مـتـى ولادتـج وشنـو أحسـاسج

[سعادة قلبي وياه]

يسعدلي صباحكم ياحلوات كيفكم ان شاءالله بخيـر جميعـاَ ... :yaaaaaarb:

حبيت اعرف بنات متى ولادتكم وشسويتوا وشنو جهزتوا

ابي اعرف احساسج خصوصا البكريــه :eh_s(11):

وهل زوجج تحسينة مهتم فيج وخايف عليج ولا عاااااااادي ولا كأنة ..:eh_s(2):



انا عنــي ولادتي بتكون في نص شهر 10 بذن الله ..

والحمدلله كنت اجهز من اوووووول ماعرفت اني حامل يمكن لانه اول مولود ...

قررت استقبالي يكون فالمستشفى مو بالبيت في اخوات لانه يفضلون بالبيت

بالنسبة لزوجي اول بداية حملي فيه خوف واهتمام الحين صار عاااااادي ينام

ويخليني اسهر لحالي هههههههههههه مللته شكلي :rgewrg:


وشلون عن نومكم بنات انا وايد متضايقة ماأعرف انام يمين يسار يسار ويمين تعبت تعبت مليت :eh_s(11):

وساعات افكر بالولاده وساعات ينتابني احساس بالموت وساعات صعبة اتنفس احس بخنقة انتو مثلي ؟؟ ولا شلووون ..

 

[كيوت جيرل]

انا ولادتي شهر 12 وهذا ثاني حمل لي .بالعكس لازم تكوني مستعده لهذي اللحظه وتحمسي نفسش للحظه الولاده يعني حتى نفسيا جهزي نفسش لهذي التجربه صح ان الولاده متعبه بس لازم نتحمل ونشجع انفسنا .ناويه ان شاءالله اشتري اغراض البيبي عالثامن . انا خايفه بس ايش نسوي لازم نتحمل واحاول اشجع نفسي للحظه الولاده المتعبه . الله ينفس علينا يارب

 

[سعادة قلبي وياه]

الله يسهل عليج كيوت الخوف لاااااابد منه

 

[miss_q8ya]

انا هذا ثاني بيبي

شعووري كل ماقرب موعد الولاده اتصرقع واخااف

احس نفسي مشتته وكثر مااجهز احس نفسي موو خالصه وفي شي نااقص

الله يعين ويسهل يااارب

ريلي متحمس خايف وكاسره خاطره بس الرياايل مايصرحوون بهالشي

 

[شتاء الحب]

ان شاء الله ولادتي السنه الجديده شهر 1
و انا بكريه .. و الاحساااااااااااااااااس لا يوصف
الله يسلمني له و يسلمه لي

 

[♠اوتار♠]

انا ولاتي شهر ١٢تقريبا خلصت تجهيز شعوري انطر هالحضه بس خايفه حيل انا بجر بس بدا التعب معاي حيل احس بتعب مافيني نشاط كلش

 

[om la6ofa]

انا رابع ولادة لي و ميته من الخوف و عيالي دقدق صغار وجهزت حق اول شهرين احس اني اعرف شنو محتاجه و حدي ولهانه ابي البيبي و انشاالله ولادتي شهرعشرة

 

[زبــــــــدة]

انا ولادتي شهر 11

ساعات اخاف وساعات لا وناااسه

جهزت كل شي باقي اشياء بسيطة

والله يسهل علينا يارب

 

[Aloe Vera]

انا ولادتي كانت قبل عشر ايام و الله عطاني احلى ولادة لان كلشي فيها صار مثل ما ابي لاني طلبت اولد بدون مسكنات الم و ادوية كنت ابيها طبيعية عشان اكون مصحصحة و واعية و اشوف شقاعد يصير و الحمدلله تم اللي ابيه و كانت ولادة حلوة و سهالة
و كنت مخلصة تجهيزات البيبي من الشهر الثامن
و تجهيزات الاستقبال خلصتها اول التاسع و ارتحت
و هذي ثالث ولادة

 

[أشبـاهـ المطـر]

