مــــوقـــــف في الـتربية الاساسية

[أم الغزلان]

مرة من المرات كنت قاعده بالكلية واتأمل فيها واشوف البنات واتذكر المناهج واتذكر الدكاترة الطيبه والشينه واللي فيهم نجاسه واللي مايمشي الا بالواسطه..وافكر بالاعانه وسالفتها واتذكر موقفي مع طالبه عربيه لما قالت انا داخله الكلية بواسطة من عضو واتذكر موقف من طالبه من غير محددي الجنسيه تقول ليه مايعطونا اعانه وليه مايكرمونا...
واتذكر وحده كانت امنيتها تدخل التربة الاساسية بس ماجابت النسبه اللي تدخل الكليه..واتذكر ان احنا ندرس بكالوريوس..واتذكر وحده راحت بالخارج عشان ماحصلت النسبه ودرست ع حسابها واتذكر بنات راحوا جامعات خاصه لأنهم ماقبلتهم التربيه...

واتذكر واتذكر...ووصلت في التفكير عن خير بلادنا..
وان بلادنا يدرسون فيها غير محددي الجنسية وغير هذا يطالبون بإعانه مايحمدون ربهم انهم حصلوا شهادة جامعيه وبعدها يروحون برا ويتوظفون بأماكن راقيه وعيالنا يدرسون بجامعات خاصة يبون بكالوريوس بخمسة الاف واكثر,,
والبنات العربيات صايرات بعدد غير معقول بالكلية..وتقول انا وفرت وبروح ادرس ماجستير برااا...يعني وفرت خمسة الاف واكثر...

وين عيالنا اللي يتمنون البكالوريوس ,,ليش النسبة زادت عليهم بالقبول..ياحسرتي عليكم..طيب ع الاقل سوا لهم اختبار للقبول..مو شرط النسبة..

وبعدين انا اشوف المناهج والمواد عندنا والله اسهل من الثانوية..والا انا غلطانه..

بنات سامحوني طولت عليكم...بس مواقف مرت علي بالكلية..وقعدت افكر فيها...

 

[sorry l love u]

انا معاج بهالشغله و مستغربه شلون يدخلون العربيان و البدون و انتي طافج هذاك اليوم وحده اردنيه تتشكى للسوريه انه ما قبلوها بالتطبيقي قتلها لانه كله كويتيات وماكو مكان جان تقول لها السوريه لا حبيبتي انا بنات اختي ثنتين دافعين الف للواسطه و مدخلينهم التجاري و نسبهم بالستينات

 

[كويتية كيوت و]

احب ابدي كلامي بالصلاة على افضل المرسلين سيدنا محمد عليه الصلاة والسلام
ثاني شي حبيبتي الكويت ارض خير ونعمه وخيرها مغطي الناس كلها سواء كويتي ولا غير كويتي عيب الكلام اللي انت كاتبته انا استغرب من هالعنصريه اللي قاعده اشوفها حاسده الناس على تعبها الناس تتعب وتجيب نسب ماتبين يقبلونهم بعد انا ادري انه الاولويه حق الكويتي وهالشي خالصين منه والدوله الله يحفظها يارب حددت نسب القبولووفرت المقاعد الدور والباقي على الطلبه خل يدرسون ويجيبون ناس انتي مسميه ال70 وال 75 نسب والله تفشل هالنسب اصلن انه الواحد يقولها روحي شوفي الدول الثانيه شمسويين بالنسب وديرتنا الحبيبه مو مقصره بشي بس الطلبه فيهم اهمال وكسل يبون كل شي بالساهل وبعدين انتي مربية المستقبل للاجيال المفروض يكون تفكيرج اوسع ومنفتح اكثر من جذي عشان تقدرين تغرسين بعقول الطالبات او الطلاب الرقي بالفكر وحب الخير للغير وعلى فكره اذا تقصدين الطلبه البدون او غير الكويتين بالاصح فاحب اقولج انه هذيلا اصحاب نسب عاليه حبيبتي وانا شايفه بعيوني اقل وحده 85 عندنا والاغلبيه بال90 ليش مايستحقون مقاعد ناس ناجحه واصحاب نسب مشالله مو 75 يعني هذا دليل كافي انه الاولويه للكويتي واحب اقولج شغله الرازق بالسما والحاسد بالارض وبابا صباح الله يحفظ لنا يارب ويطول بعمره خيره على الكل سواء داخل الكويت او بره مو مقصر على احد الله يطول بعمره يارب اتمنى الارتقاء باسلوب الحوار وعلى اللاقل حطي موضوع الناس تستفيد منه مو موضوعج مادري شنو توصلين فيه ؟؟ وبقولج مقوله انا احتذي فيها بحياتي اتوقع ماتعرفينها قالها الاديب الكبير طه حسين"" العلم كالماء والهواء حق لكل انسان"" وقال حبيبنا محمد صل الله عليه وسلم "" لايؤمن احدكم حتى يحب لاخيه مايحبه لنفسه""

