معقولة خوف من عونسة تخلي ببنت تنافق من قلب

[الأنسة ناعمة MA]

بسم الله الرحمن الرحيم
بنات بقولكم سالفة وأبي تعليقاتكممممممممم بس رجاء أنا مو قصد أقصد أنسانة ولا طائفة بعينها ولكن أقصد شخصية أنسانة والله حيرتني وكلما أشوفها شنو صاير شنو تغير
أهي للامانة بنت حضرية جسمها مقبول وومملوحة وأبوها معروف أسمة لة حضور
مهم هالبنت والله اعرفها من متوسطة والثانوية ونزورهم بناء علاقة صداقة بدت أيام غزو بين خالي وأبوها والرجل للأمانة رجل رائع ويحب جيتنا وشايف معروف خالي ويقدرنا وويعزمنا لبيتة والحمدالله أهلي مايردونة وأمي تحب توجب اللي يوجب خالي >علشان تفهمون بس
أحنا بدو وأهم حضر والأمور طبيعية ونحب بعض
بس البنت وانا أقعد وياها حيل شايفة روحها وحيل متكبرة وتقط حجي عن البدو مع بنات خالاتة بسوالفهم بس انا عندي عادي هالموضوع انا أدري أنها ماتحب بدو ماتحب طريقتهم بالسوالف ولا الأكل ولا لبسهم متعقد منهم وبالعكس مالي شغل فيها بس أنا تفاجات منها
بنات خالاتها وبنات عمها تزوجوا بدري 20 و19 فضلت بروحها ودائم تتحطم لاجيتهم
مهم فتعرفت على بدوي أهو ظابط وكانت سيارتها مدعومة مهم أهي تسولف لي
بعد معرفة جم أسبوع شنو هالأكتشاف عرفت أنة أنسان زين قالت تعال أخطبني صج رجال وصل وطلبها من أبوها بس أبوها ردة والله يابنات جدامنا لما عزمناهم على عشاء تصيح عند أمها وتزف أبوها تقول أهو شكو
أنا أبية أهي كان عمرها 21 سنة وتقول ماكو أحد خطبني هذا كاهو تقدم أنا أبية وجان تقول راح يتقدم مرة ثانية وأبوي لازم يوافق وتقول مالي شغل فهمية أني أبية والأم ساكتة وللامانة بنات حسيت أبوها عارف أنها ماتحب بدو بدليل رفضة وأهي متضايقة بنات خالاتها قاموا يسافرون وصار حمل
وصج الولد جاء مرة ثانية وخطبها رغم أنة أكبر منها 14 سنة
وتخيلو أهل الرجال عيوا يحضرون الملجة ولاواحد من أهلة أخوانة وعمانة وخوالة حضر وياة
وابو البنت والله وافق من بيدة
ويوم العرس وأمي راحت لاني سالفة فشلة بفشلة جدامنا تزفين أمج وهم أبوج وأبوها والله خوش أنسان علشان تقول خلاص تزوجت
وأمي يوم راحت عرس خوات رجال ماشاء الله 9 لابسات عبي ونقابات ولارضوا يتكشخون ولا قاموا بالعرس اللي قامت فية أم البنت
وأهي تدري مايبونها ووقت زفة دشيت وأهي ترقص بالنفنوف حتى أمي تقول والله فشلة
وفوق هذا ساكنة وياهم ولا أحد يبيها ولا معبرها وأهي ولا هااااااااامة ولا أكبر همومها
والله من فلة أبوها لبيت حكومي شقة صغير لها
المهم البنت الله يستر عليها تزوجت وعندها ولد ووبنت ولا شايفة الا هالرجال
لاتقولين تغيرت لا والله ماتغيرت وكلما أقعد وياها نفس الأنسانة بس جنها مومصدقة تزوجت
للأمانة زوجها من البدو البدوو مو المتحضرين ولاتقولين قصة حب ماكو حب يمكن أحترام و تقدير
أنتم شرايكم
شي مو يحير
معقولة بنات يخافن من العنوسة ووسوسن بأي طريقة ؟يبي العرس
معقولة كرمال تزوجتي ممكن ترضين بالموجود


​

 

[بتبوتااا]

لا مو شرط حبيبتي يمكن بينهم حب او شي الواحد ما يدري ومهما كان ما نقدر نقول انها قطت روحها عليه لانه بالنهايه كل شي قسمه ونصيب وربي كاتب لها انه هذا الريال نصيبهاا حبيبتي ,,

 

