معقوله بيتج باام الهيمان !!! سؤال غريب ضيق خلقي

[شهدQ]

ماادري ليش هالسؤال يتكرر وايد لي

لما اروح مناسبه او عشا

اواتعرف على وحده بقعده او جمعه


تسألني وين بيتج ؟؟ اقولها باام الهيمان


معقوله بيتج باام الهيمان مو باين !! حريم ام الهيمان يكشخون وذربات جذي

يابنات لو الكلمه هذي اتيني من وحده ثنتين اقول ماعندهم سالفه اما من وايد اهني صعبه

انتو شتقولون المنطقه تحدد ذرابة الوحده ام ذوقها الشخصي وربي مااقولها مدحا بنفسي لكن انقهر من تصغيرهم لحجم بنات المنطقه رغم ان المنطقه ماتحدد ذرابة البنت او دفاشتها باللبس

انتو شتقولون ؟؟ وشنو تمثل لكم هالمنطقه !!!!:eh_s(15):

ناطرتكم بس ابي ردكم بكل صراحه لاني واثقه انكم ماراح تجاملون او تكذبون:eh_s(22):

 

[supermarket]

شعلاقة الذرابة بالمنطقة؟؟

ياما شفنا هلاقة ومن العاصمة !!!

متى الحريم بيكبرون عقولهم

 

[&ام عبدالله للخلطات والأعشاب&]

الله يعينج
وانا مااحب الناس الي تصنف حسب المناطق
كلا يفرظ نفسه بخلقه و دينه
و الي يقولون انت من المنطقة الفلانية وو لا من المكان الفلاني هذيل عندهم مرض نفسي

 

[شهدQ]

تدرين سوبر ماركت انا يضايقني هالشي حييييييل بشكل ماتتصورينه

وخصوصا لما يجي الكلام من الاقارب ويقولون منطقة اهلها مايعرفون الذرابه وينغزون لبنتي ويقولون منطقتكم وين والذرابه والسنع وين ؟؟

اهني اموووت شكو !!!

بنتي تقولي يمه صج الكلام الي يقولونه وبتنغز بكل قعده

صدقيني تصك فيني الدنيا

 

[شهدQ]

الله يعينج
وانا مااحب الناس الي تصنف حسب المناطق
كلا يفرظ نفسه بخلقه و دينه
و الي يقولون انت من المنطقة الفلانية وو لا من المكان الفلاني هذيل عندهم مرض نفسي

صحيح كلامج انا قلت بالأول جذي

بس معقوله كل هالبنات الي قالو الحجي مرضى نفسيين!!

ام الخلل في المنطقه وكلامهم صحيح

 

[الغاليه نونو]

شوفي يمه الوضع بشكل عام المعروف عن ام الهيمان قبل انها منطقة بر جول مافيها بنيان ولاعماير ولافلل وعقب سنين وبنين انبنت وتعمرت والحين ام الهيمان فيها الزين وفيها الشين وضاحية عبدالله السالم فيها الزين وفيها الشين
بس دوووم ماخذين الناس مبدأ الخير يخص والشر يعم
انتي ماعليج من كلامهم الشرهه موعليهم الشرهه علي عقولهم اللي ماثقفوها بالادب والحشيمه واحترام الناس اثبتي لهم عكس كلامهم وخليهم يموتون قهر وبس

 

[شهدQ]

شوفي يمه الوضع بشكل عام المعروف عن ام الهيمان قبل انها منطقة بر جول مافيها بنيان ولاعماير ولافلل وعقب سنين وبنين انبنت وتعمرت والحين ام الهيمان فيها الزين وفيها الشين وضاحية عبدالله السالم فيها الزين وفيها الشين
بس دوووم ماخذين الناس مبدأ الخير يخص والشر يعم
انتي ماعليج من كلامهم الشرهه موعليهم الشرهه علي عقولهم اللي ماثقفوها بالادب والحشيمه واحترام الناس اثبتي لهم عكس كلامهم وخليهم يموتون قهر وبس

تسلمين يالغاليه وخالتي الحبيبه نونو

انا مو هامني انا وحده واثقه من نفسي

بس هل هالشي ببيبدأ يأثر على نفسيات بناتي بالمستقبل

وليش هالنظره السلبيه للمنطقه !!

صدقيني نونو صحيح مو كل بنات المنطقه يلبسون حالها حال اي منطقه بالكويت بس وربي ان فيها من البنات كشيخات ويهبلون ومايلبسون الا الماركات

وتعالي بيوم جمعت رفيجاتي تنصدمين من الذرابه وماتصدقين الحجي الي ينقال

احنا مااخذنا المنطقه الا مضطرين واكبر وحده بالمنطقه عمرها مايتعدى ال35 هذي وين والتخلجن وين بس مااعم في وايد مايعرفون يلبسون حالها حال باقي المناطق وفيهم من تبهرج كشختها وذرابتها:eh_s(17):

 

[ام منيره]

لايهمج ياشهد لايهمج مالج شغل أصلا هذيلا مايعرفون وأذا مستغربين من كشختج فهميهم ان المنطقه موشرط بذرابه الوحده ..ومشالله بيوت ام الهيمان حدها ذربه .وأذا في ناس يقولولج علي لعانه أجعميهم بطريقتج لان عقبها ماراح يتجرأون عليج ....وأخر شي من أمه طااااف لان توه بنت عمي تسولفلنا نفسج بالضبط بام الهيمان بس جعمتهم كلهم ...وربج عقبها قعدوا يدارونها ويعملون لها حساب ..طااااف وكبري عقلج عنهم لان عقولهم صغيره ...