 

[اسيل الصمت]

فعلا كلامج صحيح

ان شاء الله مع السنوات القادمع يتغير الوضع

 

[طموح دائم]

طيب ليش الدول الثانيه العربيه مايحبون لاخيهم مثل مانحب لهم اشوف اختنقنا من الوافدات والبدون ياليت مستفيدين منهم زحمه واخرتها معلقه الشهاده وقاعده بالبيت ماتتوظف ليش دارسه وماخذه كرسي وموادنا ماكو شعب ونتأخر بالتخرج كلمه الحق ماينزعل منها المفروض الكليات قبل لا تقبل تسنع وضعها من ناحيه المساحه وتوفر المواد ساعتها نحطهم علي راسنا لكن مو بهالوضع وروحي ادرسي باي دوله عربيه ان ما تبهدلتي ولا دفعتي الاولي والتالي هذا غير قله الاحترام اللي بتشوفينها التربيه الاساسيه صارت كلها وافدات ولا تدرس ابلاش وعيالنا يدرسون بفلوس بديرتهم خوش والله

 

[توتا كويتيه]

لا والله احنا حيل مظلومين يعني فوق انهم مضايقينا بكليتنا ومسويلنا زحمه يتذمرون ويسبون ومو عاجبهم والله شوفة عيني شلون يستهزؤون فينا وموعاجبينهم يعني هم مكرمينكم بديرتنا ومعطينكم حقوقكم وموعاجبكم والله والله والله ان انا ابي ماده ماقدرت اسجلها ووحده ويانا سجلتها قتلها سلون ولاتقول بالواسطه يختي دنتو ديره واسطه بالواسطه ايب اكبر راس والله مت من القهر انا بنت اديره ماقدرت اوصل للي ابيه واهيا يابتعا بسهوله فوق هذا مسويلنا زحمه بالكليه وحبيبتي اختي اللي تقول عن النسب الكويتين اول شي محد ياخذ الا تصيبه شي ثاني دام اللي يدرسون وافدين شلون تبون يطلع من عيالنا شي كافي ان تييج مدرسه عربي مصريه ولاتونسيه وتعلم عيالنا هازا وهزاك حتى تعليمهم غلط وما يرحمون واحنا عيالنا من الدلال ما درسون لتن شايفين خير وحتى اللي ماعنده شهاده معزز مكرم بهاديره الله يعزها من دير هاذا احنا وهاذي ديرتنا والله لايغير يعلينا ويديم عيال الصباح تاج ع ذوسنا واللي مو عاجبه هاكلام يشوفله ديره غير ديرتنا تلفه هذا اللي ناقص ع ارضنا وبين اهلنا ومناشبينا بس يبون الفتنه بهالديره محد راضي يخلينا بحالنا بسنا فتن ومشاكل بس شنقول حسبي الله ونعم الوكيل ع من كان السبب

 

[اخت خالتهم]

احنـا مالنا شغل بدول غيـرنا
احنـا لنا شغل بديرتنـا .. رسولنا عليه الصلاة والسلام كريم مع الكـل
ولازم الواحد ما يتفاخر بأصلـه لان هذا من أيـام الجاهليـه

ديرتنا للمسلمين و لنـا
واللي يجتهـد ياخذ حقـه
ليش ما تدرسون و تشدون حيلكم اهني السـؤال
ليش تخلون نسبكم بالستينات

كلنا نقـدر

بس الاتكاليـه كلش مو حلـوه

الواحد يتعب عشان يلقـى اللي يبيـه ياما بنات دخلو و تخرجوا ولا شافو اللي شفتوه
لان الواحد لازم يتعب على نفسه


تخيلو انتو متغربين و بديرة ثانية لان ديرتكم ما تقدر تعيلكم
وتروحون ديرة يستهزؤون فيكم لان ياييلهم ويقولون خيرنا حقنا يلا روحو
عيل وين الاسلام ؟

لو كل الدول نست هالشغلة المفروض نستانس ان ديرتنا ما نست هالشي لو حتى بالواسطه


و الحمدلله على نعمه من ربي رزقنا فيها