- إنضم
- 26 يوليو 2009
- المشاركات
- 2,167
- مستوى التفاعل
- 0
- النقاط
- 0
السلام عليكم ورحمة الله وبركاته
شلونكم حبايبي شخباركم ولهت عليكم...واشتقت للمنتدى واشتقت اكثر اني اكتب لكم موضوع عن شي يهم الكل
"" المنـــــــــاطـــق الحســـــاسه ""
راح اكتب لكم جم شغله مهمه بخصوص الابط والمنطقه الحساسه
- شلون تنظفينهم من الشعر
- طريقة التنظيف
- العنايه والتعقيم
- علاج الافرازات والحكه والدمامل
طبعا راح يكونون كل الخطوات متشابهه بغض النظر عن علاج الافرازات للمتزوجه راح يكون من برا وداخل وللبنوته راح يكون من برا بس
بسم الله راح نبدأ ....
اول شي واهم شي تنظيف المنطقه الحساسه
1- تستخدمين غسول رغوي طبي وكل شهر او شهرين لازم تغيرين النوع انا عندي نوعين ما استغني عنهم وابدل بينهم كل فتره ليش لانه كل ما استمريتي على غسول فتره طويله راح تقل مقاومته للبكتيريا وراح يتأقلم معاها فمراح يعقم المكان ولا راح يفيدج ابدا ..والنوعين اللي استخدمهم
*((لغسل المنطقه الحساسه تاخذين شويه من الصابون وتغسلين فيه المكان المطلوب ولازم تطولين شويه يعني بودقيقه عالاقل))
*((غسل المنطقه الحساسه للبنات ثلاث مرات بالاسبوع والمتزوجه طبعا قبل وبعد الجماع لانه احيانا تكون فيه اشياء بكتيريا وفطريات على سطح المكان مجرد ما يحصل جماع راح تنتقل لداخل الرحم وبعدين روحي دوري علاج ))
2-تنظيف المنطقه الحساسه من الشعر باستخدام امجوي(يكون معاها راس للحلاقه)او موس الحلاقه العادي ولازم يكون لونه وردي او بنفسجي او سماوي لانه هاللون خاص للبنوتات (ادري اغلبكم يعرفون بس في غيركم مايعرف) بنات لازم نتبع اللي قالنا عنه الرسول عليه الصلاة والسلام لانه مايقول شي الا وله حكمه
الحلاقه تخلي المنطقه دائما مشدوده وتخليها شابه طول العمر عكس الشيره ترهل المنطقه اذا استخدمتيها باستمرار طبعا لا مانع انج تستخدمين الشيره في المناسبات الخاصه او كل شهرين ثلاث ودهنين بزيت الزيتون لانه يخفف الشعر ويخليه يتأخر على مايطلع ولو تخلطين معاه شوية ليمون يخلي الشعر يطلع ناعم وطبعا مع الاستمرار وهالشي تقدرين تسوينه كل ماشلتي موس بعد
*الطريقه الصحيحه عند ازالة الشعر :
- غسل المنطقه الحساسه بالغسول الطبي
- مسح المنطقه الحساسه بديتول الشخصي المخفف لتعقيم بواسطة قطنه (طبعا تحطبن نص من الغطاء ببطل ماي صغير وترجينه وتخلينه دايما عندج بالحمام .
