مفاهيم الطلاق النسوى والمجتمع الظالم تعالو نتناقش

[يا فرحه ما تمت]

السلام عليكم ورحمة الله وبركاته
مفاهيم الطلاق عند البعض
راي النساء الامهات خاصه
هذي مطلقه ويع شكله فيها عيبه
وى ولدى بجري حبيبي اخطب له مطلقه ينيت انا .. الولد يبيها لا لا لا مستحيل اغضب عليه
ولما تتطلق بنتها
بنتى حرام معدله مسنعه بنتى اخلاق اهو عديم الاخلاق
مايصرف مايهتم بنتى انظلمت وفجأه يتزوج طليق بنتها
هااو عطووه مسرع محد بياخذه ماراح تقعد عنده المره
تدور الدوائر انتو يا الحريم للاسف رافعين جو الريال اذا بنتها ما يولها خاطب عازب ويالها مطلق وى يمكن بنت الناس ما كانت زينه وياه وى عادى خل تاخذه ريال منصب
مايعيبه شي زين و عيبة الطلاق اللى ملصقينها بالمره ليه المره المطلقه فيها العيب والريال المطلق مافيه عيب ليه الريال شايل عيبه مو يا جماعه الغلط غلط الريال ماراح يدخل الجنه والمره النار
اللى اكتشفته وعرفته محد خاسف بسمعة الحريم المطلقات الا الحريم نفسهم ومحد امشي نصيب الرياييل المطلقين الا الحريم نفسهم واغلب النساء المطلقات مظلومات لان بعض رياييل هالوقت مو كفو والمسؤليه عدم
​

 

[نبض قلبي M]

يعطيج العافيه


أي والله اختي صاجه محد خاسف بسمعة الحريم المطلقات الا الحريم

الله يوفق الجميع

 

[عاشقة الدوحة]

سبحان الله، انا لاحظت ان كل شخص ينتقد شي او يعيبه لازم يجي يوم ويحس بهالشي وتتغير وجهة نظره اذا كانت فعلا خاطئة.

كلنا تعودنا نخاف من فكرة الطلاق لكن كبرنا واكتشفنا ان الطلاق احيانا رحمة وان العاقل بيظل عاقل حتى في مثل هالقرارات، وفي نفس الوقت ما يصير نوصل لمرحلة ان الموضوع يصير جدا سهل ونقرر الطلاق على اقل سبب مما يزيد من عدد المطلقي والمطلقات.

وفي النهاية قبل كل شي الواحد اذا استخار وفكر في الموضوع بجدية وصدق ومسؤولية فما عليه من كلام الناس وخاصة ( كلام الحريم) اهم شي ان الوحدة تكون نفسيا مرتاحة ولا تحس انها مكتئبة بسبب هالموضوع وتكون اقوى من انها تتأثر بكلام الناس اللي ما عاشوا تجربتها.

 

[جوك احلى جو]

الزمن تغير وايد ونسب الطلاق مبهره بالكويت والخليج واسبابها كثيره اولها الزواج المبكر لو تلاحظين كنسبه احصائيه اغلب الطلاق يحدث تحت سن 24 حدهم يهال صراحه بينما تقل نسبه الطلاق لعمر الثلاثين فما فوق للجنسين لانهم انضج واوعى واكثر استقرار من جميع النواحي

بزمنا الحالي ماينفع نهائيا لان الطرفين ماهم قد المسؤوليه ناهيج عن ننمط ومتطلبات الحياة اختلفت ولو بتلاحظين الاغلبيه صاير يتزوج باواخر العشرين بهالفتره للجنسين صار في وعي اكثر

اما بخصوص النظره فتختلف من مجتمع لي الثاني وهم اقول النظره حيل تغيرت والمنفصله ترد تتزوج ثاني وثالث ... الشغله مرتبطه بالقسمه والنصيب قولي الحمدلله ان الرزق مو بيد البشر ..بيد رب العالمين

 

[Royof]

حبيبتي موضوعج حلو

صح بما انه كثرو المطلقات معقولهم كلهم فيهم عيب !!!! ورياجيل اللي يطلق مرتين وثلاث وياخذ بنت ماسبق لها الزواج هاذا مسكين عادي ياخذ بنت ومظلوم !!! والمطلقه شفيها؟؟

الحريم هم سبب المشاكل وهم كل شي قسمه ونصيب

 

[-فلانة-]

كلامج صحيح بس ترى هالسالفة و حسب اللي انا لاحظته حواليني بدت تتلاشى..
الكلام هذا مال حريم أول، لما كان الريال صج ريال، و قايم بواجب بيته و عياله و بالتالي لما وحدة تتطلق يكون السبب غالبا منها لأن رياييل أول ما ينعافون..
أما الحين لا والله، صارت المرة لي تطلقت قالوا أكيد زوجها فيه عيب، حتى لو العيب منها، لأن مع الأسف ريايل اليوم أغلبهم من النوع اللي ما يقدر يشيل مسوولية ولا هو مال زواج.
الدنيا وايد تطورت و المجتمع عقليته يوم عن يوم تتغير للأفضل، أصلا حتى سالفة ان الأهل يتحكمون بزواج عيالهم وايد قلت، أغلب اللي مروا علي كان لهم مطلق الحرية في اختيار شريك حياتهم دون تدخل أو ضغط من الأهل على مواصفات هالشريك، و وايد شباب من أهلي و من غير أهلي ماخذين مطلقات و عندهم عيال بعد و هو يكون مو متزوج من قبل.

