al_kadee
New member
الـسـلام علـيـكـم ورحـمـة الـلـه وبـركـاتـه:::
بـنـات رجـعـت للمنتدى بعد طول غياب بسبب ظروفي الصحيه
وربي إشتقت للمنتدى وإشتقت لمواضيعكم ...يعني انا متعوده قبل لا أنام بساعتين او ثلاث ساعات
لازم أفر منتديات كويتيات قسم قسم ... وتعودت على النكات وكونت صداقات بهالمنتدى
صداقات ماتتعدى الرسايل الخاصه بس الله يعلم إني حبيتهم في الله .....
ندش المووضووع على طووول
بنات انا دايما اسمع ان الطب مهنه إنسانيه يعني الطبيب لادخلتي عليه المفروض وحطوا خطين تحت المفروض
المفروض يقابل المريض بـ إبتسامه تبعث السرور في قلبه>>> ترى متعوب عليها
والمفروض يكلمه بـ نفس حلوه واذا فيه شي يقولها بـ طريقه تدريجيه ويحاول يهون عليه ويصور له
الشي بالبساطه مو يخرعه ولا يكلمه بـ نفس خايسه من طرف خشمه
قصتي الله يسلمكم اني في أول يوم من الدوره صار فيني حصار بالبول وانتم بـ كرامه يعني البول ماينزل معاي واجد
مع اني اكون شاربه ماي وسوائل واجد بس قبلها بـ يوم يعني قبل الدوره بـ يوم كنت طالعه مع اهلي البر وماشربت ماي كلش ماشربت إلا بيبسي مع العشا __ بس ثاني يوم يوم نزلت معاي الدوره شربت ماي واجد وهني تخرعت ورحت للمستشفى ( حكومي) وسويت أشعه قالوا مافيج شي
وضغط الطبيب على بطني ومن صوب الكلى قال لي في ألم؟ قلت لامافيه قال خلاص بعطيج حبوب تدر البول
وتحليل بول مانقدر نسوي لج لأن عليج الدوره قلت خلاص مو مشكله وأمري لله
المهم رجعت البيت الحمدلله نفسيتي عادي ولو إني أحس ان بطني منتفخ والبول موراضي ينزل :0bee2e8d89:
ثاني يوم الصبح قعدت ولبست ورحت للجامعه شافتني بنت خالي شكلي تعبان قالت لي اكيد عليج الدوره
قلت لها مو بس الدوره أنا ما أبول فيني حصار بالبول قالت لي يوووووووووووه من صجج !!
وساكته شلووون ترى البول سم لازم يطلع من الجسم واذا ماطلع تتسممين ويصير فيج تسمم بالدم او الكلى تتدمر
لاحول ولاقوة إلا بالله( أنا هني يابنات خلاااااص غصتني العبره وحسيت الدنيا مو شايلتني
وانا بـ طبعي ما اخفي عنكم انا انسانه وسواسه اخاف من كل شي واخاف على اهلي وكل اللي احبهم
وكل شي أحاتيه من جذي انا عصله وشعري خفيف وانا توني بنت
الحمدلله على كل حال المهم
على طول دقيت على أمي وقلت لها يمه وانا اتغصغص بالكلام قالت لي شفيج تبجين؟
قلت لها يمه بـرجع البيت تعبانه تعبانه ورديت البيت وقلت لأمي كلام بنت خالي قالت خلاص يالله مشينا لأي عياده خاصه خليهم
يسون لج سونار قلت يالله ورحت لعياده فاااااااضيه مافيها احد على طول دخلنا على الدكتور
وللعلم عياده جديده توها مفتوحه ماصار لها جم شهر عياده للمسالك البوليه
المهم دخلت على الدكتور وقلت له دكتور كيت كيت قال لي عادي هاذي شغلتها بسيطه انا هني استانست شوي
قلت الحمدلله يعني هالشغله منتشره وعادي قال لي لا بس لازم نسوي لج تحليل للبول ولازم سونار ولازم ولازم
انا هني عرفت انه يبي يجمع فلوس منا كثر مايقدر