- تقعدين على الافرنجي او بمواجهة المنظره او على المرحاض العادي (عزكم الله لازم اوضح لانه اكو بنات مايعرفون)بدون لا تشدين الجلد(لما تشدين الجلد ممكن تشيلين الشعره من تحت الجلد فلما تنبت بعدين يكون النبت داخل الجلد فيصير حبوب وانتفاخ واشياء عجيبه فالمطلوب من عملية الحلاقه شيل الشعر من سطح البشره فقط )
- تبدين تحطين رغوة الحلاقه على المكان وتشيلين مع اتجاه الشعر فيه نوع من جيليت بالنعناع روعه يعطيج بروده وينعش الجلد وفيه بالليمون وغيره(في بعض البنات تشيل بدون رغوه وحتى بدون ماي حدها قويه صح بس ترا صج ديربالكم لانه هالشي يسبب اسمرار سطح البشره وممكن تشيلين طبقات من الجلد وتكونين مو حاسه وراح تنشف المنطقه اكثر وتعالي سنعي بعدين وحطي موضوع ياكويتيات لحقوني :eh_s(3): عرسي بعد شهر )
- تبدين تسمين بالرحمن وتشيلين مع اتجاه الشعر وطولي بالج وانتي تشيلين لا تستعجلين ابدا وشيلي لين تحسين انه باجي شويه من الشعر تالي شيلي عكس اتجاه الشعر وهاااااا قلنا بدون شد ديربالكم وشيلي بشويش بشويش بعدين من اليمين بعدين من اليسار وردي نفس الاتجاه وعكسه ومن كل اتجاه لين تصير المنطقه واااااااو
((قبل لا تشيلين كتي شويه من الديتول المخفف على الموس او راس الحلاقه اللي مع الاله ))
-الحين خلصتي نعيما المطلوب تردين تغسلين المنطقه بعدين تمسحينها بديتول ودهنيها اما
((بزيت زيتون مع ليمون او سودو او درابولين او تخلطين زيت الزيتون مع السودو او الدرابولين احلا بعد))
* دائما وابدا وكل يوم مسحي المنطقه من برا بديتول المخفف خلي البطل بطلين واحد بالدرج بدارج وواحد بالحمام ..
* دائما بعد كل شور او بعد كل غسله تمسحين بديتول المخفف وبعدين الكريم ..
* بنوته او متزوجه تضايقج الافرازات والريحه وتحسين دايما المنطقه مرطبه ومو جافه وتضايقج ولا يهمج
تاخذين هالاعشاب (( حفنة بابونج + ميرميه + خزامى للتعطير + ورق زعتر))
نقدر نقول ملعقه من كل عشبه وتطبخينهم بقلاصين ماي لاننا نبي المنقوع مركز تخلينه يغلي 10 دقايق او ربع ساعه بعدين طفي النار غطيه وخليه لين يبرد بس قبل لا يبرد قطي فيه كسرة مره ..
تاخذين بطل الماي لكبير قياسه لتر ..تحطين فيه المنقوع وتضيفين معاه ديتول شخصي غطاة وحده وتزيدين ماي ..
طبعا تنظيف وتعقيم وتعطير وعلاج وتفتيح كله بواحد وتقدرين اما تستخدمينه كغسول او تمسحين فيه المنطقه من برا وداخل بقطنه والقطنه اللي تستخدمينها لا تردين تجيسين الغسول فيها لانه راح يتلوث..
*استخدام الفوط اليوميه وتبديلها عند الحاجه لمن تلاقينها فيها شي لا تتهاونين على طول قطيها وبدلي بغيرها لو تحطين كلينكس بس لانه الافرازان اذا طولت على هالمكان راح تتكاثر البكتيريا ..
*لمن تكونين طالعه ورحتي للحمام وشفتي انه فيه افرازات تتبدل الفوطه على طول وتطلعين من جنطتج منديل فيم المعقم للمنطقه الحساسه او كير فري وتغسلينها عدل مدل بعدين تنشفينها وتمسحينها بالمنديل عدل مدل وشوفي النظافه ..
*تقدرين تستغنين عن المنديل باستخدام البخاخ المعقم بعد ما تنشفين المنطقه بس احس المناديل احلا ..
* كل ما تبين تطلعين من البيت او بعد كل شور اخذي بودره وطبعا تكون خاصه للمنطقه الحساسه مثل فيم وحطي على المنطقه كلها راح تستانسين من النتيجه لانه نو عرق ونو رطوبه ..
*تستغنين عن الاندروير يوميا ساعه عالاقل لتهوية المنطقه ..
* لبس الشورت القطني دائما لمنع الاحتكاك واسوداد المكان وبالتالي نظافه وراحه ..
* الاستغناء عن الاندروير النايلون والحرير وغيره واستبداله بنوع يكون من القطن لمن تطلعين دائما وابدا..
* الكلينكس يكون دايما يمج بحمامج ولازم تجففين المنطقه بعد كل حمام ..