[* ملكني الخوف *]

مادري في بنات جذي يخافون من العنوسه

 

[الأنسة ناعمة MA]

ندري نصيب ياقلبي ......... هي شلون تقبلت موضوع نفسيا ؟ أهي حياتها تعلق على بدو بالأخير يجيها بدوي وشاريها وأهلة مايبونها ..وعرسها قام فية أمها .......حتى أبوها مالة شغل فيها ....ومشكلة أكبر منها يعني 21 وهو 35
و الله مو قصة حب أهي بالذات ماتعترف بهالسوالف
والله أنا أقولها لج مليون من 100 خوف من عنوسة ولا أهي مومن نوع يتحمل مسؤلية ولا أهي سنعة تشيل وتحط
بس معقولة وسواس من عنوسة ؟؟

 

[قُـمـر دنيــآي]

ماتدرين يمكن بينهم حب
والدليل خطبها مره ثانيه وعاند اهله عشانها

وعلى طاري البنات يخافون من العنوسه

اي حبيبتي وايد يخافووون ودهم يتزوجون

وحده تصيرلي عمري ٢٦ خطبها واحد فيه إعاقه بغت توافق خايفه ان مايجيها غيره

وحاولوا فيها خواتها واقنعوها ترفضه وارفضته

والله يرزقها ويرزق كل عزابيه قوولوا اميييييين

 

[قُـمـر دنيــآي]

عمري = عمرها 

 

[انا لحبيبي .]

في فئه بتفكر بهالطريقه حبيبتي ،، وهاي وحده من هالفئه

لانه مو كل البنات نفس التفكير ونفس العقل ، كل وحده بتختلف عن التانيه

 

[حلا vip]

والله كسرت خاطري انتي ماتدرين اهيا تحس بشنو يمكن بنات خالاتها يقطون نغزات ولاحتى لو ماصار هالشي يكفي انه اللي معاها تزوجو وتلاقينهم بعدو عنها بحكم الزواج والمسؤوليه وظلت بروحها ويمكن هالشخص بأسلوبه حببها بالبدو وحبتهم علشانه وبصراحه عجبتني بنت تدور على مصلحتها ماراحت تخربط وتلعب من ورا اهلها والدليل طلبت منه الزواح وبسرعه لإن اللي تبيه اهو الاستقرار وبس ويمكن حبته وهذا انتي تقولين عندها بنت وولد يعني البنيه زينه ومومثل ماقلتي انه نفاق او شي واذا كانت تكره البدو بالاول هذا عادي وجهة نظر وتغيرت بعدين //انا شايفه انها ماغلطت بشي ووانا ترى بدويه موحضريه علشان ماتقولين ادافع عنها ..

 

[YA B3DHUM]

وي شكو اخاف من العنوسه بس
قبل ميته ع الزواج الحين عووع

ماراح اموت بدون ريل الحمدالله عندي اهلي امي وابوي فديتهم :$
ومعيشيني احلى عيشه وفري

وبالنسبه للبنت يمكن بينهم حب حبيبتي
مو معقوله بدوي يسوي جذي عند اهله عشان بس ياخذها وموحب مو معقوله
وانتي قلتيها بدوي بدوي وصدقيني مسحييييل بدوي يسوي جذي ويحط اهله بهل موقف
عشان نزوه اكيييد يحبها

اي وعلى فكره انا كنت اكره البدو :/
بس يالبييييه الحين بس والله رفيجاتي يمه عسل
نظرتي تغيرت لمى عاشرتهم ف اكيد نظرت البنت تغيرت للبدو

 

[مــلاك]

يمكن لقت فيه ريال زين وشاريها هلشي يخليها تغض النظر عن كل شي وهم البنات الحين صاروا بس يبون زواج بس اللي مستغربه منه فرق العمر بينهم اهو كبير معقوله مو متزوج قبلها عموما الله يوفقها واهم شي الراحه والتفاهم والبنت تبي الستر باي شكل

 

[حلا vip]

وبصراحه العنوسه تخوووف يعني الوحده بتنطر لي متى لما توصل الثلاثين شلون ومتى يمدي تجيب عيال وتربيهم وترى اللي تفكر بهالطريقه يعني تخاف من العنوسه معاها حق وبالعكس احسها واعيه وفاهمه بس بشرط مو تقط نفسها بأي شخص يتقدم لها بس علشان خوفها من العنوسه لاالطريقه هذي اهيا الغلط لكن الخوف من العنوسه موغلط وبعدين كل بنت تتمنى تكون اسره وتجيب عيال والبنت هذي عارفه تختار انتي ماتدرين يمكن استخارت يمكن تعرفه من زمان يمكن حبته على طول وارتاحت له ودش قلبها تصير عااادي والله يرزق الجميع