قلت خلاص اوكي علشان انا اتطمن لاني متوتره وخايفه
رحت حق غرفة السونار وقلبي قام يرقع من الخوف كان يقول لي الدكتور شفيج ليش اعصابج مشدوده جذي
رخي نفسج واحبسي النفس علشان يبين معاي
المهم اول ماحط الجهاز على الكلى اليمين كان يهز راسه يمين ويسار كأنه يقول لا :0bee2e8d89:
انا هني خلااااااص وقف الدم بجسمي كان يقول الكلى عندج ملتهبه ملتهبه ملتهبه قلت شنو يعني دكتور مو زين
كان يقول لي ايه ايه مو زين إحتمال تفقدين الكلى ( والله يابنات مادري شصار فيني طقتني البوهه سكت وماسويت شي
ولاكلمته ولا رديت عليه )
المهم كان يسكت شوي ويقول وفيج بعد حصوه كان تقول له امي حصوه بعد (لأني انا خلاص انطرمت )
يوم شاف امي متخرعه شوي كان يقول لالاعادي عادي حصوه صغيره نص سانتي
وقمت ورحت له للمكتب كان يقول لي شوفي بعطيج علاجات امشي عليها والحصوه تذووب بسرعه منها
قالت امي دكتور مااوديها المستشفى قال لالالالا مايحتاج ليش مستشفى ( ايه معلوم يبي ينهبنا مايبينا نروح مكان ثاني)
المهم طلعنا من عنده قاطين 120 دينار
والله ركبت السياره وانا ساكته ساكته وامي مستغربه اني ساكته مابجيت ولاتحلطمت
أول مارجعت البيت انسدحت على القنفه واقعد ابجي ابجي ابجي وامي استغفري ربج يابنتي
مافيج إلا العافيه وانا يمه خليني اطلع اللي بـ قلبي :krkrkr:
وربي يابنات اني قعدت على هالحاله مده وما آكل وان كليت رجعت وقعدت اوسوس قلت اكيد فيني شي جايد
ليش قمت ارجع وان حسيت بـ دوخه قلت لالا انا فيني شي جايد قمت ادوخ ( وهو الدوخه صارت لي لاني ماآكل
ومتوتره والجامعه ماقمت اروح لها كله آخذ طبيات والله يابنات اني ما انامم من الهلوسه لاحطيت راسي على المخده
اقعد أهلوس بأشياء واخربط بالكلام من كثر ماني متوتره وكرهت الدنيا وكل ماشفت اخوي الصغير احبه واضمه
واقعد ابجي __ وفي نقطه مهمه انا قبل لا اروح حق الدكتوره اللي بالعياده الخاصه ماكنت احس بـ ألم بس كان معاي
حصار بالبول ومن بعد ماخذيت الأدويه والله يابنات الكلى قامت تعورني على صوب خاصرتي بس مو الألم القوي
لا بس احس انه ألم مزعج وقمت أوسوس أكثر شنو هالألم اللي فيني
والله عماتي يزورونا يقولوون لي شفيج وجهج شاحب وعيونج منتفخه حرام عليج لاتاكلين بـ نفسج جذي
لاتفكرين واجد ترى التفكير مو زين
والله يقولون لي هالكلام وانا اطلع غرفتي وابجي والله يابنات من كثر ماافكر احس عقلي زر
كله اتذكر الموت والقبر والأمراض والناس اللي ماتوا من الأمراض
واقعد اوسوس اوووف خلاص كرهت الدنيا
وقمت اقرأ سورة البقره يوميا وادعي ربي بالسجود وألح بالدعاء واطلب ربي ان يعافيني ويشافيني
ويطمن قلبي ويشرح صدري وكنت اكرر هالدعاء دايما
لين ابوي شاف حالتي وعصب قال شلون يعني تبين تسقطين بالمواد تبين تذبحين نفسج وانتي حيه
بعدها قلت هااا انا شفيني خلني اكون قويه والدكاتره جذابين ومايعرفون شي>>>يعني قمت اقص على نفسي
ابي انسى ابي ارد طبيعيه
