السلام عليكم بنات
اتمنى من كل معلمة تفيدني لان حييييل محتاجة خبرتكم
الله يسلمكم انا توني فرش بالتدريس وتعيين يديد وتخصصي عربي متوسطة
وصارلي تقريبا اسبوع بالتدريس
بنات اول شي انا اموت على التدريس واحبه لكني خلال هالاسبوع صرت خوافة وقاعدة اقنع نفسي اني فاشلة
وماعرف ادرس بنات عفية ساعدوني لعل وعسى تفكيري يتغير من خلال كلامكهم
اول شي مدرستي الحمدلله زينة + ادارتي من الناظرة والوكيلة وحتى قسمي وااايد زين
المشكلة وين؟
المشكلة بكل اسف فيني انا
على قد ما كنت مشتطة اصير مدرسة واعيد الليالي علشان ادخل الصف وادرس
الا ان هذا اليوم صار لكني فشلت
مشكلتي:
اني ما اعرف انظم الصف يعني ابي الصف هدوء مو قادرة اضبطه
يعني بنات الحين معطيني صفين سادس شطانة البنات صايرة مثل الصبيان
صايرين يتحركون وايد واللي تيي عندي صوب السبورة والي تلعب وتقوم من مكانها
والي تتهاوش والي ساقطة 6 سنين وعايدة سادس وتسوي ازعاج داخل الحصة
باختصار حصتي من داخل لوية وازعاج جنها حصة احتياط
وانا حصة عربي يعني مهمة بس البنات ما يركزون بنات شلون انظم الصف؟
شلون اخليهم يقعدون كل وحدة بكرسيها بدون سوالف وكلام جانبي؟
وعندي مشكلة ثانية وهذي الطامة الكبرى
لما اشرف احس اشرح خرابيط، بنات انا تخرجت من كلية آداب مو تربية يعني من الجامعة وسيدا على التدريس
يعني كلش ماخذيت تربية عملية ولا خذيت صفوف ف الحين لما دخلت ادرس لاحظت ان في امور مو فاهمتها
وخاصة بالنحو احس ما اوصل المعلومة عدل وحلجي يصيرر حطب ولساني ناشف من التوتر
تخيلوا بنات اقعد بقسم المدرسات المدرسات سوالف وضحك وانا قاعدة على مكتبي متوترة ناطرة شنو بقول بالحصة وشنو بسوي من الخوف والخرعة وغير ازعاج الطالبات وشطانتهم تزيدني توتر وما اقدر اتحكم بالصف
يعني لما اشرح وايد اقط بدليات شلون اكون هادية وريلاكس والامور طبيعية
ويوم الخميس كان عندي موضوع تعبير كتبت الفقرة على السبورة جان وحدة من الطالبات تقولي
ابلة ليش خطج مايل؟ انا سويت نفسي مو سامعة وكملة كتابة وفعلا خطي مايل
يعني لما اكتب 4 اسطر على السبورة يكون عوي شوي
وغير في قاعدة بالعربي تختص بالنحو ماعرفتها هل عادي ان الابلة ماتعرف مرات الاجابة؟ انا مو وايد شاطرة بالنحو يعني مو نابغة
ومرة عطيتهم عن خط الرقعة ( وانا خطي مو حلو ) بدعت عدل حتى الطالبات صلحوا لي وقالوا لي ابلة عندج غلط
انا رقعت لهم الموضوع وقلتلهم انا سويت جذي عمدا علشان تكتشفون الغلط
بنات شلون يكون عندي ثقة بالنفس؟ شلون اضبط الصف شلون ادش وانا مرتاحة؟
اغلب المدرسات يتشكون من سوء الادارة والكراف.. انا عندي هذا عسل على جبدي لكن المشكلة وياي
صايرة داخل الحصة الدراسة يعني المشكلة فيني ومادري شلون اتجاوزها
بنات انا طول هالاسبوع كنت اخذ حصص ابلة كان عندها شغل ف انا حليت مكانها
والاسبوع الياي المدرسة الاولى قالت ييبي معاج دفتر تحضير لان خلاص بعطيج صف
نظامي تدريس لحد نهاية الكورس يعني الي فهمته انها بتعطيني هالكورس بس صف واحد
