معقووووله اطلعوا رفايج مصلحه

[بنت عطا]

السلام عليكم ورحمه الله وبركاته

بدش بالموضوع على طوول

انا توني متخرجه من الثانويه (مسائي) طبعا من عاشر مسائ تعرفت على بنات وعلاقتنا كانت حلوه وخاصه مع رفيجتي (ع) كنت حيل معاها اشكي لها تشكي لي واساعدها واغششها بكل الامتحانات مااقصر عليها بحرف
وهم مع بنتين بعد اعطيهم اللي يبون خاصه اني شاطره وبالانجليزي اعطيهم الترجمه والاختياري والله كل اللي يبون

وعلى طول ادق عليهم ويدقون علي من 3 سنين مع بعض حيل خاصه مع(ع) والله اني اجيبلها اوراق مراجعه واكلم الابلات يساعدونها لانه كله تغيب وقسم بالله بالامتحانات النهائيه شهر 6 ثانويه عامه مافيها لعب يعني اقطع روحي بالدراسه واجي اعطيها اللي تبي وارفع ورقتي لها ومليون مره اتهدد بسحب الورقه وبامتحان الانجليزي خاصه والله رئيسه اللجنه غيرت مكاني مرتين وجرت ورقتي وقمت اترجاها تسامحني واقول فلانه مسكينه ان ماعطيتها ماتنجح واخرتها تمصخرت قدام اللجنه كلها واخذت ورقتي مني واهو امتحان فاينال بس الحمدلله سامحتني عقب الموت بنات انتوا فاهمين شلون ارفع ورقتي لها كلها بعت نفسي عشان رفيجتي ومابيها تسقط

عطلنا وطلعت النتايج تاريخ6/26 دقت باركت عقبها بفتره دقيت ماترد وادز مسجات نفس الشي وبالنسبه للبنتين اللي قلتلكم بعد ادق مايردون خير شر ادز مسج مبارك الشهر محد يرد رفيجتي (ع) اخر مره دقيت قبل امس ماترد خبري فيهم من وقت اعلان النتيجه بس وحيل مصدومه ومتضايقه ليش هذا جزا الطيب يعني بتقولون ظروف اي ظروف اللي من شهرين مايردون علي ولاحتا برساله ترا حتى ظروف وعندي زوج وعيال اشوف دقيت وسالت بنات انا منصدمه معقوله هذول رفايج مصلحه ولما انجحوا من الانجليزي خلاص اخلصوا مني ماعاد يبوني وكانت صداقتهم لي مصلحه


بنات انا نوعيتي ان صادقت احد وفيت ولااقطع بس نوعيتي مو لزقه يعني اوصل بحدود بس مصدومه واخرتها تو قررت ماادق عليهم خلاص ودزيت ل(ع)مسج انها رفيجت مصلحه وانا مصدومه منها

ادق ببشرهم بقبولي محد يرد ادق ببارك برمضان محد يرد

 

[ندى~~]

يمكن عندهم ظروف .. ويمكن على قولتك انتهت مصلحتهم ..بس على كل الاحوال انتي سويتي اللي عليك وحرصتي على دوام الصداقة ...ولاتشغلين بالك فيهم ....

من راح من كيفة وكيفة مودية""" خله على كيفة وكيفة يرده


مع ان سالفة التغشيش مو حلوة كلللش ..

 

[طـير7]

لاتنصدمين عااااادي وياما بتشوفين نماذج


انا رفيجتي من ٧ سنين واقرب الناس لي قعدنا مع بعض وكلينا وسولفنا وبجينا وشكينا

وحيييييييل معاي وماتفضفض الا عندي ومحد يفرح معاها قبلي انا اعرف كل صغيره وكبيره عنها

فجأة !!