دشيت المنتدى وكتبت موضوعي مع الدكتور وكتبوا لي البنات ان فيه دكتور زين للكلى اسمه كامل الرشيد
والله يجزاها خير اللي قالت لي عساها تتوفق بحياتها ويعطيها الله الصحه والعافيه ويرزقها ماتتمنى ان شاء الله
المهم واقول لأبوي عنه ويطلع رقمه ونحجز موعد بس حيل زحمه عنده انا هني تطمنت شوي قلت زحمه عنده
اكيد انه خوش دكتور المهم قبل لا اروح كنت ادعي ربي يارب انك تفند كلام الدكتور اللي رحت له وتطمن قلبي وتشرح صدري
وتسخر لي هالدكتور
واروح للدكتور كامل والله يابنات اول مادشيت عليه مع انه زحمه حيييييل ودخلنا عليه الساعه 11 بالليل
ماتتصورون شلون نفسيته حلوه وبشوش اول مادخلنا هلا حياكم الله تفضلوا وبعدين قال لي شنو تعانين منه
واقول له القصه كلها اني رحت للدكتور وكيت وكيت وهو يسمعني بكل اريحيه ويوم قلت له ان الدكتور قال لي
احتمال تفقدين كليتج قال علشان حصوه يقول لج هالكلام هذا جزار مو دكتور (انا هني اررررررتحت)
قال لي ميخالف انا بسوي لج سونار الحين علشان نشوف
واروح لغرفة السونار قبل لا يحط الجهاز قام ومسك رجولي من تحت وقال لا مافيج زلال الحمدلله
وقاس الضغط وحط السماعات على ظهري بعدين سوا لي السونار كاااااااامل على الرحم والكبد والمبايض
بعدين للكلى اول ماحط على الكلى وانا انطره يتكلم كان يقول لي شوووفي علشان تتأكدين الحمدلله كليتج سليمه ومافيها
اي شي ومافيها حصوه انا هني بقلبي ألف ألف ألف شكر لك ياااااارب ومهما نشكرك مانوفي ذره من عطاياك لنا
وبعدها للكلى والمثانه بعدين رحنا للمكتب ووريته الأدويه قال لي حسبي الله عليه شلون يعطيج هالأدويه هالأدويه قويه
وتأثر على الكلى وانتي الكلى مافيها شي وصغيره انتي ماتتحملين هالأدويه ووزنج ضعيف
كان يقول له ابوي انتي ماتدري شلون خسبقنا هالدكتور والله بنتي نفسيتها كانت بالحضيض داوم ماتداوم
وكل شوي ترجع ونوديها للمستشفى يعطونها مغذي
قال حسبي الله عليه خرع بنيتنا كان يقول ي انا بعطيج تحاليل شامله للدم والغده
والبول اسوي لج تحليل رزاعه ومجانا بعد ماراح آخذ فلوس تروحين تسوين هالتحاليل بمستشفى الأميري
كان اقول له دكتور بس انا شوي ينزل معاي دم بالبول قطرات دم كان يقول لي ايه بعطيج حبوب تصفي البول
ورحت وسويت التحاليل بس كنت شوي خايفه ومتوتره لان التحاليل قعدت أسبوع وشي على ماطلعت
ورحت وطلعت النتايج وقال لي فيج إلتهاب بالبول والدم عندج سليم بس معاج قولون
قلت الحمدلله على كل حال
بس بنات انا للحين اوسوس مادري ليش يعني من سبب الدكتور الي رحت له خلاص صارت معاي فوبيا من الأمراض
حتى كل ماشفت بنت اسألها انتي صارت معاج ان نزل وياج دم بالبول؟ تحسين بألم من صوب الظهر والخاصره
والقولون العصبي شنو أعراضه وهم إلتهاب البول
والحين دوركم انتم
ودي اسألكم
هل عادي لانزل دم مع البول بس لمن صرت اشرب ماي واجد راح
وإلتهاب البول شنو اعراضه
وبعد القولون وين يعور بالضبط لان ظهري والخاصره شوي يعوروني أحس ان العضله شاده حيل
أدري طولت عليكم وكتبت لكم قصة حياتي...بس بنات والله هالموضوع نصيحه لكم