ولادتي المفروض قبل 3 ايام بس ماولدت
شعوري خايفه مو من الولاده لا الحمدالله موكله اموري
لله لكن خايفه مايجيني طلق او يجيني بالليل وبناتي نايمين
والله يسهل علينا يارررب

 

[M!SS.LOBY]

الله يسهل عليج

 

[Amonito]

انا بجر وولادتي ان شاءالله شهر ٤

وهم خايفه وحالياً شعوري تعب

واكتئاب من هالنساه كرهتني بالحمل

بس سبحان الله لما اشوف البيبي بالسونار

استانس ومتشوقه اشوفه بهالدنيا

زوجي الحمدلله مستانس ومشتط اكثر مني

انا لو مو هالنساه الچايده جان اشتطيت

حالياً كل همي تعدي هالنساه عشان استمتع

بالحمل والتجهيز كونه اول بيبي والله يثبته

ويثبت ضناكم ويسهل ولادتنا كلنا ان شاءالله

 

[ام أسد]

انا ولادتي ان شاءالله في شهر ٢/٢٠١٤ وزوجي يخاف علي اكثر من روحه بس ساعات احس انه عادي عنده

 

[unknown1988]

انا اخر موعد ولاده شهر 11

و اول بيبي .. طبعا متوتره لان مادري شراح يصير وقتها وبنفس الوقت مستانسه لان بشوف ولدي حبيبي

ريلي فرحان اكيد الحمدالله و احسه متوتر بس ما يقول .. بالنسبه للنوم التعب كل يوم يزيد من الثقل ولويه مافي راحه


الله يرزقنا جميعا الولاده السهله يااااارب و نطلع بالسلامه ونشوف البيبيات بصحه وعافيه

 

[عزاااه]

ولادتي ١/١ ثاني ولاده الله يسهل يارب اكيد خايفه

 

[حرم راشد الماجد]

ولادتي ان شاء الله شهر 3


واحتمال يولدوني مبجر لاني عمليه

وزوججي مهتم جنه اول بيبي مع ان عندي بنت الله يخليها ويحفظها لي

والاحساس عادي

بس الله وكيلج الاسبوع فيه 7 ايام عشر ايام منهم احلم بالولاده >>>>>>>>>> لوووووووووووووووووووووووووووووووووول

 

[حوريه ...]

انا ولادتي كانت قبل 10 ايام

طبعاً اول بيبي بس كان عندي ولاده مبكره قبل

ف تقريبا ً كنت عارفه شنو بيصير لي

كنت مهيأه نفسي لهاليوم ولما صار اخترعت ههههههههه

زوجي كان متحمس لان اول بيبي عقب نطرة كم سنه


الحمدالله من تولدين خلاص ترتاحين من الثقل وتعب الحمل


الله يرزق كل بنات تاخر الانجاب ويعوض ع اللي اجهضت

ولايحرم كل مره من هالاحساس

 

[سعادة قلبي وياه]

الله يسهل على الحامل يارب ويرزق كل محرومة وكل وحده اجهضت

وحمدلله على سلامة كل وحده توها والد وحفظ البيبي لها

 

[fofowa_q8]

ولادتي شهر ٤ باذن الله وهذا ثاني بيبي

خايفه حاطه ايدي على قلبي لان اجهضت وحملت على طول

وتعبت وايد والحين عالمثبتات والنساة هالكتني ودي الايام تمر

بسرعة وادش الشهر الرابع وتستقر الامور ان شاء الله

والولادة مو خايفة منها حاليا تو الناس والله يسهل

 

[كوكيية]

سعادة قلبي وياه

انا ولادتي اخر 12 ان شاء الله
و حييييييل خايفة و مابي اسمع كلمة ولادة على طول اخاف
لاني بكرية
اول حمل
و ان شاء الله استقبالي راح يكون بالمستشفى


و زوجي وايد متشوق و مهتم فيني حيل
و النوومة صج تعب
احب انام على ظهري بس الدكتورة قالت لا تنامين اكثر من خمس دقايق على الظهر لاني بالسادس


و الله يسهل علينا