مــحــتــاره

[iTaLiyA]

السلام عليكم امهات المستقبل
الصراحه انا حدي محتاره بأي مستشفى اولد كل يوم لي راي و كل يوم مستشفى شكل مو بس جذيه حتى الدكتوره اللي راح تولدني ما ادري منو لأني كل بين فتره و فتره أغيرها ... يمكن لأني اول مره أحمل عشان جذيه مو مستقره؟؟
اللي ابيه كل وحده تقولي شنو المستشفى اللي إرتاحتله و منو ولدها و يفضل تكون دكتوره
انا حاليا ودي بمستشفى السيف اللي ولدت هناك بليز تقولي تجربتها لأنه ما بقى شي إن شاء الله و اولد شهرين فلازم من الحين ارتب اموري و شاكرتلكم مقدما :tek:​

 

[_Pure_]

انا صارلي نفسج فبجري احترت وايد


بس بالاستخاره قررت عالدكتوره سلوى الرفاعي والله وفقني

و بالفراره قررت عالمستشفى لوول


انا و زوجي افترينا كل مستشفيات الكويت و قررت اولد برويال حياة و الله وفقني الحمدلله



و الحين بحملي الثاني ماراح اغير لا الدكتوره ولا المستشفى لاني وايد ارتح لهم بحملي الاول

والله يوفقني هالمره بعد و يوفقج

 

[سبيجه الروضان]

حبيبتي انا بجر وانشالله قررت اولد بدار الشفاء ودكتورتي ناهده العلي بنات خالتي كلهم عندها ويمدحون التجميل والله كلهم يقولون ماشالله صرنا احسن من اول يوم كنا بنات واهيا حبوبه وطيوبه والله وانشالله سهالات بس انصحج فيها لانها صبوره وشكلها ماتستعيل على شي وتهون عليج وايد وماتحسين بخوف وياها صدقيني وعسى الله يهون علينا كلنا يارب

 

[داناو]

انا افضل صراحه ان دكتورتي من نفس المستشفى
مو دكتوره خاصه بعياده بروحها
ليش؟؟؟؟ لان اذا صار وقت ولادتي هي ماعندها غير هالمستشفى يعني اضمن انها بتجيني بالوقت اللي اطلبها
لكن تخيلي لو انتي مثلا مثلا عند ناهده العلي... او معصومه مخصيد
ورحتي للسيف وطلبتيها تولدج.. وجا الرد ان الدكتوره قاعده تولد وحده بدار الشفا!!!!!!!!!!!
وتطرش لج مساعدتها او تقول لج سوري مااقدر اييج؟
امانه مو موقف يحطم
اختاري دكتورتج من ضمن استاف المستشفى احسن واضمن

 

[جذابه بنت ذيابه]

حلوه عناية دار الشفا ..

والدكتوره عندج زينات بدار الشفا تهبل

 

[مناوووي]

الله يسهل علييييييييييييج

 

[أم الهواشم]

انا افضل صراحه ان دكتورتي من نفس المستشفى
مو دكتوره خاصه بعياده بروحها
ليش؟؟؟؟ لان اذا صار وقت ولادتي هي ماعندها غير هالمستشفى يعني اضمن انها بتجيني بالوقت اللي اطلبها
لكن تخيلي لو انتي مثلا مثلا عند ناهده العلي... او معصومه مخصيد
ورحتي للسيف وطلبتيها تولدج.. وجا الرد ان الدكتوره قاعده تولد وحده بدار الشفا!!!!!!!!!!!
وتطرش لج مساعدتها او تقول لج سوري مااقدر اييج؟
امانه مو موقف يحطم
اختاري دكتورتج من ضمن استاف المستشفى احسن واضمن

اضم صوتي معاج كلامج كله عدل

 

[أم حيدور]

انا عن نفسي توني هذا بجري وقررت اوولد بدار الشفا ^_^ ..

دكتورتي ليلى اشكناني ولله الحمد الكل يمدحها ^_^ ..

الله يسهل عليج ^_^ ..

 

[أنفاسي دخون]

سوي سيرج على تجارب البنات من ناحية الدكتورة والمستشفى وصلي استخارة وربي يهون عليش ويكتب اللي فيه الخير