لاتروحون لأي دكتور وعياده إلا بعد ماتسألون وتتأكدون لأن بعض الدكاتره وخصوصا الخاص بس يبي يكسب
ويقول فيج جذي وجذي واذا قلتي له شي يقول لالالاعاااادي انا بعطيج علاج ولازم تراجعيني :eh_s(14):
اييييه ونسيت اقووولكم بعد____ الدكتور كامل الرشيد سألني عن الدكتور اللي رحت له للمسالك البوليه
وقال لي لازم تدورين على اهل منطقتكم كلها وتقولين هالدكتور نصاب لحد يروح له
ولمن قلت السالفه لمرة عمي قالت يوووووه بنت اختي راحت لها وقال لها فيج حصوه :dddds:
وعطاها علاجات تقول بطنها قام يعورها من هالأدويه
قلت حلوووو هالدكتور نصااب اشكره :eh_s(14):
وقالت لي خلاص اخذي الأوراق وروحي له وقوليله رد لي فلوسي ولا بروح لحماية المستهلك
قلت لالا يبا مابي عوار راس
مع ان الدكتور من احدى الجنسيات العربيه ونفسيه خايسه وودي انتقم منه بس قلت لا خلاص
مااقول إلا غير حسبي الله ونعم الوكيل عليه وان شاء الله يشوفها بـ نفسه ان كان ظالمني
وبنات تكفووون ادعوا لي ان ربي يشافيني من الوسواس ويشافيني من الألم اللي بظهري والقولون
ويشافي جميع المسلمين يارب
وهذا رابط موضوعي اللي قبل
http://www.q8yat.net/showthread.php?t=329195
بـنـات رجـعـت للمنتدى بعد طول غياب بسبب ظروفي الصحيه
وربي إشتقت للمنتدى وإشتقت لمواضيعكم ...يعني انا متعوده قبل لا أنام بساعتين او ثلاث ساعات
لازم أفر منتديات كويتيات قسم قسم ... وتعودت على النكات وكونت صداقات بهالمنتدى
صداقات ماتتعدى الرسايل الخاصه بس الله يعلم إني حبيتهم في الله .....
ندش المووضووع على طووول
بنات انا دايما اسمع ان الطب مهنه إنسانيه يعني الطبيب لادخلتي عليه المفروض وحطوا خطين تحت المفروض
المفروض يقابل المريض بـ إبتسامه تبعث السرور في قلبه>>> ترى متعوب عليها
والمفروض يكلمه بـ نفس حلوه واذا فيه شي يقولها بـ طريقه تدريجيه ويحاول يهون عليه ويصور له
الشي بالبساطه مو يخرعه ولا يكلمه بـ نفس خايسه من طرف خشمه
قصتي الله يسلمكم اني في أول يوم من الدوره صار فيني حصار بالبول وانتم بـ كرامه يعني البول ماينزل معاي واجد
مع اني اكون شاربه ماي وسوائل واجد بس قبلها بـ يوم يعني قبل الدوره بـ يوم كنت طالعه مع اهلي البر وماشربت ماي كلش ماشربت إلا بيبسي مع العشا __ بس ثاني يوم يوم نزلت معاي الدوره شربت ماي واجد وهني تخرعت ورحت للمستشفى ( حكومي) وسويت أشعه قالوا مافيج شي
وضغط الطبيب على بطني ومن صوب الكلى قال لي في ألم؟ قلت لامافيه قال خلاص بعطيج حبوب تدر البول
وتحليل بول مانقدر نسوي لج لأن عليج الدوره قلت خلاص مو مشكله وأمري لله
المهم رجعت البيت الحمدلله نفسيتي عادي ولو إني أحس ان بطني منتفخ والبول موراضي ينزل :0bee2e8d89:
ثاني يوم الصبح قعدت ولبست ورحت للجامعه شافتني بنت خالي شكلي تعبان قالت لي اكيد عليج الدوره
قلت لها مو بس الدوره أنا ما أبول فيني حصار بالبول قالت لي يوووووووووووه من صجج !!
