معلمات الرياض ممكن طلب صغيرون

[روند]

كيف حالكم معلمات الرياض
طالبتكم وان شاء الله ماتردوني خايبه

ابي منكم خدمه صغيرونه الا وهي ابي نشاط صباحي
كامل لخبرة الجمعيه التعاونيه الاسبوع الاول ونشاط صباحي لخبرة المواصلات الاسبوع الثاني

انا معلمه جديدة وابي مساعدتكم ولوسمحتي ابي شرح بتفصيل يعني من اول يوم لاخر يوم
ولها دعوة طيبه للي بتساعدني ولو بفكرة ^^​

 

[روند]

اب اب اب واللي ماعندها فكرة ترفعلي الموضوع جزاها الله خير

 

[روند]

افا يا ذا العلم ولا رد
ما كان هذا العشم:0bee2e8d89:

 

[doweha]

شوفي يالغالية اول يوم يكون عبارة عن قصة ممكن تقدمينها من خلال الداتا شو او مشهد تمثيلى او مسرح عرائس ويتعرف الطفل من خلاله عن اقسام الجمعية والسلوك الصحيح مثل الوقوف بالدور واحترام العاملين في اليوم الثاني اكون عبارة عن مسابقات كل معلمة تحضر مسابقتها المطلوب منج وضع منبة بسيط مثل شخصية محببة للاطفال ومتوفرة عندج احضرت هدية شرتها من الجمعية وهي عبارة عن لعبة مارايكم ان تشاركوها في اللعب ويتم عمل المسابقات اليوم الثالث يكون حر من ابداعج مثل مشهد عن المنتج الكويتي وتوزعين على الاطفال بعض من المنتجات الكويتيه مثل البفك وتسوون مسيرة مع اغنية عن المنتج الكويتي واليوم الرابع اكون رياضي وتسوين مشهد تمثيلي مباراة بين فريقين ويكون هناك فريق فائز ويتم تشجيعه واليوم الخامس شعبي سوي مشهد وحدة تدخل فجاة معاها نخي وباجيلا وتكلمي عن هذا التراث وبعدها يلعبون وخبرة المواصلات نفس الشئ اول يوم قصة تتكلمين فيها عن المواصلات واهميتها واليوم الثاني مسابقات وبعدها الرياضي سوى سباق بين طفلين معاهم دراجة واليوم الحر انا عندي اهم شئ لان ابين ابداع المعلمةوقدمي شئ عن شرطي المرور وسوى مسابقات عن قواعد المرور مثل اسرع فريق اركب الوان الاشارة يالله انشالله اكون فدج بشئ ولو قليل ماابي غير دعائج ان يرزق خواتي ووفق اعيالي

 

[*أبلة*]

خبرة الجمعية التعاونية
**********

في اليوم الاول مشهد ام تدخل الجمعية مع بنتها او ولدها وتتكلم مع بنتها عن الاغراض اللي محتاجينها

ووين ممكن يحصلونها

وتشوف الام اللسته اللي كاتبتها وتروح للاقسام المطلوبة .

وبعدين يروحون عند المحاسب وويشوفون طابور طويل والام هني تقول حق البنت ان لازم نوقف بالطابور

وتسالها البنت ليش وتقولها الام ان هذا اهو الصحيح ما يصير نتعدا على دور غيرنا .. كل واحد لازم يحترم دور الي قبله .

** يوم المسابقات

تكونين خاشة صندوق في مكان بالنشاط .. وتطلبين من كل فصل انه يطلع طفل

ومع الموسيقى يبحثون عن الصندوق والطفل اللي يلقى الصندوق ياخذ هدية للفصل كله

.. "" مثلا سلة العاب صغيرونه او علبة بسكوت ""

*** يوم الرياضي

دخول طفلين لابسين لبس الكراتيه ويدخلون من اول النشاط ويصدرون اصوات مثل لاعبين الكراتيه

وتسالهم المعلمة لماذا يلبسون هذا اللبس ويخبرونها انهم لاعبين كراتيه

وانهم يحبون الرياضة والمعلمة تسال باقي الاطفال هل تحبون الرياضة ؟

هيا نلعب مع معلماتنا بالالعاب الرياضية لان اليوم هو اليوم الرياضي .

