مـراهقة جريئة .. قصة تدور عن احداث حياتي آنا

[Candy Stealer]

"مراهقه جريئة"

قـبل لا ابدى القـصة .. وحبيت انكم تعرفون اني آنا بطلة القصه و هالقصة اهي اللي صارت لي بفترة المراهقة وحبيت اذكرها علشان بعض البنات يستفيدون منها .. طبعا آنا غيرت الاسامي عشان لحد يعرفني فشلة لوول .. وتفضلو مع بداية القصة اللي راح انزلها على شكل بارتات اذا لقيت تفاعل بكملها ..





كانت الساعه 6 الصبح .. ملاك توها تقعد من النوم ((ملاك بنوتة عمرها 15 شيطانه حييل بس حبووبه وقلبها طـيب .. قصيرة وبيضه وشعرها بني وشوي متروسه))

مـلاك : يمااااااااااااااااااااااا
أم ملاك : هااا ماما قعدتي يلا روحي لبسي وتعالي تريقي
ملاك : يما أبي تليفون
أم ملاك : بس بس بس حنه حنه من الصبح؟ شتبين بالتليفون عندج تليفون البيت
ملاك : يمااا تليفون البيت ابوي ما يخليني آخذه الغرفة يعني شنو بالله آنا ورفيجاتي نبي نسولف بمواضيع خاصه؟
أم ملاك : لا حبيبتي ماكو شي اسمه مواضيع خاصه مواضيعكم ما تتعدى الدراسه انتي رايحه المدرسه تتعرفين على بنات عشان الماضيع الخاصه ولا حق الدراسه؟
ملاك :يماااا كل رفيجاتي عندهم تليفونات خلاص عاد
أم ملاك : جبي يلا جبي جبح ويه تليفون بعد هاذا اللي ناقص

((أم ملاك حجره واايد بس مرات تتساهل مع عيالها وتلين عليهم وقلبها حيل طيب))

عبدالله : يمه شفيج الله يهداج صراخج واصل لي طبلة اذني الوسطى ((عبدالله أخو ملاك الكبير عمره 20 يدرس بكلية الحقوق طويل وحنطاوي ومجسم و ملامحه حيييييل حلوة))

أم ملاك :وانت شكو يعني شكو بعد الواحد ما يصير يتكلم بهالبيت؟ اسكت يعني خلاص اخيط حلجي؟
"عبدالله باس امه على راسها ... عبدالله : يمه آسف حقج علي بس اهدي شوي مو زين تعصبين جذي والله تتعبين وتطيحين علينا انتي الحين معصبة على شنو؟
أم ملاك :اختك تبي تليفون
عبدالله : نعم؟ تليفون؟ ليش؟ شتبين فيه وبتكلمين منو انشالله؟
ملاك : وااااااااااي انتو متأكدين انكم مو استخبارات؟ يعني محد مطرشكم تراقبون حياتي؟ خلاص يبا مابي تليفون يلا وصلني المدرسه
عبدالله : امشي امشي خلصيني
بــالسياره هدوووء وملاك متنرفزة وساكته و بس وصلو يم مدرستها نزلت وصكت الباب حيل

.................................

بالمدرسه

ملاك :ابرارووو تخيلي اقول لهم أبي تليفون جني قاعده بمخفر سوولي تحقيق مو صج والله تحسفت اني قلت لهم
أبرار ((رفيجة ملاك وشوي عندها سوالف مني مناك .. طويلة وبرونزية وصابغه شعرها اشقر))
أبرار : أنتي من صجج؟ يبا قلت لج ماكو الا تاخذين تليفون من وراهم هذول اللي عندج بالبيت تسمينهم اهل بعد؟ معقدين حدهم .. تعالي انتي امس شلون شابكه الفير؟
أبرار : هههههههههههاااااااااي تدرين شلون؟ عندي آيبود تاتش وتوني ادري انه اذا البيت فيه وايرلس اقدر اشبك من الآيبود تخيلي وناسه طول الليل شابكه ما نمت الا ساعه وحده


هاذا اول بارت نزلته .. بعدين انزل البارتات الباجي والاحداث اللي راح تصير

 

[inspiring-girl]

niiiccceee .. wayed 7elwa .. y36eech el 3afya .. kamleeeha

 

[ReRez]

قوه حبي بواقة الحلاو << اشرايج بالنك بس لووووووووووول

لا صج كاندي الحلوه اول شي حابة اشكرج على موقفج الحلو ودفاعج الاحلى بقصتي الهاربه والله صج ونسني ردج
وعلى راسي بعد جبدي

وشفت انج منزله قصه قلت بقراها واعطيج رايي فيها ..

