مـصـلـحـجـيـه !!

[ـوودي آبـكـي]

السلام عليكم
بنآت في موضوع ححده بآط جبدي
يسلمكم ربي عندي رفيجي معاها من فتره نقطع و نرجع حق بعض
من سنة تقريباً و لمن انا خذت الليسن و طلعوا لي سياره
صآرت دايماً تتصل لي عشان نطلع مع بعض و نضيع وقت و في نفس الوقت نرفه عن روحناا و مشاوريناا على طول مع بعض .. و اهيه اي مكان تبي تروح له تتصل لي و انا ماقول لا و ماقصر معاها اوديهاا حتى لو كنت مشغوله ..
للعلم اهيه ماعندها سياره ..

من فترة شهرين تقريباً اشتغلت و اقدرت تطلع سياره اجار
بنات من يومها ماجفت رقمها على تلفوني
و سوالفها صارت قليله معاي
و نادر ما تسأل
و كل مشاوريها تسويها بروحها
حتى ماتكلف على روحهاا تتصل لي امشي معاي او تبيين اتيين معاي !!
يعني اشكره اشكره مصلحه عيني عينك
بطت جببببدي صراحه و من اجوف نكهاا في البيبي انقهر زوود
يعني شهالنااس الي ينسون العشره عشان وظيفه استلموها و له عشان سياره خذوهاا
متى تتصل لي لمن تكون متضايقه و تبي تشكي
هني تعرفني ..

مادري بنات هل انا مكبره الموضوع و له السالفه تبط الجبد فعلاً
مو عارفه شلون اوصل لكم احساسي بس حسيت روحي للحظة اني (مُستغفَلّه)
و انا الي كنت على نياتي معاها و مو مقصره

بردوا جبدي بنآت منفقعه مرآرتي
ماحب علاقات المصالح :eh_s(16)::eh_s(16):
يعني في ناس اشكره جذي عيني عينك
ياخذون مصلحتهم و يمشون
انا فسرتها عساس انها كانت تتصل و تسال مو حق سواد عيوني عشان السياره و مشاويرها
هااذي الي بااط جبدي

 

[Tom ♥ Jerry]

,

عشان جذي انا عيزت و آقول لا تبدين على نفسج أحد !
قلتي " حتى لو كنت مشغولة آروح آوديها "

تبين الصج الغلط منج مو منهآ !
الله كريم :*

 

[R'3wa-P!nKya]

اكثرووو هالاشكال انا اقول دام انج عرفتي انها مصلحه وخري عنهااا وييع حتى انا انبطت جبدي يوم قرييت

 

[el.mlkaa]

أولا / لاتردين عليها مره ثانيه لو تحط ريل بالسما وريل بالأرضض لآترردديين وعآدي هاذا حآل الدنييــآ مششي وطوفي ..

 

[ga6wa90]

أكييد الموضوع يضايق بس أنا أقول لا تظلمينها أحسني الظن يمكن انشغلت غذريها بس تمت على هالحال معناته تفكيرج صح

و انتي انقرضتي منها و يكون درس لج تديرين بالج من رفيجات المصلحه

 

[@أجمل سنيني @]

تذكريني بنفسي سابقا هههههه بس الحين خلاص تغيرت ......الغيها من حياتج هذي باجر اذا ضاقت عليج الدنيا ما تمد لج يد العون ......انا عارفه انتي تحبيها او تميلين لها بس شوفيها تستغلج ..

 

[frozntouch]

ياكثر نوعيه هالبنات

حطي في بالج شي واحد انج ماتسوينه ابد
انج تبدين احد علا نفسج
لانه محد يستاهل غير الاهل اهما اللي يدموون

 

[قمر بيت أبوها]

ياحياتي انتي ماالومك تنقهرين بصراحه وياكثر هالنوعيات بيننا
تبين تبردين كبدك
انتظري لما تحتاجك وتتصل عليك عشان تشكي وتبكي
وخليها توصل لنص السالفه
عقبين قولي ووووواي فلانه باطلع بايوا وعقب قفلي الخط
باختصار هالكلمتين
وغيري صورة العرض بالبيبي خليها تولي هي وهمها
وفوقها لاتعتبرينها بيوم من الايام تعرفك لو تشوفينها بالشارع واقفه لا تلفتين لمها وبس
وسالفة توظيفت ولا تزوجت تجحدك عادي عزيزتي كل 3 ارباع بنات حواء هيك
شكلهم يحسون بالنقص بس تتوظف ولا تتزوج تحس نفسها دخلت الجنه ومو اي جنه لا الفردوس الأعلي من الجنه
ارحم هالنوعيه تصدقين ماعمري انقهرت منهم ابدا
لانهم يعيشون علي الهامش مالهم نظام معين بالحياه مره الهامش فاضي ومره مليان شخاميط
مره حره تطلع وتدخل مره رقيقه تحت يد وظيفه ولا رجال
اهم شي عيشي حياتك حق نفسك هم بالطقاق

 

[كزنوفا]

الله يكون بعونك

اعتبريها درس وطنشي لاتنقهري هي ماتستاهل ماتنفع تكون صديقه لك

ومره ثانيه اعرفي كيف تختاري اصدقاءك

 

[Patcholli]

دقي علي وعاتبيها قوليلها اشدعوه فلانه قبل تدقين علي 26 ساعه باليوم
والحين لما طلعتي سياره خلاص انتهت حاجتج مني صرت ما استاهل تدقين او تطلعين معاي ؟؟

وشوفي ترى اول شهرين بأي شي سواء وظيفه او زواج او سياره الواحد يلهي انتي التمسي حسن النيه وعطيها فتره بعدين حكمي يمكن شرت السياره ولهت فيها
نطري عليها بعد شهرين ليما تشبع منها وشوفيها شتسوي بترد مثل قبل ولا لا

 

[Môre N!Ce]

يعني شهالنااس الي ينسون العشره عشان وظيفه استلموها و له عشان سياره خذوهاا

إي والله صادقة ،

اللي يبيعج بيعيه.. طنشيها وإنسي عيشي حياتج

 

[روانتي 12]

احسني ظن فيها . . واذا جت بعدين تبي منج شي قطي الكلام بوجهها . . لا تقولين فشلة ومدري شنو . . قولي هي ليش ماتتفشل يوم تطلب مني دوم اوديها وايبها . . قطيها بوجهها وخليها تعرف انج فاهمه بس ساگتة .

 

[روحها في الكويت]

سبحان الله مي تو كل رقيجاتي مصالح ماكو واحدة ادق علي الا تبي شي ديري بالج من هالنوعية بس خليج معاها عادي وتكسبين االاجر

 

[al-musk]

للاسف هالفئة موجودة والي مايستحي مكيف

الحمدالله الذي عافانا مما ابتلاهم به وفضلنا على كثير ممن خلق تفضيلا

 

[FooFoony]

صج شي يبط الجبد
خل تولي لا تكلمينها