 

[ظبية بوظبي]

هو انا دايما اقول ان محد خرب الرجال علينا الا الحريم نفسهم

بس صحيح قمت الاحظ ان في امووور كثيره قامت تتغير في عقليات الشباب وحتى الحريم الكبار
ومنها لاحظت ان الشباب صار يفضل الزوجه الجريئه فالفراش معن قبل كانوا يخوفونا من هالشي عشان لا يشك بخلاق الزوجه ... ولاحظت الحريم الامهات صاروا عادي يختارون بنت فري بسطبعا بحدود مب مثل قبل ينقون البنت الي تكون قطوه مغمضه ومسكينه بسيطه
والشباب صاروا مب مثل قبل يبون بنت ربه منزل لا عادي ولا لي منهم يفضلون المتوظفه يعني في تغيرات قاعده تصير
اي ولاحظت عادي الشباب يتزوجون عن حب حتى من اشد القبايل

 

[أم حسوون]

السلام عليكم ، فعلا نظرة المجتمع تغيرت قبل كان الطلاق مو منتشر ، اللحين لا حول ولا قوة الا بالله تلاقين مطلق أو مطلق في كل بيت وقراب منا ونعرف أخلاقهم ، ما فيهم الا العافيه بس عدم النضج وتحمل المسؤولية والتدخل بين الزوجين هو اللي وصلهم للطلاق ، يعني معظم الأحيان يكون ما فيه عيب في المرأة أو الرجل ، فالمجتمع صار عنده وعي وما صار كل اللوم على المرأة ، مع أن الطلاق صعب عليها أكثر من الرجل لأن المرأة بطبيعتها تبي الاستقرار ، بس فعلا ما صار ذيج النظرة الظالمة للمرأة

 

[مطلقه جريحه]

جبتيها على الجرح

 

[beealh]

من وجهت نظري واللي اشوفه ومن ناس اعرفهم معرفه شخصيه الحريم اهما السبب بصراحه وصار الطلاق عادي تقعد معاه ما عجبها كشتت فيه و بعيالها وراحت خلعته وعاشت حياتها قهاوي وطلعات و ترد بعدين تزوج واحد من اللي تعرفهم و تقول عادي ما عجبني اخلعه حاله حال اللي قبله شنو هل عيشه ربي لا تبلانه !!

والثانيه ماتبي ريلها يقولها لا تلبسين ضيج ولا تروحين قهاوي تطلب الطلاق !! لهدرجه الزواج والطلاق صار عادي عندكم الوحده تصبر وتحمل تقعد عانس دام هذا تفكيرها ولا مطلقه

 

[باتشي99]

من تبي الطلاق مافي وحدة تهدم فرحتها وحياتها ولو في قلة

انا عن نفسي ماااعطي اي وحدة وجه تقلل من شأني لاني مطلقه لان السالفه كلها توفيق من رب العالمين

مو شرط مطلقه يعني فيني عيوب ياكثرنا المطلقات مظلومات ومايحس هالشعور الا اللي جربه وكل وحده ماكانت تبي الطلاق بس ظروف الوقت اجبرتها

الناس خليها تتكلم فعيوب او غيره اصلا (( النار ماتحرق الا رجل واطيها ))

الله يعوضني ويعوض كل مطلقه

 

[A p r i l]

أنا ماراح اقول الحريم السبب او الريايل


انا اشوف المرأه في مجتمعنا اذا كانت مطلقه تنظلم اكثر من الريال هالشي موجود في مجتمعنا وعاداتنا وتقاليدنا من زماااااان وليومنا هذا ماتغيرررر !!




لانه عقب الطلاق يطلع عليها كلاام حتى لو كانت مظلومة

بعكس الريال المطلق لو طلق عشر حرييييم يتزوووج بنت عاااادي هالشي فمجتمعنا

بعكس البنت اللي من اول تجربة طلاق خلاااص يحطون علهيا اكس وصار العيب كله فيها

وكله بسبة الحرييييم يعني لو قلتي لوحده زوجي ولدج مطلقه مااراح ترضا بعكس الريايل احس عادي عندهم اهم شي يكون الولد من نفسه راضي


والحين بديت أشوف على شوي شوي نظرة المجتمع للمطلقات بدت تتغيررر وبدينا نشوف ملطقات ياخذون ريايل مالهم فرص زواج من قبل


والله يوفقج الجميع

 

[توتة UAE]

أنا ويا آراء أغلب البنات . . صدق كل شي تغير ورياييل مب متزوجين من قبل ياخذون مطلقات
وعادي ياخذون مطلقة عندها عيال . . الحمد لله المظلومة الله يعوضها بزوج أحسن . . دوووم
ألاحظ هالشي بس يمكن لأنه المطلقة تكون حزينة وتيلس تفكر بأفكار سلبية مع انها جديمة