وساكته شلووون ترى البول سم لازم يطلع من الجسم واذا ماطلع تتسممين ويصير فيج تسمم بالدم او الكلى تتدمر
لاحول ولاقوة إلا بالله( أنا هني يابنات خلاااااص غصتني العبره وحسيت الدنيا مو شايلتني
وانا بـ طبعي ما اخفي عنكم انا انسانه وسواسه اخاف من كل شي واخاف على اهلي وكل اللي احبهم
وكل شي أحاتيه من جذي انا عصله وشعري خفيف وانا توني بنت
الحمدلله على كل حال المهم
على طول دقيت على أمي وقلت لها يمه وانا اتغصغص بالكلام قالت لي شفيج تبجين؟
قلت لها يمه بـرجع البيت تعبانه تعبانه ورديت البيت وقلت لأمي كلام بنت خالي قالت خلاص يالله مشينا لأي عياده خاصه خليهم
يسون لج سونار قلت يالله ورحت لعياده فاااااااضيه مافيها احد على طول دخلنا على الدكتور
وللعلم عياده جديده توها مفتوحه ماصار لها جم شهر عياده للمسالك البوليه
المهم دخلت على الدكتور وقلت له دكتور كيت كيت قال لي عادي هاذي شغلتها بسيطه انا هني استانست شوي
قلت الحمدلله يعني هالشغله منتشره وعادي قال لي لا بس لازم نسوي لج تحليل للبول ولازم سونار ولازم ولازم
انا هني عرفت انه يبي يجمع فلوس منا كثر مايقدر
قلت خلاص اوكي علشان انا اتطمن لاني متوتره وخايفه
رحت حق غرفة السونار وقلبي قام يرقع من الخوف كان يقول لي الدكتور شفيج ليش اعصابج مشدوده جذي
رخي نفسج واحبسي النفس علشان يبين معاي
المهم اول ماحط الجهاز على الكلى اليمين كان يهز راسه يمين ويسار كأنه يقول لا :0bee2e8d89:
انا هني خلااااااص وقف الدم بجسمي كان يقول الكلى عندج ملتهبه ملتهبه ملتهبه قلت شنو يعني دكتور مو زين
كان يقول لي ايه ايه مو زين إحتمال تفقدين الكلى ( والله يابنات مادري شصار فيني طقتني البوهه سكت وماسويت شي
ولاكلمته ولا رديت عليه )
المهم كان يسكت شوي ويقول وفيج بعد حصوه كان تقول له امي حصوه بعد (لأني انا خلاص انطرمت )
يوم شاف امي متخرعه شوي كان يقول لالاعادي عادي حصوه صغيره نص سانتي
وقمت ورحت له للمكتب كان يقول لي شوفي بعطيج علاجات امشي عليها والحصوه تذووب بسرعه منها
قالت امي دكتور مااوديها المستشفى قال لالالالا مايحتاج ليش مستشفى ( ايه معلوم يبي ينهبنا مايبينا نروح مكان ثاني)
المهم طلعنا من عنده قاطين 120 دينار
والله ركبت السياره وانا ساكته ساكته وامي مستغربه اني ساكته مابجيت ولاتحلطمت
أول مارجعت البيت انسدحت على القنفه واقعد ابجي ابجي ابجي وامي استغفري ربج يابنتي
مافيج إلا العافيه وانا يمه خليني اطلع اللي بـ قلبي :krkrkr:
وربي يابنات اني قعدت على هالحاله مده وما آكل وان كليت رجعت وقعدت اوسوس قلت اكيد فيني شي جايد
ليش قمت ارجع وان حسيت بـ دوخه قلت لالا انا فيني شي جايد قمت ادوخ ( وهو الدوخه صارت لي لاني ماآكل
ومتوتره والجامعه ماقمت اروح لها كله آخذ طبيات والله يابنات اني ما انامم من الهلوسه لاحطيت راسي على المخده
