معقوله تبخر حلمي وصار مستحيلبن

[روعه جنوني]

بنات بقولكم مشكلتي
رحت قبل شهر طيبه اسوي سونار دورتي متلخبطه طلع عندي كيس 4 قياسه حطتني حبوب تنظم دوره القرص
نزلت دورتي ثاني يوم رحت لعاليه احلل هرمونات وسويت سونار طلع لي صغير بس الناحيه اليمين
قالت تعالي خامس يوم واستغفرالله ليتني مارحت طلعت نتايج التحليل هرمون التبويض مرتفع حيل 35 وقالت هذا سن الياس وانا توني عمري 26 سنه قالت شلون تنزل الدوره عليج نتي خلاص وصلتي سن الياس مفروض ماتجيج وبنحاول نعطيج ابر منشطه يمكن تطلع بويضه
حسبي الله عليهم وربي طلعت ميته بجي ووجهي اسود
وزوجي يهدي فيني قال انسي انج حللتي الشهر الجاي تحللين بالمستوصف احسن


تكفون ادعولي من كنت صغيره احلم يصير عندي عيال

رب لا تذرني فردا وانت خير الوارثين
يارب فوضت امري لك*

 

[ابدا يالغالي مانساك]

ذكري الله ياحبيبتي هالدكااااااااتره غثيثين
ماعندهم غير التخرررررع فينا
اسمعي حبيبتي اذكر وحده نفسج ونفس قصتج عضوه ويااانا نسيت شنو نكها
وقالولها سن الياس وربج رزقها تركتهم وتركت مغثتهم
فانتي ذكري ربج وخلي املج بالله قوي
عندج العضوه ملح شمر فديتها عشر سنوات ماحملت
منزل موضوعها ومائست
وربج رزقها فاذكري الله وحمديه علي الصحه والعافيه وتاكدي وخلي عندج يقين ربي بيرزقج

 

[نف نف22]

الدكتووووووووره فاشله حدها حبيبتي روحي دكتوره غيرها لاتصدقينها احس جذاااااااااااااااااااااااااااااااااااااااااابه

 

[عطر الدوحه]

ماعليج منهم

عاليه دوم جذي تخرع بهالعالم

كثري استغفار واستهملي خلطه الرويس والقشعه وان شاء الله تحملييين

 

[cute_batoota]

حبيبتي مالج شغل بهالكلام والله سمعت سالفه وحدة قالولها نفس الكلام وتالي طلعت سليمة الرزاق بالسما مو الدكاترة هوني على روحج وذكري ربج أنا سويت مرة أنابيب وقالولي ماكو بويضات البويضات غير صالحه للاخصاب والله بغيت أموت تخيلي تدخلين عمليه وتقطين فلوس تالي يقولولج هالكلام وبعدها تركت كل شي وتوكلت على ربي ونزلت وزني وكأني حملت ولله الحمد من غير علاج ولا شي ولا على كلامهم معناه أني أنسى احمل ماكو بويضات صالحة يقولي فا خلي هالكلام ولا تديرين له بال الله الي يرزق ورزقك عنده وحدة لجأي لربج وأدعي بكل وقت وربج ما ينسى عبادة سبحانه رحيم وقادر ان يرزقج والله يفرح قلبج وويهون عليج ويرزقج عاجلاً وليس آجلاً اللهم آميييييييين

 

[عزتي بصمتي]

حبيبتي غيري الدكتوره انشالله كلامها خطا وتوكلي على ربك وادعي وصلي باليل والله كريم انشالله يرزقكي عاجلا غير اجل ياااارب

 

[سعودية بالكويت]

يابنت الحلال ربج اللي يرزق مو هم

ولايهمج أستغفري ربج وقولي يارب الرزق بيدك

مو بيدهم عطني من عندك ولاتحرمني من خيرك يارب

وخلي أملج وتوكلج على الله وأقرأي سورة البقرة أربعين

ليلة متواصلة بنية الشفاء وفيها البركة بإذن الله وروحي لشيخ

يرقيج أو أنتي أرقي نفسج إذا تقدرين بعد صلاة الفجر والمغرب

والله والله ربي مايخيب رجا عبده إذا توكل عليه حق التوكل وتصدقي

بأغلى شيء عندج لوجه الله سبحانه

يابنات لاتقدمون لله مايكره وتطلبون منه ماتحبون

والله من قريت هالحكمة وفهمت معناها خليتها شعاري

وحكمتي بحياتي وأنا متأكدة ربي بيعطيني اللي أتمنى من الذرية​

 

[ابدا يالغالي مانساك]

سعوديه بالكويت حبيبتي حكمتج حيل
موثرررررره للي يفمهااا صدقتي
يارب رضاك ورزقك

 

[لعبير]

سمه الله عليج حبيبتي أنشاءالله مافيج شي واستغفري ربج وأدعي وصلي وأقري قران الله يهون عليج ولاتضايفين عمرج يارب تكونين الشهر الجاي حامل اللهم أمييييييييييييييييييييين​

