مع او ضد ( اذا انسحبت يوماً فستصبح عادة لديك )

[Ms.Candy]

السلام عليكم

اذا انسحبت يوما فستصبح عادة لديك

اناااااااا مع وبقوة لاني في مرة انسحبت من عرس لان ماكان لي نفس اروح
بعدين صارت لي فترررررة ما اروح اعراس وكل مللانة

بس بعدين تخلصت من الانسحاب :d

ابي ارائكم

 

[Ms.Candy]

لـيش يعني انـا بالذات حـتى نقاش ما تتنـاقشووووون

 

[*الهنوف*]

انا بعد مستغربه موضوعج قديم ومحد راد
المهم

ياريت شوي توضحين شنو قصدج بالانسحاب
هل قصدج ان تقاطعين الشي او قصدج ان الشي اذا ماسويتيه تتعودين علي عدم عمله
جني دوختج

 

[راح الحبيب راح]

مو فاهمة شنو نوع الانسحاب اللي تقصدينه
بس في اشياء لازم تنسحبين منها اذا دعى الامر كمثال بسيط
لو كنت بزواج وصارت مشكله معي مع احد افضل اني انسحب بهدوء قبل لاتصير شوشره كبيره ومالها داعي وتنقص من نظرة الناس لي

وفي اشياء مستحيل اني انسحب منها بما اني جيت المكان فخلاص ابقى للنهايه

وفي انسحاب الحب يعني تنسحبين من حياة انسان يحبك وتحبينه فهذا مرررفوض عندي مهما كانت الاسباب والدوافع


وفي انسحابات كثيره اغلبها مرفوضه عندي


ومشكوره ع الموضوع حياتي

 

[المرتاحة]

يمكن المقصود بالحكمة هذي شي معين

ان اللي ينسحب من المواجهه هذا على طول راح يتم جذي وما يواجه الا اذا شجع نفسه

انا هذا اللي فهمته

 

[PuPa^^SWeeT]

صح

اذا انسحبتي مرة رااح اتفكرين انها اسهل حللل


افضل حل انج اذا مو غلطانة يا اما اتواجهيين

او اتغافلين و اتكملين حياتج

 

[بنت الأجوااد]

هو مو انسحاب اللى تتكلمين عنه هو نوع من الكأبه او عدم الاحساس بالسعاده بالحياة بالتالى تبتعدين عن المحيط اللى انتى عائشه فيه يعنى ماتروحين اعراس وحفلات وعزومات وبعدها تكون عندج عاده تعودين عليها بالحياة


كل واحد منا يعيش هالمرحله وشوى شوى يتخلص منها

الانسحاب حلو اذا كان موقف كبير ومايخصج او ماله داعى تدخلين فيه

بس مو زين اذا انسحبتى من موضوع يخصج اهنيه بتعودين على الانسحاب من اى موضوع يصير لج وبالتالى تتكون عندج ضعف بالشخصيه

 

[بنت العقربيه]

عادي ماشووف انها مشكلة ماحبيتي تروحين لاي سبب على راحتك

لكن اذا ماتبغين تروحين بسبب وحدة في المكان مضايقتك اقولك روحي ولا تهمك

افرحي واستانسي والله يصفي القلوب

 

[ليلو جبريت]

على بالي انسحاب من نوع آخر

هو صح انا مثلا دوم انسحب من الطلعات مثل سينما ... كوفي والخ

وحاليا صار طبع عندي وبالغصب اطلع

فما اقدر افيدج لان ادور حل حق نفسي \:

 

[ربي محتاجتك]

فهمت
امي مع هالشي ومقتنعة فيه
بس انا ضد
صارلي موقف بسيط العام انا شاطرة بالمدرسة وبيوم امتحان نص السنة ١٢ يتني حالة خوف مو صج وصج ظليت ابجي من دون سبب وحطيت اب بالي ان لازم اغيب بس امي طبعا كانت رافضة وانا حطيت اب بالي اغيب يعني اغيب وامي رافضة عشانها مقتنعة اني لو غبت راح اتعود عالغياب المهم انا غبت وطبعا يبت لها درجة تبيض الويه بالمؤجل وبث
ومن هني انا اقول لو انسحبت مرة ما راح اعيد هالشي باذن الله

 

[Ms.Candy]

المرتاحة

نعم حبيبتي هذا المقصد

منورات حبايبي بجد

 

[قمر بيت أبوها]

الانسحاآآآب والتردد عقدتي بالفتره الأخيره


يارب تنفك عني

 

[manoooram]

اذا انا على حق لا والله ما انسحب ولاشي اكسر عين اللي جدامي واحرجه تالي اطلع

 

[عاشقه الشامري]

لا ما انسحب ولا افكر اني انسحب اذا انا على حق وما غلطت ولا ضريت احد ليش انسحب وانطوي على نفسي بما اني واثقه اني

ما سويت شي خطا واثقه بنفسي وبعدين انتي قلتي طلعتي من العرس لانش ماله منه وما كنتي مستانسه عادي شي طبيعي انا اروح

العرس والقا فيه موسيقى واطلع لاني احضر عرس اسلامي شي طبيعي وين المشكله وشلون عاده يعني انسحبتي المره الاولى

لانش حسيتي بالملل والعرس ما يونسش هذا معناته انتي ما تستانسين بالعروس عشان كذا ما تحبين تروحين لها وما تحمسين فيها

شي عادي جدا وبسيط وما ادري انتي شنو تبين بضبط او شنو تقصدين

 

[Maybe_87]

بالنسبة لي لا أفضل الإنسحاب بأي حال من الأحوال
وبأي ظرف من الظروف
سواء كنت على صواب أو على خطأ
في حال كوني على صواب فأبين وجهة نظري
أما في حال كوني على خطأ أكمل لكي يتم اقناعي بأن ما أقوم به خطأ

أما إذا كان ما تقصدينه هو الانسحاب من التجمعات والمناسبات
فهذا يعتمد على الحالة المزاجية
ولكن إن تكرر الأمر أكثر من مرة فسيكون عادة من عادات الحياة

 

[حبي بيرين]

اذا كان قصدك ِ الانسحاب من الروحات والجايات عادي لكن الانسحاب من المواجهه ابدا شئ مو عادي بالعكس المفروض الواحد يوجهه ويجادل خاصه اذاكا ن الموضوع مايحتمل الانسحاب ع اعتباران الانسحاب يزيد المشكله ومايحلها