الاسلوب ماشاءالله وايد حلو وعفوي مافي تصنع .. وباين ان القصه حلوه
و موعيب انج تعترفين ان مراهقتج كانت فيها اشياء غلط .. بس العيب انج ماتعتبرين .. وبما انج حبيتي تذكرين المواقف بقصتج

معناته انج حابه ان غيرج يعتبر منها .. وماشاءالله هذا يدل على انج بنت فاهمه

وبقولج شي قبل لا تكملين .. تره في بعض البنات مو الكل .. بس بعضهم راح يحبطونج ويمكن يقولون كلام يضايقج
بس تدرين اشلون دخلي من اذن وطلعي من الثانيه .. واظن شفتي اللي اكتبتلي بالهاربه بس تره نادرين يعني هذي واحد من الف

كملي ولا تخلين شي يوقفج ..

جني قرقت اوفر وكتبت محاضرة مو رد لوول
بس شسوي قرقه :×

يعطيج العافيه وناطره منج التكمله

 

[ReRez]

اي نسيت قرقه صغيرونه بعد :×

بخصوص توقيعج لوووووووووووووووووووووووول مت مت من الظحك على شكله يهبل جنه كوالا
وهم جنه واحد من الاقزام السبعه لووووووووول بس والله يهبل .. يحلييله ضحكني

 

[كويتية اكيد]

كاندي كملي حبي ومثل ماقالت ريريز اسلوبج عفوي وهذا احلى شي بصراحة وحلو ان تكتبين عن حياتج بهالمرحلة وتخلينها عبرة حق البنات يلا كلمي ناطرتج حبي

 

[3rbawia 7lwa]

كملي حبيبتي ناطرينج

 

[عيون الورد]

القصه شكلها رووعه والاسلوووب اروووع ناطرينج

 

[Danya =)]

بداييية حلوووة

كملي

متابعينج

 

[انا خطر]

ناطرينج

القصة شكلها حلوة

 

[sweet.sanfoora]

مو بس شكلها حلوة انا متأكد انها حلوة

ناطرتج

 

[غلاي غير]

معاج

 

[36uofaa]

كملي سويتييي :*

 

[الليدي ديانا]

كملي

 

[Candy Stealer]

ثاااااااااانكس عالردود والحين بكمل ... وريريز ثااااااااااااااااااانكس بعد عمررري والله مشكووورة

 

[Candy Stealer]

فبيت بو ملاك

بـو ملاك : محد بيخرب البنية غيرج
أم ملاك : لاحول ولا قوة الا بالله .. آنا اصلا مو حابة فكرة انه يكون عندها تليفون بس شسوي بطت راسي بالحنه ..
بو ملاك : تولي زين زبوطة النقعه هذي بعد قامت تحن تبي تليفون هالخراب ما ايي الا من التليفون




....................
مـلاك توها راجعه البيت وقاعده تفكر بالحجي اللي قالت ابرار

مـلاك : معقولة اذا اخذت تليفون من وراهم ما يطيحون علي؟ اخاف يطيحون علي ويسوونلي سوالف بس آنا بخاطري يكون عندي تليفون .. واذا باخذ من وراهم شلون و من وين @@ ماكو الا احمد اللي موجود عندي بالايميل مو اهوا يبيني خلاص اقول له على هالفكرة وماكو غيره بيساعدني و اييبلي


....................
((فبيت بو محمد))
أبرار : ماما تخيلي تقول لهم أبي تليفون يقولون لها ليش ؟ امبييه مو من صجهم حدهم معقدين يني يمكن البنية بتكلم ليش يسوون فيها جذي مسكينه
أم ابرار : هاذي اهلها معقدين ماما خليها تولي آنا مره وحده قعدت مع امها وما ارتحت وايد اوفر ومكبرة الامور عبالها مديرة
أبرار : هههههههه ماما الله لا يحرمني منج والله لو يخيروني بين كنوز العالم كله وانتي اختارج انتي
أم ابرار : اقووووول خلصيني شنو تبين؟
أبرار : بطلع
أم ابرار : وين على الله؟
أبرار : مامااااااااا بشوف حبيبي الاسبوع اللي طاف عاقبتيني ما خليتين اطلع
أم ابرار : والله عاد آنا مو سايق ابوج مالت عليج وعلى ابوج اللي صارلي شهر مادري عنه
أبرار : ماما مالنا شغل فبابا الحين بتطلعيني ولا شلون؟
أم ابرار : اففففف والله عاد خلي حبيبج يمرج مالي خلق
أبرار: صج ماما؟ وااااي الله لا يحرمني منج


