شوفي حبيبتي جهازج مو كل شي تكثرينه والله تندمين قد شعر راسج
دراريعي ملوت الاستقبال اللي ناعمين وفخمين كانوا تقريبا بحدود 20 وتخيلي ليووومج مالبست منهم الا 7 او 8 وفوق هذا دخل الشتا ولا اقدر البسهم ولاتنسين لو حملتي بيطيحون بجبدج وفوق هذا حطي ببالج يمكن حمولتج نفس حمولتي مو واااجد نزلاتج ولا واجد مناسباتهم يعني اكثر وقتج بشقتج او طلعات مع زوجج
دراريع الحموله كاافي 6 او 7 لاتكثرين لان اول العرس نزلاتج اكثرها بتكون ببدل الاستقبال سواء الفخمه او الناعمه
بجايمج خليهم بين الستان والاقطان برمودات وبناطير وعلاق او نص جم شكلي بينهم وحتى اللي يجون فوقهم روب ترا حيل حلو شكلهم وبحدود 10
قمصانج انا ماشريت الا 6 من ضمنهم مال اول ليله وكلهم كانوا طوال وواحد بس لنص الساق لاني كنت حدي منحرجه وماكملت تقريبا اسبوعين او ثلاث الا طالعه مع ابو الشباب وشاريه ع ذوقه قصار <~ ترا لو اهو طلب منج وشريتي ع طلبه بتتجرأين اكثر من انج شاريته وجاهز بتستحين شلون تلبسينه بروحج
الاندروير هذول كثري منهم يعني ملوت بجايم البيت والقمصان اللي يكونون بدون حشوه ( دانتيلات وتور ) هذول اخذي من 7 الى 10
اما الاطقم المحشوه ملوت بدل الاستقبال والنفانيف ( لانهم يرزون الصدر ) اخذي من 7 الى 10
اطقم الاندروير ملوت الدوره تلقين اللي يجون 6 او 8 بعلبه وحده .. انتي اخذي منهم علبتين
العطور لاتكثريييييييييين خليج ع 6 عطور ~> 2 بس معاهم اللوشن و 4 بدون لوشن
العود والبخور اذا انتي نفس نظامي لازم 24 ساعه اعطر وابخر كثررررررررررررري ونصيحه عود امل الكويت مال المناسبات اللي بـ 65 لاتطوفينه اخذي منه انا اخذت علبتين وخلسوا وناويه اخذ منهم بعد وعندج العود الملكي مال القرشي اخذي اقل شي علبتين لان استهلاك ع طوول وبيخلس عليج
مرشات البيت انا اخذت تقريبا 12 وللحين في جم علبه ماخلسوا
مجموعات الحمام اللي بدي لوشن وشور جل وعطر هذول اخذت 3 مجموعات بس للعلم يكفونج مجموعتين
المكياج لاتاخذين شي ماتستخدمينه ولاتحبينه لانج ماراح تحطينه اشتري كل شي تستخدمينه وتعرفين له ومتعوده عليه
الاصباغ ملوت الاظافر اخذي الوان تحبينها و ع الوان بدلاتج
الصنادل اخذي الالوان الاساسيه + الوان لبدلاتج انا اخذت صنادلي ع كل بدلاتي يعني ماعندي ولا بدله اتوهق شنو البس عليها
ونعول ذربه شريت 3 سوده واملونه وبيج
الجناط اخذي الالوان الاساسيه واخذي غير الالوان الاساسيه ع صنادلج الباقيه عشان زواراتج مايكون لون الصندل شكل والجنطه شكل <~ انا حدي دقيقه بكشختي الله يعينج
الساعات كانوا ساعاتي 8 <~ انا حاله شاذه عشقي الساعات
اخذت 4 الماس ~> ذهبي + فضي + اسود + بني
والساعات الباقيه وحده من معرض الساعات اللي فتح بالكويت لونها سلفر صج زيريكون بس كانت حدها فخمممممممممممه يعني للبدلات الناعمه حدها .. و3 ساعات للبس السبورت والبيت
الذهب عاد كل وحده وحسب عايلتها انا جابولي شبكه ذهب اهل زوجي وشريت طقم الماس وطقم جاني هديه من جارتنا والطقم الرابع شريته صاروا 3 ذهب اصفر وواحد الماس
اطقم اكسسوارات والله مااالهم داعي شريت الوان واشكال ومالبست منهم ولا شي
الدبل شريت وحده ذهب ووحده الماس
اطقم الارواب والفوط شريت طقم اللي يجي فيه جم وطويييل و طقمين اللي جنهم فوطه لف ع الصدر ومعاها مالت الشعر
للدوام شريت شوز طبي ونعول واطيه 3
العبي 2 فخميييين للعروس والعزايم
و2 ناعمين للدوام
وبعد شنو تبين ؟ احس نسييييت الباقي خخخ
هلا حبيبتي
شكله تجهيزج روووعه بس كم كلفج هاي كله خصوصا الساعات ؟؟ :wqedqw:
بالنسبه للساعات محتاره تتوقعين اخذهم من السعوديه لان عندنا غاليين ؟؟!!
بس الصراحه وايد استفدت منج خصوصا الاندروير مأساه كنت مو حاطه احتياط للدوره وغيرها
مشكوووره حبيبتي ع التنبيه حتى الشنط ماكنت ادري ان لازم اخذ الالوان الاساسيه كنت بطقم مع البدل
بالتوفيق وربي يسخر لج ريلج ويهنيكم مع بعض ويرزقج ع قد نيتج