شهر١١ او١٢ انقطعت ادق جهازها مسكر عالبيت كله طالعه قلت اكيد البنيه فيها شي

وبعدها بـ شهر ٢ دقيت عالبيت ردت علي ببروووووود وانا احاتيها ومتلهفه اكلمها
واقولها اشفيج وينج كل هذا
تدرين شنو ردت؟؟



شفييييج مو كل شي ينقال قتلج ظروف وخلاص !!!

وطبعاً وانا اتكلم معاها انقطع الخط او سكرته بويهي الله العالم
وادق بعدها على طول وين فلانه؟. طلعت !

ولي يومج هذا ما ادري عنها شي


اسفه طولت بكلامي بس عشان تشوفين في نماذج ماتقدر وتكون معاج اقرب من روحج

 

[Nmnoum]

أمبي أمبي أمبي انتي نفسييي ., جنج تتكلمين عني والله .,

وايد وايد صادفت ناس جذي .,
للأسف انتي مثلي اذا رافجتي أحد تحبينله الخير و تسادعينه بكل شي و ما تبخلين حتى بماي عيونج
إممـ مادري شقولج والله ., انا اقول الحين الصديقات الزينين صاروا مثل العملة النادرة
ماقولج ماكو لأ بالعكس بنات الحلال وايد .,
مادري والله شقولج
لأني امر بالللي تمرين فيه ., أمي علمتني شي : لا تعورين قلبج على ناس ما يدرون عنج !

 

[al3ta]

تركيهم يولوووون بالطقاق هم الخسرانين مو انتي ولاتفكرين فيهم الي مايبغاااك بالطقاق مع السلالالالالامه

 

[بنت عطا]

بنات ادري بطنش وخلاص كيفهم بس شي يحر شدعوه ماترد كلش كلش حتا بمسج انا مااحب جذي والله

 

[ثنايا الورد]

من عافنا عفناه ولو كان غالــــــــي

 

[روان المطيري]

تعيييشين وتشوفين من الاشگآل وآگثر
لا تحطين ثقتج كآمله بأي آحد رفيجتج اختج آخوج ..ألخ آلححين بهالوقت كلن يقول نفسي نفسي
آنا كنت مثلج وألعن وألعن منج عشآن رفيجآتي سويت آلمستحييل ونهآيه آهماا ولآ هآمهم وانآ أللي خسرت
عودي نفسج ع آلصدمآت عشآن تعيشين حيآتج

مووفقه حبوبه

 

[عادت ذكرياتي]

التمسي لهم سبعين عذر ...

مرة ظنيت برفيجتي بس بعدين تبين لي السبب وتحسسسسسسسسسسسسسسفت


وإنتي صيري طيبة وانتظري منهم مكالمة أو مسج او شي أو خبر وما عليج ...

هونيها تهووون

 

[انسآنه لن تتكرر]

اللي مآيبـــــــــــــــآنـــــــآ مآنبــــــــــــآه
.,

 

[* بنت المطر *]

وووووووويه ياما شفت من الرفسجات العن من جذي والمصيبه مامن سبب انتي نفسي ونفس اللي صارلي مع خويتي قبل

وبسهوله باعتني ونستني الله وياها بس انا مستغربه خيه انتي شلون مخلصه عاشر وداشه تربيه ؟؟؟

 

[✿ячǿőƒ✿]

حبيييبتي شي طبييعيي البنات 90 بالميه مصااااااااااالح

انا كان عندي رفيجه من الابتدائي كنا دااايما مع بعض وكل اسرارنا نقولها لبعض وبالفاينل ندرس مع بعض

ولما دشيييت الثنويه نزل مستواااي بسبة عييين ومن عقبهااا حتى سلام بالمدرسه ماتسلم علي!! وكانت بصفي بعد وغبت مره

سبوعين ورا بعض كنت مريضه ,, حتى ماكلفت على نفسها تدز مسج تسأل !!!

وكان عندي بالمدرسه يمكن مو اقل من 6 رفيجات والحين لما وقفت قيدي بسبت الظروف ولااا وحده فييهم اسألت عني !!