................................
((فبيت بوملاك))
بو ملاك : ملاكوو .. شاللي سمعته اليوم؟
ملاك : (( طبعا ابوها يخرع ع ع اخس من هتلر )) هااا يبا شفيك شنو سمعت شسويت آنا والله ما سويت شي
بوملاك : ليش قايلة تبين تليفون؟ شعندج تحنين على امج ؟ اكيد وراج شي
ملاك : يبااا والله ما وراي شي واصلا آنا مابي تليفون بس كنت بشوف اذا ترضون ولا لأ ولا آنا شبي بالتليفون لا لا مابي شسوي فيه اصلا
بوملاك : اييييه عبالي .. عندج تليفون البيت آنا قايل لج كل يوم تتكلمين فيه نص ساعه مو اكثر واذا طولتي بلف واير تليفون البيت على رقبتج واشنقج ههههههههه ام ملاك شرايج؟
أم ملاك : اي شنو بنات آخر زمن ماكو شغل تتكلم اكثر من نص ساعه حتى نص ساعه وايد

.............................
((أبرار توها طالعه مع صاحبها طبعا ابرار امها فــرررري كويت عاادي))

أبرار : جسوم وين بنروح؟
جاسم : حياتي نروح المكان اللي تبينه أنتي آمري بس
أبرار : أي مكان بس الشقة ما نبي
جاسم : لا يامعوده الشقة لأ ذاك اليوم سويتيلي عزا من اول مادشينا الشقة ليما طلعنا جني ذابح اهلج
أبرار : اي شنو وااااي اخاف موديني شقة اكيد بخاف
جاسم : أي يعني لما وديتج سويتلج شي مثلا؟ بس قعدنا وتعشينا وطلعنا بس انتي مكبرة السالفة يعني آنا اقدر اسوي شي حق حياتي كلها؟
أبرار : وااي حياتي انتا احرجتني والله :$

......................................................................
((اليوم الثاني بالمدرسه))
ملاك : ابرار امس كلمت احمد وباخذ منه تليفون بس مو عارفة شلون اروح آخذه
أبرار : بذمتج؟ واخيرا اقتنعتي انه اهلج ما منهم فايده ولازم تاخذين تليفون من وراهم؟ امممممم انزين تبين آنا آخذه منه؟
ملاك : لا لا آنا فكرت بشغلة .. اني اشبك وانطر ليما الكل ينام واقول له ايي يحط التليفون عند الباب الخلفي مال المطبخ وآخذه شرايج؟
أبرار : ما تخافين يطيحون عليج؟
ملاك : لاااااا اهلي اذا نامو ينامون نومة اهل الكهف و ما يقومون من النوم كلش اللهم حق الصلاة بس




هــاذا ثاني بارت وبعدين انزل الباجي

 

[بنتq8]

موووفقه شكلها حلوة واااي شنو هاذي ام ابرار

 

[Crazy Reem]

فصتج توووووووووووووونس
تسلمين قلبو ^_^
بس نبي البارت الثالث تكفييين
بليييز نزليه
وفصتج روووعة الصراحة وتشوووق

 

[Candy Stealer]

الــبارت الثاالث

فبيت بو ملاك
ملاك : يباا ممكن استخدم التليفون؟
بوملاك : بتكلمين منو؟
ملاك : رفيجتي ابرار
بوملاك : بسم لله توج راده من المدرسة لحق يصير شي عشان تدقين تسولفين معاها فيه؟
ملاك : يباا لا مو عن بس باجر عندنا امتحان رياضيات ودفتري نست تردلي اياه ممكن اكلمها عشان تنقلني المسائل؟
بوملاك : اي روحي كلميها لا تسقطين مو ناقصين سقوط احنا
ملاك : انزين يباا انتا قاعد تطالع تلفزيون عادي اتكلم ولا اخاف اسويلك ازعاج لاني بنقل منها مسائل فا اخاف اطول شوي
بوملاك : روحي الصالة الثانية آنا قاعد اطالع الاخبار لاتسوين لي ازعاج خلينا نشوف شصاير بالدنيا
..... "ملاك دقت على احمد"......
ملاك : ألووو قوة
أحمد : هلا منو؟
ملاك : آنا ملاك
أحمد : مابغيتي تدقين؟ ها شصار اليوم اييبلج التليفون ولا متى؟ ماصارت ترى بكلمج انتي تدرين شكثر متعلق فيج
ملاك : أي اليوم بس خل كلهم ينامون وآنا اكلمك بالمسنجر بليل واقول لك وين تحطه
أحمد : متأكده اهلج ماراح يدرون لما اتيين تاخذينه؟
ملاك : اقول لك يكونون نايمين الفير شفيك اذا آنا مو مخترعه انتا شكو خايف
أحمد : مو عن خايف بس اقول يعني لا يطيحون عليج
أم ملاك : ملااكووو بسج سوالف بالتليفون منو تكلمين
ملاك : يماا اكلم ابرار رفيجتي انقل منها مسائل .. أي ابرار كملي المسألة فهميني اياها عدل مابي اتوهق بالامتحان
أحمد : ههههاااي (( يستعبط عليها ويسوي صوت بنية)) ايييي عاد اقولج ساروو ام كشه واااي شفتي شعرها اليوم يلوع الجبد كااك
ملاك : ههههههه احمد امبييه بس ضحكتني اشوه انه امي ما طاحت علي يلا آنا اكلمك الفير عشان اتييبلي التليفون يلا بااي

