مغتربة بديرتي..!! ساعدوني

[X SHOOSH]

السلام عليكم شلونكم؟؟...:eh_s(17): ​

والله مادري شلوون ابدي الموضوع ...!بصراحة أنا ريلي مو كويتي و احنا صارلنا سنتين بالكويت بس كلش مو متحمله الحياة اهني واااايد صعبه و ممله بليز لا تنتقدووني والله ما اذكر الكويت جذي .... انا اول ما تزوجت قبل 6 سنين على طوول سافرنا عشنا باسبانيا بس اللي اتابع اخبار العالم راح تعرف ان اسبانيا و اغلب دول اوروبا تمر بمرحلة صعبه ، قلت نيي الكويت ديرتي نقعد بيت اهلي على ما اندور لنا شغل و نطلع اجار بس لما يينا انصدمت بالاجارات شي خيالي كنت حاطه في بالي اسعار اول ، و كلش مو ملحقين عالمصاريف.... اوك ما عندي مشكله ذاك الزود بالمصاريف لان بكل مكااان مهما كان معاشج دايما بيكون عندج مصااريف و بتقولين المعاش ما يكفي ههههه، الاجراءات واايد صعبه اهني مابي اتعمق، والله قاعده افكر اطلع من الكويت ادري الغربة صعبه و رااح اشتااق حق ديرتي، بس مو مرتاحه من الوضع اهني الحياة مو صحية ، بليز شورو عليي منو جربت تعيش براا بامريكا او شمال اوروبا تفيدني تقولي شلووون بدت حيااتها اليديده ادري البدايه صعبه بكل مكان محتاااجتكم بنات تعطوني معلومات عن الدوله اللي انتو فيها

 

[حديث الروح]

الله يعينك عزيزتي
الحمد لله احنا بديرتنا هني في الكويت
وأرجو من الأخوات التجاوب مع مشكلتها
وتعذريني ماأقدر أعطيك اختيار
اللي عايشة برة بنات تساعدها برايها

 

[فارس الظفيري]

قعدي ب الكويت احسلج وين مهاجره ومخليه الديره ..

 

[Pink_Roses]

اذا الاجانب يفضلون يعيشون بالكويت عشان ما يدفعون ضرايب بديرتهم والعيشة اهني ارخص وانتي كويتيه تبين تهاجرين ؟؟؟؟؟

وايد بنات كويتيات اعرفهم متزوجين اجانب امريكان و بريطانيين ازواجهم يفضلون يعيشون بالكويت لان عارفين البهدلة بامريكا واوروبا دوام طويل والراتب ما يوفي لان نصه رايح على الضرايب

 

[هبة القاضى]

ساتكلم باللغة العربية حتي لا يحدث سوء فهم لاختلاف اللهجات فانا مصرية ولكن مقيمة ف الكويت
اشعر تماما بترددك ليس لان الكويت بلد صعبة بالعكس بس لاني انا ايضا تاركة اهلي بمصر واتيت الي هنا مغتربة واحيانا افكر ف العودة الي مصر اتفهم تماما حيرتك ولكن اسمحي لي القرار يحتاج كثيرا من البحث فغربتي هنا بالكويت اهون كثيرا من الاغتراب ببلد اجنبي .. هنا غربة اهل ووطن اما هناك سيجتمع عليكى غربة الدين فالقرار ليس سهلا ابدا استخيري وابحثي واسالي جيدا ثم توكلي علي الله ليدبر لك الامر بما في ه الخير واسال الله ان يدبر لك امرك سواء ببلدك او باي بلد اخر لما فيه الخير لكي ولاسرتك

ويارب حد يفيدك تقبلي مروري

 

[تعويذة]

بناات عندي رقم إستشاريـــة نفسية رووعة أنصحكم فيها و بشددة اسمها هند الجري رقمها 94040558
حبيــــبة و أخلاق و تعطي نصايح من قلب تقبل إستشارت عبر الهاتف و تعطي جلسات نفسية رووعة

 

[ظبية بوظبي]

ما علش ممكن اعرف ليش من الاساس اصلا طلعتي وعشتي برا ؟؟
وملاحظة كثار كويتيات عادي عندهم يتركون بلادهم !!
الناس الي من بلدان فقيره هم الي يهاجرون لكن الي مستوى المعيشه في بلادهم اوكي والبلد مرتاح فليش الهجرة !
لهدرجه انانين وجشعين وما عندكم انتماء !

 

[جوري الغرام]

اقتباس:
المشاركة الأصلية كتبت بواسطة ظبية بوظبي
ما علش ممكن اعرف ليش من الاساس اصلا طلعتي وعشتي برا ؟؟
وملاحظة كثار كويتيات عادي عندهم يتركون بلادهم !!
الناس الي من بلدان فقيره هم الي يهاجرون لكن الي مستوى المعيشه في بلادهم اوكي والبلد مرتاح فليش الهجرة !
لهدرجه انانين وجشعين وما عندكم انتماء !

اول شي مافي كويتيين يهاجرون ويتركون ديرتهم ...

هذول بدون عايشين بديرتنا ويتكلمون لهجتنا ويلبسون مثلنا بس هم مو كويتيين ...

واهيا قالت انها كويتيه وبس زوجها مو كويتي وهاجرت وياه برا عشان برا بالنسبه للي مثل ظروفه احسن من العيش بالدول العربيه من ناحيه فرص العمل ويمكن مع الوقت يأخذ جنسيه بعد ...

بس اهي قالت ان الدوله اللي راحولها تدهور فيها الوضع الاقتصادي عشان جذيه فضلت انها ترجع الكويت وتعيش عند أهلها بوضع مؤقت لين يحصلون شغل ويطلعون يسكنون بايجار ...

ولا احنا الكويتيين وضعنا ولله الحمد بخير معززين ومكرمين ولاءنا لديرتنا مو للماده ...

فهمتني أختي ....:rgewrg:​

 

[فاطمه q8]

كل شي بالتعود
انشالله البنات يفيدونج

 

[ظبية بوظبي]

اقتباس:
المشاركة الأصلية كتبت بواسطة ظبية بوظبي
ما علش ممكن اعرف ليش من الاساس اصلا طلعتي وعشتي برا ؟؟
وملاحظة كثار كويتيات عادي عندهم يتركون بلادهم !!
الناس الي من بلدان فقيره هم الي يهاجرون لكن الي مستوى المعيشه في بلادهم اوكي والبلد مرتاح فليش الهجرة !
لهدرجه انانين وجشعين وما عندكم انتماء !

اول شي مافي كويتيين يهاجرون ويتركون ديرتهم ...

هذول بدون عايشين بديرتنا ويتكلمون لهجتنا ويلبسون مثلنا بس هم مو كويتيين ...

واهيا قالت انها كويتيه وبس زوجها مو كويتي وهاجرت وياه برا عشان برا بالنسبه للي مثل ظروفه احسن من العيش بالدول العربيه من ناحيه فرص العمل ويمكن مع الوقت يأخذ جنسيه بعد ...

بس اهي قالت ان الدوله اللي راحولها تدهور فيها الوضع الاقتصادي عشان جذيه فضلت انها ترجع الكويت وتعيش عند أهلها بوضع مؤقت لين يحصلون شغل ويطلعون يسكنون بايجار ...

ولا احنا الكويتيين وضعنا ولله الحمد بخير معززين ومكرمين ولاءنا لديرتنا مو للماده ...

فهمتني أختي ....:rgewrg:​

:hjy5jewf:
كذا اوكي