 

[الأنسة ناعمة MA]

يعطي كل وحدة عافية على تعليقها ووجة نظرها وأنا بصراحة أقنعت بجم نقطة ............بس للأمانة بنات قاموا يخافون بالدوام بالحياة بالقعدات حتى بالصالون تلاقينها تتحطم بس ماسكة روحها
أخر مرة لما رحت عيادة جلدية نطول بالدور وحدة فتحت لي قلبها قامت تسولف عن زواج أنها خايفة وأنا ماحد جاها
الله يارب يستر على بناتنا ويعفهن بالحلال

 

[*peace*]

شكلهم يحبون بعض

ويمكن اهيا حبته ومستانسه انه ضابط لول

 

[Miss Cherry]

اهي تعيب على البدو لانه مو حاصلها ويوم جاها بدوي ماصدقت على الله وعلى طول وافقت

يعني اهله مايبونها واهو اكبر منها حيل ومتمشكلها مع اهلها عشان بس تاخذه وتقولين تكره البدو لا ماتكره البدو بس حاقده عليهم لانه فيها عقدة نقص

 

[مملوحة_الوصايف]

شكثررررررررر الي يخافون من العنوسه ويمكن مو خوف كثر ما تبي تكون لها اسره وبيت خصوصا لما يكونون الي حواليها كلهم تزوجوو الا اهي قاعده واذا كانو اصغر منها بسنتين او ثلاث تحس ان حتى الي اصغر منها تشوفهم يهال تزوجو او عيلوو انا الحين الوضع عادي عندي 24 مو كبيره لي درجة افقد الأمل يمكن بعد سنتين اذا ما تزوجت ببدي اخاف او اوسوس :$
نسيت اعلق عالبنت انا اشووف ان موقفها يدل على شي بينهم ماتدرين يمكن يحبوون بعض

 

[فالنتينو]

اهم شي تزوجت وماشاءالله عليها جابت بنت وولد وربي رزقها والله يحليها سنعت امورها هههههه والله ذكيه اهم شي مبسوطه معه

 

[قاهره عذالي]

انا تفسيري يختلف
يمكن هي ماتحب طريقة البدو باللبس بالكلام ببعض العادات
بس هي لما تعرفت على هالانسان انعجبت فيه وباخلاقه
مو شرط اذا هي تكره البدو تكرهم بالمطلق
لو تكرهم بالمطلق ماكانت حتى عاشرتكم وعرفتكم
يمكن هي عبالها البدو اقل درجه من الحضر
بس كبشر اكيد بالمستوى الانساني كلنا نفس الشي
يعني مثلا انا اكره الفلبن يمكن واحد من هالفلبن القاه زين واحترمه واقدره

 

[جيكره(و)تتغلى25]

مايعيب الا المعيوووب تعيب وحنت تاخذه

بس عيب والله توقف بوجه ابوها بسالفة الزواج والله يوم ملجة يومين ماشفت ابوي من الحيااا


اتوقع بينهم حب


الله يستر عالكل

 

[آتعــبني غـلآآك]

لوووووووووووووووووووووووووووووووووول
سوري بنات بس صج تضحك هالخبله تقول لامها عند الحريم انا ابيه وداشه وهي ترقص
وبعد قويه عين تعيب وتطنز وبعدين مالقت غيره تمسكت فيه بيديها وسنونها​

 

[الأنسة ناعمة MA]

شكثررررررررر الي يخافون من العنوسه ويمكن مو خوف كثر ما تبي تكون لها اسره وبيت خصوصا لما يكونون الي حواليها كلهم تزوجوو الا اهي قاعده واذا كانو اصغر منها بسنتين او ثلاث تحس ان حتى الي اصغر منها تشوفهم يهال تزوجو او عيلوو انا الحين الوضع عادي عندي 24 مو كبيره لي درجة افقد الأمل يمكن بعد سنتين اذا ما تزوجت ببدي اخاف او اوسوس :$
نسيت اعلق عالبنت انا اشووف ان موقفها يدل على شي بينهم ماتدرين يمكن يحبوون بعض

هههههههه حياتي ضحكتيني على سالفة بعد سنتين
الله يفرح قلبج بالزوج الصالح اللهم أأأأأأأأمين