مـمـكـن مـسـآعـده

[حـبـيـبـة زوجـي]

هآآي حبايبي ,, شلونكم ؟!,,.

بـنـآت بغيت مساعدتكم بموضوع وايد قاعده افكر فيه

آول شي انا عضوه يديده و حبيت اشاركم و هذا اول موضوع حقي

آنآ توني متزوجه ماسارلي شهرين و ريلي واايد كاان مدلعني و كل شوي يدق يسأل عني

فجآه من غير اي سابق انذار تغير 180 درجه و ساار ناشف معاي حييل و مايدق إلا اذا بيخبرني انه بيطلع او يبي ينام

و انا 24 ساعه افكر بهالموضوع ماني قادره انام و كله قاعده احاتي

بليييز ابي مساعدتكم :eh_s(2):

 

[زوجه حبيبي]

حبيبتي غريبه التغير وانتم توكم عرسان بس يمكن كنتي تطلعي معه وتقابليه ايام الملكه عشان كذا خلاص قل الاهتمام وشبعتوا من وبعض احتمال اسمحيلي اهتمامك بزينتك ومظهرك قل وبعدين حياتي الرجال يملون بشكل سريع عشان كذا خلي اهتمامك بنفسك واسلوبك وببيتك اكثر وغيري من الروتين مع انه مامداكم تملون
وموفقه حبيبتي والله يسخرلك زوجك يااااااااااااااااااااااااااااااارب ومايطالع لغيرك
دعواتك لي

 

[قلبهـ 86]

الله يعينج
اتمنى البنات يساااعدونج

 

[Tom ♥ Jerry]

،

غريبه يعني مآ صارلكمـ مده متزوجين !
مآ مدآه يحس بالفتور من نآحيتج

حياتي حآولي تجذبينه صوبج كشخي و ظبطي الجو
و سوي اشياء رومآنسيه .،
يمكن الريال عنده ظروف مأثره عليه و على نفسيته
انتي مآ تدرين عنهآ ,،

قوليله حياتي شفيك ؟ متغير علي ؟ !
آن شاء الله يفتحلج قلبه و اذا مآ تكلم بولا كلمه ،‘ خلاص خليه لا تزنين عليه
و الله الهآدي انتي سوي الي عليج ؛**

 

[دلــــــــــع!]

آهتمي فيه أكثر أو شوفي يمكن صايره شي مشكله
متضايق عشان شي ،، حاولي تعرفين السبب اللي خلااه يصير جذي
ومثل ما قالوا البنات يمكن مل او شي حاولي تجددين
علاقتكم سوي أشياء رومانسيه غيري من شكلج
الله يسخره لج انشالله ويهتم فيج ويدلع اكثر من قبل

 

[انا لحبيبي .]

حبيبتي يمكن انتي مكبره الموضوع زياده عن اللزوم ، يمكن زوجك انشغل بشي معين

لاتحطي ببالك حبيبتي ، زوجك ضامن انه راجع رح يلاقيكي البيت

ازا زاد الموضوع عن حده فيكي تحكي معه وتخبريه بهالشي ، الله يهدي بالك ويرح بالك يارب

 

[ماني من الناس]

انتي نوعي في معاملتج له

لا تصيرين دايما على نفس المنوال

اثقلي مرات ومرات لا يعني

كوني غامضه ومثيره للأنتباه

 

[أم توتو]

الله يهديه ويسخركم حق بعض

 

[om_7amny 85]

لا عادي لان خلاص اخذ على وضع الزواج و وجودج بالبيت و تعود عليج
و هذي السالفه لا تحاتين
و انت لا تهتمين و سوي مثله و عطي طاف خلج قويه من البدايه لا تصيرين مثلي اركض وراه و اداري و 24 ساعه ثقلان علي
انتي بعد ثقلي مو تنفسين عليه ترى في فرق بين الثقل و التنفيس
اول ما يرد البيت خلج كشخي وحطي مكياج وبس يدخل عليج جنج مو مهتمه ابتسمي بويهه و كملي الموضوع و خليج جنج مندمجه بفلم و مو مهتمه له بس لا تنفسين عليه هذا اهم شي
و خلي اهو الي يفكرفيج ليش متغيره مو بس أنتي تفكرين في و لما يسألج شفيج متغيره
استغربي و قوليله أنا متغيره ؟؟ لا يتهيألك نقدي على عمره

 

[جارةالرسول]

لاتكبري الموضوع يمكن انشغل فجاة

حاولي معه وكلميه وغيري حركاته معه للافضل طبعا

ولسي توكم لاتخاااافي .....

