معلمات الانجليزي تعالوا كلكم00 شي يهمكم

[Turquoiseya]

السلام عليكم


بنات انا كتبت كل شيء عن توجيهنا في موقع الوزير وهني تقدرون تشوفون الموضوع
صج انه طويل بس ان شالله اكون ماخليت شيء

http://forum.moalem.net/showthread.php?5749-توجيه-الانجليزي-تعدى-حدوده-00-لماذا-معلمات-الانجليزي-دائما-في-حهنم-00-ارجوك-انقذنا

 

[معلمة_منكوبة]

عساااااااااج على القوه تركوازيه ..... وهذا غيظ من فيض

 

[Turquoiseya]

جزاج الله خير معلمة منكوبة
ان شالله يقرونها ويحققون مع هالتوجيه الزفت والفال للابلات الثانيات يشتكون على تواجيههم

 

[البـتول]

والله يسلم ايدج على هالموضوع .. طلعتي كل الي بقلووووووووووبنا ...... صج صج صج كرهونا بالمهنة الي اخترناها وحبينها
بكل الارهاق والجهد الي قاعدين يضيفونه علينا وبالذات توجيهنا المصون
انتو 10 دقايق بس بالفرصة .. احنا ناظرتنا تقعدنا نص ساعة كل وتعالي شوفي اليهال ما لعبو بالفرصة يطلع علينا احنا
ومرات عندي الحصة الاولى وبعدها الثانية وبعدها اقعد وياهم الفرصة اريح حصة واروح الحصة الرابعة مووووت وتدمير للصحة صراحة
حسبي الله عليهم

 

[عنووود]

توجيهنا اخيس توجيه كراف وحقد مو طبيعي عالمدرسين

 

[جنى الجنتين888]

جزاج الله خير عن كل حرف كتبتيه
كفيتي ووفيتي ومعاج حق في كل اللي كتبتيه
أنا بضيف شي بخصوص المديرات بعد..
أولا: لازم يكون هناك تقويم آخر السنة باشراف مراقب المنطقة نقيم فيه مديرة المدرسة مثل اللي يعطونا إياه أيام الجامعة نقيم فيه الدكتور.
ثانيا: زيادة ميزانية القسم والسبب الاوراق اللي زادت علينا وعلى الطلبه.
ثالثا: وجود قانون يحمي المعلمة ويصون كرامتها من المديره أو الوكيله.( الإحترام = يعني مو من حقهم يرفعون صوتهم أو يصارخون على المعلم اللي مفروض يكون قدوة للطلبة باختصار * الإحترام* )
وسلامتكم

 

[Turquoiseya]

يابنات مشكورين على مروركم وانا ماكتبت هالموضوع الا لما شفت اجماع من الكل
يعني هذي شكوى جماعية مو فردية

البتول: والله ادري ان في مدارس تجبر الابلة تقعد الفرصة كلها
الله يعينا 00 بس هم لازم نشتكي

عنووود: توجيهنا اخيس توجيه بس لازم نوقفه عند حده
ترى انا مابذني ماي 00 ان شالله طالعة من التدريس
بس هالشيء مايمنعني اني اشتكي على توجيهي
يبي لنا وقفة جاده ضد هالعصابة

جنى الجنتين : ياريتج اتسجلين وتضيفين على الموضوع عشان يكون شامل
اذا شافوا مشاركات وموافقة على اللي كتبته واللي بيكتبه غيري
راح ياخذون كل شيء بالاعتبار

وبعدين تبين الصراحة مانبيهم يعطونا ميزانية
نبي التوجيه يسوي الاوراق ويطبعها على عدد طلبة المدارس وخل الالات تتعطل بسببهم
مو كلما رحنا الادارة لقينا لنا زفة لان الماكينة اختربت من كثر طباعة الاوراق

انا تكلمت عن توجيهي 000 وراح اتشرف اذا بنات المواد الثانية اضافوا على الموضوع
وياريت حتى نكتب عن الاعباء الادارية وكرف بعض الناظرات لنا عشان يحصلون الامتياز على ظهورنا ويقبضون الف دينار واحنا ولاشيء غير الهم والغم ولابعد مافي امتياز ولا اعمال ممتازة

 

[جنى الجنتين888]

تم
أضفت نفس الرد

 

[Turquoiseya]

جنى الجنتين
مشاركتج على راسي
جزاج الله خير

 

[Turquoiseya]

هيلا هووووب
لعيون كل من يبي يكسر خشم التوجيه

 

[baby qa6wa]

woow

 

[sweet patchouli]

الله يعطيج العافية تركوازية
كلامج كله صح
وترا تحسين اهمه موفاهمين شي
و كله انتي غلطانة
امتحان الفترة الثانية اللي المفروض من التوجية اذا في خطأ
اولا يمسخرونا ثانيا يحاسبون المدراس اللي عطتهم الامتحانات
يعني كل المدارس طيب انتو وين ما تراجعون الامتحانات

تخلي الموجهة ما تعرف الفرق بين ال benchmark & aims الله يعينا
​

 

[ريتال64]

اللللله يعينكم متقاعدددددددددددددددددددددده

 

[^^yasmina^^]

هاي
اشلوونج تركوازية شخبارج؟!
انا mary تذكرتيني؟!
مشكوووووورة عالكلام الحلووو
امبي فعلا صااجه يعني مو بس احنا نعاني من هالمشكله
!!



بس الصراحة العن توجيه توجيهنا توجيه حوليييي واي الرئيسة حرمة قشتتوقعين لاعنا خيرنا اهيه وموجهين الي تحتها لا اسلووب لا حشيمة

 

[الرهف]

يعطيج العافيه حبيبتي

 

[Turquoiseya]

baby qa6wa
welcome dear

sweet patchouli
صاجة بعض الموجهات ماتعرف كوعها من بوعها
وفوق هذا اتفلسف بعد
ونورتي موضوعي بمرورج

ريتال64
الفال لنا يارب

^^yasmina^^
ايه اكيد اتذكرج
وهل يخفى القمر
سمعت بهالشيء هذا عن توجيه حولي يامال الحول اللي يطق عيون اللي فيه 00 الله يعينكم
بس هالشيء مايمنعكم تشتكون عليهم

الرهف
الله يعافيج حبيبتي

 

[PuPa^^SWeeT]

تركوازية زين سويييتي

لو محد ينطق بحقه يضيع والله

والمصيبة الاضرابات و المظاهرات مو من اخلاقنا

زين سويتي انج كتبتي كل هذا

 

[Turquoiseya]

PuPa^^SWeeT
هلا حبيبتي
للحين احس قلبي متروس عليهم
تبين الصراحة بخاطري اطقهم طق لوووول

 

[PuPa^^SWeeT]

الانجليزي اللي بمرستنا

تخيلي مدرستهم الاولى تكرههم كرهههههه

و كله اتقط براسهم كل شي

و حتى مع الادارة اتهاوش وياهم


والعربي هم نفس الشي


احنا مدرستنا الاولى حليوة و همن مسكييينة تاكلها الادارة ساعات

صج لما يكون مسئولج ريال ارحم


بس ريلي يقووول لأ مدرسة و بسسسسسسسسسسسسسسسسس

 

[مزيونه موت]

احنا في الجهراء نفس الشي ......توجيهنا زفت مو مريح والله وما يحترمون احد بس يبون يستغلون المدرسات لابعد حد
والتوجيية كلة تمثييل وتزوييير بالنسبة .................بس صج صج ملللللللليييينا