معــهــد التـــــمـــريــــــــض التطـــبيقي ساعـــــدوني كويتيــــات

[ღ•»الًـجٌـوِرٌيّ«•ღ]

صباح الورد على الحلوين :gathering:


ابي استفسر عن معهد التمريض وابي معلومات عنه اللي تعرف واللي عندها فكره وتنصحون فيه ولالا وشنو زينه وشنو شينه وهو يعادل الثانويه المعهد يقولون

متى اخر يوم تسجيل فيه ؟

وهل يقبلون شهادة تاسع اللي اهي اولى ثانوي تعتبر ؟

وسمعت انه الغير كويتيات دوامهم في المعهد يكون العصر مو الصبح مع الكويتيات صح ولالا ويدفعون فلوس ؟

والشي الثانيه اللي اهي سعوديه وامها كويتيه مو تتعامل معاملة الكويتيه بالمعهد وماياخذون عليها رسوم بالكورس

وبعرف جم الاعانه اللي تمشي لهم بالشهر ؟

وهل فيه تخصصات في المعهد اختارهم ولا لا يعني اقدر اختار اقسام معينه مثلا اشعه او تحاليل ومختبرات وجذي ؟

وسمعت بعد لبسهم موحد في المعهد يلبسون ابيض وملفع ابيض صحيح ولالا ؟ لوول لانه هشي احس مو حلو نتقيد بلبس معين :eh_s(1):


وهل كل اللي تخرجوا من المعهد التمريض يصيرون ممرضات ولا تقدر تشتغل شغله ثانيه غير الممرضه فيدوني
فيدوني ضروري ومتى اخر يوم للتسجيل والقبول ووين مكانهم ​

 

[ღ•»الًـجٌـوِرٌيّ«•ღ]

شدعوه مافي ولا وحده في معهد التمريض ولا تعرفون عنه شي

 

[عاشقه رويشد]

يا عمري ما حبيت اطلع من غير ماارد انا قاعده ادور بالنت عنه
بس سوي بحث بقوقل كتبي استفسار عن معهد التمريض بالكويت

 

[ღ•»الًـجٌـوِرٌيّ«•ღ]

مشكوره حبوبه على الرد

يعني معقول معهد دارس في المعهد ولا تعرفون عنه شي

 

[ღ•»الًـجٌـوِرٌيّ«•ღ]

up up up

 

[Queen_Angel]

حبيت ارفع الموضوع...

والله حبيبتي ماا عندي معلومات افيدج غير ان رفيجااتي العام انقبلوا في معهد التمريض اللي تابع للتطبيقي واهما مو كويتيات وكانت نسبتهم بحدود الستينات وعااادي البنات كلهم يداامون مع بعض وببلاش بدون فلوس انا رفيجتي يابت 64 ودشت تمريض واهيا بدون ابوها عسكري...
هدا اللي اعرفه ..

وبالنسبة حق اللي امها كويتية تعامل معاملة الكويتين في كل شي... يعني تنزل لها اعانة وتدش بنسب الكويتين للقبول

اتمنى اني فدتج..

 

[ღ•»الًـجٌـوِرٌيّ«•ღ]

يعطيج العافيه حبيبتي واللي عندها معلومات اكثر تفيدني

 

[قطوووة]

ابي استفسر عن معهد التمريض وابي معلومات عنه اللي تعرف واللي عندها فكره وتنصحون فيه ولالا وشنو زينه وشنو شينه وهو يعادل الثانويه المعهد يقولون

بالشويخ عند الصباح مكانه

متى اخر يوم تسجيل فيه ؟

عندج من اول شهر 7 لي اخر الشهر

وهل يقبلون شهادة تاسع اللي اهي اولى ثانوي تعتبر ؟

اي يقبلون المعهد

وسمعت انه الغير كويتيات دوامهم في المعهد يكون العصر مو الصبح مع الكويتيات صح ولالا ويدفعون فلوس ؟

ممكن ... وانتي لو كويتية او تتعاملين مثل الكويتية تختار الوقت اللي تبين

والشي الثانيه اللي اهي سعوديه وامها كويتيه مو تتعامل معاملة الكويتيه بالمعهد وماياخذون عليها رسوم بالكورس

لا ماياخذون اذا الام ككويتية
وبعرف جم الاعانه اللي تمشي لهم بالشهر ؟

اتوقع 100

وهل فيه تخصصات في المعهد اختارهم ولا لا يعني اقدر اختار اقسام معينه مثلا اشعه او تحاليل ومختبرات وجذي ؟

