معلمات الابتدائي تعالوا

[أبرار84]

السلام عليكم معلمات
شنو مميزات وعيوب تدريس البنين
وشنو مميزات وعيوب تدريس البنات
يعني باختصار شنو الفرق بينهم ؟

 

[بناتي سكر نباتي]

باختصار اذا انتي عصبية وماتتحملين مينفع لك الصبيان اما اذا انتي بااااااااردة وصدرك وسيع درسي صبياان

 

[what's up]

خوش سؤال

اب اب

نبي تفاصيل

 

[zqertya]

بالنسبه لي البنات باردين خصوصا انا تربيه بدنيه والبنات مايساعدون ويفشلونج جدام الموجهه اما الصبيان وايد حلويين بس طبعا يبيلج طولت بال واصلن يصير فيج اعصاب منهم بس استل احسن من البنات وغير جذي الصبيان يعرفون شنو موجهه وماعندهم خبث كلش مو نفس البنات لان انا جربتهم واذا قلتيلهم صيروا بالحصه زينين واذا تشيطنتوا مافي كره والله ينضبطون واتفقي مع ابلة البدنيه انا جذي مع المدرسات اتفاقيات عشان يتادبون

 

[بنت احلام]

امممممم مادري بس الصبيان مطلعين لي قرون

 

[ام رينـاد]

أب ا[

 

[كيوت كويت]

أنا معلمة عربي و ادرس بنين تبين صراحه روحي بنات لا تعبين نفسج ،، تسكتينهم اكثر من درسينهم و إزعاج و احتمال يفشلونج عند الموجه .... حتى صوتي تغير عن قبل ... و أستخيري قبل كل شي ء

 

[نونا 3000]

انحاشي عن الاولاد والله ليش اتعبين عمرج مافيه مميزات تذكر اذيه ودوخه وتردين البيت راسج مصدع غير الطق والكفخ بينهم واكيد بيجيج طشار منهم لا والله البنات احسن بالف مرررررره اشلج بعوار الراس والمعاش واحد اصلا الاولاد تجيج ازمه منهم البنوتات صج باردات ودلوعات بس اهون من شطانه الاولاد طول الحصه بتقعدين تقولين اقعد يافلان غير الكفخ اللي بيصير بينهم وانتي لاهيه اتصححين هذا طق هذا ولا عور فلان بالقلم لا يبه انحااااااااااشي نصيحة

 

[أثير88]

انا ادرس صبيان عربي
والحصة تروخ وانتي تفكين مشاكل بينهم
بصراحة جربت بنات ميداااني وحيل حلوين ويسمعون
الكلام والصف نظيف ويشاركون معاج والواجب وكتبهم كاملة
اما الصبيان الواجب نادر اللي يحلونه وطبعا اهتمامهم
باللعب اكثر وبسبة مناهجنا يكرهون حصة العربي
البناااات احسسسن حيل وان شاااء الله بنقل لبناااات
شوفي شنو تخصصج واختاري اللي ترتاحين فيه

 

[أبرار84]

يعطيكم العافية يا احلى معلمات
مشكورين على الردود