 

[طـير7]

لا ان شاء الله مافيج الا العافيه

 

[الاهله]

سعوديه بلكويت كلامج يجنن

اختى لاتهتمين بكلام الدكاترة انا الدكاتره حطموني انا وزوجي وكتبت موضوع عن الي قالو لي الله العاطي مو هم

 

[H.O.Q]

لاحول ولاقوة الا بالله
لاتخافين حبيبتي والرازق الله ادعيي والحي بالدعاء
واحسني الظن بالله وربي الذي لااله الا هو بيرزقك وكل محرومه
اللهم اني اسالك يامن بيده ملكوت السموات والارض ان ترزق اخيتي وكل محرومه بالذريه الصاحه

 

[الريشة]

حبيبتي أصلاً تحليل التبويض الخاص بالغدة النخامية FSH لازم تسوينه ثاني يوم بالدورة مو خامس يوم؟؟؟؟؟؟؟؟؟؟؟؟؟
و بعدين كل شهر يتغير هالتحليل لأن كل شهر تطلع البويضة من مبيض غير ، يعني مرة من المبيض اليمين و مرة من اليسار و ممكن إنتي عندك مبيض أحسن من مبيض فلازم تعيدين التحليل الشهر الياي ثاني يوم الدورة لأنه فيه احتمال يكون أحسن
شنو هالدكتورة ما يصير تصدمك بهالكلام !!!!!!!!!!!!!!!!!!! :eh_s(14):
و نصيحة:
روحي الصيدلية اشتري فيتامين E و فيتامين B COMPLEX و استمري عليهم و حاولي تمشين بالممشى كل يوم و توكلي على ربك و صلي كل يوم قبل النوم ركعتين و ادعي من قلبك و ابكي و دفعي صدقات و استغفري وايد و بعد شهر عيدي التحليل و إن شاءالله خير

 

[rachaaa]

حبيبتي انت هذا التحليل مو مضبوط روحي المستوصف واهو في ثاني يوم الدورة انسي لا تشيلين هم
الله يرزقك الذرية الصالحه ياااااااااااااااارب وكل المحرومين يارب العالمين ​

 

[شنوووفه]

حسبي الله علييهم هالدكاتره بس قاعديين يخرعوون فييمه بس حياتي مو بعيده عن رب العالميين صدقييني بالدعاء والاستغفار يتحقق المستحيلالات
موفقه

 

[:: Diva ::]

غيري المكان الي تراجعين فيه
و ان شالله ما تطوف 2011 الا و انتي و كل وحده محرومه حامل

 

[jaaanooo]

شنووو ؟؟؟!!

شنو هالخرابيط الي قالولج اياها ... حسبي الله عليهم .. لا تحطين ابالج عاادي دكاترتنا ساعاتهم وايد اخوااره ... روحي حق دكتور ثاني وتأكدي .... اسم الله عليج ... ما فيج الا العافية يااارب وطمنينا

 

[طالبه جامعية]

عسى ربي يرزقكم

 

[فتون777]

الله يسامحهم وين العلم الي تعلموه بس مايرفون غير يجرحون ويخوفون في البنات اعوذوبالله
والله انا رحت عند دكتوره وقالتلي انتي خلاص عقم وحولتني قسم مختصين بلعقم والله كنت ارجف من كلامها خرجت وقلت لزوجي كلامها سكت وقالي ربك كريم
وانا بالسياره قلتله وديني عند صحبتي بس ساعه وتعال خذني وداني وبكيت عندها قالتلي ماعليك منهم والله كذابين
تخيلي ماشفت الدوره بعد ذاك اليوم وحملت فنفس الشهر
والله ماعليك منهم
كذابين
الله يعمي عيون الدكاتره الكذابين
طولي بالك وفكري بعقلك
شنو كلامها هاذا سن ياس الظاهر انها خرفت وماهي عارفه شتقول
كان قلتيلها والله انتي الي عندك سن ياس
مدام تنزل الدوره ماعليك منها
سن الياس الي مثلها ماتنزل عليه الدوره
قال دكتوره قال
خليها تولي
لوفيها خير كان كتبتلك علئ علاج ولابس فاضيه للتخرع
وغيريها روحي عند دكتوره ثانيه

 

[جديده 1]

مثل ما قالت وحده من البنات وحده كتبت قصتها نسسسسسسسسسسسسسسسخه من سالفتج بالضبط بالضبط قبل اسبوعين يمكن لو اعرف الموضوع جان نسخته لج .. مسكيييينه لعبوا باعصابها و غيرت الدكتوره و طلع تحليلهم غلط بغلط و تخبييييييييييص .. انتي غيري دكتورتج و غيري مختبر التحليل نفسه .. و شوفي الاخت الريشه شنو كاتبه لاني كذا مره اشوف ردودها مبين عليها فاهمه .. وربي يوفقج ولا تخافين