معلمات الابتدائي

[كويتية واعتز]

السلام عليكم ورحمة الله وبركاته


امبارك عليكم الشهر ...

أنا معلمة تعيين جديد وبصراحه محتارة كنت بين الابتدائي والمتوسط

بس توكلت على ربي وراجعت المنطقة اليوم عشان أسلم نتائج التحاليل

وقالوا لي ابتدائي بس ما حددوا لي اي مادة بالضبط علوم أو رياضيات بشنو تنصحوني ؟؟؟؟

ويا ليت ترشحون لي أسامي مدارس ابتدائي بالجهراء وشكراً ...​

 

[ابلة غزالة]

مبروك الوظيفة
اختي انتي خريجه شنو اساسا علوم ولا رياضيات
لان على ايامي قبل كانوا يخيرونا بين العلوم او الرياضيات و كان عادي اندرس الاثنين
وكانت رئيسة قسم العلوم و الرياضيات وحده بس من جم سنه لا فرقوا المادتين و خلوا لكل ماده رئيسه قسم
فانتي اعتمدي شنو تخصصج
في وحده كانت معانا بالقسم ميداني رياضيات بس لما تعينت صارت علوم لانها خريجه تخصص علوم

 

[كويتية واعتز]

الله يبارك فيج ...

أنا خريجة جامعة الكويت تخصص علوم ورياضيات ...

اسمه جذي ما في مساند مو مثل التربية الأساسية ...

ما عندنا شي اسمه رياضيات مساند علوم أو العكس ...

فدرسنا للمادتين ...

 

[om mariam]

مبروك الوظيفه
وبالنسبه حق التخصص انا رياضيات مساند علوم فتعينت رياضيات انتي شنو تخصصج على تخصصج مو المساند يا قلبي
وانا ما اعرف شي عن منطقة الجهرا البنات ان شاء الله يساعدونج

 

[ترف بابا]

والله اللي اعرفه ان العلوم حيل اخف من الرياضيات بالتدريس

بث

 

[صدقني@صعبه]

شوووفي الخاااااص

 

[كويتية واعتز]

مشكورين اللي ردوا يعطيكم العافية. ااختي صدقني ما اقدر ارد عالخاص حسابي ما يسمح نفس اللي قالوا لج قالوه لي بس اي مدرسة مادحينها لج ودي اعرف ومشكوره عالرد. بنات نبي ااسامي مدارس يا الله رشحوا لنا مدارس بالجهراء

 

[أنـوآر الـكويـت]

حبيبتي الله يوفقج ويرزقج بأحسن مدرسه

انا ماعندي فكرة بس بغيت أسألج سؤال
انا سويت التحاليل وانا تعيين جديد
والنتايج تطلع الاحد ان شاء الله وبراجع المنطقه التعليميه
لما رحتي بالنتايج للمنطقه التعليميه شنو الي صار بالضبط؟
وماتدرين متى دورة التعين الجديد

سوري اذا ازعجتج

موفقه حبيبتي ويعطيج العافيه

 

[صدقني@صعبه]

اوووووووووووووووووووك عاااااااااادي ولا يهمج
اناااا حطيت سكينه لانه ناظرتهم ورئيسة قسم العلوووم عسل
وبعد تيماء رؤؤؤعه كنت فيها ميداني حدهاا عجيبه
والخنساء يقولون حلوه بعد
وعائشه بالقصر بعد حلوه
واميمه بنت النجار بالعيوون ابعدي عنها لانها غثيثه وكل اللي يتعين عندهم ينحاشون
والله هذا اللي اعرفه
وقوولوولي شنو يصير معاج ؟

انوار
لما تسلتمين التحاليل روحي للمنطقه قسم التعين اذا كنتي بالجهراء هو قسم تحت
تعطيج بيناتج وتسلمج بعدها اوراق توقعينهم من رئيسهم وبعدها تروحون للتخطيط هم يكتبون بيناتج وبعدها يعطونج ورقه مزاولة عمل مكتوب فيها بدايه مباشره عمل 5/9واعتقد الدوره بعد العيد مدتها اسبوعين
وبعدها يقولون لج 14/8 نتصل عليج
وهذاا كل اللي صاار معاي

 

[كويتية واعتز]

هلا أختي أنوار ما قصرت اختي صدقني قالت نفس اللي صار معاي بالضبط وموفقه

أختي صدقني شلون حطيتي سكينة ما فهمت أنا يوم رحت للمنطقة ما قالوا لي شي عن المدارس

قصدج عطوج ورقة مثلا وكتبتي اسامي المدارس ؟؟؟

 

[كويتية واعتز]

السلام عليكم ورحمة الله وبركاته

بنات الجهراء في أحد سأل عن الدورة لأن في مناطق حددوا لهم الدورة ؟؟؟

يا الله بنات رشحوا مدارس بعد ومشكورين​

 

[صدقني@صعبه]

هلا اختي
اول على المدارس لا ماعطوني ولا شي
بس كان مسؤل حبوب بالتخطيط وابوي طلب منه اذا قدر يحطني بسكينه لان قريب من بيتنا وقال ما اقدر انا بس احاول اكلم المسؤله والعلوم كل المدارس يبون لانه نقص عندهم
والدوره اعرف وحده ريسه قسم قالت الدوره مدتها اسبوعين من 5/9 لغايه 13/9 وبعدها تباشرين عمل والمحاضره مدتها ساعتين
وانا انطر اتصال منهم على الاسبوع الجاااي
وان شااء الله خييير

 

[كويتية واعتز]

مشكورة أختي صدقني على التوضيح ...

صج اختي صدقني سمعتي عن الواحه بنات أو بشيرة بنت النعمان شرايج فيهم ؟؟؟

 

[مشغوله و محتاسه]

مشكورة أختي صدقني على التوضيح ...

صج اختي صدقني سمعتي عن الواحه بنات أو بشيرة بنت النعمان شرايج فيهم ؟؟؟

الواحه بنات .. تبين علوم ؟؟ رئيسة قسمهم محترمه و حبووووبه على مسئوليتي .. عمري ما قلت هالكلمة عن احد .. بس هالمره غير .. تستاهل و هذي شهاده حق مو مدح .... و افتكر عندهم نقص .. الله يوفقج وين ما تعينتي

 

[كويتية واعتز]

يعطيج العافية أختي مشغوله ومحتاسه مشكورة ما قصرتي زين إدارتهم وخصوصاً الناظرة شرايج فيها لمدرسة الواحة بنات ؟؟؟

 

[مشغوله و محتاسه]

عزيزتي ما اقدر افتي لج عن الاداره ... و الناظره

في اللي عاجبته و يحبها و في اللي يذمها .. حالها حال اي مديرة مدرسة ... بس اللي اسمعه عنها انها تراعي الابلات و حبوبه بس تكرررره الغياب
و الوكيلات مقدمين نقل ما يندرى اذا موجودين السنة اليايه ولا لأ ..


موفقه

 

[كويتية واعتز]

أجمعين يا رب ...

بصراحه الله يعين زين ما عندج فكرة عن مدارس بالجهراء زينة غير اللي انذكر

والله قاعده احاتي المدرسة قبل صديقاتي مباشره يعلمونهم هالسنة غير ​

 

[مشغوله و محتاسه]

سوري عزيزتي انا يديده بالجهرا ولا اعرف مدارسها عدل


الله يوفقج بمدرسه سنعه


و ترا كثرة الاراء اتدوخ اكثر مما تفيد .. انتي استخيري و شوفي اي مدرسه ترتاحين لها