معقوله ضاع مستقبلي؟؟ضاعت ايام دراستي الجامعية 5 سنين اللي كرفت عمري عشانها

[# غنوجة بيبي #]

السلام عليكم و رحمة الله و بركاته


اول شي انا خريجة جامعة الكويت تخصصي اجتماعيات متوسط و ثنوي

من اول يوم دخلت الجامعه حاطه فبالي متوسطه
و عشان اتخصص متوسط كانو يبون معدل عالي
رحت خذيت مواد و قطعت نفسي بالدراسه اهلي ما اشوفهم عشان اوصل للي ابيه
المهم خذيت مواد شكثر جغرافيه و تاريخ و فلسفه و علم نفس و علم اجتماع يعني المواد اللي تخص المتوسط و الثنوي

المهم وصلت خامس سنه الكورس الثاني كان ميداني
حطوني الميداني بمتوسطه و درست صف سابعه
المهم رئيسة القسم استانست على شخصيتي القويه بالصف
و الموجه يقول انتي لو ما ادري انج ميداني جان قلت هذي معلمه خبرة 10 سنين
و عطوني بالميداني 100% يعني a كامله


المهم توظفت و قالو تروحين دورة و بأخر يوم دوره يعلنون باي مدرسه حطوج
داومنا بالدوره اسبوع و نص و صار اخر يوم نادو اسمي و استلمت ورقتي
و الصدمه !!!!!!
حاطيني ابتدائي صبيان
انهرت ..قلبتها بجي..ليش..رحت طياره عالمنطقه ..و بايدي شهادتي الجامعيه
كلمت مراقب المتوسط قلت ليش قطيتني ابتدائي
قال فيها نقص..قلت مو تخصصي و مااعرفلها
و هذي شهادتي انا متوسطه مو ابتدائي..قال قطي شهادتج ما منها فايده

انا انصدمت ما منها فايده؟ و ارد البيت بجي

المهم داومت بالابتدائي و نفسيتي بخشمي ما قمت اقعد مع المعلمات
و كل يوم بجي و رئيسة القسم قالت عادي الكورس الثاني يبطلون النقل
و مره دشيت الصف ابي اشرح ما قدرت..اتكلم اصرخ و اوقفهم ينطون فوق الطاولات
قعدت عالكرسي و بجي و من عقبها دقيت على ريلي قلت مرني بطلع
و من يومها غياب و حللت و طلعت حامل جان على طول اقدم مجلس طبي و احس افتكيت

الحين يا بنات انا بقدم بعد شهر نقل خارجي من ابتدائي الى متوسطه
تشوفونها صعبه ولا سهلة؟؟ ريلي كلم واسطه و قاله ان شاءالله

تهقون في امل انتقل ولا لا ؟؟


انا الصراحه الحين متحسفه على دراستي و شطارتي
ريحوني الله يريحكم

لان اذا ما نقلوني بحول اداريه او اخصائيه


ناطره ردودكم

 

[# غنوجة بيبي #]

الله يسامحكم

94 مشاهده و ماكو ولا رد

مشكورين

بعد انا شحقه كاتبه موضوع استفسر

 

[حكآية قلب]

غنووووووجة اوزارة التربية خلاااااااص عميان انهبلوووووووو قرارات ع الفاضي

الله ياخذ اللي خلوها رماااااد




لاتحا لا تحاتين اخذي مجلس و بعدها امووومة الامومة فيها نقل و الواسطة تمشي


اول سنه لازم جذي اذكر اختي درست متوسط اول سنتين و هي ثانوووووي


عادي اول سنتين ترا تنقلات اغلب الجدد

انا 3 سنه لي توني اجي الروضه اللي ابيها
تخيلي اروح روضه مابيها

 

[مدّهره !]

الله يعينج صج صدددمه وإحباط


إن شااء الله في أمل تنقلين .’,

 

[# غنوجة بيبي #]

حكايه و مدهرة مشكورين صراحه حسيتكم مثل خواتي

الله يهديهم

انا بحاول اني انتقل متوسطه بييب واسطه و بكلم الموجه الاول

و المدرسه اللي ابيها اهي مدرستي بالميداني

الله يسهلها ان شاءالله

ادعولي بنات

 

[Mrs.H]

انتي تبع اي منطقة تعليمية؟

 

[Miss Basma ..}]

على كيفهم قاطينج ابتدائي
ما يصير ، تدريس المراهقات غير عن تدريس الأطفال ، مافي شي اسمه نقص و خلاص ، الله يعينا عليهم

 

[# غنوجة بيبي #]

انتي تبع اي منطقة تعليمية؟

مبارك

 

[# غنوجة بيبي #]

مس بسمه الله كريم

مالنا غير الله اهو اللي يفرجها

 

[ياهم لدي رب]

حبوبه اذا عندج واسطه جدا سهل

بعدين من قال الابتدائي نقص!!خخخخخ اعرف وحده تبي ابتدائي نفس تخصصج وقايلين لها اكتفاء
يبا لاتحاتين موضوعج جدا سهل


ودام زوجج كلم واسطه الموضوع بيتم باذن الله

ممكن سؤال المجلس الطبي جم عطوج من يوم وشنو تقريرج

والف مبروووك الحمل الله يثبته يااارب ويسهل عليج التسع شهور وتولدين بالسلامه

 

[# غنوجة بيبي #]

ياهم

الله يسمع منج و انتقل ان شاءالله


و بالنسبه للمجلس الطبي اول مره عطوني 6 اسابيع و الحين 4 اسابيع

و التقرير ماخذته من دكتورتي بالخاص

و الله يبارك فيج و مشكوره عالدعوه الحلوه

 

