معقولة كل المدارس الخاصة سكرت تسجيلها؟؟

[الفتاة السماوية]

السلام عليكم بنات بسألكم انا إللي أعرفه ان المدارس الخاصة يفتحون فترتين للتسجيل والقبول
وحده بشهر 3و4 والفترة الثانيه بشهر 9 يعني بداية دوامات المدارس (يعطون فرصة حق اللي امتحنوا وما نجحوا بالاضافة حق اليدد اللي بيسجلون مكان اللي منسحبين)
بس سمعت ان في مدارس سكرت تسجيلها
انا ناطره المدارس تفتح عشان أفتر عليها بإذن الله بس قلت أتأكد منكم.
في وحده السنه اللي طافت إقدرت تسجل عيالها بشهر 9 ؟؟

والشي الثاني بنات شوروا علي انا حدي محتاره
احنا ساكنين بالمنطقة الرابعه ودي بمدرسة زينه لان القراب علينا للأسف مافي شي زين
أجيال والاكاديمة العربيه ما يسوون ينقط عليهم 1000 وشي
ومدرسة abs غاليه
وباجي المدارس القريبه فيها عيوب

والرؤية صج انها بعيده علينا بس على الاقل خط واحد مو دواعيس وزحمه بس مادري اذا تسجيهم سكر ولا لأ

حدي محتاره

 

[aisha6]

up up

 

[ام _خلودي]

والله حبيبتى انا الا اعرفهاا التسجيل كان شهر 2 و3

وماعندى فكره اذا اكو تسجيل شهر 9

انا اعيالى بالتكامل كان معطينى فرصه لااخر شهر 5 علشان

اذا نبي ابله معينه رحت 30/5 قالوا خلااص انتهت المده وتوزع الطلبه

فمادرى المدراس راح تبطل اول تسعه دقى وسالى والله يكتبلج الا فيه الخير

 

[نور الدنييا]

رد : معقولة كل المدارس الخاصة سكرت تسجيلها؟؟

احنا الصلا مظلومين بالمنطقه الرابعه بس ليش الاكاديميه الي بالرقعي مو حلوه ودي اسجل ولدي بعد سنه

 

[الفتاة السماوية]

مشكورين عالرد

وان شاء اتصل على المدارس لما طلون

اي والله صاجه يا نور الدنيا ماكو شي عندنا بمنطقتنا والمناطق اللي حوالينا

وبالنسبه حق الاكاديميه وايد ناس تتذمر منها ما سمعت أحد مدحها كلش
والعلم عند الله

 

[حلم الطفولة]

أغلب المدارس ينتهي التسجيل فيها قبل الصيف : فل ماشالله !!!
الرؤيا جيده جدا وإسلاميه بس أظنهم خلصو تسجيل ، روحي سئليهم يمكن في مجال يحطونكم على قائمة الانتظار عالأقل .. وجربي هالشي مع عد مدارس بعد ..
شوفي مدرسة الرساله ثنائية اللغه

 

[الفتاة السماوية]

مشكوره حلم الطفوله اي ماكو الا افتر على المدارس واسجل اسمه بالانتظار وان شاء الله خير

 

[حلوى كويتيه]

وين صايره الرؤيه

 

[حلم الطفولة]

الرؤيه بصباح السالم - تعتبر (( بالمسيله )) - سطرة طيبه كلنك ومدرسة التكامل ..

 

[زقرتية]

بنات شرايكم في مدرسة الرساله؟

 

[SARA*]

حبيبتي انت نفسي انا للحين ماسجلت بناتي بس انا ناويه انشالله اسجلهن في اجيال المستقبل الباكستانيه عندهم تسجيل بشهر 9 بس انشالله باجر اتصل عليهم بعد حتى اذا في تسجيل الحين اروح اسجلهن

 

[الفتاة السماوية]

بعد قلبي بنات ما تقصرون

ساره وين صايره أجيال المستقبل الباكستانيه؟

زقرتيه انا سامعه بمدرسه اسمها الرساله بس ماعرف عنها أي شي وين صايره الرساله؟


بنات ادعوا برمضان بسجودكم ان الله يسهل علينا ونسجل بالمدرسه اللي نبيها