معلوماتج علبالج صح تعالي صححيها ياحلوة

الحالة
مغلق و غير مفتوح للمزيد من الردود.

فطفط نجد

New member
إنضم
30 ديسمبر 2007
المشاركات
7,120
مستوى التفاعل
0
النقاط
0
الإقامة
ღ في بيت عتبان ღ

السلام عليكم ورحمة الله وبركاته

دايم نسمع جم معلومه يتداولونها الناس خاصة حنا يالحريم وعلطول ما نصدق خبر وننشرها بدون لا نتأكد بالاول

انا نوعي صراحة احب ادش النت واتأكد من هالسوالف..بس فيه شغلات نتيقن انها ميه ميه صح ولا عمرنا نفكر نبحث فيها او نجادلها


تعالوا معاي شوفوا معلومات احنا علبالنا صحيحة واهي بالاساس غلط بغلط







( سم العقرب .. طريق القبر .. )




يعتقد الكثيرين ان سم العقرب مايردهـ عن طريق القبر شي ..




يعني ان سم العقرب " مميت " .. وهذا اعتقاد خاطئ ..




حيث ان اقوى سم العقارب مايقتل ! ولكن قد يتسبب بموت ( الطفل الرضيع , كبير السن , مريض القلب ) إذا لم يتم علاجه ..

فإذا لدغتكـ عقرب لاسمح الله .. اعرف انكـ ماراح تموت بحول الله ..

روّق .. وهد اعصابكـ .. وانحر اقرب مركز صحي او مستشفى ..

- وعلى فكرهـ .. ترى العقرب كائن غبي , اي شي قدامه يحاول يلدغه ..
يعني لو يصدم بـ جدار .. حاول انه يلدغ الجدار .. جد والله ..








( الحمدلله ترسنا هالبطن.. يالله مشينا نهظّم ؟ ) ..




امر شائع عن اغلب الناس ..


بعد مايضرب لكـ وجبه دسمه .. يآخذ له واحد من ربعه ..


ويمترون المكان اللي هم فيه .. ويعدون الكيلوات ..


طيب ليش ؟ يقولكـ ( والله ودنا نهظّم الأكل اللي تو أكلنا ) ..


غلط !


الحركه هذي بتقلل تدفق الدم للجهاز الهظمي .. وبالتالي تقل عملية او سرعة الهظم عن الوضع الطبيعي ..


فينصح بعد أكل وجبه دسمه .. انكـ تمدد رجيلاتكـ وتروق .. وتخلي الباقي على الجهاز الهظمي .. هو يعرف شغله ..


حتى ان العلماء يقولون ان ( الأسد ) بعد مايجرش احد الفرائس يتكّي تحت شجرهـ ويمدد .. ما شافوهـ يمتر المكان ومن كيلو لـ كيلو ..







( إلهم بس إلهم ,كلها اعشاب اذا مانفعتكـ ماتضركـ ! )




وش اللي اذا مانفعني ماضرني .. ليش يعني وش السر في ( الاعشاب الطبيّه ) ..


الواحد يآكلها اذا تعب .. اما انها تنفعه او مستحيل تضرهـ ..!


المشكله ان هالشي متداول حتى في ( الصيدليات ) ..


الصيدلي المفروض عارف ودارس ..


يبربر عليكـ : العلاق دا متكون من اعشاب طبيعيه .. موش حتزُركـ .. ماتخفش !


وكل هالبربرهـ علشان بس يبيع السلعه ويلهف من وراكـ دراهم .. ولو تموت .. ماعليه منكـ ..


ياجماعه .. بعض الأعشاب (( ســـــام )) .. !


وبعضها يسبب حساسيّه لناس معينه ..


الاعشاب " تحوي على مواد كيميائيه " .. مثلها مثل بقيّة الأدويه , بس انها طبيعيه .. وماتم تحضيرها في المصنع !










( قلبكـ .. في الشق الأيسر ) ..



من قال انه في الجهه اليسرى تماماً للإنسان ؟


القلب موجود ( بين الرئتين ) بالضبط .. لكنه يميل بشي بسيط للجههة اليسرى ..








( طف الهوا الحار بالسيارة .. تبي تمرضنا انت !؟ )




في (جونا الحالي) .. وضروسكـ تتصافق من قوة البرد ..


راكب سيارتكـ ومشغل المكيف على الحار .. تبي الدفاء ..