لحد نهاية الكورس وانا بكون المسؤولة عنهم بتدريس العربي
عندي استفسار: المتوسطة الحين فيها صفوف: 6 7 8 9 >> بنات بالنسبة حق هالصفوف
السنة الياية شهر 9 مع بداية السنة الدراسية هل انا احدد المرحلة الي ابي ادرسها؟ يعني مثلا اقدر ادرس
6 و 7 لمدة 7 او 8 سنوات؟ ولا على كيف المدرسة الاولى؟
( لاني مو متمكنة من نحو الصف 8 و 9 ) واحس ان درستهم ما راح افهمهم ونحو الصفين 6 و 7 اسهل بشوي
ف الي بعرفه انا احد الصفوف الي بدرسها؟ ولا المدرسة الاولى تقيمني وتحطني على كيفها
بنات تخيلوا كل يوم ارجع البيت وبالغصب اكل شايلة هم اليوم الثاني شلون بيكون ادائي بالحصة
اموووت خوف على ما تصير حصتي وطول ما انا قاعدة بالمكتب ناطرة وقت حصتي وافكر
شنو بقول وشنو بسوي انحصصصصر من الخرعة وريولي تهتز
هل هذا لاني توني يديدة؟ هل بعدين راح اصير عادي؟ هل بعد سنتين او سنة ونص بضحك على نفسي واقول
الايام الاولى كانت مضحكة؟
للعلم انا شخصيتي بالحياة العادية هادية ومو اجتماعية وايد
حتى صراخ قمت اصرخ على البنات وانا مو من طبعي الصريخ اموت على اليهال
وصرخت على احد الصفوف مرة وحدة ورجعت البيت ميتة بجي ليش صرخت عليهم وغير بلاعيمي عورتني وصوتي راح وبعدها من ثاني يوم ما صرخت كلش
البنات بالصف وااايد ملقوفات وصايرين اخس من الصبيان بالشطانة حتى بنات الصف 9 احسهم يهاااال ماكو نضوج كلش
بنات والله العظيم احب التدريس بس شخصيتي مهزوزة ومو قوية وابي اصير عادية
ساعدوني بنات انا يديدة وبحاجة لخبرتكم
اتمنى من كل معلمة تفيدني لان حييييل محتاجة خبرتكم
الله يسلمكم انا توني فرش بالتدريس وتعيين يديد وتخصصي عربي متوسطة
وصارلي تقريبا اسبوع بالتدريس
بنات اول شي انا اموت على التدريس واحبه لكني خلال هالاسبوع صرت خوافة وقاعدة اقنع نفسي اني فاشلة
وماعرف ادرس بنات عفية ساعدوني لعل وعسى تفكيري يتغير من خلال كلامكهم
اول شي مدرستي الحمدلله زينة + ادارتي من الناظرة والوكيلة وحتى قسمي وااايد زين
المشكلة وين؟
المشكلة بكل اسف فيني انا
على قد ما كنت مشتطة اصير مدرسة واعيد الليالي علشان ادخل الصف وادرس
الا ان هذا اليوم صار لكني فشلت
مشكلتي:
اني ما اعرف انظم الصف يعني ابي الصف هدوء مو قادرة اضبطه
يعني بنات الحين معطيني صفين سادس شطانة البنات صايرة مثل الصبيان
صايرين يتحركون وايد واللي تيي عندي صوب السبورة والي تلعب وتقوم من مكانها
والي تتهاوش والي ساقطة 6 سنين وعايدة سادس وتسوي ازعاج داخل الحصة
باختصار حصتي من داخل لوية وازعاج جنها حصة احتياط
وانا حصة عربي يعني مهمة بس البنات ما يركزون بنات شلون انظم الصف؟
شلون اخليهم يقعدون كل وحدة بكرسيها بدون سوالف وكلام جانبي؟
وعندي مشكلة ثانية وهذي الطامة الكبرى
لما اشرف احس اشرح خرابيط، بنات انا تخرجت من كلية آداب مو تربية يعني من الجامعة وسيدا على التدريس
يعني كلش ماخذيت تربية عملية ولا خذيت صفوف ف الحين لما دخلت ادرس لاحظت ان في امور مو فاهمتها
وخاصة بالنحو احس ما اوصل المعلومة عدل وحلجي يصيرر حطب ولساني ناشف من التوتر
