مدخ ــل ..~
مابقى غير شي واحد يذكـّـرني فيك دوم
يذكـّـرني بذيك الخيانه .. ضد الصــاحــب ألأول
بــقــى ذاك الـرصــيــف ... مكان ٍ كله هموم
بقت ذيك النسـايـم اللي تذكرني باليوم الأمثل
لا تسولف لي وجع خوف المنافي .!
الوطن حلمي يسولفني واغيب .!!
في شوارعنا الحزينه كنت : غافي .!
ملتحف حزني ونظرات الغريب .!!
من قريت الناس ايقنت اختلافي .!
لا وطن فيني ولا صدر ٍ رحيب .!!
قلت لـ أحلامي البسيطه لا تخافي .!
غصنك الشاعر: وغرّد عندليب .!!
لو أخاف البوح: ضيّعني ارتجافي .!
القصايد شمس والدفتر مغيب .!!
مانشيتي الحزن والدمعه غلافي .!
لاشعرت بغربتي مالي صحيب .!!
ياربيع الحلم كسّرني جفافي .!
حارت اقدامي على اطراف النصيب .!!
لو تهزّ من القصايد كل : خافي ؟!
ما يطيح إلا ولد عم وقريب .!!
آآهـ من دمعة عزيز ٍ ماتشافي .!
عفّة المحتاج جرح ٍ مايطيب .!!
كم بكيت البرد من قسوة لحافي .!
يوم بعض الناس تبكي للحبيب .!!
شوفني أهديت وجهي لـ السوافي .!
ما معي إلا أنا وليل ٍ كئيب .!!
ممتلي بالأسئله لـ آخر مطافي .!
كنت أنا ويّاي: نبحث عن مجيب
مخرج ...~
وش جــوابــه يا تـرى .. غير صفر الرياح السموم
وبعض أوراق ٍ من شجر باهت .. منظره يذهــل
وأرجع مع ذاك الطريق انــتــظــــر يوم ٍ عقب يوم
لأجل أعيش ويا ذكرياتك .. قصــه مــا راح تـكمل
