معلوماتكم حول الباحث الاداري ) التربية (

[noran89]

السلام عليكم
اشلونكم بنات ؟
تذكرون مشكلتي اني بكالريوس و حطوني سكرتيرة لبنات دبلومات في وزارة التربية رغم ان مسماي منسق اداري ؟
المهم بعد بحث طويل و محاولات يتني فرصة اني اصير باحث إداري . قوليلي يعني شنو باحث إداري و شنو يسوي . اخاف اطلع سكرتيرة بعد كل هالتعب بس في قسم ثاني . هل له مميزات عن المنسق الإداري ؟ حاليا و مستقبلا ؟ يعني هل انتقل و اتوكل على الله و لا بيطلعون عيوني اهم بعد ؟ لأني صج صار فيني احباط بعد دراستي في الخارج اربع سنين و بالأخير شغلي اطبع استئذان لفلانة و استلم بريد . تسلمون

 

[بنت الكويت العسل]

مافيه فرق كان منسق اداري وصار باحث اداري
انتي بادارة التطوير؟

 

[بنت الكويت العسل]

لانه المسمى هذا بس لادارة التطوير
روحي للمكان وشوفي البنات وسئليهم احسن لانه ترا مو بالمسمى اهي حسب هوا مسؤولج والا المسمى بتاخذين عليه فلوسج وكادرج بس الشغل عاد على هواهم

 

[مشتطـه]

ويييييييييييييييع التربيه وييييييييييييييييع


اشتغلت اسبوع وقدمت استقالتي


البطاله ابرك من هالمكان حتى انا جامعية ومعدلي جيد جدآ


بكل برود يقولون انتي سكرتيرة


واللي وياي بالقسم لا تعليق الاشكال !!!!!!!!!!


استغفر الله وريحة الغرفه أرف

و8 بنات وبدون مكتب


عنّي ما استغلت بهالوزارة التعباااانه

والله لو اقعد 10 سنين بطالية بس ما اتوظف ادارية بالتربية

 

[noran89]

بنت الكويت حبيبتي لا انا بنتقل للتطوير لو اخذت قرار اني اصير باحث اداري . ان شاء الله الاحد بروح اشوفهم . تسلمين .

مشتطة ليش حبيبتي تقعدين بالبيت ؟ حتى لو المكان مو زين الواحد يتحمل و بعد سنتين لج الحرية تنقلين وزارة ثانية . احسن ما تقعدين تحت رحمة الديوان و البطالة و الفراغ .

 

[بنت الكويت العسل]

ههههههههههه مشتطه وين قاطينج حاله ثمان بكتب واحد شالسالفه قطيه المكتب والا شروكه حاله والله حبيبتي باي مكان استغلي الوضع والقروبات عشان توصلين للهدف مو بالغش بس الحق ينوخذ بالشلليه باي وزاره صدقيني