* لتبييض المنطقه الحساسه مسحها قبل استخدام الكريم المبيض باسكينول الليمون بعدين دهنها بكريم الدكوين فور انصح فيه وبشده ..روووووووووووعه بس اسبوعين او اقل وبتدعين لي
* لمن تاخذين شور دائما احرصي على تقشير المنطقه على الخفيف باي مقشر ويفضل زيت الزيتون مع شكر او ملح
*للمتزوجه فيه تحاميل تنظف وتشد وتطلع كل البلاوي اللي بالرحم تلاقونها بالصيدليه لازم تستخدمين كل اسبوع تحميله وتحطينها وتنامين على ظهرج
والحيــــــــــن ننتقل للاباط ..
اول شي المكان هذا لازم يكون دائما نظيف من الشعر
1- تستخدمين الة امجوي ليش لانه جلد هالمنطقه رقيق حيل وناعم وما يتحمل الشيره فيصير اسود ورقيق اكثر وبالتالي سواد فوق سواد فالاله بس تشيل الشعر وتخلي الجلد صحي انا دايما اشيل فيها
2- تستخدمين ديودرنت طبي ويكون ثقه ما يسود شوفي اللي يناسبج وبعدي عن شغل الجمعيات
3- فركي المنطقه مره او مرتين بشبه مخلوطه ببودرة اطفال راح تبيض الابط وتخليه يهبل وتمنع اي ريحه يعني ملعقة شبه ونص ملعقة بودرة اطفال والفرك بخفه لا تتجرح المنطقه
4- اذا حسيتي ان المنطقه مسمره مالج الا الدكوين فور والاسكينول ديربالكم من المقشرات يا بنات ترا ما تبيض ابدا تزيد العله وبس
5- تقشيرها وقت الاستحمام باي شي تحبينه ويكون مع كل شور
6- تمسحينها قبل لا تشيلينها وبعد ما شلتيها بديتول الشخصي اللي عندج بالدرج ماغيره :eh_s(15):
7- وبعد ما ينشف الديودرنت على طول تحطين بودرة على المكان وبعدي عن البودره المعطره اما بودرة فيم او بودرة الاطفال جونسون
والحيـــــــــــن ادعولي انه ربي يشرح صدري ويخليلي احبابي ويسخرلي الناس اللي ببالي لاني تعبت معاهم
شلونكم حبايبي شخباركم ولهت عليكم...واشتقت للمنتدى واشتقت اكثر اني اكتب لكم موضوع عن شي يهم الكل
"" المنـــــــــاطـــق الحســـــاسه ""
راح اكتب لكم جم شغله مهمه بخصوص الابط والمنطقه الحساسه
- شلون تنظفينهم من الشعر
- طريقة التنظيف
- العنايه والتعقيم
- علاج الافرازات والحكه والدمامل
طبعا راح يكونون كل الخطوات متشابهه بغض النظر عن علاج الافرازات للمتزوجه راح يكون من برا وداخل وللبنوته راح يكون من برا بس
بسم الله راح نبدأ ....
اول شي واهم شي تنظيف المنطقه الحساسه
1- تستخدمين غسول رغوي طبي وكل شهر او شهرين لازم تغيرين النوع انا عندي نوعين ما استغني عنهم وابدل بينهم كل فتره ليش لانه كل ما استمريتي على غسول فتره طويله راح تقل مقاومته للبكتيريا وراح يتأقلم معاها فمراح يعقم المكان ولا راح يفيدج ابدا ..والنوعين اللي استخدمهم
*((لغسل المنطقه الحساسه تاخذين شويه من الصابون وتغسلين فيه المكان المطلوب ولازم تطولين شويه يعني بودقيقه عالاقل))
*((غسل المنطقه الحساسه للبنات ثلاث مرات بالاسبوع والمتزوجه طبعا قبل وبعد الجماع لانه احيانا تكون فيه اشياء بكتيريا وفطريات على سطح المكان مجرد ما يحصل جماع راح تنتقل لداخل الرحم وبعدين روحي دوري علاج ))
2-تنظيف المنطقه الحساسه من الشعر باستخدام امجوي(يكون معاها راس للحلاقه)او موس الحلاقه العادي ولازم يكون لونه وردي او بنفسجي او سماوي لانه هاللون خاص للبنوتات (ادري اغلبكم يعرفون بس في غيركم مايعرف) بنات لازم نتبع اللي قالنا عنه الرسول عليه الصلاة والسلام لانه مايقول شي الا وله حكمه
الحلاقه تخلي المنطقه دائما مشدوده وتخليها شابه طول العمر عكس الشيره ترهل المنطقه اذا استخدمتيها باستمرار طبعا لا مانع انج تستخدمين الشيره في المناسبات الخاصه او كل شهرين ثلاث ودهنين بزيت الزيتون لانه يخفف الشعر ويخليه يتأخر على مايطلع ولو تخلطين معاه شوية ليمون يخلي الشعر يطلع ناعم وطبعا مع الاستمرار وهالشي تقدرين تسوينه كل ماشلتي موس بعد
*الطريقه الصحيحه عند ازالة الشعر :
- غسل المنطقه الحساسه بالغسول الطبي
- مسح المنطقه الحساسه بديتول الشخصي المخفف لتعقيم بواسطة قطنه (طبعا تحطبن نص من الغطاء ببطل ماي صغير وترجينه وتخلينه دايما عندج بالحمام .