يا رب كل مطلقة مظلومة تتزوج زوج محترم وصالح

 

[احلى خدود]

رفع

 

[Kocheko]

أنا تكسر خاطري المطلقة المظلوووومة
لكن اللى يابت الخراب لروحها هاى شي ثاني .. بس فالنهاية المطلقة لامرض ولا وبااء عشان المجتمع يحقر فيهم
المجتمع يقول عيشي مع واحد يذلج ويخوووووووونج وكفخجججج ولا تتطلقين

 

[mmloo7a]

المطلقة المظلومه اكيد ربج ماراح يخليها راح يعوضها بريال أحسن من الأولي
خصوصا اذا كان خارج نطاق التغطيه او بخيل او يطقها او يشك فيها بس
غير جذيه لاتقول انا مظلومه وتطلع بالريال ألف عله

لان بالنهايه الريال اهو اللي فتح موضوع الزواج حق أهله
ويوا واخطبوج وانتي وافقتي ويكون يبيج طبعا وقعدتوا مع بعض وصار اتفاق
وبعدها اييب الملاج وتتم الملجة


اذا ماسألتوا عنه عدل مشكلتكم

الوحده بس قامت تفكر بسالفه العرس ماعرس وسفر وطلعات

لاتقنعوني انهم ميتين عالمسؤولية
وهم بعض الرياييل الله يهداهم تلقونه بعد الزواج للحين يبي يسافر مع ربعه ولا مجابلي هالديوانيه 24 ساعه ومايدري عن بيته

بس الوحده هم لاتستعيل وتوافق على أي ريال يطق الباب

ومن أيام الملجة تطلع عيوب الدنيا فيه

انزين حبيبتي ايام الملجة عباره عن تعارف بس مايمنع انه يدلعج ويقولج كلام حلو ويعطيج هدايا لازم تكون بخاطره
وكل شي ايي بالراحة

موتحنين عليه مايابلي وماسوالي ومايقولي كلام حلو وخلاص مابيه ومابيه

حبيبتي موكل شي بالغصب
لان هالفترة بتكون وايد حساسة
انتي خلج حلوه معاه وسوي اللي عليج

بعض الرياييل تلقينه عادي يسولف معاج شوي عشان تتفقون وين تسكنون ووين بتسوون العرس ووين بتسافرون مثلا بشهر العسل

عفيه هالفتره لاتضغطين على الريال وايد لان عنده تجهيزات الدنيا وكل هذا عشانج وعشان مستقبلكم

الزواج موبس حب
والحب ايي بعد الزواج

يمكن بالملجة ويمكن ببداية العرس وببدايه شهر العسل يعني هالفترة بتكون وايد حلوه اكيد بتستانسون موشرط تقولين ماسوالي ومايابلي ومابي ومايعرف يقول كلمه حلوه

وان قلتي حق اهلج هالكلام خلاص اكيد الريال يشوفج جذيه ويهون
بيقول شهالدعله

الزواج موبس طلعات
موبس حب
موبس سفرات
موبس صالة الريجنسي
وطقطقه وخلاص

الزواج مسؤولية
شراكة مقدسه بينج وبين زوجج أبوعيالج المستقبلي

ميخالف يمكن يصير فيه خلافات بسيطه ويمكن بعد الزواج عادي انتوا اثنين للحين ماشفتوا شي من حياة الزوجية لان راح تكون حياة أصعب من حياتكم وانتوا بالبيت

باجر وراكم يهال بتجابلونهم

يعني شنو اثنين يتطلقون على اسباب تافهه وبعدها حياتهم تروح لونقول وحده عمرها 24 او شاب عمره 25 طلق بهالعمر

شوفيه جم سنه يبيله على مايجمع او ياخذ قرض ثاني اذا خلص القرض الأولي عشان يتزوج مره ثانيه

الزواج مولعبه

والريال لي قدر يتزوج الأولى وطلق صعبه يتزوج الثانيه والثالثه وتلقينه يطول بين فترة وفترة عشان بس يعدل وضعه ويقدر يتزوج كل مره

والمره موكل يوم لها ريل
وخاصتا اللي عندها عيال

قبل لاتتزوجون فكروا عدل موناقصين تزيد نسبة طلاق

 

[حبي حبيبي]

صااجه
الله يعينا على مجتمعاتنا

 

[Ēŋѕαnħ ツ]

مجتمعنا متعب متعب متعب
نفسي أهاجر آخر الدنيا و ماأعرف أحد و لا أحد يعرف عني شي

 

[زوجة حياتي]

الحين المجتمع تغير وصار الطلاق عادي والمطلقة عندها فرصة زواج كبيرة متلها متل الريال المطلق انا مروو علي حالات
مطلقة وعندها اربع عيال وتزوجت مرة تانية
نظرت المجتمع للمطلقة تغيرت كليااا

 

[مطلقه جريحه]

من واقع تجربه مطلقه مظلومه