**** اليوم الشعبي

مجموعة من الاطفال يلبسون الملابس الشعبية و يبحثون بين الفصول ,,

تسالهم المعلمة عن الذي يبحثون عنه ,, يخبرها الاطفال انه يبحثون عن اطفال يلبسون ملابس مثلهم ,,

تسالهم المعلمة وماذا نسمي ملابسكم ,, يخبرها الاطفال انها ملابس شعبية ,,

فياتي الى المسرح الاطفال المرتدين للملابس الشعبية لان اليوم يوم شعبي .


***** اليوم الحر او المبدع


ممكن تسوين اطفال يتنافسون .. فريق من المستوى الاول وفريق من المستوى الثاني

وتسئلينهم اسئلة وتحسبين النقاط ,, طبعا مع الموسيقى والاكشن

---------------------------

خبرة المواصلات
*********

* ممكن استخدام مسرح الظل او العرايس او الداتاشو او التمثيل الحي "" حسب رغبتج وامكانتياتج ""

شرطي مرور يعود الى منزله بعد عناء يوم كامل ويستقبله ابنه بفرح ويساله عن يومه

فيخبره الاب " اللي اهو الشرطي طبعا " انه كان موجود بجانب سيارة النجدة

وفجاة علم ان اشارة المرور تعطلت .. فذهب لينظم سير السيارات .. والحمد لله السيارات كانت تسير بنظام

فرح الولد بعمل ابيه وتمنى ان يصبح شرطي مرور عندما يكبر

** يوم المسابقات

منظرين لسيارة او طائرة " حسب الرغبة " مقطعة الى اجزاء ..

ياتي طفلان ويركبان المنظرين وبعد التشجيع واعطاء الهدية للفائزين ..

تسال المعلمة الاطفال هل تحبون ان نقوم نحن ايضا بالمسابقات ؟؟

هيا نلعب مسابقات مع معلماتنا

*** اليوم الرياضي

سباق رالي بين سيارتين .. طبعا سيارات صغار اللي يسوقها الاطفال

ومع التشجيع والموسيقى .. وتكونين مجهزة مضمار سباق وتشجيع الفائز ..

**** اليوم الشعبي


تدخل الجدة الى المسرح وهي تنادي وين الدريول وينه يلا بروح بيت ام عبد العزيز ..

ويسالها الحفيد شنو يعني الدريول ,, تقوله الدريول اهو اللي يسوق السيارة ..

قالها تقصدين السايق .. تقوله اي السايق بس احنا قبل نسميه الدريول ..

وتقول تدري انه قبل كان في اغنية عن الدريول

ويغنون اغنية دريولنا عاش عاش وتالي تقولهم المعلمة وبعد عندنا اغاني شعبية وايد ..

ويغنون مع معلماتهم الاغاني الشعبية القديمة .

***** اليوم الحر او المبدع


توزيع قص ولزق على الفصول في سلة صغيرة مع ورقة بيضة وصمغ ومقص ..

والطلب من الفصول عمل وسيلة من وسائل المواصلات .. والفصل الفائز يحصل على هدية

--------------------------
ان شاء الله في شي من اللي كتبته يعجبج

والله يوفقج ان شاء الله​

 

[روند]

الله يجزاكم خير ويوفقكم وين ماترووحون يارب

 

[روند]

الله يرزقج خواتج وويوفقلج عيال ويطرح فيهم البركه
مشكووووووووووووووورين حيل هونتو علي كثير
وجزااااااااكم الله خيييييييييييييييييييييييييييييييييييييير

 

[عبااير]

الله يعينج من الحين اتحاتين
موفقه ان شاالله