مفاجأه

[lolli]

بنات بسوي مفاجأه حق ريلي بمناسبه عيد ميلاده وراح يكون بدوانيته وودي افجاه بشي بالديوانيه منو تقدر تساعدني انا فكرت اييبله عشا و كيكه بس اب مكان حلو و يوصلون للديوانيه و اذا عندكم افكار ثانيه بليييز ساعدوني :klhfl:

 

[sunshine72]

كل عام وهو بخير , ما أدري احترت شنو أقول لج وإن شاء الله البنات يفيدونج ما حبيت اشوف الموضوع وأطلع رفعته لج

 

[lolli]

حبيبتي مشكوره وايد كافي ردج لي

 

[زبوطة]

آنه رايي اتقولين حق اخوه او صديقه المقرب يعزم ربعه كلهم وانتي تكونين مزينة الديوانية ومسوية عشا والطبق اللي يحبه ويكون افضل لو يكون صديق قديم متواجد او شخص عزيز عليه من زمان ما جافه (صديق طفولة مثلا)

وكل سنة وهو طيب والله يدوم المحبة عليكم انشالله وهو محظوظ دام عنده زوجة مثلج

 

[lolli]

مشكوره قلبي خوش فكره

 

[معشووقة السفر]

انا بعد اقول نفس زبوطه انشالله بيستانس
طبي له كيكه وعشى حلو او انتي سويله عشى من اصناف اهوا يحبها

 

[فراشة سعودية]

نصيحة تبين تسوين شي سوية بينك وبينة ......... مالة داعي في الديوانية قدام الله وخلقة كلهم بيقولوا من مسويي؟ زوجتك
الناس ماتعطي خير

 

[maysoon]

اي معاااج يا فراشة سعودية مالة داعي كل الناس تعرف حلاته الشي بينج وبين ريلج يمكن ينحرج جدام ربعه بالديوانية وانتي تعرفين مجتمعاتنا التقليدية واطباعهم انا احس انه فشله :ssssso:​

 

[اللمسة المخملية]

حلو.. بس خلي المفاجأة مفاجأتين..

ييبي الكيكة على صورته وهو بيبي او حطيله مجموعة صور له من كان صغير لما كبر

بتكون عجيييييييييييييييبة وصج مفاجأة وبينصدم منها

 

[غزلان]

خليها بينج وبينه
لا تحتفلين معه قبيله كامله

 

[يااالبيه]

بينج وبينه افضل حبيبتي .. بلاااااااااااش وجود اشخاااااااااااااااااااااااااص ماتدرين شنو ردة فعلهم بالموضوع ..
وهالمناسبه افضل تكون خاصه بين قلبج وقلبه ..
وكل عاو واهو بصحه وعاااااااااااااااااااااااافيه ..

 

[lolli]

صح كلامكم بنات انا بعد فكرت فيها صح مو حلوه جدام ربعه فشله
مشكورين واااايد :***