بعد ماتحس ان جسمكـ نشب في المرتبه من الحرارهـ .. وتفق كشركـ مستانس .. لأن وجهكـ بدأ يرجع طبيعي ويتحركـ ..


يركب معكـ واحد .. تبي توصله لـ مشوار .. اول مايركب يزأر بوجهكـ .. ياخي طف المكيف !


انا ابنزل بعد شوي لمكان بارد .. تبي تمرضني ..


من اللي قالكـ ؟


نظرياً .. كلامه غير صحيح ..! بس انه خايف على نفسه زيادهـ (بعذرهـ من هالبرد اللي يشق الوجه ) ..


يعني اذا كان الأمر (متتابع) ممكن .. كلامه صحيح ..


لكن اذا انت راعي طويله .. وبتجلس في الجو هذا وقت .. وفي الجو الثاني وقت .. لا , نظريتكـ غلط !


- في الصيف تلقاكـ مشغل المكيف على البارد في اقصى سرعته .. تسمع صوت المكيف اقوى من صوت المكينه ..


وتنزل للهواء الحار ..! طيب تعال انت ياللي ركبت قبل شوي .. ليش هنا ماسكرت المكيف ؟


موب برضو فيه إنتقال من درجة حرارهـ لـ درجة اخرى ؟


طيب ليش ماجاكـ شي ؟


علمياً .. ونظرياً .. هذا مجرد خوف لا أكثر .. وافتراضات مالها صحه ..


لكن .. هم ينصحون ( بتدفئة الجو العام ) , يعني المكان يكون دافئ ( السيارهـ , او الغرفه ) افضل من انه يكون بارد او متعدل على حرارة الجو الطبيعيه .. الدفاء مامنه ضرر ابد .. لكن البرودهـ تأثر على الشعب الهوائيه والجهاز التنفسي ككل .. وتسبب الحمى ..


فيقولون .. لازم تدفئ المكان المحيط بكـ .. او إنكـ تلبس خلاقين وخاصه الصغار ..


علشان يكون محيط جسمكـ .. دافئ لـ درجة حرارهـ ثابته ..


- فالإنتقال من دفاء لـ برودهـ .. او العكس .. مامنه ضرر ..









( غسل يديكـ بالصابون , عقّمها من الجراثيم ) ..




الصابون ( يُنظف ) فقط ولا يُعقم الجراثيم (مايقتلها) ..


فـ محتاجين لـ معقمات للجراثيم ..

نستعملها على الأقل ثلاث مرات في اليوم ..

عموماً فيه الحين انواع معينه من الصابون ( تنظف و تُعقم ) ..


مثل ( ديتول , لايف بوي ) .. وخصوصاً في الاستحمام ..

يالله هه ياديتول .. دعايه بـ بلاش ..








( .. حلي بـ فاكهه بعد الغدا..تراها مفيده ...)




تناول الفاكهة في نهاية الوجبة تدمر إنزيم بتيالين وهو إنزيم أساسي لإتمام عملية هضم النشويات‏ .
قال تعالى:{ وَفَاكِهَةٍ مِّمَّا يَتَخَيَّرُونَ* وَلَحْمِ طَيْرٍ مِّمَّا يَشْتَهُونَ } سورة الواقعة (20-21) .
بدأت الآية الكريمة بالفاكهة ثم بالطعام وهذا إعجاز قرآني . لذلك يجب مراعاة أصول التغذية السليمة في تناولها ‏كما يقول أحد مستشاري التغذية والصحة العامة والمناعة .

لأن تناول الفاكهة في نهاية الوجبة أشبه بتناول جرعة من السم!!

لأنها تدمر إنزيم بتيالين وهو إنزيم أساسي لإتمام عملية هضم النشويات‏ .
كذلك ذكرت جريدة الأهرام : أن الفاكهة تحتاج إلى مرور بطئ إلي المعدة حتي

تهضم بطريقة طبيعية ‏، ولكنها عندما تلتقي باللحوم تتخمر في المعدة وقد تتحول إلي كحول يعوق عملية الهضم‏ .
وفي الوقت نفسه‏ ‏ تفقد الفاكهة كل ما تحتويه من فيتامينات وتضطرب عملية التمثيل الغذائي للبروتين‏ .