اقعد أهلوس بأشياء واخربط بالكلام من كثر ماني متوتره وكرهت الدنيا وكل ماشفت اخوي الصغير احبه واضمه
واقعد ابجي __ وفي نقطه مهمه انا قبل لا اروح حق الدكتوره اللي بالعياده الخاصه ماكنت احس بـ ألم بس كان معاي
حصار بالبول ومن بعد ماخذيت الأدويه والله يابنات الكلى قامت تعورني على صوب خاصرتي بس مو الألم القوي
لا بس احس انه ألم مزعج وقمت أوسوس أكثر شنو هالألم اللي فيني
والله عماتي يزورونا يقولوون لي شفيج وجهج شاحب وعيونج منتفخه حرام عليج لاتاكلين بـ نفسج جذي
لاتفكرين واجد ترى التفكير مو زين
والله يقولون لي هالكلام وانا اطلع غرفتي وابجي والله يابنات من كثر ماافكر احس عقلي زر
كله اتذكر الموت والقبر والأمراض والناس اللي ماتوا من الأمراض
واقعد اوسوس اوووف خلاص كرهت الدنيا
وقمت اقرأ سورة البقره يوميا وادعي ربي بالسجود وألح بالدعاء واطلب ربي ان يعافيني ويشافيني
ويطمن قلبي ويشرح صدري وكنت اكرر هالدعاء دايما
لين ابوي شاف حالتي وعصب قال شلون يعني تبين تسقطين بالمواد تبين تذبحين نفسج وانتي حيه
بعدها قلت هااا انا شفيني خلني اكون قويه والدكاتره جذابين ومايعرفون شي>>>يعني قمت اقص على نفسي
ابي انسى ابي ارد طبيعيه
دشيت المنتدى وكتبت موضوعي مع الدكتور وكتبوا لي البنات ان فيه دكتور زين للكلى اسمه كامل الرشيد
والله يجزاها خير اللي قالت لي عساها تتوفق بحياتها ويعطيها الله الصحه والعافيه ويرزقها ماتتمنى ان شاء الله
المهم واقول لأبوي عنه ويطلع رقمه ونحجز موعد بس حيل زحمه عنده انا هني تطمنت شوي قلت زحمه عنده
اكيد انه خوش دكتور المهم قبل لا اروح كنت ادعي ربي يارب انك تفند كلام الدكتور اللي رحت له وتطمن قلبي وتشرح صدري
وتسخر لي هالدكتور
واروح للدكتور كامل والله يابنات اول مادشيت عليه مع انه زحمه حيييييل ودخلنا عليه الساعه 11 بالليل
ماتتصورون شلون نفسيته حلوه وبشوش اول مادخلنا هلا حياكم الله تفضلوا وبعدين قال لي شنو تعانين منه
واقول له القصه كلها اني رحت للدكتور وكيت وكيت وهو يسمعني بكل اريحيه ويوم قلت له ان الدكتور قال لي
احتمال تفقدين كليتج قال علشان حصوه يقول لج هالكلام هذا جزار مو دكتور (انا هني اررررررتحت)
قال لي ميخالف انا بسوي لج سونار الحين علشان نشوف
واروح لغرفة السونار قبل لا يحط الجهاز قام ومسك رجولي من تحت وقال لا مافيج زلال الحمدلله
وقاس الضغط وحط السماعات على ظهري بعدين سوا لي السونار كاااااااامل على الرحم والكبد والمبايض
بعدين للكلى اول ماحط على الكلى وانا انطره يتكلم كان يقول لي شوووفي علشان تتأكدين الحمدلله كليتج سليمه ومافيها
اي شي ومافيها حصوه انا هني بقلبي ألف ألف ألف شكر لك ياااااارب ومهما نشكرك مانوفي ذره من عطاياك لنا
