايته من هالشي :gr4uu: الظاهر بيغيرون مسمى برنامج تو الليل الى اهبال الليل هههههههههههههههههههههه