معلمه جديده ومتوهقه حذي الله يخليكم جاوبوني:(

[MOoON_89]

السلااام عليكم جميعا ..

والله حدي محتاااجه شوركم اللي عندها فكره عن موضوعي تقولي

انا حامل وبدش شهري بعد جم يوم

وخريجه من التربيه الأساسيه

تخصصي رياضيات

عاد المهم انا قدمت عالوظيفه ونزل اسمي الحمدلله

ورحت المجلس الطبي وعديت منه

وحطولي اني حامل بالشهر السادس

ومشت اوراقي .. وسجلوا اسمي بدورة المعلمين اللي راح تبدي تاريخ 10 سبتمبر يعني عقب باجر ان شاءالله
وتخلص بعد اسبوع يوم 18 وبعدها مباشرة العمل بس حماتي خرعتني صراحه تقول الناظره راح ترفضج لانج واصله وداشه التاسع .. معقوله يوقفون اوراقي بعد ماعديت الدوره والمجلس الطبي وكل شي بسبب الناظره ؟ يعني ممكن يكون لها صلاحيه تسوي جذي وشلون اقدر اعدي منها ؟؟!!!
مع العلم اني كويتيه




الله يخليييييكم حدي قاااااع احاتي بليييييييييز اللي عنده فكره يقووووولي .. وشكرا ?

 

[asma]

في رد بالخاص ضروري تقرينه

 

[طالبة1990]

لا ابدااا مو صحيح

الناظرة مالها شغل

ولا بيدها شي

بس احتياط قولي انا بالسادس

حتئ لو باين عليج انج بالتاسع

مالج شغل فيهم

 

[نونا 3000]

ماضنيت الناظره ترفض انتي موظفه بالدولة مو عندها بس اهم شي سوي مباشرة عمل اول يوم بعدها تغيبين عادي لا يخرعونج ولا شي اهم شي صحتج والله يسهل عليج يارب

 

[PuPa^^SWeeT]

ممكن تنقلج ايي بس ما ترفض تعيينج مو بكيفها

 

[رزه مرتزه]

وعليكم السلام


اختي ما فهمت ليش تبدين حياتج الوظيفيه بخدعة وجذب انتي تبين التوووفيق

الافضل نطرتي تولدين بالسلامه وعقب تتعينين عادي التربيه توظف بأي وقت


هذا رايي وبالنسبه لسؤالج مادري ان شاءالله البنات يفيدونج

 

[نووويرة]

حبيبتي انا نفس حالتج بالضبط و الدكتور بالمجلس الطبي ما رضى يمشيني لانه يقول ان الناظرة ممكن تشتكي علي و على المجلس الطبي و يحولوننا للتحقيق و تصير قضية تزوير
عاد انا قلت ليش المشاكل و ليش ابدا حياتي المهنية بجذبة الافضل اني بعد ما اولد بالسلامة اروح الفحص و اقدم اوراقي بشكل رسمي وبدون تزوير
انا اعرف وحدة داومت و هي نفاس !>>>>> مستعجلة عالدوخة