[ريـ’ـآنـهـ‘]

عادي هذي الوزارةة



اختي متخرجة من 13 سنة من الجامعه تخصص علم نفس ثانوي
ووظفوها ابلة روضه لانه في نقص

ومن 13 سنة تبي تحول يماطلون ويقولون راجعي بعدين الممهم بقالها سنة ونص وتتقاعد



ياتراجعي وتجيبين واسطة من الحين ياطول عمرج ابلة ابتدائي

 

[شوق95]

آآآُي عادي بس لازم واسطه قوووووويه

 

[ملامح بريئة]

تعوذي من ابليس هذا عمل تحاسبين عليه ديري بالك تتهاونين فيه وانا وحدة مريت على جميع المراحل وكنت ميداني بالمتوسطة ايام قبل ١٣ سنه المتوسطة بالميداني غير وبالواقع غير الشغل اكثر والحصص اكثر واستقريت بالثانوي لان كبار ويفهمون بس احسن مافي مدرستي انها صغيرة فلو اروح مدرسة كبيرة نصاب وتصحيح للعصر ماظن استمر بالتدريس وجربت ابتدائي البنات مو حلو وجربت الصبيان يبيلهم ضبط تأقلمي مع الوضع وراح تحسين بقيمته وقت الامتحانات لاني ندمت على الابتدائي يوم خليته التحضير سهل جدا والاطفال التشجيع والهدايا تنفع معاهم وطرق التدريس المبتكرة يحبونها ووقت الامتحانات مو نفس المتوسط ولجانهم وكرافهم ولا الثنوي سهلة جدا جدا وانشالله يكبرون اعيالك بسرعة يجون عندك تحسين بقيمة المرحلة اعطي المجال حقه وشوفي عن نفسك لو ندب ابتدائي بنات واذا ماتاقلمتي شوفي ابلة متوسطة تبدلين معاها عند المراقب وانشالله سهالات لكن فكري وسوي جدول بالمميزات والعيوب واعيد واقول الميداني غير والواقع غييييييييييييييييييير

 

[ملامح بريئة]

تعوذي من ابليس هذا عمل تحاسبين عليه ديري بالك تتهاونين فيه وانا وحدة مريت على جميع المراحل وكنت ميداني بالمتوسطة ايام قبل 13 سنه المتوسطة بالميداني غير وبالواقع غير الشغل اكثر والحصص اكثر واستقريت بالثانوي لان كبار ويفهمون بس احسن مافي مدرستي انها صغيرة فلو اروح مدرسة كبيرة نصاب وتصحيح للعصر ماظن استمر بالتدريس وجربت ابتدائي البنات مو حلو وجربت الصبيان يبيلهم ضبط تأقلمي مع الوضع وراح تحسين بقيمته وقت الامتحانات لاني ندمت على الابتدائي يوم خليته التحضير سهل جدا والاطفال التشجيع والهدايا تنفع معاهم وطرق التدريس المبتكرة يحبونها ووقت الامتحانات مو نفس المتوسط ولجانهم وكرافهم ولا الثنوي سهلة جدا جدا وانشالله يكبرون اعيالك بسرعة يجون عندك تحسين بقيمة المرحلة اعطي المجال حقه وشوفي عن نفسك لو ندب ابتدائي بنات واذا ماتاقلمتي شوفي ابلة متوسطة تبدلين معاها عند المراقب وانشالله سهالات لكن فكري وسوي جدول بالمميزات والعيوب واعيد واقول الميداني غير والواقع غييييييييييييييييييير

 

[ملامح بريئة]

تو ادري انك حامل الله يتمم عليك وانا يوم بالابتدائي نقلت كنت حامل وقالت لي وحدة لاتروحين وانتي حامل فعلا كرهتهم ماحسيت بقيمتهم الا يوم بلشت بالثانوي للاسف ايام لاتنسى الحمل بالابتدائي كريه لانه مجهود منك عالاطفال لكن لما تولدين بالسلامة تستانسين عليهم انشالله والله يشرح صدرك ويسهل عليك

 

[# غنوجة بيبي #]

تسلمين مشكوره حبيبتي ملامح

لا والله انا كارهته من قبل الحمل

و من اول ما دخلت جامعه

يعني حتى قبل زواجي ما احب اتعامل مع اليهال

بس اكيد بالمستقبل اتعامل مع عيالي و بس

اما بالشغل اتعامل مع الكبار اريحلي

و راح يكون كل شغلي داتا شو

راح ارتاح نفس الميداني ان شاءالله

 

[قاهره عذالي]

يوم قريت العنوان

عبالي ما وظفوج

عادي

انا رفيجتي رياضيات متوسط وثانوي وحطوها صبيان ابتدائي

كلهم طلبه يعني وش الفرق

بس هم معاج حق انا اخترت اكون متوسط وثانوي لان ماعندي استعداد لابتدائي وصبيان

سهاله ان شاء الله وتنتقلين

 

[# غنوجة بيبي #]

امين بنات جزاكم الله خير عالدعوه الحلوه

انا سجلت نقل بالمدرسه و لقيت واسطه ربي لك الحمد

إن شاءالله على بداية العطله الصيفيه اشغل واسطتي عشان انتقل و ودي اروح مدرستي الميداني واذا ما قدرت ودي اروح متوسطه زينه اهم شي

 

[^^طالبه^^]

اذا انتي بمبارك يمدحون
هيله بو طيبان
و حفصه

موفقه