معلمه وطنيه او اجتماعيات ابتدائي رايكم

[ام سعود2008]

سلام انا موظفه بوزارة غير التربيه معاشي ماتعدا 800 صارلي 8 سنوات
وتخصصي اداب تاريخ اشرايكم بمهنه التدريس للمرحله الابتدايه وودي احول بس خايفه من كراف ومعاشي حيل شويه ابي نصيحة اقدم اوراقي ولت اقعد بوزارة علي هالمعاش
ابي نصايحكم وناسه التدريس ولا شلون*

 

[ذكريات عشاق]

الله اذا انتي تشوفينه افضل لج فتوكلي على الله
التدريس حلو ومادة التربية الوطنية سهله وكذلك الاجتماعيات
فانتي ادارية وبتحولين تدريس اليوم شرحوا لنا
يعني انتي الحين بالدرجه الثالثه
لما تصيرين مدرسة راح تعتبرلج ال8 سنين خدمة لج
اما من اول ماتصيرين مدرسة فتنزلين للدرجه الرابعه وتصيرين معلم د
ولانج مو تربوية تترقين بعد 3 سنوات


وهذا الكلام قاله لنا اليوم استاذ متخصص بالسوالف وشرحنا لنا بالتفصيل اي سوال انا حاضرة

 

[ام سعود2008]

حلفي انزل درجه لاحرام صح مابقالي شي علي ٢

 

[ام سعود2008]

بنات شدعوة افيدونا نبي نصايحكم مافي ولا وحدة مدرسه وطنيه ولا اجتماعيات

 

[ريانا]

اذا انتي بتروحين عشان المعاش فما انصحج

مو لان الوطنيه ماده موحلوه بالعكس ممتعه جدا للي يحب يدرسها لكن التدريس مهنه حساسه وتحاسبين عليها فاذا يايه عشان المعاش لاتحولين

بعدين ترى معاشنا زياده عنج بخمسين اول مربوط ٨٥٨ وبعدها انسي يزيد

 

[ام سعود2008]

بس زادوا كادر

 

[ملآمح يوسفيه]

,​

معاش معلم دال 965
بالنسبه لمهنة تدريس متعبه
بس الابتدائي ارحم شوي
خااص الوطنيه
انا قبل كنت ناويه احول من ثانوي الي الابتدائي بس رفضوا
لان ماكو تصحيح
تحضير مره بالاسبوع ​

 

[ذكريات عشاق]

انا نفس ماقلت لج ومدير الشوون التعليمية اهوا اللي قالنا اذا كنتي يديده بالتدريس
فتنزلين الى دال اي درجه رابعه

 

[ام سعود2008]

رفع

 

[ام سعود2008]

رفع

 

[ام سعود2008]

نبي خبراتكم ياابلات

 

[&دلوعة القمر&]

اااب

 

[ام الوردة]

نصيحه لوجه الله احمدي ربج واقعدي بوظيفتج
من قال الاجتماعيات والوطنيه سهههله ..؟!
خييييير ان شاء الله
لعلمج ٣ مناهج نعطي حياتيه ووطنية واجتماعياات
وغير الاحتياطات اللي بالهبل يعطونا اياها
لاااازم يوميا احتياط اذا مو اثنين
وغير هذا
اتدورين عالمدرسه كلهااا اتدرسينها
حاليا محسوبتج اتدرس ١٦ صف
لا وتحطين بكل صف وسائل تخص مادتج
بتخلص السنه وانتي للحين ماحفظتي اسماء الطالبات

وكراااااف وورش عمل وبلاوي متلتله

الحمدالله ع كل حال
انا افكر اطلع اصلاااا تعبت

اصلا الابتدائي اكثر مرحلة متعبه
تتعاملين مع اطفال صعب تحكمينهم

صار فيني قولون عصبي من اليهال
ماشاء الله عليهم مايقعدون

والمدرسه العين عليها مادري ع شنووووو ..؟!
حمدي ربج تنامين وتحطين راسج عالمخده مرتاحه
ماتفكرين باجر الله بيحاسبج عطيتي هذا حقها والا قللتي منه
والا اتفززين من النوم وتحاتين ماحضرتي ماسويتي اختبار ماجهزتي البرنامج الاذاعي
والا الاجتماع الفني

وااااي بس بسكت لاعت جبدي

ادعيلي اطلع من التربيه بأقرب وقت

 

[ريانا]

اختي ام الورده يبدو ان المشكله عندج بمدرستج لان وايد مبالغه بكلامج او مدرستج مافيها خير اغلب ابلات الاجتماعيات نصابهم 8 10 ان ذبحت عمرها ١٢ لان احنا ننمسك مرحلتين يعني رابعه وثانيه مثلا وكل مررحله خمس صفوف او ست والحصه مره بالاسبوع فمايعدي ١٢ حصه انتي مكلفينج وايد!!!!! بالنسبه لمنهج حياتيه يمر على كل التخصصات ويحوشنا اقل من كوس شهرين شي جذي جنه وماحس فيه لانه تافه وماعليه امتحانات
بالنسبه للوسائل يعتمد عالقسم لو قسمج متعاون كل وحده تييب مرحله تلقين السنه اليايه ماتحتاجين وسائل لانهم بالقسم

يمكن انتي موحابه التدريس او ادارتج مو اوكي

 

[ريانا]

اي نسيت اذكرج تحضيرنا مره بالاسبوووووووع معقوله يا الورده متعايزه تسوينه!!!!!!! خس دقاق بالاحتياط على قولتج تقدرين تحضرين لشهر