معلومه عن بري مارك لندن...

[كويتية أصيله]

السلام عليكم أشلونكم بنات شخباركم؟؟


شهر مايو إللي طاف رحت لندن وكعادتنا لاازم بري مارك تشرينا آنا وإللي معاي خذينا قمصان نوم قصار وايد قطنهم حلو وعجيب غسل ولبس خذيت وااااااااايد منهم .... والمفاجأه .....قبل رمضان كنت رايحه مجمع بيروت تحت السرداب أشتري ملابس للخدم ولا أشوف نفس بالضبط القمصان ب 2.5 دينار انصدمت ما صدقت قلت اكيد غير لمستهم نفس الخامه جان أصور الماركه بالموبايل وارجع البيت ولا صج أهم بالضبط يعني والله ما يسوى نقلتهم ....الحكمه المستفاده من السالفه ههههههههه كل الخير والنعمه عندنا بالكويت بس إحنا لااااازم نتشرى من بره

 

[sky]

رد : معلومه عن بري مارك لندن...

وانا لقيت نفس الماركه في سوق السالميه الاحمر

 

[بلبله سعوديه]

بصراحه انا شاكه في هالماركه لان العلامه متأكده أنا شايفتها وشاريه منها سواء من السعوديه أو الكويت انتوا تأكدوا من هالماركه وعلى فكره ترى هالماركه ايرلنديه مو لندنيه لأني أعرف وحده ساكنه في بريطانيا يعني لندن وهي اللي قالتلي عنها

 

[law love]

انا مره شفت نفس الخام و النقشه مو المديل و لا الماركه بكارفور او جيان

 

[sweet lady]

والله انا مرة كنت بلندن وامشي واشتري ماخليييت محل الا واشنري منه وانا هناااك قالتلي اختي بطلوووا عندنا مجمع حلووو الافنيووز قلت بس ارجع اروووح اتمشى فييه والله يابنات وانا اتمشى اضحك على نفسي كل محلات اكسفووورد بالافنيوووز وتقريبا كل شي عندنا بس حريييم ماكو فايده منا كل مكان سوووق والحين بروح الاسبوع الياي لندن ومااتوووب متشوقه على سوووقهم

 

[روح عاشقها]

مادري ليش اذا سافرنا يصير كل شي غير
الظاهر عندنا السوق ادمااااااان

 

[كويتية أصيله]

بصراحه انا شاكه في هالماركه لان العلامه متأكده أنا شايفتها وشاريه منها سواء من السعوديه أو الكويت انتوا تأكدوا من هالماركه وعلى فكره ترى هالماركه ايرلنديه مو لندنيه لأني أعرف وحده ساكنه في بريطانيا يعني لندن وهي اللي قالتلي عنها

حبيبتي متأكده مليون بالميه .... حتى مصورتهم بعد

 

[Orangiya]

بريمارك شركة ايرلاندية لها افرع في بريطانيا بس ..

ومن تجربتي خلال السنتين اللي عشتهم هناك اقول السوق هناك وايد احسن وارخص من هني ،،، هني الزين غاااالي والشين هم يلوع الجبد وهم غالي عالفاضي ،، يعني حتى لو كان بعشرة تلاقينه ما يسوى 3 دنانير ووايد عليه دينار حتى ..

وهناك التنزيلات عندهم خطيرة ،، بالكرسمس والايستر والسمر سيل و الهالوين .. بالاربعة فصول يعني .. تلاقين البضاعة الممتازة نفسها حاطينها بالسيل .. اما هني الشيييين كله بالتنزيلات والزين شكلهم يخشونه !

والحلو هناك بضايعهم عليها ضرايب والسياح يعطونهم التاكس فري ، رد الضرايب .. لان الضرايب بس للي عايشين هناك ..
فتخيلوا هم شارين بالتنزيلات و هم عليها التاكس الفري ... فـ ...يااا بلاش السوق هناك !!! لو يحصل لي كل سنة اروح اتسوق هناك ماعندي مشكلة ابداً ..

 

[Queen_Angel]

^^ كلامج مضبوط هذا الفرق..

 

[اريج الجوري]

رد : معلومه عن بري مارك لندن...


صحيح ان كل شي عندنا بالكويت ,,,

لكن سوق لندن له طعم خاص ,,, هع

وهم مثل ماقالوا الخوات في اشياء ارخص ومميزه تبين انها من لندن ,,,

 

[بسمه الم]

صااجه كل شي عندنا بالكويت ومايسوى اروح لندن واتشرى من توب شوب و هذيل المحلات ,, وبصراحه انا عشت ودرست بلندن بريمارك احلى مافيه الكفرات والمفارش كديتهم كد ,, واحلىى شي بلندن الماركات والاوت لتات و العطور والميكب وبس

 

[ام ساره72]

عيل اقولكم شي؟؟ انا شريت جوتى قبل جم يوم حق العيد صندل ب 19 دينار عادى تخيلو لقيت اختى من دون ما ندرى انا وهى مشتريه لى واحد نفسه من لندن بس لون ثانى تدرون بجم؟؟ دينارين ونص اتصدقون ؟؟؟ نفسه بالضبط

 

[%متفائله%]

واااااااااااااااااااي ولهانه على لندن وسوقها ولا بريمارك حدث ولاحرج شي خطير الملابس الداخليه شي خرافي كد ومد

 

[soso_ksa]

انا بس ودي اروح لندن يومين وارد بس عشان بري مارك
لانه اهو الوحيد الي مو عندنا ونفانيفهم القصاار احلى شي ورخاص

 

[بخـــارى]

رفع رفع

 

[جنه من الكويت]

اي والله شوقتوووووووووووووني اروح

 

[عيون مبارك]

ياحلو بريمارك
بس يبيلهم ايحطون ترولي عشان الواحد يتسوق مره وحده مو قطاعي
سلالهم تعور الايد واذا خذتي ٦ ولا ٧ سلال يتذمرون اللي في الكاشير ههههههه

 

[فنيسيااا]

بريماك سوق شعبي مثل ما عندنا اهني المحاميد

 

[Om_Ksha]

mn9jkm ?? bs hmn mn re7t lndn gher

 

[ghadeeeer]

ما أحبه ولا أفكر أشتري منه