................
الساعه 2 بـليل وملاك كلمت احمد بالمسنجر وقاعده تطل تتأكد انه ماكو احد وحط لها التليفون ونزلت شوي شوي وخذته .. لما خذته خشته وراحت المطبخ تسوي روحها بتشرب ماي عشان اذا اي احد نزل .. يت لها خدامتهم كميجه ((سيلانية عمرها 20 هههه))
كميجه : هااا ملاك آنا يشوف انتا يروح ياخذ هدية من واحد نفر برااا
ملاك : شقاعده تقولين جبي يلااا ما اخذت شي متى آنا توني نازلة بشرب ماي وبرد انام
كميجه : آنا يشووف ترى آنا قاعد مو نايم
ملاك : انزن كميجو عفية حبيبتي والله انتي خدامتنا الحلوة والجميلة عفية لا تقولين حق احد
كميجه : لا آنا ما يقول بس انتا شنو يعطي؟
ملاك : جبي يلا عاد قولي خلصيني شتبين
كميجه : آنا يبي هدية مال هاذا نفر
ملاك : كميجو هاذا تليفون آنا ابيه ماقدر اعطيج اياه
كميجه : خلاص انتا قول حق هوا آنا بعد يبي واحد خلي هوا يجيب واحد موبايل حق آنا وآنا يسكت ما يقول شي عشان آنا بعد يبي يكلم واحد نفر
ملاك : والله طلعتي عندج سوالف شكله محد بيساعدني غيرج .. خلاص اكلمه واخليه اييبلج تليفون وخط بس صكي حلجج شوي

......................

ثاني يوم بالمدرسه
ملاك : اي والله يابلي تليفون وكشخه بعد وطول الليل وآنا قاعده اكلمه لا تشوفيني شلون اتكلم من الخرعه موطية صوتي حده جني حية ههههااااي
أبرار : اييي ديري بالج لحد يسمعج .. انزين خدامتكم شبتسوين عليها؟
ملاك : كلمت احمدو حبيبي قلت له خدامتنا قالت لي اييبها تليفون عشان تسكت فا قال لي راح اييبلها تليفون بو 10 دنانير وعنده خط زايد ما يبيه بيحطه بالتليفون واعطيها بس اهم شي تسكت
أبرار : اهم شي انه صار حبيبج على طول صج ماعندج خبري نطري مع الايام شوفي شلون بييبلج كل شي نفس جسوم حبيبي
ملاك : جبي زين اهوا يحبني واهوا قال لي انه مستحيل ما يكلمني بعد بس الله يستر لا يطيحون علي

..................................
((فبيت بوملاك))
الساعه صارت6 المغرب
بو ملاك : ملاكو اشوفج ماطلبتي تتكلمين باتليفون اليوم شفيج طاخه؟
ملاك : لا يبا ماكو امتحان باجر عشان جذي مابي ادق لاني ما اكلم رفيجاتي الا اذا ابي شي حق الامتحان
بوملاك : اييييه عفية على بنيتي عفية
ملاك : انزين يبا آنا بروح انام
بوملاك : الساعه 6 تو الناس شنو تعبانه؟
ملاك : ها لا يبا امس مانمت عدل كنت اراجع حق الامتحان والحين بنام

......
((ملاك نامت وحطت منبه عشان تقوم الساعه 3 الفير وتكلم احمد ليما وقت المدرسه))



هاذا البارت الثاالث انشالله اكمل بعدين

 

[الاحاسيس المبهمه]

ماشاء الله اسلووبج واايد بسييط واحسج موقااعده تتصنعين يعني طبيعتج

وترى حده شي زين ان الانسان يعتبر من اخطاءه والانسان خطاء ومومعصوم من الغلط لان احنا موملائكه بس المهم يتوب لله توبه نصوح

وارد واقوول اسلوبج رووعه ونااعم حده << ترى تعبت على نااعم لوووول

ونااطرينج واناا راح اتابعج من خلف الكواليس بس بالويك اند رااح ارد عليج واحلل التحليل الاسبوعي لووول

يسلموووو على الطرح

 

[أروسا]

سجليني حضور بهالقصه

اهنيج على اعترافج من البدايه انج انتي البطله و هم حلو الواحد يتعلم من اخطائه

بخصوص ابرار اهي و امها ماشاءالله الدنيا سعيده عندهم ... الحمدالله والشكر