لا لانج تدرسين بالتدريج كل شي لانه معهد مو كلية

وسمعت بعد لبسهم موحد في المعهد يلبسون ابيض وملفع ابيض صحيح ولالا ؟ لوول لانه هشي احس مو حلو نتقيد بلبس معين

اي طبعا كل شي لو منقبه بعد النقاب ابيض

وهل كل اللي تخرجوا من المعهد التمريض يصيرون ممرضات ولا تقدر تشتغل شغله ثانيه غير الممرضه فيدوني
فيدوني ضروري ومتى اخر يوم للتسجيل والقبول ووين مكانهم

اكيد ممرضه عيل خبازة الله يهداج بس هههههه

اتمنى اكون افدتج وترى لهم موقع منتدى التمريض الكويتي كل شي فيه شوفي دشي قوقل تلقينه

اته

 

[قطوووة]

اب اب

 

[جوري جودي]

ياقلبي حتى لو امج اكويتية اداومين العصر بس تمشيلج اعانة مومعفيه من الرسوم يعني لازم تدفعين 3300 دينار كويتي تكون نظام دفعات واللبس يكون بنطلون اجباري
وهي تعادل الثانويه ونفس نظام المدرسه

جـــــــــــــــــــــــــــــــــــــــــــــــــــــــــــوري :klhfl::klhfl::klhfl:

 

[نور العرب]

طيب بنات أكييييييييد يقبلون تاسع ...؟؟


والدراسه سهله ولا صعبه ..؟؟




.

 

[ممرض_2009]

السـلام عليـكم


حبيت أفيدكم شويه / مثل ما تكرمت الاخت وقالت عن المعهد / المعهد عند مستشفى الصباح / طبعا اكوا معهد خاص بالشباب وعنده معهد خاص للبنات / نتكلم عن القبول / التقديم يكون بشهر 2 ويستمر لشهر 3 / طبعا ياخذون بعض المقدمين الى اختبار النظري (القبول) واللي يدخل فيه بعض المواد ومنها ( رياضيات _ عربي+نحو _ انجليزي _ أحياء _ معلومات عامه ) وتكون على هيئة موضوعي . وبعض المقالي . واللي يجتاز هالأختبار راح ياخذون 200 ناجح بس / ويقدمونهم على المقابله الشخصيه / وبعد النتيجه . بياخذون 80 شخص . طبعا البناات 80 . والشباب 80 .. سوري طولت عليكم / على سؤال الاخت . التمريض صعب ولا سهل / التمريض ينقصه شويه من التركيز / وماكوا أسهل منه /

معلووومه هااامه :
يقبلون كل الجناسي / يقبلون من شهادة تاسع الى الثاني عشر / الحد الاقصى للعمر يكون 31 سنه / الدراسه بالعربي . وبعض المفردات الانجليزيه / الحاصل على شهادة الثاني عشر تصرف له اعانه / تابع لصندوق اعانة والهيئه العامه للتعليم التطبيقي / الدراسه تكون من الساعه 4 عصرا حتى الساعه 9 مساءا ..

انا حاليا أدرس بالمعهد والحمدلله .. مرتاح
وأنصحكم فيه . أرجوا أني أفدتكم بشئ بسيط ..

أدعولي بالأختبارات ..
ودمتم سالمين ...​

 

[ممرضه صغيرونه]

مرحبااااا حتاتي فديت التمريض والله
امممم ودي اساعدج بخصوص المعهد بس انا من كلية التمريض
ومثل ماتشرف زميلي ممرض2009 كلامه كله صح امشي عليه وانا صرااحه تقابلت مع بنات المعهد بالميداني صرااحه حدهم مرتاحين وحيل دراسة المعهد اسهل من عندنا احنا دراستنا كلها انجليزي وياويلج ان تحجيتي عربي مع الاساتذه والدكاتره وندرس طب مصغر دراستنا تعتمد عل باثوفسيولوجي حيل :eh_s(16):والمعهد يعتمد عل عملي اكثر ودراستهم حدها سهله تعالي واعليه بنات كليتي كل وحده مهدود حيلها من الدراسه العيون رايحه فيها وبنات المعهد الحياه حلوه ماشاء الله عايشين..بس عيبهم اسم الشهاده (شهاده معادله للثانويه العامه)..واحلا سلاااام لطلاب وطالبات التمريض:ggdw:

 

[ياغفور اغفر لي]

بنات يقبلون شهادة ادبي للخليجيين
ابي الكلية التابعة للهيئة

 

[amkshah]