تخيلوا بنات اقعد بقسم المدرسات المدرسات سوالف وضحك وانا قاعدة على مكتبي متوترة ناطرة شنو بقول بالحصة وشنو بسوي من الخوف والخرعة وغير ازعاج الطالبات وشطانتهم تزيدني توتر وما اقدر اتحكم بالصف
يعني لما اشرح وايد اقط بدليات شلون اكون هادية وريلاكس والامور طبيعية
ويوم الخميس كان عندي موضوع تعبير كتبت الفقرة على السبورة جان وحدة من الطالبات تقولي
ابلة ليش خطج مايل؟ انا سويت نفسي مو سامعة وكملة كتابة وفعلا خطي مايل
يعني لما اكتب 4 اسطر على السبورة يكون عوي شوي
وغير في قاعدة بالعربي تختص بالنحو ماعرفتها هل عادي ان الابلة ماتعرف مرات الاجابة؟ انا مو وايد شاطرة بالنحو يعني مو نابغة
ومرة عطيتهم عن خط الرقعة ( وانا خطي مو حلو ) بدعت عدل حتى الطالبات صلحوا لي وقالوا لي ابلة عندج غلط
انا رقعت لهم الموضوع وقلتلهم انا سويت جذي عمدا علشان تكتشفون الغلط
بنات شلون يكون عندي ثقة بالنفس؟ شلون اضبط الصف شلون ادش وانا مرتاحة؟
اغلب المدرسات يتشكون من سوء الادارة والكراف.. انا عندي هذا عسل على جبدي لكن المشكلة وياي
صايرة داخل الحصة الدراسة يعني المشكلة فيني ومادري شلون اتجاوزها
بنات انا طول هالاسبوع كنت اخذ حصص ابلة كان عندها شغل ف انا حليت مكانها
والاسبوع الياي المدرسة الاولى قالت ييبي معاج دفتر تحضير لان خلاص بعطيج صف
نظامي تدريس لحد نهاية الكورس يعني الي فهمته انها بتعطيني هالكورس بس صف واحد
لحد نهاية الكورس وانا بكون المسؤولة عنهم بتدريس العربي
عندي استفسار: المتوسطة الحين فيها صفوف: 6 7 8 9 >> بنات بالنسبة حق هالصفوف
السنة الياية شهر 9 مع بداية السنة الدراسية هل انا احدد المرحلة الي ابي ادرسها؟ يعني مثلا اقدر ادرس
6 و 7 لمدة 7 او 8 سنوات؟ ولا على كيف المدرسة الاولى؟
( لاني مو متمكنة من نحو الصف 8 و 9 ) واحس ان درستهم ما راح افهمهم ونحو الصفين 6 و 7 اسهل بشوي
ف الي بعرفه انا احد الصفوف الي بدرسها؟ ولا المدرسة الاولى تقيمني وتحطني على كيفها
بنات تخيلوا كل يوم ارجع البيت وبالغصب اكل شايلة هم اليوم الثاني شلون بيكون ادائي بالحصة
اموووت خوف على ما تصير حصتي وطول ما انا قاعدة بالمكتب ناطرة وقت حصتي وافكر
شنو بقول وشنو بسوي انحصصصصر من الخرعة وريولي تهتز
هل هذا لاني توني يديدة؟ هل بعدين راح اصير عادي؟ هل بعد سنتين او سنة ونص بضحك على نفسي واقول
الايام الاولى كانت مضحكة؟
للعلم انا شخصيتي بالحياة العادية هادية ومو اجتماعية وايد
حتى صراخ قمت اصرخ على البنات وانا مو من طبعي الصريخ اموت على اليهال
وصرخت على احد الصفوف مرة وحدة ورجعت البيت ميتة بجي ليش صرخت عليهم وغير بلاعيمي عورتني وصوتي راح وبعدها من ثاني يوم ما صرخت كلش
البنات بالصف وااايد ملقوفات وصايرين اخس من الصبيان بالشطانة حتى بنات الصف 9 احسهم يهاااال ماكو نضوج كلش
بنات والله العظيم احب التدريس بس شخصيتي مهزوزة ومو قوية وابي اصير عادية
ساعدوني بنات انا يديدة وبحاجة لخبرتكم
التعديل الأخير:
