"معلمات الأحياء " ،(استفسار خاص) !

[منار123]

السلام عليكم

معلماتي العزيزات
انا طالبة أبي احول لكلية التربية
وامنيتي اصير مدرسة أحيـــــاء
بس باعرف عن طبيعة الدراسة شلون بتكون ؟؟
وشنو المواد الي كنتو تاخذونها بالعلوم ؟
وهل صعبة جدا ؟
بتاخذون مواد ادبيه ؟؟
أكثر شي الدراسة عن علم الحيوان والنبات ،، ولا الانسان ؟

واهو اساسا فيه قسم خاص بالكلية بموقع خاص ؟؟


نوروني وفيدوني
وما راح أنساكم من الدعاء الصالح

 

[q8_toffee]

حبيبتي الدراسه سهله بتكوون على الى يدرس وصعبه على الى مايدرس يمكن باول المواد بتحسين بصعوبه ونظام الدراسه والدكاتره والمواد غير عن المواد الادبيه لان المواد تدرسينها بالانجليزي بس لاتحاتين الدكاتره الكويتين يشرحون بالعربي والامتحانات بالانجليزي اذ انتي مقتنعه بالتخصص وحابه الدراسه ان شاءالله سهالات عليج لا تحاتين

والمواد تقدرين تشوفين شنو اهي بدليل الطالب واغلب شي تكون مخلطه بين نبات وحيوان وانسان يعني تاخذين كل شي تاخذين

المواد الادبيه الى تاخذينها اهي مواد الالزاميه تبع كلية التربيه ومواد تربوي من تدريس وتقنيات وهسوالف ومواد اختياريه في شي بيكون من كلية تربيه وفي مواد اختياريه من كلية العلوم

تخصص الاحياء بكلية العلوم جامعه ىالكويت في مساند يكوون عندج خبر بهالشي ؟؟

يعني تدرسين مواد الاحياء من نبات وحيوان وانسان يمكن 8 مواد او 9 و6 مواد من تخصص مساند اما يكوون جيولوجيا او كيمياء

الله يوفقج يارب
​

 

[منار123]

مشكووووره ع الافادة اختي
بس مافهمت شلون تخصص مساند لأحياء العلوم ؟؟
انا مابي اتخصص بيولوجي بالعلوم لأ
أبي بالتربية

 

[الأميرة جوري]

بالتوفيق...

 

[منار123]

 

[توتي فروتـي]

..

حبيبتي عادي تكونين بالتربية وتخصصج احياء
وتقدرين فيزيا
وتقدرين كيميا ,.
الخ .....


وطبعا معاهم مساند ., شوفي المجرشيت وبتعرفين لان حاليا تغير المساند مو نفس قبل سنة .,

الله يوفقج

 

[منار123]

مشكووره توتي فروتي ع المعلومات

 

[منار123]

عندي سؤال:
شنو المواد الي ناخذها باول سنه وثاني سنه ؟؟؟

 

[يا قائم آل محمد]

bio 101
bio 102
bio 102 bs
bio 103

هذا في البداية من مواد الاحياء

 

[new woman]

كيو اييت توفي انتي مدرسة أحياء أي مرحلة ؟؟؟

 

[منار123]

مشكووورين وماقصرتوا ع الردود
بس ممكن اعرف شالفرق بين بيولوجي 102 وبيولوجيا 102؟؟

كيو اييت توفي انتي مدرسة أحياء أي مرحلة ؟؟؟

سؤالج لاخت توفي ذكرني بشغله بعد

يصير لي توظفت اختار المرحلة الي ابيها ولا اهم يحطوني بأي مرحلة متوسط او ثانوي ؟

 

[منار123]

????

 

[منار123]

الحييين عرفت ليش تخصص البيولوجي نادر

ويييينكم يا معلماتي العزيزات ؟؟

 

[يا قائم آل محمد]

bio 102
تدرسين عن النبات بشكل عام
bio 102 bs
فيه تصنيفات


----------------

اما سؤالج عن اختيار المرحلة
بإمكانج اختيار المرحلة
لكن مو المدرسة

 

[منار123]

bio 102
تدرسين عن النبات بشكل عام
bio 102 bs
فيه تصنيفات


----------------

اما سؤالج عن اختيار المرحلة
بإمكانج اختيار المرحلة
لكن مو المدرسة

تسلمين ماقصرتي ع الافادة
يعطيج الف العافية

بس يصير اخذ bio3 قبل 2 ؟
وbio1 وbio3 عن شنو يتكلممون ؟؟
عاد الشي الوحيد الي يبط جبدي النبات لأنه حيل متشعب :eh_s(4):

 

[يا قائم آل محمد]

الله يسلمج

يصير تاخذين 3 قبل 2

بس الاساس 1

bio 1 اول شي يتكلم بشكل عام عن الخلية شلون صارت نسيج شلون صارت عضو شلون صارت جهاز شلون صارت كائن
بعدين يتكلم عن التجمعات البيئية
و بعدين شوي عن النبات معلومات بسيطة
بعدين يدخل بأجهزة جسم الانسان

-----------------------------------------

bio 3 هذا اعتبره مدخل لعلم الحيوان
لان كل شي عن جسم الانسان و الاجهزة و طريقة عملها . . .الخ


-------------------

النبات بشكل عام سهل
انا ما كنت احب التصنيفات
بس ما فيه وايد تشعيبات

 

[منار123]

تسلميين اختي عسى الله يكثر من امثاالج الي تحب تفيد غيرها
وعسى الله يوفقج يارب



عندي سؤال وصراحه مستحيه منج لان اذيتج :$


بس سمعت انه فيه مادتين ماينبلعون بالتخصص
بيولوجيا الحلبيات & الفسيولوجيا
صحيح هالمعلومه ؟
وشنو المواد الي تفتح هذي المادتين ...؟


ومقرر بيولوجيا بيئية عن شنو يتكلم ..؟

وبخصوص مواد التربية الادبية .. دسمه ولا عادية وسهلة ناخذ فيها a..?

وسؤال اخر
احتاج يكون معاي المترجم على طول حق الكلمات الصعبه ؟




=

 

[منار123]

وسؤال بعد اهو الأهم من كل هذه الاسإلة
هل فعلا مهنة التدريس صعبة ومتعبه .. اصعب من اي وظيفة اخرى .. ؟
واذا كان الانسان يحب الي قاعد يدرسه بيكون صعب بعد ولا بيصير نفس غالبية الابلات الي يحبطون ويقولون لاتدشووون تربيه .؟؟

 

[وحدة من الناس *]

انا مو من كليه التربيه

درست بكليه العلوم تخصص بيولوجيا علم حيوان وانتي بكرامه

وكاني الحين بصير مدرسة علوم

 

[منار123]

ماشاءالله عسى الله يوفقج يارب ويقدرج ربي ان تصيرين مدرسة مخلصة في عملج يارب
- ---

" يا قائم آل محمد " انا بانتظارج