بالإضافة إلي أن التحلل غير العادي للبروتينات ينتج عنه إنتفاخ في المعدة‏.‏
وينصح مستشاري التغذية والصحة العامة والمناعة بتناول الفاكهة بعد نحو ثلاث ساعات من تناول وجبة الغذاء أو ساعة قبل تناول العشاء‏,‏ أو تناول وجبة كاملة من الفاكهة‏ فقط .

هالله هالله على هالكلام المضبوط
 

فطفط نجد

New member
إنضم
30 ديسمبر 2007
المشاركات
7,120
مستوى التفاعل
0
النقاط
0
الإقامة
ღ في بيت عتبان ღ
( الأسد , ملكـ الغابه ) ..





لاعبين علينا ؟


المشكله حتى في المدارس يكررون هالكلام ..! الأسد ملكـ الغابه .. ملكـ الغابه ..


والله يا اني ضحكت لين تمزعت من القهر .. طول هالوقت لاعبين علينا !


الصدمه :


الأسد ماعمرهـ وطوط عند طريف الغابه !


ماعمرهـ طب شي اسمه غابه !!


الأسد يعيش في ( مناطق الحشائش , السهول ) .. مايسكن ابداً في الغابات الأستوائيه ..

لاعبين علينا قسم بالله ..












القطط تحب أكل الفئران




( الأم تخاطب الأب وهو يشوّت القطوهـ في الحوش نآحر بها باب البيت : خلها , خلها يابوسليمان في البيت , تآكل الفيران ) ..


والله انج ملعوب عليج !!
حتى احنا كلنا ملعوب علينا في هالمناهج ..!




الصدمه الأخرى :

القط لا يأكل الفئران !



القط يلاحق الفار من باب التسليه واللعب بس ..


- سُجلت حالات أكل من قبل القطط للفئران .. لقوا القط اللي أكل الفار ميت من الجوع وبطنه وآصلن ظهرهـ ..


نفس الوضع .. الآدمي اذا اضطر وذبحه الجوع .. يآكل الجيفه ..


يصير الآدمي أكآل الجيف ؟
















( افصل البطاريه عن اللاب اذا بتشتغل على الكهرب ) ..




ياكثر ما اسويها ..


وياكثر مايضيق صدري اذا نسيتها مركبه في اللاب توب وانا شابكـ السلكـ في الكهرب ..


كثير منا يسوي هالحركه .. ليش ؟ يقولكـ علشان يطول عمر البطاريه وماتخرب ..


فيه نوعين من البطاريات الشائعه ../


- بطاريه نيكل :


هذي لازم تشحنها أول مرهـ 8 ساعات .. وماتشحنها مرهـ ثانيه لين تخلص البطاريه وتصير فارغه مرهـ ..


وبعدين وجودتها تتأثر اذا طولت مشبوكه في شاحن الكهرب ..


- بطاريه ليثيوم :


هذا النوع من البطاريات .. له عمر افتراضي .. من سنتين إلى ثلاث سنين ..


وهالنوع هذا .. خربان خربان بعد عمرها الافتراضي حتى لو ما استخدمتها ابد !


اشحنها على كيفكـ .. اشبكها وانت تشتغل .. ان بغيت وصلها بعداد الكهرب ..


هالنوع هذا ريحنا من سلبيات بطاريات الـ نيكل .. بس ان عمرهـ قصير ..


طيب .. تدرون ان اغلب البطاريات اللي نستخدمها في ( اللاب توب , الجوال , الكفّي , ... ) وغيرها .. تستخدم النوع الثاني من البطاريات .. ( بطاريات ليثوم ) ..


















( وخر عن الريموت فيه ليزر يضر)



( رب المنزل المتكي في الصاله بعد وجبة العشاء يخاطب زوجته الحامل العزيزهـ : ابعدي يامرهـ عن الريموووووت ! تبين الولد يطلع مشوّهـ ! )


( أب آخر مستلقي على السرير يداعب طفله الصغير الذي اخذ الريموت ووضعه في فمه بغيتَ أكله : لا يابابا كخا , بعدين تموت ! )





غير هالرجلين العزيزين .. كلنا نعتقد ان الريموت يسبب ضرر للمرأهـ الحامل .. وللأطفال ..





- ريموت التلفزيون وريموت أغلب الاجهزهـ .. تعمل ( بالاشعه تحت الحمراء ) وهي آمنه جداً ..





وتقع في طرف الطيف المرئي بجانب اللون الأحمر ..