​

 

[شهدQ]

تسلمين ياام منيره انا مو هامني بس مضيق خلقي لاني مو غرور احس الذوق مايحدده لامكان ولازمان

 

[الاسطورية]

بعد ياشهد شنسوي

الدنيا صارت دنيا مظاهر وسطحيه تافهه

الغريب انج تتضايقين
انتي عارفه هذا الوضع السائد اذا القرين والاماكن الاقرب يعيبون هم على سكانهم
واذونا بالمناطق الدخليه

وهالحجي كله مايعجبني وماحس الي مقتنعين فيه الا ناس عقولها صغيررررررررره

قطي ورا ظهرج بس

 

[aBoOoRa]

حبوبه الناس ماعندها سلفه الا التطنزز ويحبون يخلون الوحده تحس انها انزل منهم قيمه

انا اعرف وحده بيتهم ماخلص قاعد ينبني فساكنين بشقه ومره وحده من البنات بغت نوتاتها فعطتها العنوان جان تقول امبيه كويتيه ساكنه بشقه من صجج

والا انا لما اقول حق اي احد انا بالاحمدي يقولونلي امبيه مو مبين اقولهم ليش شفيها الاحمدي روعه تهبل بيوت الKOC كشخه ومافي مثلها

صج في بيوت الحكومه وموذاك الزود بس حتى السره الي اهي السره فيها بيوت الله بالخير شوي لاتطيح على اصحابها من كثر ماهي قديمه ومهدمه ​

 

[ام منيره]

أي والله يالأسطوريه كلامج صح..لا كله صوب وبنات المنطقه العاشره بصوب مادري شفيهم ..والكشخه كلها عندنا علي قوله وحده تقول أي شي ذرب ويديد نشوفه علي بنات المنطقه العاشره بعدين يوصل الكويت ههههه >>>>>شتبين بعد ياشهد سويت دعايه للمنطقه

 

[أم طه الحولة]

شهد ترى مو مشكلتج ان الناس عقلهم وتفكيرهم على قدهم !! وماعندهم سالفة .. يعني شالفايدة ان الوحدة تكون ساكنة مثلا بالضاحية واهي ام الهلاقة وماكو لا اسلوب ولا ذوق ولا ذرابة ّ!! المنطقة مالها علاقة بالذوق وشخصية الواحد ! ترى صج سخافة .. طنشي .. هذا احسن شي تسوينه !

 

[bnt q8 in usa]

باختصار هذيل ناس متخلفين....................وفيهم نقص
والا معقوله احكم علي الوحده من خلال منطقتهاا ................شنو هالمنطق التعبان

 

[أم روعة]

هذول ناس سطحيين وماظن في علاقه بين المنطقة واخلاق وذرابة الانسان!!!

وكل مكان وكل منطقه بالدنيا فيها الزين والشين ..

 

[* مـذهـلـه *]

بعمر المنطقه ما كانت مقياس لسكانها ..

و بكل منطقه تلاقين الهلاقه و تلاقين الذرابه يعني المناطق ما تخص ناس او فئه معينه ..

و احسن شي اقولج تسوينه خلي اذن من طين و اذن من عجين و طنش تعش على قولتهم البسي و اكشخي و غزي عيونهم و قوليلهم بالفم المليان انا ساكنه بام الهيمان و لا تدرين شلون اكتبيلج لافته و علقيها على رقبتج انا من سكان ام الهيمان :eh_s(3):
​

 

[Suki_Candy]

يه يه شفيج شهوده

لا لا لا لا لا مووومعقوله

متضايقه

شوفي يابعد عمري هذول الناس الي يسألون عن المنطاق نلس سطحيين يحبون المظاهر
انا شوفيني قبل كنا ساكنين بالسالميه شقق تخيل انا واهلي

و الحمدالله الله هدانا و قنعنا الوالده انه نرد بيتنا لامه صرنا بنات كبار ونبي نستقل اب بيتنا

شوفي يا طويله العمر ادري انه فارق كبير بين ماس العارضية وناس السالمية

و كانوا كلا الي بالعارضيو ناس مخلطين من بدو من حضر من عقد من كلشي عيم

المهم في بدايه الامر ماعرفنا نتأقلم

لكن والله يا شهوده مالج شغل في هالناس و عطيهم طاف و ريحي بالج يالغاليه

و انا مع خالتي الغالية نونو بكل كلمه قالتها

و سامحيني على الاطاله

تحياتي يا حياتي

 

[girl_in_abottle]

ناس ماعندهم مخ

 

[bambena]

الصراحه شهد هذيلا ناس ماعندهم ذوق واشكره قولي هالكلام قوليلهم من متى المنطقه تحدد نوعيه الناس

للاسف وايد ناس ماتثمن كلامها

 

[أم الجوري]

أحلى ناس بنات أم الهيمان
أسألينى عنهم معاشرتهم سنين
واذا أتتكِ مذمه من جاهل فهذه شاهدة بأنك كامل
ما اقول الا أكشخي وحريهم ووريهم ذرابة وكشخة بنات ام الهيمان