معرض رمادا ماتدرون شنو فيه

[أم غمازات]

مرحبااااا *كويتيات شلوووونكم


شخبااااركم*


انشالله تمام

​

بقولكم سالفتي وباختصار والله علي ما اقول شهيد

رحت للمعرض قبل اسبوع ادور بدله ناعمه لعرس
وانا حامل وتعبانه ومالي خلق فراره بالمشاغل

مع اني ماحب اروحله بس قلت بخلص بسرعه وتعبانه

تدرون الحامل مالها خلق لشي

المهم لقيت بدله ناعمه ولابستتها العارضه عجبتني تصلح لي


وصاحبة المشغل اسلوبها يجنن يقلبي ويحياتي

المهم فصلت البدله سعرها كان85*
قلت يالله مع انها ماتستاهل السعر

ولما طلعت البدله انصدمت البدله وصخه كلها بقع وغيرت الموديل

مبطنه نص البدله ومن الركب مطلعه البطانه (من صجها هذي)

عطيها فوسها ومن التعب بسرعه طلعت*

لمارديت البيت لقيت كل هذا

رحت لها ثاني يوم انا واختي الا اسلوب المره تغير وتصرخ وتهاوش

مابي اضبطها لج الا تدفعين زياده


حسبي الله عليها الا تجيني وحده جنها بوديقارد

ودزدزني وانا حامل حسبي الله عليها*

وقامت اتلفظ الفاظ وصخه وانا والله والشاهد علي كلامي كنت هاديه بكلامي

بس اهي ناويتها الظاهر وعيت تعطيني البدله والفلوس

حسبي الله عليها خذيت البدله غصب بعد وطلعت

والبدله بحذفها مابيها ماتلبس

بس حسبي الله عليها ةنعم الوكيل مومحللتها وباجر بقبرها اتحاسب الفلوس مونافعتها


واهي دايم بالمعرض

اسم مشغلها ستار ستايل



ام علي

لا ولما طلعت الا وحده قالت لي هذي راعيه سوابق قبل يومين نفس السالفه


ويع صج هيلقيه*


نصيحه ابعدوا عنها والله ان هذا الحجي اللي صار


لايغركم جذبها

 

[HeR HiGHNeSs 90]

قطيعه تقطعهم هل بعض الناس الي مايستحون المهم ياخذون الفلوس

بس وين بيروحون من الله كلها فلوس حرام ابطنهم

 

[๓ίşś зśŏłả..!]

من صجهاا هذي
بصراحه هالشي ما ينسكت عنه ياتعطيج فلوسج
او تسوليلج نفس البدله الي كانت في بالج ,’,
ومشكوره على التنبيه

 

[Tom ♥ Jerry]

.


ويع انا مآ آحب اشتري منهم كلش !
الاغلبيه جي ! حسبي الله عليهم و نعم الوكيل

 

[الفدعى]

حسبي الله عليها

 

[أنفاسي دخون]

استغفر الله على هالاسلوب

وين تبي الله يوفقها ويبارك برزقها وتجارتها وهي نصابه

وكله صوب وقلة ادبها صوب قطيعه

 

[أم غمازات]

حبيباتي وخواتي كل اللي علقوا

انا والله النيه موقطع الارزاق بس هذي نصابه

وحبيت انبهكم


انا شكيت انها قامت ادقدق كل شوي تقولي لازم اليوم

تجين تاخذين البدله لان بروح اعرض بالمنطقه العاشره

وصدقتها الا يوم رحت لقيتها ماراحت جذابه بس تبيني اخذ البدله

الحمدلله انا رحت وشريت بدله من مكان راقي

بس انا اقول شلون تحط راسها ع المخده واهي جذي

تنصب علي الناس

هذي انا القاها اكثر شي بهالمعرض مطيحه فيه

حسبي الله عليها ونعم الوكيل

 

[فوفى]

حسبى الله عليها والله لو مكانج ما اسكت اشتكى عليها عشان ما تعيدها مع وحدة ثانية.

 

[متفائله بلا حظ]

حسسبي الله عليها الله لايوفقها النصابه
يمه انا انقهرت شلون انتي الله يعينج حبيبتي
ومشكوره ع التنبيه

 

[ToOoTi]

استغفر الله

يعني عادي عندها تاكل فلوس حرام

لاحول ولا قوة الا بالله

انا عشان جذي ما قمت اشتري من الحريم وخاصة المعارض

يا معرض بيتها عشان اعرف اخذ حقي منها

ولا ماكو

الله يعينج انا احتريت منها قطيعة من هالهيلق

 

[يويوو]

يووو صج قهر والله لو انا منج احذف البدله على وجهه واقولها ربي فوقج يا النصابه

 

[جوك احلى جو]

انتي خافي من اللي تقول ياقلبي وياحياتي

 

[كادي سويت]

لا حول ولا قوة الا بالله

 

[∫ ∫ ∫ ∫ جــوان ∫ ∫ ∫ ∫]

ياويلها من حساب ربى اشتسوى عليها هال 75 دينار بتنجيها من عذاب ربى يعنى

الحمد لله انى ما احب راعيات المشاغل خصوصا الى بالمعارض اغلبهم نصابات واللسان عسسسسل

ما ادرى على بالهم قاعدين على بير نفط جايين يتفيودون من ورانا

 

[amoOoNA Al_mazyoNa]

حسبي الله عليها .. أكره مااعندي النصب ..

و زيــــــــــن سويتي إنج فضحتيهااا تستااااهل

 

[أم غمازات]

الحمدالله علي كل حال

وماقصرتوا خواتي اللي مروا علي وعلقوا

وانا مومسامحتها

 

[وحيدة امى]

شلون تحط راسها على المخدة حسبى الله عليها

 

[وحيدة امى]

انتي خافي من اللي تقول ياقلبي وياحياتي

انشهد صدقتى

 

[MayOumii~]

..

,,

الله يهيدها مادري شلون تاكل فلوس حرام..!!...ماعندهم ضمير ولا شنو..!!

حبيبتي في حماية المستهلك قوليلهم عن الي صار...خل يسحبون رخصتها ...اساسا الفلوس الي خذتها ماراح اتوقف فيها دامها فلوس حرام..~

..

,,

 

[نور مغليها]

يآ آلله ...
ألله يهديها إن شاء الله ..
فوق ما إن السعر ما يسوى ع البدله تكون خربانه ووسخه ! ...



المفروض تخلي لها إسم حلووو علشان يجيها زبآين مو يكون الاسلوب عيني عييينك