* اي جسم حار تنبعث منه الأشعه تحت الحمراء في مرحله من مراحل التسخين ..





* أجسام الكائنات الحيّه اللي دمها حار .. تنبعث منها الاشعه تحت الحمراء بإستمرار ..





* كاميرات الفيديو تنبعث منها الأشعه تحت الحمراء وخاصة في التصوير الليلي .. ( ليش ماقال وخري البطنه الكبيرهـ ؟ .. طيب ليش مستانس بخشة ولدهـ وهو خانق القطوهـ وجالس يصورهـ بكاميرة الفيديو , رغم انه تبعث اشعه حمراء ) .. ليش بس الريموت المسكين هو اللي ينكرش ؟ علشان الريموت يتيم وماله احد ؟

* بعض الثعابين , تستخدم نفس التقنيّه ..


معليش يالريموت .. حقكـ علي

















( الهديه , لا تُهدى ولا تُباع ) ..



الطامه الكبرى , كلام شائع بين الناس بشكل كبير بأن هناكـ حديث للرسول بأن الهديّه لا تُهدى ولا تُباع !


مافيه اي صحه للحديث هذا ..


بل انه من خلال بحثي .. وجدت حديث مخالف للحديث هذا ..


جاء فيما معنى الحديث .. ان الرسول صلى الله عليه وسلم اهداهـ شخص هديه وكانت عبارهـ عن بُردهـ , فكانت البُردهـ المهداهـ صغيرهـ على الرسول , فقام بإهدائها إلى علي بن أبي طالب رضي الله عنه ..


الهديه هي ملكـ للشخص المُهدى , يسوي فيها اللي يبي .. يهديها يبيعها .. لكـ كامل التصرف فيها مثلها مثل باقي أملاكه ..


فـ : خذ قلبي يالغظي والهديـه ماترد ,,


وانت ياشد الهوى هات قلبكـ , وازهله ..



- احاديث كثيرهـ " موضوعه " , شائعه عند الناس ..


تحتاج وقفه وتدبر منا , هذا ديننا .. ومن الواجب علينا حفظه كما جاء



















( لا تآكل حلو وآجد , يجيكـ السكّر )




فيه اعتقاد خاطئ .. بأن أكل السكريات هو اللي يجيب مرض السكر ..!


يعني لو أكلت سكر كثير تراكـ بتمرض بـ مرض السكر ..




وهو السبب الرئيسي ..




برضو غلط .. :/




مرض السكر سببه هو تلف في خلايا ( بيتا في البنكرياس ) ..


او عدم فعالية الأنسولين المفرز داخل جسم الإنسان ..
 

فطفط نجد

New member
إنضم
30 ديسمبر 2007
المشاركات
7,120
مستوى التفاعل
0
النقاط
0
الإقامة
ღ في بيت عتبان ღ
اخر معلومة غلط:



( إن كان حبيبكـ ثور , إلبس لهـ أحمر )






الثور , مثله مثل باقي الحيوانات .. يشوف اللون الأحمر رمادي ..





حتى الأسبانيين .. مسوين فيها يعني اننا نعرف للثيران .. !




يمسكـ له طربال أحمر .. ويمرمرهـ على خشة الثور ..


مسوي يعني انا جالس الحين اثير غريزته الحمراويه ..




نصابين بعينكم ..



والأنصب منكم اخو اللي كتب قصة الاسد في مناهجنا ,

لأن عندي احساس انه هو اللي كتب قصة الثور اللي يثيره اللون الأحمر ..
 

مـيـراس

New member
إنضم
2 ديسمبر 2007
المشاركات
1,519
مستوى التفاعل
0
النقاط
0
مشكوورة يا قلبو وعساج عالقوة يا حلوة


يا عوين قطيوتنا يوم كنا صغار اللي كانت تاكل الفيران اثارينا حارمينها من العيشة والزاد راحت تشخت هالفويرات عشان تاكلها
 

عهود الحب

New member
إنضم
2 مايو 2005
المشاركات
10,570
مستوى التفاعل
10
النقاط
0
الإقامة
فوق هام السحب
رد : معلوماتج علبالج صح تعالي صححيها ياحلوة

خوش موضووع
اما الاسد ماطلع ملك الغابة !
هذي صدمتني
و القطو ما ياكل فيران !

والله معلومات غريبة
شكرا ً فطفط
 
الحالة
مغلق و غير مفتوح للمزيد من الردود.