انا طالب معهد التمريص وحبيت افيد يقبلون شهادة التاسع وما فوق للكويتيين وامهاتهم كويتيه يعني يتعامل معاملة الكويتي والدراسه بسيطه بس يبيله شوي اهتمام ولهم مكافئات للطلبه المتفوقين ومكافئة ثانيه للتخصص النادر والاعانه بعد والعموم ياخذه والكتب والملابس الميدانيه كلها مجانا للطلبه الي داوم الصبح واسف للتاخير على الرد لانه الحين سكر المعه في التسجيل انشالله تكونين مقبوله والدوام يبلش الساعه 7:15 اولً محاضره ونضامه نضام المدارس سبع حصص واستراحتين وصدقيني الامور سهله جدا وازيد انا فاشل في المدرسه والحين متفوق في هذا المجال لاني اهتميت فيه اخوكم عبدالعزيز المانع طالب معهد التمريض بروح السنه الثانيه والحمدالله والدراسه ثلاث سنين والسنه الثانيه فيها كورس شهر صيفي اجباري والامور سهله الاعانه اميه وانشالله بتصير ميتين والكافئه 250 للطلبه المتفوقين النسبه تكون 3.60 وهاذي صعبه احد ياخذه الا اعداد قليل اما مكافئة التخصص النادر 1250 دينار بنسبة 1.50 وهاذي سهله الكل ياخذه بس يتاخرون في صرفها والعموم ياخذه وانا ماخذها وشكرا والتوفيق للجميع*​

 

[عزوبية الكويت]

بسم الله الرحمن الرحيم
السلام عليكم ورحمه الله وبركاته
انا طالبه الصف التاسع
ابي اعرف يقبلون الطلبه البدون ابناء العسكريين؟
هل يتم صرف اعانه لهم مثل الكويتين ام لا؟
بعد التخرج هل يتم توظيفهم ؟
محدديين اعمار معينه والا لا؟
تكفون ساعدوني انا حابه ادخل المجال فيدوني تكفون
وشكراً

​

 

[حبيتك وهذي غلطه]

هلا اختي اذا امج كويتيه تداومين الصبح وبدون لاتدفعين شي

واذا امج مو كويتيه تداومين العصر واعتقد تدفعين 3000 كل كورس 500

والتوظيف سهل بس تخلصين 3 سنوات تقدمين على التوظيف سبوعين مقبوله

والأعمار من 16 الى 26

ملاحظه اذا امج كويتيه في مكافئه 100 وان شاءالله شهر 10 تصير 200

وبالتوفيق

 

[& حكاية حب موعود &]

الموضوع حده قديم والردود فيهاا غلط واايد
بس مايمنع انرد حق اللي يدور للمستقبل
المعهد دراسته 3 سنين وكورس صيفي من بعد السنه الثانيه
يقبلون كل الجنسيااااات بسسسسس لكويتي الصبح وغير كويتي عصر
حتى لوو الام كويتيه دواامهم يكون عصر على صندوق اعانة المرضاا مو نفس الصباحي تابع للتطبيقي
طبعاا الموكويتي يعني طلبة المسائي يدفعون حق 3 سنين 3300 دينار
واللي امهاا كويتيه تصرف لهم اعانه والاعانه كنت اسمع عنهاا بتزيد من من دخلت المعهد سنة 2006 كان عمري17 ونص وتخرجت
وكاني موظفه والحين خفاره واعانتهم ماازادة ولااشي كله كلام في كلام
بسس الحلوو يعطون تخصص نادر كل كورس

والاعمار من 16 ليي 25 مو 31
والتسجيل يبلش نهاية شهر 4 مع مغلف بالعديليه والقبول شهر 9 بالجرايد طبعاا من بعد امتحان القدرات والمقابله الشخصيه
والدراسه سهله حق اللي يدرس وصعبه حق اللي مايدرس
بسسس والله نصيحه لوجه الله
صج مهنه فيهاا اجر ومعاشاتنا قويه بسس وربي تهد الحييل
ومتعبه وظلم بالدوام
وعلى قولتهم مااافي احد مرتااح
وكل وااحد واللي يحبه
موفقين ....

 

[بنت السنافر]

اختي حكايه
انا باجر اول يوم لي اداوم بالمعهد
ابي اعرف شنو اللبس مال المعهد
وشنو نظامه يعني من ساعه جم لي جم
وفيه باصات ولا<<
ياليت القي رد وشكراً

 

[عزوبية الكويت]

يسلمو كل اللي افادوني في معلوماتهم الثريه
وشكراً
​