معقولة كل البنات اهني perfect ؟؟!

[سـاندرا]

السلام عليكم

بس حبيت اقول رايي بشي معين
انا استغرب من المواضيع اللي فيها انتقادات
مثلن جينز ضيق وشيله وقذله وغيره وغيره من المواضيع اللي ماتودي ولاتجيب

الحين معقولة كل بنات المنتدى perfect !!
واللي في الشارع وينهم هذول ههههه ؟؟؟

يعني معقولة كل بنات المنتدى غير عن البنات اللي نشوفهم بالشارع كل يوم

يعني اللي تنقد على البنت الي اطلع قذلتها واللي تعيب على اللي لابسه ضيق
عيل البنت اللي مغطية شعرها والمكياج فل هذي مشاءالله محترمة ومو هيلقيه كلش !


يعني اتعجب من الكلام اللي ينقال وكل الاصناف اللي اشوفها بديرتنا بهالشكل

فليش اتنكرين تحت اسم وتسوين نفسج البيرفكشن واللي مغطية شعرها كله وماتلبس مرصص وماتحط ميك اب وانتي العكس تماما

شي غريب بصراحه !

وانا على فكرة ماقول عن نفسي بيرفكت عندي اخطاء وايد واعترف فيهم لكن الغلط انك تسوي نفسك كامل وانت مافيك من الكمال نقطة وعلى فكرة انا مومتحجبة ولا البس عباية يعني هم انا كلي اخطاء

حاولو تكونون اكثر رقي في ردودكم لان الكلمة الحلوة توصل والكلمة السيئه تبقى سيئة مهما يكون ​

 

[الحــــياة]

السلآآآآم عليكم ورحمة الله..

لاطبعآآ اختي موكل البنات بيرفكت

اكيد في كذب وتضآآهر بالادب والحيآآ والدين

انا صح والبآآقي غلط

ترآآ احيآآنا تلقين شخصيتهآآ غير عن النت..

كيفهم اقري الي يعجبج وتقتنعين فيه..

يسلموو يآآقلبي..

 

[هواجيس الفجر]

رد : معقولة كل البنات اهني perfect ؟؟!

صاااااااااجة والله

حتا كلام الاخت الي قبلي عدل

يعني كل بنات المنتدا لبسهم ساتر ؟؟؟


عجل الي نشوفهم بالمكثفات هذيلا شنو

و الي تلبس لها بجامة << علي انها تريننق يعني كشخة ترا والله مصخررررررة

 

[مضيعة برقعها]

أقولج مثل يسكر الحلج
هذا مثل عمي ابو زوجي
(((((. كل يفصل هدومه على كيفه)))))

 

[Tulips]

رد : معقولة كل البنات اهني perfect ؟؟!

حبيبتي لانه اللي يلبسون مرصص و يطلعون قذلتهم اهمه اقليه وعددهم ما يذكر بالنسبه للمحتشمات

هذا اللي انا اشوفه

واللي تدعي الكمال صراحه ما اصدقها محد بهالدنيا كامل والكمال لله .. يمكن وحده تشوف نفسها بيرفكت بس مو شرط الناس تشوفها بيركفت

 

[tbola]

رد : معقولة كل البنات اهني perfect ؟؟!

عدل كلامج

 

[غرور وايل]

وعليكم السسلام ~

صااجه حبووبه ماكو احد كمال الا وجه سبحانه وتعالى ~

والله كلنا مليانين اخطاء وان ششاء الله ربي يهدينا ~

وكلن ينام ع الجنب اللي يريحه ~

وكلن يقول الزين عندي ~

مووضووعج حيل حلوو~

 

[مملوحه السهول]

رد : معقولة كل البنات اهني perfect ؟؟!

مو كل البنات اللي ينصحون محتشمات وساترين انفسهم انا معاج بالهشي والله اعلم من ورا الشاشه شنو وبالمنتدى شنو !!





وفي بنات اسم الله عليهم كاملين والكامل الله محتشمات لا ميك اب ولا تطلع قذله ولا تلبس ضيج... الخ



وتنصح !!