 

[كادي2011]

حبيبتي دربالج تقولين له شفيك متغير
سوي نفسج كلش مافي شي
بس انتي تغيري بالبس والبدلع والحركات وحتى بيتج غيري مكان الأثاث وغرفة النوم غيري الديباج وطريقة ترتيب التواليت
وكبت ملابسه هم غيري ترتيبه يعني كل الروتين اللي تعود عليه خلال هالشهرين غيريه 180 درجه
لأن الريال أكيد مل من نفس الروتين وهذا أمر طبيعي لأن الإنسان بطبعه ملول
وهم انتي غيري من لبسج وكلامج إللي تعود يسمعه غيريه حتى لو بجرأه ممكن تستحين لكن خلاص اعتقد شهرين مدة كافيه إنكم تعودتوا على بعض غيري بطريقة الأكل وطريقة تقديمه
حتى المسجات غيري فيها ومو ترسلين له كل شوي لا ثقلي لأن الريال يحب الدلع بس هم يحب الثقل
يعني بالعربي كل شي غيريه خليه مختلف تماما عن الشهرين وشوفي شلون يتعدل
بس الأهم لا تقولين له شفيك متغير لأن الرياييل يكرهون هالكلمه

موفقه حبيبتي

 

[حـبـيـبـة زوجـي]

مشكورين بعد قلبي على ردودكم

بس انا اساسا كل شهر اغير من شكلي و من صبغ شعري و ستايلي اب كل شي
و ما احب اسأله وايد شفيك لأنه هالشي يضايقه
بس صح كلامكم يمكن مشغول اب شي ولا شي شاغل باله

 

[يارب احفظ عيالي]

صبري اختي يمكن عنده مشكله او متضايق من شي الله يسخره لج

 

[ورده الكرستال]

الله يهديه ويسخره لج



يمكن عنده ظغوط في الشغل

 

[مجروحه وتكابر&]

حبيبتي أنا كمان عضوه جديده بس حبيت أقولك الدعاء والله والاستغفار ماكو شي يحل مشكلتك غير ربك الحي واستغفري باليوم الف مره وشوفي وشلون يحلها ربج. وبالتوفيق

 

[سعوديه مصدومه]

يمكن احد قالب مخه من ربعه يعني لاتدلع المره ومن هالكلام وتاثر

 

[classicyah]

مآ عليهْ ،

يمكنْ مشغولْ هالفترهْ اشويْ . .

،

انتيْ خلجْ صديقتهْ قبل زوجتهْ ،

و أنآ دآيماً أنبهْ بـ ردوديْ ،

انه الريـآل يبـآ الحرمه ، اتكون صديقتهْ ،

شوفيْ شو هوآيآته ، شو الشي الي يحبهْ ،

و شآركيه ، و اتنآقشي بهالموضوعْ ،

و بهالطريقهْ بتجذبينه أكثرْ ،

و هالله هالله ، بالمفآجآت و هالسوآلف . .

و ان شآءالله يـآ رب ، يرد مثل أول ، !

 

[أنهار الورد]

مبرووووك ياعروسة اول شئ

ثاني شئ يمكن زوجج عنده مشكلة بالدوام ولا مضغوط شوي صبري عليه لو طول بهالحال كلميه واشرحي له اللي بخاطرج

الله يخليكم لبعض

 

[dectora 7elwa]

الله يسخركم لبعض
ان شاء الله ماكو الا العافيه

 

[حـبـيـبـة زوجـي]

تسلموون كلكم على ردوودكم وانشالله انا بسوي مثل ما قلتو عليه

و الله يبارك فيج بعد عمري انتي

​