معقولة اسعار نوادي الاطفال نار يا حبيبي نار

[noha33]

ولدي عمره 4 سنوات صارلي شهرين مشتركتله بنادي فليكس فاملي
الشهر 58 دينار ودينارين باليوم عن الخدامة
الحين رحت اجدد بقدرة قادر صار الشهر 150؟؟؟!!!
علا بو انه سمر كامب وترى نفس البرنامج لا زاد ولا نقص
وسالت الموظفة شنو الفرق ليش زدتوا السعر والمدة نفسها 4 ساعات
قالتلي لان صيف ويصير زحمة!!!
الطامة الاكبر لما سألت بباقي النوادي
تشامبينز الشهر 170 من 5-9
وليتل جيم الشهر 240 وبس 3 ساعات


وين اروح بولدي ماني عارفة خصوصا ان فيه فرط حركة ولازم كل يوم يسوي رياضة وانا دوامي صبح وعصر

اللي عندها فكرة عن نادي صوب الديرة او السالمية او الديرة باسعار تناسب كوكب الارض يا ريت تدلنا كلنا

 

[cute_mama83]

هلا اختي

بصرااااحه الاسعاااار صدمه

انزين اختي ليش ما تدخلينه حضانه بالصيف بس

انا في فتره الصيف ادخل بنتي حضانه اندر فور وعندهم برنامج صبح وعصر لليهال ( الصبح اب 100 \ العصر اب 70) وبرمضان من بعد الفطور لين الساعه 11 بالليل

ويسون لهم انشطه حلوه ورحلات واللي يطمن قلبج ان صاحبه الحضانه ام عبدالله علي طول موجوده فتحسين ان اعيالج بايدي امينه

 

[noha33]

الاخت كيوت ماما
مشكورة على الرد لانج الوحيده اللي ردت
ولدي يروح اصلا حضانة بس ابي نشاط بعد الظهر
ما عليج امر لو ممكن تعطيني رقم هالحضانة اكون شاكرة
الله يعينا على عيالنا بالصيف
تحياتي

 

[ريتاج_90]

^^^


معاااهاا

وديةة حضاانه احسسن واريح
والله يخليةة لج

 

[M!SS.LOBY]

حدها غالي 150

 

[الوردة المظلومة]

رووحي حضانه شارع سمسم في له نادي في صيف يمدحونها وايد والمديره ام محمد وربي روووعه اسلووبها حلوو ومان رااقي وايد

 

[cute_mama83]

الاخت كيوت ماما
مشكورة على الرد لانج الوحيده اللي ردت
ولدي يروح اصلا حضانة بس ابي نشاط بعد الظهر
ما عليج امر لو ممكن تعطيني رقم هالحضانة اكون شاكرة
الله يعينا على عيالنا بالصيف
تحياتي

هلا حبيبتي
العفو بعد قلبي ما سويت شي
اختي اهما بالصيف يسون انشطه لليهال مثلا الخميس يحطون لهم نطاطيات وحمام سباحه ورحلات للمركز العملي، الجمعيه وجذي - وبرمضان يودنهم يعطون قرقيعان للمستوصف ومخفر المنطقه

رقمهم 24916416

اكاونتهم بالانستقرام under4