معقولة تحمل وتولد ما تدري انها حامل الا بالولادة !! تعرفون احد جذي

[اخت خالتهم]

السلام عليكم ورحمة الله وبركاته


اليوم بييبلكم قصة غريبة توني اعرفها
امي تقول بنت رفيجتها مرة رايحه الحمام عزكم الله وتصاااارخ
وتقوول شي بيطلع وكسرو الباب الا امها تشوف راس بيبي و ولدت
واخترعت ماتدري انها حامل ولا زوجها


دورت بالنت لقيت برنامج اجنبي عن هالشي وان فعلا فيه


معقولة بنات تعرفون احد جذي !!!
ناطرتكم:eh_s(17):

 

[! بــدويه وآآيــد !]

،



عليكم السلام صراحه اول مره اسمع جذي@@ شلون ماحست بالبيبي وهو يتحرك ويرفس! وماطلعت لها كرشه!! والدوره مافقدتها!


مادري ناطره ردود البنات ابي اعرف بعد صج فيه جذي حدي استغربت

 

[H_R_S]

؟؟؟!!!!يعني بيبي كامل ولا مطيحه انا اتوقع اجهاض بالاشهر الاولى شلون تقعد ٩ شهور ما تحس بحركه ولا تفقد الدوره

 

[Meeesh]

انا مره شفت برنامج عال lbc احمر بالخط العريض وكان جايب حاله نفس هذي حملت 9 شهور بدون ماتحس ولا تدري انها حامل وفجأه ولدتها بالحمام

 

[Perfume]

اي سمعت اكثر من وحدة جذي
بس ماصدقتهم احس اهما يبون يخشون الحمال
الدورة تنقطع ٩ شهور يقولون اي لانه دورتهم مخربطة عشان جذي مايدرون
انزين وحركة البيبي والبطن وين ؟ يقولون اهما مربربين عشان جذي مافيهم بطن
انا ماصدق بصراحة

 

[Meeesh]

Ahmar Bel Khat El Arid- Episode 17- Season 5 - YouTube

هذي الحلقه شوفوها

 

[washwoshh]

سبحان الله
انا اعرف وحده امها حملت صار لها 6 اشهر بعدين درت حامل وكانت تيلها الدوره عادي بعدين عرفت انه حملها حمل غزال يسمونه

 

[معي احلى]

حمية خالتي .. (يعني متزوجه وخالتي اثنين اخوان) تكون مرضعه ماتدري بنفسها الا بالشهر الخامس .. انها حامل لما الطفل يتحرك ..

وحصل لها كذا اكثر من مره .. خصوصا انها تكون طالعه من ولاد ولسا في كرشه .. فما تلاحظ فرق ولما ترضع ماتجيها الدوره ..

 

[مناوووي]

شلون بسم الله

احس شي مايتصدق

بس يمكن كل شي يصير

مشكووووره اخت

 

[شـوق@]

واااي هذي ع ايام قبل زمن جداتنا وامهاتناا زمان
يوم مايعروف شي بالطب من كثر مايحملون ويتعورون
عمتي تعورت وبعد كم شهر حملت ماكانت تدري متي حست يوم
الببيبي يتحرك بطنهااا
بس الحين الطب تغيررر وتطور

 

[afaf]

ههههه ماتوقع جذي زين نافقدت الدورة

 

[اخت خالتهم]

شفت توني حلقة وحدة تقول احلل ما اطلع حامل بالبيت طبعا
و ولدت بالثامن تقول زاد وزني بس بطني لين مو يابس ومثل الكرش


هذي اجنبية

 

[washwoshh]

هههههههههههه
اخت خالتهم تدرين انا حملت مو مبين علي لاني متروسه وكرشتي ما صارت يابسه جنه كرش متينه عادي

 

[Aloe Vera]

وايد صارت

تكون المرا اصلا متينه و دورتها متلخبطة او عبالها انها انقطعت!! لانها تكون كبيرة بالعمر

و يكون حمالها سهل نساة خفيفة و جذي

و حدة مادرت الا بالثامن تكول شي يتحرك ببطني

و الثانية ياها عوار و رحت الطبيب قالها ولاااااادة و اهي ماتدري حامل هذي عاد بالكويت و توه السالفة

و هم شفت برنامج امريكي عن وحدة جذي اهي متينه و تييها دورة لان حملها حمل غزال

 

[ناتشوو]

لا اذكر برنامج اجنبي
البنت مراهقة وعصلة ولاعبة سلة
بالمدرسة
وحامل من رفيجها
ولما جتها الولادة
بروحها بالحمام
شالت البيبي ولفته
واهلها مادرو
وراحت لرفيجها
وغرقو الجاهل في بحيرة
لقو الشرطة الجثة بس مافي دليل
عقب سنيييين اعترفت الام
حزتها كانت متزوجة كبيرة
بس سالفتج شوي تخرع الله لا يبلانا

 

[Miss trfa]

مااا شاااء الله
يعني تحمل وتولد ما حست

الله يرحم الحال من موعد الدوره تشتغل النساه 

معقوله ما حست بتعب ولا ثقل ولا رفس بيبي
غريبه

 

[انجبر قلبي]

لا يبا خرابيط البيدي يتحرك


حركة البيبي حتا اللي يمج يشوف بطنج يتحرك بالشهور الاخيرة


غير احساسج بالحركة والرفسات


غير ان الدورة ما تنزل


غير النساه و اللوعه الوحده من تلوع جبدها تشك انها حامل

 

[ع ـبدليه]

شدعوا ماحست بالبيبي واهو يتحرك!
قويه بصراحه

 

[زين ودلال]

ماتدري لي الرابع الخامس اوكي ممكن تتصدق

بس التاسع شدعوووووووووه !!!! شنو ماتحس بالثقل ماتحس بالترفس ماتشوف بطنها يكبر

 

[سارة ة]

وواي مستحيل شلون ماتحس بالبيبي !؟؟