وبعدها للكلى والمثانه بعدين رحنا للمكتب ووريته الأدويه قال لي حسبي الله عليه شلون يعطيج هالأدويه هالأدويه قويه
وتأثر على الكلى وانتي الكلى مافيها شي وصغيره انتي ماتتحملين هالأدويه ووزنج ضعيف
كان يقول له ابوي انتي ماتدري شلون خسبقنا هالدكتور والله بنتي نفسيتها كانت بالحضيض داوم ماتداوم
وكل شوي ترجع ونوديها للمستشفى يعطونها مغذي
قال حسبي الله عليه خرع بنيتنا كان يقول ي انا بعطيج تحاليل شامله للدم والغده
والبول اسوي لج تحليل رزاعه ومجانا بعد ماراح آخذ فلوس تروحين تسوين هالتحاليل بمستشفى الأميري
كان اقول له دكتور بس انا شوي ينزل معاي دم بالبول قطرات دم كان يقول لي ايه بعطيج حبوب تصفي البول
ورحت وسويت التحاليل بس كنت شوي خايفه ومتوتره لان التحاليل قعدت أسبوع وشي على ماطلعت
ورحت وطلعت النتايج وقال لي فيج إلتهاب بالبول والدم عندج سليم بس معاج قولون
قلت الحمدلله على كل حال
بس بنات انا للحين اوسوس مادري ليش يعني من سبب الدكتور الي رحت له خلاص صارت معاي فوبيا من الأمراض
حتى كل ماشفت بنت اسألها انتي صارت معاج ان نزل وياج دم بالبول؟ تحسين بألم من صوب الظهر والخاصره
والقولون العصبي شنو أعراضه وهم إلتهاب البول
والحين دوركم انتم
ودي اسألكم
هل عادي لانزل دم مع البول بس لمن صرت اشرب ماي واجد راح
وإلتهاب البول شنو اعراضه
وبعد القولون وين يعور بالضبط لان ظهري والخاصره شوي يعوروني أحس ان العضله شاده حيل
أدري طولت عليكم وكتبت لكم قصة حياتي...بس بنات والله هالموضوع نصيحه لكم
لاتروحون لأي دكتور وعياده إلا بعد ماتسألون وتتأكدون لأن بعض الدكاتره وخصوصا الخاص بس يبي يكسب
ويقول فيج جذي وجذي واذا قلتي له شي يقول لالالاعاااادي انا بعطيج علاج ولازم تراجعيني :eh_s(14):
اييييه ونسيت اقووولكم بعد____ الدكتور كامل الرشيد سألني عن الدكتور اللي رحت له للمسالك البوليه
وقال لي لازم تدورين على اهل منطقتكم كلها وتقولين هالدكتور نصاب لحد يروح له
ولمن قلت السالفه لمرة عمي قالت يوووووه بنت اختي راحت لها وقال لها فيج حصوه :dddds:
وعطاها علاجات تقول بطنها قام يعورها من هالأدويه
قلت حلوووو هالدكتور نصااب اشكره :eh_s(14):
وقالت لي خلاص اخذي الأوراق وروحي له وقوليله رد لي فلوسي ولا بروح لحماية المستهلك
قلت لالا يبا مابي عوار راس
مع ان الدكتور من احدى الجنسيات العربيه ونفسيه خايسه وودي انتقم منه بس قلت لا خلاص
مااقول إلا غير حسبي الله ونعم الوكيل عليه وان شاء الله يشوفها بـ نفسه ان كان ظالمني
وبنات تكفووون ادعوا لي ان ربي يشافيني من الوسواس ويشافيني من الألم اللي بظهري والقولون
ويشافي جميع المسلمين يارب
وهذا رابط موضوعي اللي قبل
http://www.q8yat.net/showthread.php?t=329195
التعديل الأخير:
![[[ عيون جابر ]]](/data/avatars/m/88/88982.jpg?1621060915){kind=avatar}