- تقعدين على الافرنجي او بمواجهة المنظره او على المرحاض العادي (عزكم الله لازم اوضح لانه اكو بنات مايعرفون)بدون لا تشدين الجلد(لما تشدين الجلد ممكن تشيلين الشعره من تحت الجلد فلما تنبت بعدين يكون النبت داخل الجلد فيصير حبوب وانتفاخ واشياء عجيبه فالمطلوب من عملية الحلاقه شيل الشعر من سطح البشره فقط )
- تبدين تحطين رغوة الحلاقه على المكان وتشيلين مع اتجاه الشعر فيه نوع من جيليت بالنعناع روعه يعطيج بروده وينعش الجلد وفيه بالليمون وغيره(في بعض البنات تشيل بدون رغوه وحتى بدون ماي حدها قويه صح بس ترا صج ديربالكم لانه هالشي يسبب اسمرار سطح البشره وممكن تشيلين طبقات من الجلد وتكونين مو حاسه وراح تنشف المنطقه اكثر وتعالي سنعي بعدين وحطي موضوع ياكويتيات لحقوني :eh_s(3): عرسي بعد شهر )
- تبدين تسمين بالرحمن وتشيلين مع اتجاه الشعر وطولي بالج وانتي تشيلين لا تستعجلين ابدا وشيلي لين تحسين انه باجي شويه من الشعر تالي شيلي عكس اتجاه الشعر وهاااااا قلنا بدون شد ديربالكم وشيلي بشويش بشويش بعدين من اليمين بعدين من اليسار وردي نفس الاتجاه وعكسه ومن كل اتجاه لين تصير المنطقه واااااااو
((قبل لا تشيلين كتي شويه من الديتول المخفف على الموس او راس الحلاقه اللي مع الاله ))
-الحين خلصتي نعيما المطلوب تردين تغسلين المنطقه بعدين تمسحينها بديتول ودهنيها اما
((بزيت زيتون مع ليمون او سودو او درابولين او تخلطين زيت الزيتون مع السودو او الدرابولين احلا بعد))
* دائما وابدا وكل يوم مسحي المنطقه من برا بديتول المخفف خلي البطل بطلين واحد بالدرج بدارج وواحد بالحمام ..
* دائما بعد كل شور او بعد كل غسله تمسحين بديتول المخفف وبعدين الكريم ..
* بنوته او متزوجه تضايقج الافرازات والريحه وتحسين دايما المنطقه مرطبه ومو جافه وتضايقج ولا يهمج
تاخذين هالاعشاب (( حفنة بابونج + ميرميه + خزامى للتعطير + ورق زعتر))
نقدر نقول ملعقه من كل عشبه وتطبخينهم بقلاصين ماي لاننا نبي المنقوع مركز تخلينه يغلي 10 دقايق او ربع ساعه بعدين طفي النار غطيه وخليه لين يبرد بس قبل لا يبرد قطي فيه كسرة مره ..
تاخذين بطل الماي لكبير قياسه لتر ..تحطين فيه المنقوع وتضيفين معاه ديتول شخصي غطاة وحده وتزيدين ماي ..
