معلمات الثانوي تفضلوا

[معلمة مصدومة]

مرررررررررحبا وعيدكم مبارك
سلمكم الله انا توي تعينت معلمة ووووووين قطوني




قطوني بثانوية بنات >>>>>>>>>>>اكيد يعني بنات[
المهم انا ودي اسال عن التعامل مع الثانوي يفرق عن المتوسط بشنو لاني جربتهم بالميداني
وودي اعرف شلون اقدر اسيطر على الصف واخليهم ينتبهون معاي
ولاتبخلون علي باي شي ::33_1185028183:

 

[معلمة مصدومة]

:eh_s(14):شدعوة خمسة الي دشو ولاوحدة ردت برفع على الاقل

 

[زهرااا]

رفــع

 

[costa chic]

انا مو مدرسه بس حبيبت اشارك
اكيييد في فرق البنات كبار يعني انا قلت يمكن هادين و مو مثل اليهال شياطين بس الي شفته العكس (البعض مو كلهم) خصوصا اذا انتي صغيره و حجمج صغير تحسينهم يزودونها على بو انج صغيره
رفيجتي امها ما خلتها تدرس بالثنوي لان شكلها صغيره و ناعمه خوفج يزودونها شوي معاها

 

[معلمة مصدومة]

زهراا الله يرفع قدرج
فرح تسلمين يالغالية
بس اللي باط جبدي وين مدرسات الثانوي
:cxxxp:

 

[فـــخـــر]

رفع ..

 

[معلمة مصدومة]

خلاص لحد يرد زين

 

[نسمة]

خخخخخخخخخخخخخخخخخخخخخخ

لا برد عاد انا مو مدرسة ثانوي بس تعيني ثانوي وصراحة للحين ما احتكيت بطالبات لانهم مادوموا

وهم ودي اعرف شلون اتصرف وياهم

 

[زهقاانه]

الله يوفقج يااقلبي

في شغلج الجديد

انا مو مدرسة ثانوية بس مااحبيت ادخل ولا ارد

 

[warda_76]

انا معلمة ثانوية شوفي....انا اول مااتعينت ادش اتبوسم واضحك الي ان تمادو ويسألون بأشياء خاصة ولسنهم صار طويل وصارلي موقف حتي مع وحدة بس وقفتها عند حدها من هذا الموقف غيرت طريقتي صرت ادش منفسه واشرح عشان لايؤذوني وآخر الحصة ابتسم ... انتي لازم اتسوين جذيه اذا دشيتي بهدوء تقدرين تشرحين درسج بهدوء بس اذا ضحكتي وسولفتي راح تنقلب الحصة سوالف وصوت عالي وحثالة الصف يطلعون ملاقتهم .. بس الحلو بالثانوي انهم يساعدونج فى كل شئ خليهم يصورولج وكلفيهم بأشياء وعطيهم درجات
وعساني فدتج

 

[عواشه بنت بو حسين]

آنا جربت العملي بمتوسط ، وكالعادة التجربة الأولى لج مريحه لأنج تعودتي ، ولما رحت الثانوي كل يوم أرد أبجي أبي متوسط ، بس والله بعد شهر تقريبا ارتحت معاهم ليش ؟!
لأنهم بنات كبار وأهم أدري بمصلحتهم يعني مو متابعة ومراكضة المتوسط اللي تدرس لنفسها واللي ما تدرس هم لنفسها ، اللي عليج يا طويلة العمر ترضين ربج بالشرح والرد على أسئلة البنات بخصوص المنهج وبس ، أسئلة شخصية ممنوع ، ضحك وسوالف هم ممنوع ، لو يسألونج قلمج من وين زفيهم لأنه باب لأسئلة كثيرة ووراها ميانه
المختصر : الشخصية القوية في الثانوية مفتاح النجاح
وأتمنى أكون أفدتج

 

[لبيه يا كلي]

السلام عليكم

كلام خواتي اللي سبقوني عدل والتزمي فيه أضيف عليه إنج لازم تلتزمين بمواعيد الحصة بدايتها ونهايتها لان التزامج يعبر

عن شخصيتج وبالتالي التزام الكل معاج بالحصة

وإن شفتي الغلط عاقبي لاتسكتين لانهم بيتمادون لو سكتي .. ولاتخلين درسج جامد على بو إن بنات ثانوي لا بالعكس

نوعي بطريقة شرحج وبطرق التدريس المختلفة .. والأهم من كل هذا حرصج على توصيل المعلومة ومتابعتهم أول بأول

وموفقين إن شاء الله​

 

[نورة عذابي]

الصراحه انا مو مدرسة ثانوي بس اعرف عدل الاسلوب اللي يمشي معاهم
اول اسبوع لااااااااااااازم تكون شخصيتج قوووووية حييييل حييييل عشان يحترمونج من البداية
شوي شوي ابدي عطيهم وجه لكن بحدود ولا تردين ع اسئلتهم اللي مالها داعي
واذا تبينهم يحبونج غرقيهم درجات الشفوي بس لازم يسوون انشطة واعمال وكل واحد و تعبه
واللللللللللله يوفقج انشالله

 

[معلمة مصدومة]

تسلمون على الرد حبايبي

 

[غرور وايل]

مرحببببببببببببببببببببا
انا مو مدرسه انا طالبه بس راح اقول لج عنا و عن حركات <<< شكو داخله يا شين اللقافه
من اول حصه لج مع الطالبات خليج شديده لمده شهر تقريبا من بعدها خففي شوي ومن بعدها ردي شديده و عطيهم درجات الشفوويه كامله بس طبعا لما يسون شغل لج مثل طباعه اوراق ومن هالسوالف و الله البنات راح يحبونج بس عاد مو تصيرين جامده معاهم
ع قولت المثل مادري مو قوله مدري شنو المهم امها جمله تنقال <<< العن ابو السالفه
المهم
لا تصبح جامده كالحجر فتكسر و لا تصبح لين فتعصر

سوري ع الاطاله و ع اللقافه

مع السلامه و الله يوفقج

 

[SOONA BASHOONAH]

انا مدرسة ثانوي
خليج شديدة
بدون صرااخ
بدون سب ولا تزيدين معاهم بالحشي
لاتعطينهم وجه
خليج جامدة
كلمة ورد غطاها
لاااا تكسرين كلمتج
ان قلتي شي التزمي فيه
ترا ينتبهون لكل شي
افرضي احترامج معاهم عشان يحترمونج
علميهم انه اول ماتدخلين اغراضهم جاهزة
والكل حاضر
شيكي واجباتهم بكل حصة
سوي امتحانات مفاجاة
لو سؤال واحد
عشان يحسبون حساب لمادتج
ويبين بدرجاتهم
اتمنى افدتج
واهمممممممم شي لا تتاخرين على الحصة ابدا
ترا ينقلتون بعدها
لا تتساهلين باللي يتاخرون
علميهم ماحد يدش وراج الصف
واذا صار وقفيها عقاب ربع ساعة مو كل الحصة عشان مايصير بالبنت شي وتبتلشين فيها
خخخخخخخخخخخخ الاخت مجربة
صج بيكرهونج بس شنو تسوين مايفيد الا الاسلوب هذا معاهم
طولت لاحجي عليج
بس شدي عليهم اول شي بعدين راح ترتاحين
وسمعتج لكل صف بتكون سابقتج والكل عارفج وفاهم اسلوبج ومنو انتي؟
الاخت مسوية رعب لهم
خخخخخخخخخخخخ
وبس سلامتج

 

[معلمة مصدومة]

مشكورين حبايبي