معلمه جديده ومتوهقه

[((الجوري))]

السلام عليكم ؟؟


بنات بسالكم المعلمه اول ماتتعين شنو يطلبون منهاا بالروضه .. والحين مافي اطفال يعني شنو راح تسوي .. وهل الصف يكون مجهز من الاول ولا هي تزهب الاركان وتصبغ الصف وتشتري كل شي ..

بلييز ساعدوني والمشرفه جم مره ادش على المدرسه الجديده والموجهه والناظره ...

 

[شمووووع الليل]

على حسب الروضة في في روضات مصبوغة وخالصة واكيد تحطين اغراض الاركان ومافي اطفال بس في شغل كتجهيز الاصفيات وعمل ورش والعاب والمشرفة اشكثر دش يمكن كل خبرة او بالاسبوع مرة

 

[المستغفرة 74]

على حسب الروضة اذا روضة جديدة ممكن يخلونج مربية وبجذي تكونين مسؤولة عن تجهيز الصف واذا حطوج مكملة راح تكونين مسؤولة عن ركنين وهما ركن الفنية وركن العلوم. وبعدين لا تحطين ببالج ان الشغلة صعبة عادي لا تخافين خليج واثقة من نفسج وهذا اهم شيء بوظيفتنا.صغريها تصغر كبريها تكبر.

 

[*أبلة*]

مع احترامي لكلام المعلمات

مافي شي اسمه مكملة ومربية

في معلمة رقم واحد ومعلمة رقم اثنين

يعني اذا الصف يديد .. ايد المعلمتين تكون مع بعض في مسالة تجهيز الاركان

وبالاخص اذا الصف يديد او الروضة يديدة او طالعة من صيانة

وبالنسبة لصبغ الصف هذا مو من اختصاص المعلمات

الوزراة مسؤولة عن هالشي

اذا الصف يحتاج صبغ .. الادراة تصبغه لج

انتي ما تصرفين على الدولة !!

انتي مسؤولة عن تجهيز الاركان وتجهيز الفصل كبيئة جاذبة ومتكاملة للطفل

وبالنسبة لدخول المشرفة يكون على حسب التوجيه

في مشرفات يدخلون بالخبرة الوحده " حلقة واركان ولاصفي "

يعني لازم يدخلون عليج كل فترة مره وحده بالخبرة الوحدة

واحيانا المعلمة تحتاج المشرف انها تدخل لها اكثر ..

واي شي تبينه احنا بالشوفة

​

 

[Salam El3esh8]

جوري انا حبيت اقولج عسى الله يوفقج ويسهل عليج امورج يا رب
شكلج اتحاتين وااايد وبصراااحه ما الومج
Good luck

 

[معلمة متقاعدة]

عسى الله يوفقج ويسهل عليج امورج

 

[قلبي تركواز]

مع احترامي لكلام المعلمات

مافي شي اسمه مكملة ومربية

في معلمة رقم واحد ومعلمة رقم اثنين

يعني اذا الصف يديد .. ايد المعلمتين تكون مع بعض في مسالة تجهيز الاركان

وبالاخص اذا الصف يديد او الروضة يديدة او طالعة من صيانة

وبالنسبة لصبغ الصف هذا مو من اختصاص المعلمات

الوزراة مسؤولة عن هالشي

اذا الصف يحتاج صبغ .. الادراة تصبغه لج

انتي ما تصرفين على الدولة !!

انتي مسؤولة عن تجهيز الاركان وتجهيز الفصل كبيئة جاذبة ومتكاملة للطفل

وبالنسبة لدخول المشرفة يكون على حسب التوجيه

في مشرفات يدخلون بالخبرة الوحده " حلقة واركان ولاصفي "

يعني لازم يدخلون عليج كل فترة مره وحده بالخبرة الوحدة

واحيانا المعلمة تحتاج المشرفه انها تدخل لها اكثر ..

واي شي تبينه احنا بالشوفة

​

صح كلااااااااااااااااااامج ماعاد فيه مربيه ومكمله
ولاتحاتين مسأله صبغ وتأثيث
اذا صفج قديم ومتقشره الصبغه الاداره تصبغه لج والاركان معظم الاشياء الجايده موفرتها الوزاره
مثل ركن الرمل والماي الحوض ماله موفرته الوزاره
ركن المطبخ الفرن من الوزاره
ركن العلوم فيه اشكثر شغلات من الوزاره بس انتي تحطين اشياء تكميليه
ركن الالعاب التربويه كله موفرتها الالعاب الوزاره
بس الاشياء التكميليه تكون بينج وبين المعلمه اللي معاج

والمدرسه الجديده مايعطونها صف عالبلااااااااااط
والله يوفقج

 

[((الجوري))]

يعطيكم العافيه على الردود ويزاكم الله خير .. ريحتوني الله يريحكم