معلمات علوم ورياضيات ,, ابتدائي >> تعالوا شوي

[((نبض الغلا))]

السلام عليكم ورحمة الله وبركاته ::




أنا طالبة في الجامعة كلية التربية ,,



تخصصي علوم ورياضيات

انا صراحة حابة ادرس علوم ,,, فحبيت أسال هم يخيرونكم بالتعييين ولا لا ؟؟
وبالنسبة للميداني ,, يسالونكم شنو بتدرسون ؟؟ ولا على كيفكم

:080402ask_prv:


بليييييييييييييييييييز ... ابي الرد ضروري

 

[شجـــونه]

بالتوفيق حبيبتي ..

بالنسبة للميداني هم اللي يختارون بكيفهم اما علوم او رياضيات وانتي وحظج بنات او صبيان ..

اما عند التعيين انتي تختارين تبين علوم او رياضيات ..

العلوم احسن عالاقل تدرسين الصف 3 حصص بالاسبوع مو نفس الرياضيات يوميا يعني 5 حصص بالاسبوع للصف الواحد ..

الرياضيات اساسي تعلمونهم الجمع والطرح والضرب والقسمة والقسمة المطولة غير الاشياء الغريبة خخخخ اللي هي المنوال والمتوسط الحسابي وشوفي عاد شلون بيستوعبون الجهال كل هذا ..

العلوم احسن صراحة اشياء من الحياة يعرفونها وصج تغيرت المناهج وصار شوي اصعب بس مهما كان احسن من الرياضيات ..

معاج معلمة علوم ابتدائي

وطبعا بالاول والاخير يعتمد انتي تحبين شنو وودج تدرسين شنو ؟

 

[يا ليل مطولك]

شجونه كفت ووفت .. قالت الي كنت بقوله

وانا عند التعيين على طووول عينوني علوم ما خيروني >> بس انا كنت ابي علوم فما افرقت

 

[miss lulu]

انا تخصصي علوم مساند رياضيات
تعينت علوم
بس اعرف وحده تخصصه علوم تعينت رياضيات

 

[بلاك اوركيد]

وانا اقول فكري قبل لا تقررين العلوم فيه مسابقات ومناسبات محلية وعالمية لازم واجباري تسوين لهم اصدارات وبرامج اذاعية وتوزيعات تاخذ من جهدج ووقتج الكثير بينما الرياضيات بس ادرسين صفين او ثلاث على الاكثرعكس العلوم اللي ادرسين اقل شي ثلاث صفوف وممكن توصلين لي خمس صفوف والله يوفقج بالتخصص اللي يناسبج

 

[غرور وايل]

بالتووفيق

 

[((نبض الغلا))]

رد : معلمات علوم ورياضيات ,, ابتدائي >> تعالوا شوي


مشكوريين حبايب قلبي عالرد >> إن شاء الله يعينوني علوم
بلاك اوركيد >> مشكورة عالنصيحة ,, بس انا اشوف نفسي في العلوم أكثر ,,
غرور وايل >> اجمعيين يارب

 

[رضاهم جنه]

ما ابي اصدمج بس وحده معانا توها متعينه كان تخصصها علوم ومساندها رياضيات والميداني بعد علوم ويوم عينوها حطوها رياضيات لان في نقص شديد وهي عصبت وقالولها بس سنه واطلبي تحويل

 

[TechAmna]

انصحك بالرياضيات لان وسايلها اخف من العلوم واخف بالمصاريف وسهل ترا

 

[beauty rose]

انا تخصصي علوم و رياضيات

و عينوني رياضيات غصبن علي و كنت ابي علووم
بس الخيرة في ما اختاره الله

الرياضيات حلو بس في عيوب مو بالتدريس
العيوب ان القسم اللي معاج ممكن يكون مافيه كويتيات او فيه وحده بس انتي و حظج ، طبعا هذا مو معناته اني مو حابة الجنسيات الثانية
بس انا احب يكون عندي صديقات من نفس الميول و العادات

ثانيا الرياضيات اتدرسين 5 حصص للصف الواحد مو 3 نفس العلوم ، نصابح بالعلوم بيطلع اقل

العلوم حياتيه جنج تقولين قصة و شرح الدروس اسهل كل شي تلقين عن درسج بالنت فيديو صور بور بوينت
اما الرياضيات يمكن تلقين بس في اختلافات عن درسج او عن طريقة الشرح المطلوبة للدرس

بس بالنهاية اثنينهم سهلين كمنهج و كل ما ابدعتي و عطيتي من قلبج انتي بتحبين شغلج

اول جم سنة كراف بعدين بتحفظين كل شي صم :d

 

[قلبي مشاعرهم]

حبيبتي انا بعد ابسال عادي يحولونج من تخصصج ويعطونج المساند
لانه انا علوم مساند رياضيات خريجة تطبيقي

 

[فيفيه]

أنا صارلي اكثر من سنه ونص اترجاهم عشان يحولوني من علوم متوسط لي رياضيان
ابتدائي يقولون لازم تحولين اول شيء من علوم متوسط لي علوم ابتدائي وهاذي صعبه
ظبعا وبعدين تتحولين تخصص
يعني جنهم يقولون روحي موتي احسن

 

[Angel_store]

up up up

 

[رضاهم جنه]

نصيحه لاتعينين رياضيات والله نصيحه لج متعب التحضير لازم يومي يعني تحضرين يوميا منهجين غير وسائل كل صف ومن خباثتهم مانعينا نجيب ملف يخافون نحضر قبل الدرس بيومين او اسبوع اما العلوم وسائلج بالمختبر وفيه محضرات علوم يجهزون لج وسائلج