مـوضـوعـنـا يـتـكـلـم على النـقـاب :)

[i'm so happy]

صبـاح الــــورد :eh_s(17): , صـبـاح التفائل بالخيـــر والبـركـات ... :eh_s(7):

طـبـعـاً صـار لـي فـتره طويلـــهـ مـو مشـاركة بس والله دوم متابعتكم يالحـلـوات
ان شاءالله كل البـــنات بخيـــر وعافيـه ..

اليوم بنتكلم يالمتزوجات والمقبلين على الزواج عن ( النقاب )

ودي اعرف متى تنقبتي ؟؟
هل الزوج شرط عليج ؟؟
هل اجبرج ؟؟
انتي مرتاح بالنقاب اكثر او قبل ماتتنقبين ؟؟

لما تسافرين تلبسينه ؟؟ شلون يكون ستايلج برع الديره وداخل الديره ؟؟
وفالدوام تلبسينـه ؟؟؟

مادري وايد افكر بخصوص النقاب لانه هاليومين اشوف في تلميحات من زوجي :bbbiu:
بخصوص النقاب للدوام ألبسـه وانا لبسته علشانه لما اطلع المول او نطلع اي مكان
يكون علي النقاب وراضيه بشكلي بالنقاب الحمدلله الستر حلـو بس وانا من قبل الزواج كنت البسه بس فسخته وقلت لما اتزوج برد البس مالي سالفة البسه الحين واكبر عمري
وصج حسيته برتياح اكثر بدونه ويوم لبسته صار شي غريب علـي !! مادري شلون ..

والحــين يبيني البسه فالدوام واللي معاي فالدوام ولا وحده فيهم متنقبه كلهم بدون نقاب بس انا بصير بينهم بنقاب مادري شلون احس !!؟؟

حابه اعرف انتو شلون بنات وتظنون شنو الاحسن ..
وخصوصا الحين زمنا تغير عن قبل بس اكيد متمسكين بدينا وعاداتنا وتقاليدنا
والنقاب مو شرط اكيد ولا واجب بس مادري هاليومين احس هالشي غريب علي ...:eh_s(10):


نشوف تجاربكم ورايكم والاسأله اللي سألتكم ابيكم تجاوبون عليها يلاااا ابي تفاعل عاد

 

[iLLuMinaTion]

ابببب

 

[ديانا سبنسر]

شوفي أنا لو مكانج. أتنقب طاعة لربي ولزوجي وعلى قولتج الستر حلو. وبالعكس الحين المنقبات شكلهم مرتب. وكشخة. لاتحاتين. شكلي شلون راح يصير ترا كلها وساوس شيطان ومبروك مقدما

 

[عذبة السجآيآ]

انا الحمدلله متنقبه قبل لا اتزوج

وبالعكس احس بأرتاااح اكثر فيه

وبالعكس ماله شغل الزمان والمكان بالنقاب دامج انتي تبينه ومقتنعه فيه اذا اهم شي

وبالنسبه لسفرات ملتزمه فيه الحمدلله

وانتي لم تلبسينه عن اقتناع صدقيني بتحبينه وتعودين عليه وعودي نفسج بس اذا كلش موحابته فـ من البدايه لاتلبسينه لان بيكون مشوه لج ولنقاب مره تلبسينه ومره لا يعني اخذي لج قرار واانتي مقتنعه فيه

 

[Patcholli]

اشوف النقاب عادي معني مو متنقبه بس ماحس ان شي غريب لو منقبه قعدت بين بنات مو منقبات معانا بس موظفه وحده منقبه بالقسم ومانحس انها غير عنا حده حده حده عاااااااااادي

 

[i'm so happy]

اشكر تفاعلكم يالحلوات

وصح لازم الاقتنااااع

نشوف آراء ثانين يلااا نبي تفاعل بناااات

 

[ام يسووفي]

انا تنقبت بعد زواجي زوجي كان يبيني اتنقب بس لما اقتنعت فيه بعدين تنقبت ومرتاحة عالنقاب الحمدلله وحتى بالسفر مااقطه

 

[You FOR Me Only]

مو متنقبه وزوجي كان يبيني اتنقب او اتغشى خخخخخ فاتغشى احيانا

بس بالنسبه لي مو مهم النقاب دام محترمه نفسي بلبسي اهم شي العبايه ساتره والحجاب ملتزمه فيه مايطلع شعري

 

[قطوووة]

ههههههههههههه

شوفي موضوعي

لما تزوجتي ...... تنقبتي؟

بتنصدمين من الردود

 

[Perfume]

انا مو متنقبة وزوجي عادي عنده ما طلب مني اتنقب

 

[سندس 90]

اب اب

 

[a7la siorah]

انا متنقبه قبل الزواج

وشكلي فيه مرتب ورزه

بس تبين الصج لو يرد فيني الوقت ماكنت راح اتنقب

بس طبعا زوجي قالي لو كنتي جايتني بدون نقاب كنت راح انقبج يعني فيني فيني

وبخصوص السفر اقطه ووالبس عبايه وملفع ونظاره وزوجي راضي

 

[وحدة وحيدة]

انآ عممري ذحين 16 و محجبة واتغططى ,
مآ دام اني بلغت وجتني الدوره فيجب علي والي تقول انو تغطية الوجه مو واجب فأنا اجيب لك دليل
قوله تعالى: " يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يُعرفن فلا يؤذين وكان الله غفوراً رحيماً".