طبعا تنظيف وتعقيم وتعطير وعلاج وتفتيح كله بواحد وتقدرين اما تستخدمينه كغسول او تمسحين فيه المنطقه من برا وداخل بقطنه والقطنه اللي تستخدمينها لا تردين تجيسين الغسول فيها لانه راح يتلوث..
*استخدام الفوط اليوميه وتبديلها عند الحاجه لمن تلاقينها فيها شي لا تتهاونين على طول قطيها وبدلي بغيرها لو تحطين كلينكس بس لانه الافرازان اذا طولت على هالمكان راح تتكاثر البكتيريا ..
*لمن تكونين طالعه ورحتي للحمام وشفتي انه فيه افرازات تتبدل الفوطه على طول وتطلعين من جنطتج منديل فيم المعقم للمنطقه الحساسه او كير فري وتغسلينها عدل مدل بعدين تنشفينها وتمسحينها بالمنديل عدل مدل وشوفي النظافه ..
*تقدرين تستغنين عن المنديل باستخدام البخاخ المعقم بعد ما تنشفين المنطقه بس احس المناديل احلا ..
* كل ما تبين تطلعين من البيت او بعد كل شور اخذي بودره وطبعا تكون خاصه للمنطقه الحساسه مثل فيم وحطي على المنطقه كلها راح تستانسين من النتيجه لانه نو عرق ونو رطوبه ..
*تستغنين عن الاندروير يوميا ساعه عالاقل لتهوية المنطقه ..
* لبس الشورت القطني دائما لمنع الاحتكاك واسوداد المكان وبالتالي نظافه وراحه ..
* الاستغناء عن الاندروير النايلون والحرير وغيره واستبداله بنوع يكون من القطن لمن تطلعين دائما وابدا..
* الكلينكس يكون دايما يمج بحمامج ولازم تجففين المنطقه بعد كل حمام ..
* لتبييض المنطقه الحساسه مسحها قبل استخدام الكريم المبيض باسكينول الليمون بعدين دهنها بكريم الدكوين فور انصح فيه وبشده ..روووووووووووعه بس اسبوعين او اقل وبتدعين لي
* لمن تاخذين شور دائما احرصي على تقشير المنطقه على الخفيف باي مقشر ويفضل زيت الزيتون مع شكر او ملح
*للمتزوجه فيه تحاميل تنظف وتشد وتطلع كل البلاوي اللي بالرحم تلاقونها بالصيدليه لازم تستخدمين كل اسبوع تحميله وتحطينها وتنامين على ظهرج
والحيــــــــــن ننتقل للاباط ..
اول شي المكان هذا لازم يكون دائما نظيف من الشعر
1- تستخدمين الة امجوي ليش لانه جلد هالمنطقه رقيق حيل وناعم وما يتحمل الشيره فيصير اسود ورقيق اكثر وبالتالي سواد فوق سواد فالاله بس تشيل الشعر وتخلي الجلد صحي انا دايما اشيل فيها
2- تستخدمين ديودرنت طبي ويكون ثقه ما يسود شوفي اللي يناسبج وبعدي عن شغل الجمعيات
3- فركي المنطقه مره او مرتين بشبه مخلوطه ببودرة اطفال راح تبيض الابط وتخليه يهبل وتمنع اي ريحه يعني ملعقة شبه ونص ملعقة بودرة اطفال والفرك بخفه لا تتجرح المنطقه
4- اذا حسيتي ان المنطقه مسمره مالج الا الدكوين فور والاسكينول ديربالكم من المقشرات يا بنات ترا ما تبيض ابدا تزيد العله وبس
5- تقشيرها وقت الاستحمام باي شي تحبينه ويكون مع كل شور
6- تمسحينها قبل لا تشيلينها وبعد ما شلتيها بديتول الشخصي اللي عندج بالدرج ماغيره :eh_s(15):
7- وبعد ما ينشف الديودرنت على طول تحطين بودرة على المكان وبعدي عن البودره المعطره اما بودرة فيم او بودرة الاطفال جونسون
والحيـــــــــــن ادعولي انه ربي يشرح صدري ويخليلي احبابي ويسخرلي الناس اللي ببالي لاني تعبت معاهم
التعديل الأخير:
