معقوله هذه أم !!! لو صاحبه المشكله مشتركه اهني ياريت تقرا كلامي وتخاف ربها بولدها

[مراام]

السلام عليكم كويتيات


ولهت عليكم :eh_s(17):


بنات امس مريت بموقف حييل صدمني وهزني صراحه ماكنت ابي اكتب الموضوع يمكن ام الصبي تطلع مشتركه بس فكرت فيها وقلت يمكن تقرا الموضوع وردود البنات وتحس على دمها شوي


الله يسلمكم امس كلمتنى وحده وانا بدوامي طلبت مني تقرير طبي لولدها ويوم سألتها شنو السبب قالتلى انه طلاب معاه بالصف اعتدو عليه (اغتصبوه ) واهو عمره 9 سنين انا انصدمت سألتها رحتى المخفر قالتلى امبله بس انا مابي ارفع قضيه لانه مابي ولدي يسقط بدراسته وابي هالتقرير الطبي عشان لو صار فيه شي مره ثانيه ارفع عليهم قضيه وابهدلهم :eh_s(14): انا اهنى حيل انصدمت من برودها الحين الي هامج دراسه ولدج ومو هامج الي صار فيه !! انا تناقشت وياها وحاولت اقنعها ترفع عليهم قضيه او تروح الوزاره وتقدم شكوى على مديره المدرسه الي قالت لها ولدج ضعيف شخصيه والمفروض يعرف شلون يدافع عن نفسه وقالتلها انا غلطانه ماطلعت ولدج من المدرسه آآآخ ياقلبي انا مادري هذه صاحيه ولامينونه مو معقوله هذه تكون مديره مدرسه اطفال



يابنات اكو كلام وايد دار بيني وبينها ومشكلتي ماعرف اعبر عن الي بداخلي بس عفيه لو كانت تشوفني بقولها كلمه وحده ولدج امانه برقبتج وربج راح يحاسبج عليه لازم تحمينه من الدنيا كلها ولاتكونين انسانه سلبيه وخوافه جذي وبالنهايه يابنات الكلمه لكم


مع السلامه

 

[مراام]

up


up


up

 

[franshiska]

صج والا غشمره
الام يمكن خايفه على سمعة ولدها بعد مو بس دراسنه
بس الناظره ما تستحي الصراحة
بدال ما يكون لها رد فعل تأديبي وعنيف مع اللي سووا سواد الويه هذا
يمه لوووو انا ( اسم الله علي ) جان فرك خشتها بالأرض

 

[عسل سل]

اااااااااه ياقلبي حراام صغير حييييل
امه يمكن ماتبيه يكون بملفااته شي من هالسواالف والي سوته صح
بس على الاقل تستر على ولدهااا وماتعلم احد عن هالساالفه دام انها ماتبي تشتكي اااخ بس والله هالمبزره يبييلهم تأديييييييييييييييييييييييييييييب بس مافي قاانووون على عقاب الصغار الله يلعنهم استغفر الله يارب

 

[مراام]

مايخالف بنات حتى لو فرضنا خايفه على سمعته زين شلون تخليه يقعد مع نفس الطلاب وبنفس الصف بحجه انه باجيله شهر ويخلص مدرسه !! زين بهالشهر اذا ماعتدو عليه مره ثانيه اقل شي بجرحونه بالكلام مادري انا مانى أم لكن ماحس الي سوته مو منطقي بالعكس تصرفها بكبره غلط

 

[فطومه]

لاتنفعلون وايد

ودايما سمعوا من الطرفين علشان تحكمون صح وماتظلمون احد

شنو يعنى ولدها يعتدون عليه وتبي تقرير طبي؟ وشنو خايفه على دراسته وموخايفه على نفسيته؟ ومنو الناظره اللى تتكملم هالكلام وتقول ضعيف شخصيهوين قاعدين احنى؟

وبعدين جان ماتدرون سوالف الاغتصاب شكثرها بس مايتكلمون عنها مايبون فضايح حق عيالهم والنظار مايبون سمعه موزينه حق مدارسهم

اهنى ايي دور البيت الاسره لها دور كبير كبير سواء للبنت او الولد لازم يتعلمون شلون محد يجيسهم او يقرب صوبهم وشلون
اذا احد مسكهم يوخرونه عنهم بكل الطرق


الله يحفظ عيالنا وعيالكم

 

[مراام]

اذا الاهل مايبون فضيحه لعيالهم والنظار يبون يحافظون على سمعه مدارسهم على جذي محد ضايع ومظلوم بهالموضوع غير الطفل ,,, السكوت وانه الواحد يحط راسه بالتراب نفس النعامه عمره ماكان حل وعلى كثر مانعلم العيال شلون يدافعون عن نفسهم بالنهايه راح يظل كائن ضعيف محتاج احد يحميه ويدافع عنه مو يتكتم على موضوع بهالحجم

 

[أمانيQ8]

واي يمه قلبي قام يعورني...
انزين ونفسية ولدها ؟وسمعته؟وحقه اللي بيضيع؟؟
والله طززززززز بالدراسه الزم ماعلي ضناي بس الظاهر صج مثل ماقالت امي عسالله يحفظها
(موكل من خلفت صارت أم...وموكل ..أم...أم!!!

 

[مراام]

والله اختى امانى انا هالحجي قلته لها بس ماكو فايده تحسين امه مقتنعه بتصرفها هذا وغير جذي اهيا مطلقه ويوم سألت طليقها قالها لاتشتكين بس طلبي تقرير طبي واذا صارله هالشي مره ثانيه بنرفع عليهم قضيه


عفيه ابو هذا

 

[om-rayyan]

وااااي على قلبها ... بس هم اهي ماندري شنو الظرف اللي خلاها تقول هالكلام ..او تتصرف هالتصرف .. يعني تاخذ التقرير عشان الله لايقول صار هالشي مره ثانية ...
سالفة تعور القلب ماني قادرة أعبر

 

[أحبه موت]

صج ان في امهات مو كفو عيال ولا كفو تربية مو هاااااااااامها شي والله لو ولدي لا اقلب المدرسه عليهم فوق تحت وابهذلهم عيل هذي الناظرة الحقيره تقولها ولدج ضعيف الشخصيه حسافه ماطاحت بإيدي جان مردقتها​

 

[FeShinGoOo]

حسبي الله ونعم الوكيل

 

[المرتاحة]

وااااي قلبي عورني على الولد

انا لو اسمع واحد سبني شيصير فيني من القهر عيل اشلون الاعتداء؟؟!

ليش جذي والله حرام الحين نفسيته تلاقينها صفر و تحت الصفر و تقول خايفه على نفسيته

لازم يحس انه خذا حقه منهم "صح القضية ماراح تحل مشكلته 100% بس راح تعالج جزء كبير من نفسيته وفوق هذا بيكون رادع لمرتكبين الجريمه" ولا باجر بيطلع حاقد على المجتمع نتيجة احساسه بالظلم و الاضطهاد وانه ما قدر ينتصر وياخذ حقه علشان تبرد جبده

 

[تذكر خافقي رمحك]

يهالو بالابتدائي يغتصبون واحد ؟
اعوذ بالله من عيال هالوقت
ولا تعليق عالناظرة المفروض ماتخليها تشتكي عليها وتوريها شغلها​

 

[Killer^Girl]

واي الزمن يخوف الله يستر على عيالنا

 

[رآآحٺ آيآمڪْـ]

يؤؤؤة يُ قلبهـآ~ْ
الزمن يخوف الله يستر على عيالنا ~ْ

 

[نفهمها صح]

اه وين ابوه
ياقلبي موو صاحيه
اي وحده اقل شي بترووح وبطيح فيهم طق لين يقولوون اميين
استغفرالله العظيم وين عايشه
لا وبتستني ليين يعتدوون عليه مره ثانيه بعد
لا جد موو صاحيه
الله يحفظ عيالنا وعيال الجميع

 

[miss_math]

الله يستر علينا بستره ..

 

[مراام]

اى والله يابنات الزمن صار يخوف وتصرف الام يدل على قله وعيها الله يهديها بس

ابي ردودكم بنات

up

up

 

[احساس ملكه]

يماااا قلبى عووورنى حسبى الله على هالهايتين الضايعين وعلى اهلهم الى ماربوهم
وحسبى الله على الام الفااهيه وحسبى الله على الناظره الحقيره

قبل يومين قريت عن واحد يوم انه صغير اغتصبوه صبيان وصار على طول يحب هالشغله لين كبر وتزوج وكل ماينوى يتوب يرده الشيطان وهو متزوج يروح يدور شباب يسوون فيه هالفعله الشنيعه يعنى تدمرت نفسيته واخلاقه صار معدوم الضمير والاحساس لانه ماحد عالجه واهتم له

تدرين بالدين الاسلامى شنو حكم هالنوعيه

مَنْ وَجَدْتُمُوهُ يَعْمَلُ عَمَلَ قَوْمِ لُوطٍ فَاقْتُلُوا الْفَاعِلَ وَالْمَفْعُولَ بِهِ

عفيه اانصحيها لا تترك حق ولدها وخلى تاخذ حق ولدها وتنتقم من هالضايعين وتعالج ولدها لانه نفسيته تدمرت :eh_s(14):