وكفى !

 

[شادن33]

انا متنقبه قبل وبعد الزواج
والله حلو النقاب ستر خصوصا ياختي انا وايد اتبين انفعالاتي بويهي بسرعه خخخخ استر لي

وشكلي حلو ومرتب ورزه

 

[نور وشموع]

النقاب ستررررررر

 

[رنيم الروح]

الحمدلله متنقبه قبل اتزوج ومرتاحه نفسيا فيه وحتى بسفراتي لبسته وماعندي مشكله فيه لانه عباده ورضا للرب
وبعدين حبيبتي اذا تفكيرك على الناس مراح ترتاحين وخير ياطير اذا اهم مو متنقبين
انا لما سافرت حق رساله ومناقشه كان الي معي كلهم اجانب واغلبهم الجنسيه الالمانيه من دكاتره وغيرهم وبالعكس كنت فخوره جدا بحالي بينهم وكنت احس اني قمه دائما ومميزه وماشفت اي انتقاد اتجاهي

 

[شامخة بطموحها]

السلام عليكم حبيبتي
أول شيء قبل لاتطيعي زوجك أطيعي ربك والي تقول انومختلف فيه صح هو مختلف لكن حجة الي أجازو كشف الوجه ضعيفة ووجدت ضدها الحجج والأدلة من القرآن والسنة فمن القرآن قوله تعالى " يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يُعرفن فلا يؤذين وكان الله غفوراً رحيماً".
حبيبتي أسألك سؤال في الآية مذكور ذلك أدنى أن يعرفن فلا يؤذين فكيف يكون عدم معرفة الرجال للمرأة بكشفها لوجهها أم بتغطيته اتمنى من كل وحدة تكشف وجههاتراجع نفسها بهذا السؤال
النقطة الثانية من السنة فيما معنى الحديث وجود النظرة الشرعية والدليل معروف هنابعد في سؤال لو كانت المرأة تكشف وجهها أيحتاج للنظرة الشرعية لا لأن النظرة الشرعية يكون فيها النظر إلى الوجه واليد وغيرهاالمتعارف عليه وهنادليل على أن الأصل تغطية الوجه وبفضل الله لبسته من يوم بلوغي كان بسادس ابتدائي الله يسترك ياأختي دنيا وآخرة موفقة وآسفة عالإطالة

 

[رفيقه الأمل]

الستر حلو وزين ماشاء الله زوجك يحبك والدليل يبي جملك كل له
انتي تنقبي علشان ربك مؤ زوجك
والله مادري عن الكويت بس إحنا عندنا بالسعودية من يصير عمر البنت 12 تنحجب ومن يصير عمرها 13 تتنقب فعادي عندنا النقاب
بس شوفي اذا ماتنقبت تشوفين نظرات عليها
على العموم
أنصحك بالستر ياوخيتي اليوم عايشين بكرا مادري وش يصير
ومثل ماقلت له سوي هالشي لله علشان ربي يوفقك

 

[ام زهقانه]

موضو ع حلو
اول شي انا منقبه نفسي من كنت بيت ابوي
لما تزوجت رجلي رفض نقابي لزم غطوه

فسخرت النقاب
بعد جم سنه رديت ولبسه الحين لبس نقاب
الحمد الله احسن من قبل واحسن اني اتخذت القرار الصح
احسن من الي كاشفه وجها مليون مره
رياجيل يخزون خز
واذا سفرت اقطه ولا احد اي مكياج
بعكس وجه المره بنقاب احلا وااجمل سبحان الله

 

[دلال و غلا]

الستر واجب و شرط اساسي للحرمه اللي تخاف ربها و صاينه نفسها عن الناس اللي ف قلبها مرض
يعني النقاب واجب و شرط ع المره الصالحه اللي ما ترضى كل من هب و دب يطالع لها و ما تدري شنو ف قلبه و شنو يفكر فيه واشياء كثيره
ومو معقوله اكون عايشه مع ناس ما تصلي واصير نفسهم ع شان ما اختلف عنهم
لمن الوحده تفكر و تقول وجهي و جسمي و صوتي هذول اشياء غاااليه مو اي انسان يقدر يشوفني او يسمعني
و اللي تكون منقبه بالديره و برا الديره لأ ممكن اعرف السبب ؟ يعني مثلا انتي تلبسينه ع شان ناس معينه و هالناس مو موجودين برا الديره فا عادي تقطينه ؟ او لبستيه داخل الديره ع شان الله و دينج امروج بالستر ؟ اذا ثاني شي صح معناته دينج ف قلبج و ربج فوقج و معاج ف كل مكان ف الكويت او برا
و المفروض النقاب ما ينقط

الحمدلله انا من قبل الزواج منقبه والبس عباية راس و تزوجت انسان كان ف باله نفس مواصفاتي