اي الدين الاسلامي ما حرمنا من النصيحه بعد :bbbiu:


والله يهدي الجميع

 

[الرشوف]

وانا معاج بهالشي
والله شكثر اقول بيني وبين نفسي


ومو بس على اللبس

حتى المشاكل ولا المواقف


مادري

الله اعلم


والله يستر علينا وعليهمم

بس بقول للاخت اللي قايلة المثل قبلي


في مثل يقول

اكل اللي تشتهيه نفسك
والبس اللي تشتهيه الناس

وكلن عقلة براسة يعرف خلاصة

 

[^_^ حوراء ^_^]

الظاهر ماسمعتي بشي اسمه الامر بالمعروف و النهي عن المنكر

 

[Tutti-Frutti]

رد : معقولة كل البنات اهني perfect ؟؟!



لا طبعا محد كامل

بس ماراح تلقين وحده تيي تقولج والله انا البس قصير وضيج واطلع شعر الا نادرا

وما تدرين شنو ورا الشاشه

وعادي فيه بنات ساعات يبين بردودهم اهمه شنو يلبسون وشنو يحطون

وماعتقد انه هالشي وايد يهمني اني اعرف هالبنت شنو تلبس وشنو تحط انا تعاملي معااها بس بالمنتدى واللي يهمني اسلوبها معاي او اسلوبها بالرد

غيره شي راجع لها

 

[monmon12]

حبوبة

في بنات انا قريت ردهم يقولون احنا سفور او مو متحجبين

مو كل البنات يتكلمون كأنهم ماكو منهم


بس في عضوات لما يتكلمون ناسين نفسهم بس هم ترا احنا ما نقدر نعرف يعني الي ورا الشاشه تنصح من قلبها او قاعده تمثل

بس مع الوقت يبين

 

[كراميلا مرة]

رد : معقولة كل البنات اهني perfect ؟؟!

الله اعلم بمافي نفوسهم
وموالكل يكتب انه محتشم في بنات تقول انها سفور
اونها تكشخ بره

 

[يا عيون جدي]

عدل كلامج
كل مكان في الزين وفي الشين

 

[Ya7aLaTY]

Totally agree with u

 

[ملواكي]

رد: رد : معقولة كل البنات اهني perfect ؟؟!

لا طبعا محد كامل

بس ماراح تلقين وحده تيي تقولج والله انا البس قصير وضيج واطلع شعر الا نادرا

وما تدرين شنو ورا الشاشه

وعادي فيه بنات ساعات يبين بردودهم اهمه شنو يلبسون وشنو يحطون

وماعتقد انه هالشي وايد يهمني اني اعرف هالبنت شنو تلبس وشنو تحط انا تعاملي معااها بس بالمنتدى واللي يهمني اسلوبها معاي او اسلوبها بالرد

غيره شي راجع لها

اتفق معاج بالراي حبيبتي

 

[نونه المنكوشه]

عدل كلامج ساعات وحده تكتب موضوع وتنتقد شغله والكل يدش ويقول اى وع شنو هذا اقول معقوله كلهم زينين ولاوحده غير بس انا اكتشفت شغله بالحريم سواء من النت او برا يعنى الحريم عموما لوشنو ماتقول الصج ولااطلع نفسها بالشينه والله احيانا استغرب اقول ليش اجذب شنو اللى يحدها عادى اقول انا مثلا اسوى جذى وحتى لوغلط انتى موربى اتحاسبينى هالشى بينى وبين الله لكن المهم اقول صادقه مع ربى ثم نفسى وربى الهادى بس مادرى احس بالهزمن ماكومصداقيه كلش ويوم عن يوم انصدم اكثر

 

[مالي غير الله]

صح كلامج مافي احد كامل كل من له عيوبه والله يهدينا ويهدي الجميع*

 

[سارونه*المزيونه]

رد : معقولة كل البنات اهني perfect ؟؟!



صااااااااااااااااجة بكل كلمة قلتيها وانا الحمدالله اعترفت وقلت اني اطلع قذلة وهالشي متعب نفسيتي

وودي البس حجابي عدل بس ماعرف واتمنى انه ربي يهديييني يااااااارب

 

[احساس قباني]

رد : معقولة كل البنات اهني perfect ؟؟!

...​

لا طبعا مو الكل بيرفكت على قولتج ... في وايد ينكرون تحت اسمهم ... وفي صاجين ومايجذبون بكلامهم ويقولون رايهم بكل صراحه وفي بنات على فكره يعترفون باخطائهم...ومعروف حبيبتي في الزين وفي الشين ... وانتي صدقي اللي بتصدقين وجذبي اللي تبين :eh_s(3):​

وبس يعطيج العافيه على موضوعج الحلوووو ​

:eh_s(17):​

...​