كلهمممم مصاااااااااااااااااااااااااااااااااااااااااااااااااااالح

ولا بعد ازيدج من الشعر بيييت رفيجتي هذي الاولى اللي رفيجتي من الابتدائي دازتلي ع الواتساب : اهداااء لرفيجاتي فلانه فلانه

وفلانه اغنيه ( وانا طبعا اسمي مو من ضمنهم !! ) يعني شنو معناته؟؟؟ والله شبيييت ناااااااااااااااار من دااااخل بغيت ادق عليها

واسبها بس تعوذت من ابليس ومسحت رقمها وخليتها تووولي

سوري قرقت وااجد بس جد حزت بخاطري برب

​

 

[اصيله بنت البدو]

شتسوين وانا اختج خلاص لاتلقين لهم بال وعيشي حياتك لنفسك لااهلك وبس
كملي درستك وشوفي مصيرك بالحياه الله يوفقك ويسعدك ويجبر بخاطرك

 

[ياحُبِي لِلكويت]

وووووووويه ياما شفت من الرفسجات العن من جذي والمصيبه مامن سبب انتي نفسي ونفس اللي صارلي مع خويتي قبل

وبسهوله باعتني ونستني الله وياها بس انا مستغربه خيه انتي شلون مخلصه عاشر وداشه تربيه ؟؟؟

:eh_s(22): قصدهاا من كانت بعاشر واهي مسائي ^_^

 

[ياحُبِي لِلكويت]

حبووبه اعذريهم ويمكن عندهم ضروف اقوى منهم .. وانتي خليج على طبعج لاتتغيرين الطيب والاصيل مايتغير واذا اهم ماعندهم لاضروف ولاشي هذا من اصلهم ,,,, الانسان يقدر يمثل بكل شي الاطبعه وانتي اصيله لاتتغيرين مهما اللي حواليج تغيرو ..

 

[بنت عطا]

مشكورين بنات عالردود

بنت المطر من كنت بعاشر مسائي اقري عدل حبيبتي يعني ١٠ و١١ و١٢ مسائ وهالسنه تخرجت

 

[دلع العتبان]

ووووووووووووووويهه معروفه الحين ماكو احد يدق علي كلش من خلصت الثانويه عادي مصالح وتقزوره كانت معا بعض بس انا سالت عنهم وهمه كلش فقطعت عنهم بالمره فقلت خليهم درب السلامه

واللي يبيعج بيعيه ،،،،​

 

[بنت عطا]

ياحبي للكويت قلتي اللي بقوله شكرا

مشكورين بنات

 

[ASOMA]

عندي وعندج خير

الله يهديهم

في وحده من رفيجاتي تعرف وحده معاها طول الوقت تقريبا من اربع سنين معاها تخيلو رفيجتي وهي بالامتحان قامت البنت اللي تعرفها من اربع سنين

قامت وفتنت عليها انها غشت ورفيجتي بغت تنجلط تقول والله ماتوقعتها جذي

 

[..<< ندى الورد >>..]

بنت عطا مشكلتج قلبج ابيض وطيبه

ماعليج منهم بالطقاق الحمدلله اللي عرفتيهم على حقيقتهم

ان شاء الله ربي بالجامعه يعوضج باللي احسن منهم

ولا تستغربين توه صديقتي حيييل وكم سنه مع بعض من المتوسط تخيلي بعد النتايج ملجت والبنت حيييل متغيره وصايره نفسيه ما تكلم احد وربي ماكذبت عليج رايحه ارض المعارض الصبح بالحر بس عشاان اشوف لها شغلات واساعدها بتجهيزها وادليهاا واقول لها شنو الجديد وعقب بالوتس اب اقطعت وقمت اسال البنات اطلعت مطلعه خط جديد ومو معطتني الرقم !!!!!!!!!!! تخيلي الصدمه


فانا اقولج لج في هالزمن مالج الا امج واختج يكونون صديقاتج